ئێمە لە تۆرە کۆمەڵایەتیەکان

جیهان

هاوپەیمانی نێودەوڵەتی دژی داعش: بەرەو پێشچوون هەیە لەدروستكردنی ناوچەی ئارام لە باكوورى سوریا

خەڵك – بەشی هەواڵ

هاوپەیمانی نێودەوڵەتی دژی داعش ڕایدەگەیەنێت، بەرەو پێشچوون هەیە لە دروستكردنی ناوچەی ئارام لە باكوورى سوریا و لەگەڵ توركیاش بەردەوام دەبن لە هەماهەنگییەكانیان.

هاوپەیمانی نێودەوڵەتی دژی داعش لە ڕاگەیەنراوێكدا ئاشكرایكرد، بەرەو پێشچوون هەیە لەهەنگاوە سەرەتاییەكانی دروستكردنی ناوچەی ئارام و لەگەڵ هێزەكانی سوریای دیموكرات لە هەوڵدان بۆ چۆڵكردنی ئەو سەنگەرانەی دەكەونە چوارچێوەی ناوچەی ئارام.

ڕوونیشیكردەوە لەگەڵ توركیا چوار گەڕانی هاوبەشیان ئەنجامداوە و بەردەوامیش دەبن لە هەماهەنگییەكیان لەبارەی دروستكردنی ناوچەی ئارام و چۆڵكردنی ئەو سەنگەرانەی بوونەتە هۆی نیگەرانی توركیا.

لە ماوەی ڕابردوودا و لە چوارچێوەی هەوڵەكان بۆ دروستكردنی ناوچەی ئارام لە باكوورى سوریا، ئەمریكا و توركیا دەستیان كرد بە گەڕانی هاوبەش كە ئەوەش نیگەرانی حكومەتی دیمەشقی لێكەوتەوە.

جیهان

ڕووسیا، دان بەمەترسی دزەکردنی چەکدارانی بەکرێگیراو بۆنێو وڵاتەکەیدا دەنێت

 

خەڵک – بەشی هەواڵ

جێگری وەزیری دەرەوەی ڕووسیا ڕایگەیاند، ئەگەر زۆرە ئەو بەکرێگیراوانەی تورکیا ڕەوانەی ئازەربایجانی کردوون بۆ شەڕی قەرەباخ، دزە بکەنە ناو خاکی ڕوسیا.

ئۆلێگ سێرامۆلۆتۆف، جێگری وەزیری دەرەوەی ڕووسیا بە تپڕی هەواڵی (سپۆتنیک)ی وتووە؛ نکۆڵی لەمەترسیی ئەو بەکرێگیراوانەی تورکیا ناکرێت کە لە شەڕەکانی ناگۆرنۆ-کاراباخ دا بەشدارن دزە بکەنە ناو خاکی ڕووسیا، چونکە تورکیا بەشێک لە چەکدارانی بەکرێگیراوی لە سووریا و لیبیاوە هێناوە بۆ پشتگیری لە ئازەربایجان بەرامبەر ناکۆکییەکانی لەگەڵ ئەرمەنستان.

ئۆلێگ سێرامۆلۆتۆف، وتوویەتی؛ لەمبارەیەوە، دەزگاکانی جێبەجێکردنی یاسای ڕووسیا، لە نزیکەوە چاودێری بارودۆخەکە دەکەن ” .

پێشتر سەرۆکی دەزگای هەواڵگریی دەرەوەی ڕووسیا، سێرگی نەریشکین، ڕایگەیاندبوو؛ کە ئەو زانیاریانەی لەلایەن دەزگای هەواڵگرییەوە بەدەستگەیشتووە ئاماژە بۆ ئەوە کراوە کە بەکرێگیراوانی ڕێکخراوە تیرۆریستییە نێودەوڵەتییەکانی بەشدار لەئۆپەراسیۆنە سەربازییەکان لەخۆرهەڵاتی ناوەڕاستدا، ژمارەیان بۆ هەزاران کەس بەرزبۆتەوە و هۆکاری سەرهەڵدانی مەترسین لە ناوچەکەداو ڕووسیاش بە وردی چاودێری هەنگاوەکانیان دەکات.

هەرێمی ناگۆرنۆ-کاراباخ کە ئەرمەنییەکانی تێدا نیشتەجێیە، بەڵام لەلایەن کۆمەڵگەی نێودەوڵەتییەوە وەک بەشێک لە ئازەربایجان ناسرابوو، لەچەند ساڵی ڕابردوو بە چەند قۆناغێکی دژواری جەنگ و کوشتاردا تێپەڕبووە

دوایین شەڕ لە نێوان هێزەکانی ئازەربایجان و ئەرمەنستان، لە 27 ی ئەیلوولی ئەمسداڵ دەستی پێکرد، کە بەهۆیەوە سەدان کەس بوونە قوربانی .

بەردەوام بە لە خوێندنەوە

جیهان

مەسعود یەڵماز كۆچی دواییكرد

خەڵك- بەشی هەواڵ

مەسعود یەڵماز سەرۆك وەزیرانی پێشووتری توركیا كۆچی دوایی كرد لە تەمەنی 73 ساڵیدا.

ئاژانسەكانی توركیا بڵاویانكردەوە كە ناوبراو ئەمڕۆ هەینی لە نەخۆشخانەی شیشلی لە ئیستەنبوڵ كۆچی دواییكردووە.

مەسعود یەڵماز سەرۆك وەزیرانی پێشووتری توركیا لە ساڵانی 1991 تا 1999 سەرۆك وەزیرانی توركیا بووە و هاوكات لە 1991 تا 2002 سەرۆكی حزبی نیشتمانی دایك بووە.

یەڵماز ساڵی 1947 لە دایكبووە لە ئیستەنبوڵ و ساڵی 1971 بەشی ئابوری و دارایی كۆلیژی زانستە سیاسییەكانی زانكۆی ئەنقەرەی تەواوكردووە.

بەردەوام بە لە خوێندنەوە

جیهان

پۆمپەیۆ: چین مەترسیدارترین وڵاتە بۆ سەر ئاینەكان

خەڵك- بەشی هەواڵ

وەزیری دەرەوەی ئەمەریكا لە جاكارتا ڕایگەیاند، چین مەترسیدارترین هەڕەشەیە بۆ سەر ئازادی ئاینی.

مایك پەمپێیۆ لەبەردەم ڕێكخراوێكی ئیسلامی ئیندۆنیسادا وتی: مەترسیدارترین هەڕەشە بۆ سەر داهاتووی ئازادی دین ئەو جەنگەیە كە حیزبی شیوعی چینی بەرپای كردووە دژی هەموو ئەوانەی دینیان هەیە موسوڵمانەكان و بودییەكان و مەسیحییەكان و شوێنكەوتوانی ڤالۆن گۆنگ.

وتیشی: حزبی شیوعی چینی هەوڵیداوە بە جیهان بڵێت ئەو كارە خراپانەی لەدژی موسوڵمانەكانی ئویگۆر دەیكات لە شینگیانگ پێویستن بۆ ڕووبەڕووبوونەوەی تیرۆر یاخود ڕووبەڕووبوونەوەی هەژاری.

مایك پۆمپەیۆ وەزیری دەرەوەی ئەمریكا بەسەردانێك لە ئاسیایە و چەند وڵاتێكی ئاسیایی بەسەر كردووەتەوە.

بەردەوام بە لە خوێندنەوە

کوردستان