ئێمە لە تۆرە کۆمەڵایەتیەکان

هەواڵەکان

گەلاوێژ خان یادگاریەکی خۆی و هاوسەرەکەی مەزهەری خالقی دەگێڕێتەوە، بۆچی دەستی کردووە بە گریان؟

خێزان

به‌یانی ئه‌مڕۆ سێ شه‌ممه‌ 17-9-2019 ( خاتوو رێسان ) هاوسه‌ری هونه‌رمه‌ندی گه‌وره‌ی كورد مه‌زهه‌ری خالقی له‌ له‌نده‌ن كۆچی دوایی كرد.

 

 خاتوو رێسان ده‌كاته‌ خوشكی گه‌لاوێژ خان هاوسه‌ری برایم ئه‌حمه‌د و پووری  هێرۆ برایم ئەحمەد و شاناز برایم ئەحمەدە.

گەلاوێژ خان یادگاریەکی خۆی و هاوسەرەکەی مەزهەری خالقی دەگێڕێتەوە، لەو کاتەدا کە لە لەندەن بەیکەوە بوون:

جارێك رێسانی خوشكم لەگەڵم بوو ئەچوین بۆ سۆپەرمارێكیت و كەلوپەلی خواردن كڕین بۆ ماڵەوەو بارانیش ئەباری، دوای ئەوەی ئۆتۆمبێلەكەم راگرت و دابەزین، رێسان بە نیوە توڕەبوونەوە وتی: ئەرێ گەلاوێژ تۆ بۆچی لەم هەموو پاركینگ و جێی راگرتنی ئۆتۆمبێل و شوێنە چەند چینیە خۆشانە دێیتە ئەم كەلاوە رووخاوەو كە هەموو هەر ئاوی بارانەو بووە بە گۆم و ئەبێت هەر خۆمان بە دارو بەردەوە بگرین تاوەكو تێپەڕین، رۆژێك ملمان ئەشكێت!

دەستم كرد بە گریان و وتم: ئەزانی بۆ دێمە ئێرە؟ ئێرە لە هەندێك شوێنی وڵاتەكەمان ئەچێت، ناڕێك و خۆڵ و خاك و درەختی پرش و بڵاوەو ئەم ئۆتۆمبێلانەی هەموو چەقیوی ئاو و ئاوی باران و هەندێك قوڕ بەخوا دڵم روون ئەبێتەوەو وا ئەزانم لە هەندێك شوێنی وڵاتم.

سەیرم كرد رێسانیش دەستیكرد بە گریان، لە دنیادا هیچ رووداو و لێقەومانێك بەقەد غەریبی و دەربەدەری و دوورە وڵاتی ناخۆشتر نیە.

 

 

هەواڵەکان

جوتیارێکی کورد دەڵێت جۆرە ترێیەکی تایبەتی لە بازاڕی ڕەشدا هێناوەتە کوردستان کە بەهاکەی سەدان ملیۆن دۆلارە، وێنەکانی ببینە

خێزان

جوتیارێکی کورد بەناوی شێخ سدیق کە خاوەنی کێڵگەیەکی کشتووکاڵییە لە ناوچەی (سیتەک) لە نزیک شاری سلێمانی ئاماژە بەوە دەدات کە جۆرە ترێیەکی تایبەتی لە بازاڕی ڕەشدا هێناوەتە کوردستان کە بەهاکەی سەدان ملیۆن دۆلارە.

ئەو جوتیارە ڕایگەیاندووە”ئه‌و ترێیه‌ ساڵانه‌ به‌ به‌های سه‌دان ملیۆن دۆلار به‌رهه‌می ھەیە و هه‌نارده‌كردنی بۆ وڵاتان قه‌ده‌غه‌یه‌ من له‌ بازاڕی ڕه‌ش ده‌ستم كه‌وتووه‌”

