ئێمە لە تۆرە کۆمەڵایەتیەکان

ئابوری

لە ڕێگەی (خەڵك)ەوە ڕونكردنەوەیەك لەسەر بەشە ئاردی هاووڵاتیان بڵاودەكرێتەوە

خەڵك- بەشی هەواڵ

بەرێوەبەری بەرێوەبەرایەتی دانەوێڵەی دروستكراوی سلێمانی ڕەتیكردەوە، بەشە ئاردی هاووڵاتیان بۆ دروستكردنی نان شیاو نەبێت، بەڵكو خەڵكانێك بۆ مەبەست و بەرژەوەندی خۆیان ئەو دەنگۆیانە بڵاودەكەنەوە.

نەسرین محەمەد عەلی لە ڕونكردنەوەیەكدا كە تایبەت بۆ (خەڵك)ی ناردووە، ئاماژەی بەوەكردووە باس لەوەكراوە بەشە ئاردی هاووڵاتیان لە سنوری پارێزگای سلێمانی بۆ خواردن شیاو نییە و ئاردەكەی بۆ دروستكردنی نان نابێت، بەڵام ئەوانە تەنها دەنگۆن و ئاردەكە شیاوە بۆ خواردن و گونجاویشە بۆ نانكردن.

وتیشی”دروستكردنی ئارد لە سنوری سلێمانی لە ڕێگەی ئاشەكانەوە دەبێت و هەموو ڕێكارە پێویستەكان دەگیرێنەبەر بۆ دروستكردنی، بەگشتی ئاردی سلێمانی شیاوە و نانی لێدروست دەكرێت، بەڵام بەشێكی بریكارەكانی ئارد و خەڵكانێكی ترەوە بڵاودەكرێنەوە بۆ بەرژەوەندی خۆیان”.

ناوبراو هەر لە ڕونكردنەوەكەدا ئاماژەی بەوەكردووە، ناكرێت بەبێ‌ بەدواداچوونی تەواو تۆمەتی”ناڕاست” بدرێتە پاڵ كواڵتی ئاردی سلێمانی، چونكە ئاردەكە ڕۆژانە پشكنیی بۆ دەكرێت.

سەبارەت بەو دەنگۆیانە دەوترێت ئاردەكە بە گەرمی دەكەنە گوێنییەكانەوە، ناوبراو ڕەتیكردەوە و وتی”ئەوانەی ئەو قسانە دەكەن شارەزاییان لە بواری دروستكردنی ئاردا نییە، ئەوە زۆر دورە لە ڕاستییەوە و ئاردەكە بە هەموو ڕێوشوێنەكان دەڕوات و سارد دەكرێتەوە و پاشان دەخرێتە گوێنییەوە”.

ڕونكردنەوەكە دوای هەواڵێكی ماڵپەڕی (خەڵك) دێت، كە لەزاری كاسترۆ مەعروف، سەرۆكی لیژنەی كشتوكاڵی پارێزگای سلێمانییەوە بڵاوی كردەوە، كە پشكی ئاردی سلێمانی بۆ دروستكردنی نان شیاو نییە و “بێپێز”ە.

 

ئەم وێنەیە لەلایەن بەرێوەبەری بەرێوەبەرایەتی دانەوێڵەی دروستكراوی سلێمانییەوە نێراوە، وەك نمونەی نانی بەشە ئاردی مانگانە

ئابوری

زیاترە لە دوو ملیار دینار
داهاتی یەك ڕۆژی بەندەرێكی عیراقی ئاشكرادەكرێت

خەڵك- بەشی هەواڵ
دەزگای خاڵە سنورییەكانی عیراق، داهاتی بەدەستهاتووی ڕۆژی دوێنێی بەندەری ئوم قەسری ناوەڕاست ئاشكرا دەكات.

