ئێمە لە تۆرە کۆمەڵایەتیەکان

جیهان

ئون بانگهێشتی ترەمپ دەكات

خەڵك – بەشی هەواڵ

كیم جۆنگ ئون سەرۆكی كۆریای باكوور بانگهێشتی دۆناڵد ترەمپ سەرۆكی ئەمریكا دەكات بۆ ئەوەی سەردانی كۆریای باكور بكات، بەڵام تا ئێستا ترەمپ بە فەڕمی وەڵامی بانگهێشتەكەی كیمی نەداوەتەوە.

ڕۆژنامەی “زە سێنتڕاڵ تایمز”ی كۆریای باشوور بڵاویكردووەتەوە، مانگی ئاب، كیم جۆن ئون سەرۆكی كۆریای باكوور نامەیەكی ئاڕاستەی دۆناڵد ترەمپ سەرۆكی ئەمریكا كردووە و تێیدا داوای كردووە بۆ ئەنجامدانی سێیەمین لوتكەی نێوانیان، سەردانی پیۆنگ یانگ بكات، بەڵام تا ئێستا دۆناڵد ترەمپ بە فەڕمی وەڵامی پێشنیارەكەی كیمی نەداوەتەوە.

جیهان

ترەمپ بە گاڵتەجاڕی وەسفیان دەكات
كۆنگرێس دوو تۆمەت ڕووبەڕووی ترەمپ دەكاتەوە

خەڵك- بەشی هەواڵ
سەرۆكی لیژنەی دادوەری لە كۆنگرێسی ئەمریكا، دوو تۆمەت ڕووبەڕووی دۆناڵد ترەمپ، سەرۆكی وڵاتەكە دەكاتەوە و دەڵێت: “كەس لەسەروو یاساوە نییە”، لەبەرانبەردا ترەمپ تۆمەتەكان بە گاڵتەجاڕی وەسف دەكات.

جێری نادلەر، سەرۆكی لیژنەی دادوەری لە كۆنگرێسی ئەمریكا ڕایگەیاند، ئەوان بە فەرمی دۆناڵد ترەمپ، سەرۆكی ئەمریكا تۆمەتبار دەكەن بەئەنجامدانی دوو تاوان، یەكەمیان خراپ بەكارهێنانی دەسەڵاتەكەی، دووەم تۆمەتیش پەیوەندی بە تەگەرەخستنە بەردەم كاروبارەكانی ئەنجوومەنی نوێنەرانی ئەمریكایە”.

نادلەر دەڵێت: “سەرۆك خۆی لە سەروو ئاسمانەوە دەبینێت و پێیوایە لەسەروو یاساوەیە، بەڵام پێویستە باش بزانێت، كە هیچ كەس، تەنانەت سەرۆكیش لەسەروو یاساوە نییە”.

لەبەرانبەر تۆمەتەكانی دیموكراتەكان بۆ سەرۆكی ئەمریكا، كە دەچێتە چوارچێوەی هەوڵەكانیان بۆ لەسەركارلابردنی لە پۆستی سەرۆكایەتی ئەمریكا، دۆناڵد ترەمپ لە چەند تویتێكیدا ئەو هەوڵانەی بە “مایەی گاڵتەجاڕی” وەسفكرد.

بەردەوام بە لە خوێندنەوە

جیهان

ئەسەد: ئەوروپا، ئەمریكا، توركیا پاڵپشتی تیرۆریان كردووە لە سوریا

خەڵك-بەشی هەواڵ

سەرۆك كۆماری سوریا ڕایدەگەیەنێت، وڵاتانی ئەوروپا و ئەمریكا و هاوپەیمانەكانیان بەرپرسی سەرەكی ئاڵۆزكردنی ڕەوشی سوریان.

بەشار ئەسەد، سەرۆك كۆماری سوریا لە چاوپێكەوتنێكی لەگەڵ كەناڵی “ڕای نیوز 24″ی ئیتاڵی ڕایگەیاند، تیرۆریزم لە لایەن ئەوروپا، ئەمریكا، توركیا و لایەنەكانی دیكەوە لە سوریا پاڵپشتی كراوە، بەڵام دەبێت ئەوروپا بە لایەنی سەرەكی ئەم ئاڵۆزییە ناو ببەین.

وتیشی، “ئەوروپا لە سەرەتای ئاڵۆزییەكانی سوریاوە بە ئاشكرا پاڵپشتی بۆ تیرۆریستان ڕاگەیاند، تەنانەت وڵاتێكی وەك فەڕەنسا لە ڕووی سەربازییەوە پێداویستی بۆ ئەو تیرۆریستانە نارد”.

ئاشكراشیكرد، پێموابێت كە لۆران فابیۆس، وەزیری دەرەوەی پێشووی فەڕەنسا ڕایگەیاندبوو ئێمە چەكیان بۆ دەنێرین، ئەوان لەم ڕێگایەوە پەرەیان بە ئاڵۆزییەكانی سوریا داوە، هەر بۆیە بە ملیۆنان كەس لە دانیشتووانی سوریا بە ناچار خاكی خۆیان بە جێهێشت و ڕوویان لە دەرەوە كرد.

ئاماژەی بۆ ئەوەشكرد، داوا لە وڵاتانی دیكە دەكەین دەستوەردان لە كاروباری ناوخۆی سوریا نەكەن و ڕێز لە یاسا نێودەوڵەتییەكان بگرن.

بەردەوام بە لە خوێندنەوە

جیهان

ڕەفعەت ئەسەد لەسەر دزینی پارەی سورییەكان دادگای دەكرێت

خەڵك- بەشی هەواڵ

ڕەفعەت ئەسەد، مامی بەشار ئەسەدی سەرۆكی سوریا، تۆمەتبارە بە بە دزین و دواتر سپی كردنەوەی پارەی خەڵكی سوریا و لەسەر سكاڵای ڕێكخراوێك دادگای فەرەنسا بڕیاری دادگایكردنيداوە.

ماڵپەڕی “bbc” لە ڕاپۆرتێكدا ئاماژەی بەوە كردووە ئەسەدی تەمەن 82 ساڵ بەهۆی خراپی باری تەندروستییەوە ناتوانێت ئامادەی دادگاییكردنەكە بێت.

ڕەفعەت ئەسەد، لای زۆربەی سورییەكان بە “قەسابی حەمما” ناسراوە، بەهۆی ئەو كوشتارەی لە ساڵی 1982 دا دژ بە خەڵكی شاری حەممای سوریا ئەنجامیدا.

ڕەفعەت ئەسەد و حافز ئەسەدی برای لە هەشتاكانی سەدەی ڕابردوودا

لە ساڵی 1984ەوە لە دەرەوەی سوریا دەژی، دوای ئەوەی هەوڵێكی شكستیهێنا بۆ كودەتاكردن بەسەر حافز ئەسەدی برایدا.

ڕەفعەت ئەسەد، لە ساڵی 2011 دا و دوای دەستپێكردنی خۆپیشاندانەكانی سوریا، داوای لە بەشار ئەسەدی برازای كرد دەسەڵات جێبهێڵێت.

لە ساڵی 2014ەوە لێكۆڵینەوە لە ڕەفعەت ئەسەد دەكرێت، لەسەر سكاڵایەكی ڕێكخراوێك”شيربا” كە سكاڵای لەسەر تۆماركردووە و دوای پێنج ساڵ دادگای فەرەنسا بڕیاریداوە كە پێویستە ئەسەد ئامادەبێت لەبەردەم دادگادا.

 

بەردەوام بە لە خوێندنەوە

کوردستان