ئەو جوتیارە وتوشیەتی”له‌ ئوردن و جه‌زائیر و سعودییه‌وه‌ رۆژانه‌ داوای قه‌ڵه‌مم لێ ده‌كه‌ن به‌ڵام من تا جوتیاری خۆمان وه‌ستا بێت قه‌ڵامی ئه‌م ترێیه‌ ناده‌مه‌ ئه‌وان، ئه‌م جۆره‌ ترێیه‌ بێ به‌كارهێنانی سه‌ماد و ده‌رمان به‌رهه‌م دێت و ته‌نها په‌ینی قارچكی تێده‌كرێت، بۆ سه‌رجه‌م خاكی كوردستان له‌باره‌ و چەندین تام و بۆنی جیاوازی ھەیە گرنگترنیان بریتین لە تامی گوڵاو و تامی شیرە”

بەردەوام بە لە خوێندنەوە

هەواڵەکان

ئەم کچە کوردە هەموانی هەڵخڵەتاند، چی کردووە؟

خێزان

کچێکی کوردی دانیشتووی ئەوروپا بەناوی (باڤی) لە نوێترین ڤیدیۆ کلیپی هونەرمەند سەنا بەرزنجی و نەڤید زەردی، بەبێ ئەوەی ناوی ڕاستەقینەی خۆی ئاشکرا بکات ڕۆڵی سەنا بەرزنجی بەرجەستەکردوو و هەموانی هەڵخڵەتاند.

لەپاش بڵاوبونەوەی ڤیدیۆ کلیپەکە هیچ ناوێکی ئەو کچە مۆدێلە بەدیار نەکەوت، تەنانەت سەنا بەرزنجی و نەڤید زەردیش هیچ ئاماژەیەکیان بەناوەکەی نەدا تا هەموان وابزانن ئەوە سەنا بەرزنجیە، تەنانەت سەنا بەرزنجی وێنەکەی خۆی و نەڤید زەردی بڵاوکردەوە و وا نیشانی دا کە وێنەی خۆیانە.

بەڵام دواجار ئەو کچە کوردەی کە ڕۆڵی سەنا بەرزنجی ئاشکرا دەکرد ناوی خۆی ئاشکرا کردوو و ئاماژەی بەوەشدا کە “ئەو سەنا بەرزنجی نییە” و تەنها ڕۆڵی ئەوی بەرجەستە کردووە.

سەنا بەرزنجی بۆخۆی ئاماژەی بەوەداوە کە دەرنەکەوتنی لە کارەکانیدا بە پلانە و  لە ئەلبومە نوێکەیدا بە گۆرانییەک باس لە ژیانی خۆی دەکات کە چۆن کاری هونەری دەستپێکردووە بێ ئەوەی دەربکەوێت کە ئەوەش هەمووی بە پلان بووە و هیچ وێنەیەکی خۆی بڵاونەکردۆتەوە.

بەردەوام بە لە خوێندنەوە

هەواڵەکان

لەیسینگ لوقمان: دەمەوێت ڕیکلام بۆ جلی کوردی سلێمانی بکەم!

خێزان

خانمە مۆدێل لەیسینگ لوقمان ڕایدەگەیەنێت کە ئەو لە کاری مۆدێلدا زیاتر حەز بە جلوبەرگی کوردی و بەتایبەتیش ستایل و مۆدێلی سلێمانیانە دەکات.

لەیسینگ لوقمان ڕایگەیاندووە”من سەرەتا کە دەستم کرد بە کاری مۆدێل هەر زیاتر ڕیکلامم بۆ جلوبەرگی کوردی دەکرد، بە هۆی ئەوەشەوە زیاتر بەو جۆرە ناسرام”

لەیسینگ وتیشی”ئەو جلوبەرگە کوردییانەی کە ڕیکلامم بۆ دەکردن زیاتر مۆدێلی سلێمانی بوون، کە ڕەمزی شارەکەمە، شاری ڕۆشنبیری و حەبسەخانی نەقیبە، هەر بۆیە بەو کارە زۆر دڵخۆش بووم، بەڵام وەک بەکارهێنانی ڕۆژانە ئەوەیان پەیوەستە بە شوێن و کارەکەمەوە و هەموو کات بە کاری ناهێنم”

 

بەردەوام بە لە خوێندنەوە

کوردستان