بەپێی بەیاننامەیەك كە ئەمڕۆ هەینی لەلایەن دەزگای خاڵە سنورییەكانی عیراقەوە بڵاوكرایەوە”بڕی داهاتووی بەدەستهاتووی بەندەری ئوم قەسری ناوەڕاست لە پارێزگەی بەسرە بۆ خەزێنەی دەوڵەت گەیشتە (2.126.509.000) دینار كە داهاتی ڕۆژی 13ی ئابی 2020، ئەمەش لەڕێی وەرگرتنی باجی گومرگی جموجۆڵی بازرگانی كە لەڕێی یاسا و ڕێنماییەكانی دەزگای خاڵە سنورییەكانەوە جێبەجێ‌ دەكرێت”.

هەر لە بەیاننامەكەدا هاتووە”زیادبوونی داهاتەكان لە خاڵە سنورییەكان، لە ئەنجامی كاریی بەردەوام و بەجێگەیاندنی ئەركانە لەلایەن دەزگای خاڵە سنورییەكان كە بەشێوەیەكی ورد یاسا و ڕێنماییەكانی چاودێری و وردبینی و پشكینی ئەمنی جێبەجێ‌ دەكات و هەماهەنگە لەگەڵ فەرمانگە پەیوەندیدارەكان”.

دەزگای خاڵە سنورییەكانی عیراق دەڵێت”ئەوان ڕێنماییەكانی سەرۆك وەزیران جێبەجێ‌ دەكەن بۆ زیادكردن و پتەوكردنی داهاتەكانی دەوڵەت كە هەنگاو بەرەو كاروانی چاكسازیی هەڵدەنێت بۆ تێپەڕاندنی ئەم تەنگژە ئابوری و داراییەی ڕووی لە وڵات كردووە”.

بەردەوام بە لە خوێندنەوە

ئابوری

ئاوات شێخ جەناب: ڕاگەیەندراوەكەی دارایی عیراق ڕاست نییە و وەڵاممان دەبێت

خەڵك – بەشی هەواڵ
وەزیری دارایی هەرێم ڕاگەیەندراوەكەی وەزارەتی دارایی عیراق ڕەتدەكاتەوە و بڕیارە حكومەتی هەرێمی كوردستانیش وەڵامی بداتەوە.

مەم بورهان ئەندامی پەرلەمانی كوردستان لە هەژماری خۆی لە فەیسبووك ڕایگەیاند كە دەربارەی ڕاگەیەندراوەكەی شەوی ڕابردووی وەزارەتی دارایی عیراق بەدواداچوونیان كردووە.

پەرلەمانتارەكە نووسیوێتی: ئاوات شێخ جەناب “وەزیری دارایی هەرێم، پێیراگەیاندم (راگەیەندراوەكەی وەزارەتی دارایی عیراق) راست نییە و حکومەتی هەرێم وەڵامی بۆ ئەو راگەیەندراوە دەبێت”.

مەم بورهان پێشنیازیشی كرد كە “لە نزیکەوە هەردوو پەرلەمانی عیراق و کوردستان چاودێری دانوستانەکانی نێوان هەرێم و بەغدا بکەن و بێلایەنانە ڕاستییەکان بۆ خەڵکی کوردستان و عیراق رابگەیەنن”.

شەوی ڕابردوو وەزارەتی دارایی عیراق وەڵامێكی تونددا راگەیەندراوەكەی كۆبوونەوەی ئەنجومەنی وەزیرانی هەرێمی كوردستانی دایەوە و بەرپرسیارێتی ڕێكنكەوتنی هەولێر و بەغداشی خستە ئەستۆی حكومەتی هەرێم.

بەردەوام بە لە خوێندنەوە

ئابوری

نرخی زێڕ و دراوەکان

خەڵك – بەشی هەواڵ

نرخی زێڕ و نەوت و دراوەکان بۆ ئەمڕۆ پێنج شەممە بەم شێوەیە کە لە زەڕنگەری پێشین لە سلێمانی وەرگیراوە.

زێڕ

Oz: 1931$

24K: 384,000

21K: 336,000

18K: 288,000

Lira 22K= 409$

دراوەکان

100$= 123.750

100€= 145,000

100£= 159,000

100$= 733 لیرەی تورکی

100$= 2,170,000 تمەن (نەقدی)

100$= 2,270,000 تمەن (حەواڵە)

بەردەوام بە لە خوێندنەوە

کوردستان