ئێمە لە تۆرە کۆمەڵایەتیەکان

کوردستان

مەسرور بارزانی لەگەڵ لیژنەی كۆكردنەوەی داهاتەكان كۆبووەوە


خەڵك – بەشی هەواڵ
سەرۆكی حكومەتی هەرێمی كوردستان ڕایدەگەیەنێت ، پێویستە هاوسەنگی هەبێت لەنێوان داهات و خەرجییەكان بە شێوەیەك لە خزمەتی بەرژەوەندی گشتی و هاووڵاتیانی هەرێمی كوردستان بێت و دەشڵێت،”كارو ئەركی ئێمە بەرگریكردنە لە مافی هاووڵاتیان”.

ماڵپەری حكوومەتی هەرێم بڵاویكردەوە ، مەسرور بارزانی، سەرۆكی حكومەتی هەرێمی كوردستان ئەمڕۆ دووشەممە 16ی ئەیلولی 2019 سەرپەرشتی كۆبووەنەوەی لیژنەی كۆكردنەوەی داهاتەكانی كرد، لە كۆبوونەوەكەدا كە قوباد تاڵەبانی جێگری سەرۆكی حكوومەتی هەرێمی كوردستانیش ئامادەی بوو ڕایگەیاند، پێویستە حكوومەت كار لە سەر ئەوە بكات هاوسەنگی هەبێت لەنێوان داهات و خەرجییەكان بە شێوەیەك لە خزمەتی بەرژەوەندی گشتی و هاووڵاتیانی هەرێمی كوردستان بێت.

ڕاشیگەیاند، دەبێ دادپەروەری لە خەرجكردنی داهات بۆ ناوچەكانی هەرێمی كوردستان هەبێت و كارو ئەركی ئێمە بەرگریكردنە لە مافی هاووڵاتیانی هەرێمی كوردستان.

لە كۆبوونەوەكەدا گفتوگۆ لەبارەی كۆكردنەوەی داهاتەكان و رێكخستنەوەی باج و گومرگەكان و كاراكردنی سیستمی بانكی لە هەرێمی كوردستان كرا، لە كۆتاییدا سەرۆكی حكوومەت جەختی لە سەر دابینكردنی نەوتی سپی بۆ هاووڵاتیان پێش هاتنی وەرزی زستان كردەوە.

کوردستان

وتەبێژی بەڕێوەبەرایەتی گشتی تەندروستی سلێمانی:  كارەسات ڕوودەدات دڵنیابن


خەڵك – بەشی هەواڵ

وتەبێژی بەڕێوەبەرایەتی گشتی تەندروستی سلێمانی هۆشداری دەدات و دەڵێت: پابەندی ڕێنماییە تەندروستییەكان بن، چونكە كارەسات ڕوودەدات دڵنیابن.

د.یاد نەقشبەندی وتەبێژی بەڕێوەبەرایەتی گشتی تەندروستی سلێمانی لە هەژماری تایبەتی خۆی لە تۆڕی كۆمەڵایەتی فەیسبوك نووسیویەتی: هاووڵاتیانی خۆشەویست تكاتان لێ دەكەم، تكاتان لێ دەكم پابەندی ڕێنماییە تەندروستییەكان بن، چونكە كارەسات ڕوودەدات دڵنیابن.

ئەمەش لە كاتێكدایە، كەمێك بەر لە ئێستا وەزارەتی تەندروستی هەرێم 23 حاڵەتی تووشبوونی نوێی ڤایرۆسی كۆرۆنای لە پارێزگای سلێمانی و هەڵەبجە و ئیدارەی گەرمیان ڕاگەیاند.

هەر ئەمڕۆش هاووڵاتییەكی تەمەن 37 ساڵی تووشبووی ڤایرۆسی كۆرۆنا لە شاری سلێمانی گیانی لەدەستدا.

