ئێمە لە تۆرە کۆمەڵایەتیەکان

عێراق

پەیوەندی بە خێزانەوە هەیە
سەرۆكایەتی كۆمار پرۆژە یاسایەك ڕەوانەی پەرلەمان دەكات


خەڵك- بەشی هەواڵ
سەرۆكایەتی كۆمار پرۆژەی یاسای بەكژاچوونەوەی توندوتیژی خێزانی ڕەوانەی پەرلەمان دەكات بۆ مەبەستی پەسەندكردن، ئامانج لەو پرۆژە یاسایەش كە ڕەوانەی پەرلەمان كرا،پاراستنی خێزان و بە تایبەت ژنان و كچان و بەدوورگرتنیانە لە هەر جۆرە توندوتیژییەك بە بیانووی بەها كۆمەڵایەتییەكان.

بەپێی ڕاگەیەندراوێك كە لەلایەن نوسینگەی سەرۆكایەتی كۆماری عیراقەوە بڵاوكرایەوە و كۆپییەكی بۆ (خەڵك) نێردراوە” پرۆژەكە بریتییە لە پێكهێنانی لیژنەیەكی باڵا لە لایەن ئەنجومەنی وەزیران بە ناونیشانی لیژنەی باڵا بۆ بەكژاچوونەوەی توندوتیژی خێزانی كە وەزیری كارو كاروباری كۆمەڵایەتی سەرۆكایەتی دەكات هاوكات پێكهێنانی بەڕێوەبەرایەتییەك لە خۆ دەگرێت بە ناونیشانی بەڕێوەبەرایەتی پاراستنی خێزان لە وەزارەتی ناوخۆ كە چۆنێتی بەڕێوەبردنی ئەركەكانی لە دەقی پڕۆژە یاساكەدا هاتووە بەجۆرێك فەرمانبەرێك بە پلەی بەڕێوەبەری گشتی پسپۆڕی لە بواری كاروباری خێزانی هەبێت سەرۆكایەتی دەكات و ماوەی لێپرسراوێتییەكەی لە پێنج ساڵ كەمتر نابێت”.

هەر لە ڕاگەیەندراوەكەدا هاتووە” دادگایەكی تایبەت لە لایەن ئەنجومەنی دادوەری باڵاوە پێكدەهێنرێت یاخود لە چەند شوێنێكی تریش لێكۆڵینەوە لە دۆسییەكانی توندوتیژی خێزان دەكرێت، هاوكات پرۆژە بڕیارەكە وەزارەتی كارو كاروباری كۆمەڵایەتی پەیوەست دەكات بە كردنەوەی ناوەندەكانی داڵدەدان بە قوربانیانی توندوتیژی خێزانی لە بەغدا و تەواوی پارێزگەكانی تر لە پێناو پارێزگاریكردن لێیان و گەڕانەوەیان بۆ ناوخێزان، لەگەڵ دابینكردنی پێداویستی تایبەت بۆ خاوەن پێداویستییەكان، رێكخراوە ناحكومییەكانی تایبەت بەو بوارەش مافی كردنەوەو بەڕێوەبردنی سەنتەرەكانی داڵدەدانیان دەبێت بە ئاگاداری و ڕەزامەندی هەردوو وەزارەتی كاروكاروباری كۆمەڵایەتی و وەزارەتی ناوخۆ، ڕێگەش بە دادگاكان دەدرێت كە بڕیاری پارێزگاریكردن دەر بكەن بۆ كەیسێكی لە ناكاو”.

لە بەشێكی تری پرۆژە ياساكەدا، ئاماژە بە نێوەندگیری و ئاشتبوونەوە كراوە لە نێوان قوربانییەكەو سكاڵا لەسەر كراو لە ڕێگەی ڕاگرتنی ڕێكارە یاساییەكان، دژ بەو لایەنەی كە توندوتیژییەكەی كردووە.

توندوتیژی خێزانی، بەتایبەت دەرهەق بە ژنان و كچان لەنێو كۆمەڵگەی عیراقی، یەكێكە لەو كێشە كۆمەڵایەتییانەی تائێستاش بەردەوامە و چارەسەرێكی ڕەیشەیی بۆ بنبڕكردنی دانەنراوە، ئەم جۆرە پرۆژە یاسایانەش، فاكتەرێكی یاریدەر دەبن بۆ كەمكردنەوەی ئەو جۆرە كێشانەوە و هەوڵدان بۆ نەهێشتن و بنبڕكردنیان لەنێو كۆمەڵگەدا.

عێراق

لە عیراق و هەرێم 306 حاڵەتی توشبوون و 10 حاڵەتی مردن بە كۆرۆنا تۆماركرا


خەڵك- بەشی هەواڵ

ژمارەی تووشبووان بە ڤایرۆسی كۆرۆنا لە عیراق و هەرێمی كوردستان ڕوو لە زیادبوونە و ئەمڕۆش 306 كەس تووشبوون و 66 كەسیش چاكبوونەوە و 10 كەسیش گیانیان لەدەستداوە.

