ئێمە لە تۆرە کۆمەڵایەتیەکان

کوردستان

بەڤیدیۆ؛ گەریلا چۆتە بازگەیەكی گەورەی سوپای توركیا


خەڵك – بەشی هەواڵ
گەریلا تی ڤی ڤیدیۆی چالاكییەكی گەریلاكانی، كە لەدژی بازگەیەكی سوپای توركیا لە سلۆپی سەربە شێرناخ بڵاوكردەوە، كەپێشتر هەپەگە، لەسەر ئەو چالاكییە ڕاگەیەندراوێكی بڵاو كردەوە سێ سەربازی سوپای توركیا كوژراون و یەكێكی دیكەش برینداربووە.

ئەمڕۆ گەریلا تیڤی ڤیدیۆی چالاكییەكەی ڕۆژی ٢٧ی مانگی ٧ی بڵاوكردەوە، كە لەلایەن گەریلاكانی هەپەگەوە دژی بازگەیەكی سوپای توركیا لە سلۆپی سەربە شرناخ لە باكوری كوردستان ئەنجامیان دابوو.

ئەمە لەكاتێكدایە ، پێشتر ناوەندی ڕاگەیاندنی هێزەكانی پاراستنی گەل- هەپەگە، لەسەر ئەو چالاكییە ڕاگەیەندراوێكی بڵاو كردەوە و ڕایگەیاند، كە لەو چالاكییەدا سێ سەربازی سوپای تورك كوژراون و یەكێكی دیكەش بریندار بووە.

 

کوردستان

كارەبای سلێمانی لە بەشێكی قەرزی سەر هاووڵاتیان خۆشدەبێت


خەڵك- بەشی هەواڵ

به‌ڕێوه‌به‌رایه‌تی گشتی كاره‌بای سلێمانی ڕايدەگەیەنێت، هه‌ركه‌س تا رۆژی 15ی ئەم مانگە ئه‌و قه‌رزی كاره‌بایه‌ی لایه‌تی بیداته‌وه‌، ئه‌وا له‌ 15%ی قه‌رزه‌كه‌ خۆشده‌بن.

بەپێی ڕاگەیەندراوێك كە لەلایەن به‌ڕێوه‌به‌رایه‌تی گشتی كارەبای سلێمانییەوە بڵاوكراوەتەوە”به‌ پشت به‌ستن به‌ كۆبونه‌وه‌ی رۆژی (چوارشه‌ممه‌)ی ئه‌نجومه‌نی وه‌زیرانی هه‌رێمی كوردستان، گشت هاوبه‌شانی كاره‌با (ماڵان، پیشه‌سازیی، بازرگانی، كشتوكاڵی) ئاگادارده‌كه‌نه‌وه كە‌ تا 15ی ئه‌م مانگه‌ قه‌رزی كاره‌باكانیان بده‌ن، و 15% لێخۆشبونیان بۆ ده‌كرێت”.

هەر لە ڕاگەیەندراوەكەدا هاتووە”گشت هاوبه‌شانی كاره‌با ده‌توانن سود له‌و هه‌له‌ وه‌ربگرن و له‌ سه‌ره‌تای هه‌فته‌ی داهاتوه‌وه‌ سه‌ردانی به‌ڕێوه‌به‌رایه‌تی و فه‌رمانگه‌كانی كاره‌با بكه‌ن و قه‌رزه‌كانیان بده‌ن”.

 

بەردەوام بە لە خوێندنەوە

کوردستان

هەپەگە؛لەوان سێ سەرباز كوژران و فڕۆكەیەكیش خرایە خوارەوە


خەڵك – بەشی هەواڵ

هێزەكانی پاراستنی گەل ڕایدەگەیەنێت ، لە چالاكیی گەریلا دژی سوپای توركیا لە ناوچەی ئەلباكی وان، سێ سەربازی توركیا كوژران، لە هەفتانینیش فڕۆكەیەكی بێفڕۆكەوان خرایە خوارەوە.

هێزەكانی پاراستنی گەل هەپەگە لە ڕاگەیەنراوێكدا بڵاویكردەوە، لە چوارچێوەی هەنگاوی تۆڵە كردنەوەی شەهید مەدیا ماوا و شەهیدڕزگار گەڤەر، هێزەكانیان ڕۆژی٣ی ئەم مانگە كاتژمێر6:40خولەكی ئێوارە، لە ناوچەی ئەلباكی وان دژی ئۆتۆمبێلكیكی سوپای توركیا، كە لە بنكەی قەڵای ئەسمەر بەرەوە بنكەی خەڵكاوا دەچوو چالاكییان ئەنجامدا.

ڕاشیگەیاندووە، لەو چالاكییەكەدا گورز لە ئۆتۆمبێلەكە درا و ئەوەندەی بۆمان ڕوون بووەتەوە، سێ سەربازی سوپا كوژران.

ئاماژە بۆ ئەوەشكراوە، ڕۆژی یەكی ئەم مانگە كاتژمێر 3ی دوانیوەڕۆ، لە ناوچەی هەفتانین لە هەرێمەكانی پاراستنی مەدیا، فڕۆكەیەكی بێفڕۆكەوان كە بەسەر گردی پارتیزان-دا دەسوورایەوە لەلایەن هیزەكانمانەوە خرایەخوارەوە.

لە ڕاگەیەنراوەكەداهاتووە، ڕۆژی ٢ی ئەم مانگە كاتژمێر 9 بۆ 10ی شەو، فڕۆكە جەنگییەكانی سوپای توركیا دەوروبەری گوندی فلەحا لە زاپیان بۆردوومانكرد، هەروەها ڕۆژی ٣ی ئەم مانگەش مەیدانی كانی سارك و كوڕەژارۆ لە زاپ، تەپی شەهید حەمزە لە هەفتانین و مەیدانی شەهید دیران لە ئاڤاشین بۆردوومانكراون.

بەردەوام بە لە خوێندنەوە

کوردستان

پەیوەندی بە ڕێگەی سلێمانی دوكانەوە هەیە
ئاگادارییەك لەكۆنتڕۆڵی هاتوچۆی سلێمانییەوە بۆ شوفێران


 

خەڵك- بەشی هەواڵ

هاتووچۆی سلێمانی، باس لە داخرانی ڕێگەی نێوان سلێمانی- دوكان دەكات لەلایەن خۆپیشاندەران و دەڵێت، كارمەندانی هاتووچۆ ڕێنوێنی شوفێران دەكەن بۆ دۆزینەوەی ڕێگەیەكی بەدیل.

بەپێی ڕاگەیەندراوێك كە لەلایەن كۆنتڕۆڵی هاتووچۆی سلێمانییەوە بڵاوكرایەوە”ئاگاداری شۆفێران دەكاتەوە، كە لەئێستادا بەهۆی خۆپیشاندانی بەشێك لەهاوڵاتیانی پیرەمەگرون، ڕێگەی سەرەكی سلێمانی-دووكان لەئاستی یوتێرنی گەڕانەوە بۆ ناو شارۆچكەی پیرەمەگرون داخراوە”.

هەر لە ڕاگەیەندراوەكەدا هاتووە”كارمەندانی هاتووچۆ لەڕێگەی دیكەوە ڕێنوێنی شۆفێران دەكەن بەمەبەستی دۆزینەوەی ڕێگەی بەدیل”.

كۆنترۆڵی هاتووچۆی سلێمانی داوا لە شۆفێران دەكات، لە سنوری ئەو ناوچەیە و لەو ئاستەدا خێراییەكانیان كەم بكەنەوە.

بەردەوام بە لە خوێندنەوە

کوردستان