بەردەوام بە لە خوێندنەوە

کوردستان

تەندروستی هەرێم: 23 تووشبووی نوێی ڤایرۆسی كۆرۆنا لە سلێمانی و گەرمیان و هەڵەبجە دەستنیشان كران


خەڵك – بەشی هەواڵ

وەزارەتی تەندروستی هەرێم ڕایگەیاند: لە بەردەوامی پشكنینەكان و گەڕان بەدوای گومانلێكراوان و تووشبووان، بیست و سێ تووشبووی تری ڤایرۆسی كۆرۆنای نوێ COVID-19 لە پارێزگای سلێمانی دەستنیشانكران، چواردە پیاو و ھەشت ئافرەت و كچێكی گەنج.

تەندروستی هەرێم ئەوەشیخستووەتەڕوو: چوار تووشبوو بەركەوتووی تووشبووانی پێشوون، یەك تووشبوو پێشینەی گەشتی ھەبووە، ھەژدە تووشبووەكەی تر نیشانەی نەخۆشیان ھەیە و پشكنینیان پۆزەتیڤ دەرچووە.

تەندروستی هەرێم ڕوونیشیكردووەتەوە: 18 تووشبوو دانیشتووی ناو شاری سلێمانین. یەك تووشبوو دانیشتووی شارۆچكەی دەربەندیخانە، یەك تووشبوو دانیشتووی شارۆچكەی پێنجوێنە، یەك تووشبوو دانیشتووی شارۆچكەی كەلارە و یەك تووشبوو دانیشتووی پارێزگای ھەڵەبجەبە و تووشبوویەكیش دانیشتووی پارێزگای بەغدایە.

دەقی ڕاگەیەنراوەكە:

دەرەنجامی نوێ …
لە بەردەوامی پشكنینەكان و گەڕان بەدوای گومانلێكراوان و تووشبووان، بیست و سێ تووشبووی دیكەی ڤایرۆسی كۆڕۆنای نوێ COVID-19 لە پارێزگای سلێمانی دەستنیشانكران، چواردە پیاو و ھەشت ئافرەت و كچێكی گەنج.
چوار تووشبوو بەركەوتووی تووشبووانی پێشوون، یەك تووشبوو پێشینەی گەشتی ھەبووە، ھەژدە تشبووەكەی تر نیشانەی نەخۆشیان ھەیە و پشكنینیان پۆزەتیڤ دەرچووە.

هەژدە تووشبوو دانیشتووی ناو شاری سلێمانی.
یەك تووشبوو دانیشتووی قەزای دەربەندیخان.
یەك تووشبوو دانیشتووی قەزای پێنجوین.
یەك تووشبوو دانیشتووی قەزای كەلار.
یەك تووشبوو دانیشتووی پارێزگای ھەڵەبجە.
یەك تووشبوو دانیشتووی پارێزگای بەغداد.

وەزارەتی تەندروستی
٣٠ ئایار ٢٠٢٠

بەردەوام بە لە خوێندنەوە

کوردستان

تووشبوویەكی ڤایرۆسی كۆرۆنا لە گەرمیان تۆماركرا


خەڵك – بەشی هەواڵ
وەزارەتی تەندروستی حكومەتی هەرێم ڕایدەگەیەنێت، ئەمڕۆ تووشبوویەكی دیكەی ڤایرۆسی كۆرۆنا لە سنوری ئیدارەی گەرمیان تۆماركرا، كە دانیشتووی گەڕەكی ئازادیە لە شارۆچكەی كفری.

وەزارەتی تەندروستی حكومەتی هەرێم لە ڕاگەیەنراوێكدا، كە وێنەیەكی دەست (خەڵك) كەوتووە ڕایگەیاندووە، لە بەردەوامی پشكنینەكان و گەڕان بەدوای گومانلێكراوان و تووشبووان، تووشبووێكی ڤایرۆسی كۆرۆنای نوێ COVID-19 لە ئیدارەی گەرمیان سەر بە پارێزگای سلێمانی دەستنیشانكرا.

ڕاشیگەیاندووە، توشبووەكە ژنێكی تەمەن ٦٣ ساڵە، نیشانەی نەخۆشیەكەی ھەیە و پشكنینی پۆزەتیڤ دەرچووە، دانیشتووی گەڕەكی ئازادیە لە شارۆچكەی كفری.

بەردەوام بە لە خوێندنەوە

کوردستان