وەزارەتی تەندروستی و ژینگەی عیراق لە بەیاننامەیەكدا ئاماژەی بەوەكردووە، كە ئەمڕۆ شەممە 30ی ئایاری 2020، پشكنین بۆ 5 هەزار و 644 ئەنجامدراوە و 306 كەس ئەنجامی پشكنینەكانیان پۆزەتیف دەرچوون، كە زۆرینەیان لە بەغدا بوون و 6 كەس لە سلێمانی و 5 لە هەولێر و یەك حاڵەت لە دهۆك تۆماركراوە.

ڕاشیگەیاندووە، هەر ئەمڕۆ 66 تووشبووی ڤایرۆسی كۆرۆنا چاكبوونەوە، كە زۆرینەیان لە بەغدا بوون و هاوكات 10 حاڵەتی مردنیش لە بەغدا تۆماركرا.

ئاشكراشی كردووە، كۆی گشتی تووشبووان بە كۆرۆنا گەیشتۆتە 6 هەزار و 179 كەس و چاكبوونەوەش 3 هەزار و 110 كەس و مردنیش 195 كەس.

تەندروسستی عیراق دەشڵێت: “هێشتا 2هەزار و 874 كەس لەژێر چاودێری پزیشكیدان لە نەخۆشخانەكان، كە 37 كەسیان لە چاودێری چڕدان”.

بەردەوام بە لە خوێندنەوە

عێراق

لە تەواوی عیراق هەفتەیەك قەدەغەی هاتووچۆ ڕاگەیەنرا


خەڵك- بەشی هەواڵ
لیژنەی باڵای تەندروستی و سەلامەتی نیشتمانی لە عیراق بڕیاریدا بۆ ماوەی هەفتەیەك لە سەرتاسەری عیراق قەدەغەی تەواوەتی هاتووچۆ پەیڕەو بكرێت.

لیژنەی باڵای تەندروستی و سەلامەتی نیشتمانی لە ئەنجوومەنی وەزیرانی عیراق لە ڕاگەیەنراوێكدا ئاماژەی بەوەكردووە، كە ئەمڕۆ لیژنەكە بەسەرۆكایەتی مستەفا كازمی، سەرۆك وەزیران لەگەڵ شانەی قەیرانەكانی پەڕلەمان كۆبۆتەوە و چەند بڕیارێكی دەركردووە.

ڕاشیگەیاندووە، كە بڕیار دراوە لە سبەینێوە یەك شەممە 31ی ئایار بۆ ماوەی هەفتەیەك قەدەغەی تەواوەتی هاتووچۆ لە سەرتاسەری عیراق پەیڕەو بكرێت، هەرچەندە پێشنیار كرابوو قەدەغەكە بۆ دوو هەفتە (14) ڕۆژبێت و تاوەكو 13ی حوزەیران بەردەوام بێت بە مەبەستی ڕێگری لە بڵاوبوونەوەی زیاتری ڤایرۆسی كۆرۆنا.

هەر بەپێی بڕیارەكە، لایەنە ئەمنییەكان دەستبەكار دەبن بۆ پەیڕەوكردنی قەدەغەی تەواوەتی هاتووچۆی هاووڵاتیان لە گەڕەك و كۆڵانەكان و جەختیش لە بەكارهێنانی دەمامك و دەستكێش كراوەتەوە.

وەك لە بڕیارەكەدا هاتووە، “سەرجەم فەرمانگەكان جگە لە تەندروستی و هێزە ئەمنییەكان دادەخرێن و ماركێت و دوكانی سەوزە و میوە ڕێگەیان پێ‌ دەدرێت بە كردنەوە بەمەرجی بەكارهێنانی ڕێكاری خۆپارێزی و نابێت لە 5 كەس زیاتر كاریان تێدا بكات و دەرمانخانەكانیش بە مەرجی خۆپارێزی دەكرێنەوە و خواردنگەكان تەنها بە دیلیڤەری كاردەكەن و ڕێگە بەكاركردنی تەكسی و پاس نادرێت”.

دەقی پێشنیارەكان:

me_ga.php?id=1399

me_ga.php?id=1400

بەردەوام بە لە خوێندنەوە

عێراق

چەندین حاڵەتی دیكەی كۆرۆنا لە عیراق تۆمار كران


خەڵك-بەشی هەواڵ

 

فەرمانگەی تەندروستیی بابل ئاشكرایكرد، 11 حاڵەتی دیكەی تووشبوون بە ڤایرۆسی كۆرۆنای نوێ تۆماركران.

ئاژانسی فەڕمی عیراق بڵاویكردەوە، فەرمانگەی تەندروستیی بابل لە ڕاگەیەنراوێكدا ئاماژەبۆ ئەوە دەكات، 11 كەس كە لە ڕوسیاوە گەڕاونەتەوە و پشكنینییان بۆ كراوە و دەركەوتووە هەڵگری ڤایرۆسی كۆرۆنان.

ئەمەش لەكاتێكدایە، بەپێی دوایین ئامارەكانی وەزارەتی تەندروستیی عیراق، تا ئێستا پێنج هەزار و 873 كەس تووشی ڤایرۆسی كۆرۆنا بوون كە سێ هەزار و 44یان چاكبوونەتەوە و 185ی دیكەیشیان گیانیان لەدەستداوە.

بەردەوام بە لە خوێندنەوە

کوردستان