ئێمە لە تۆرە کۆمەڵایەتیەکان

عێراق

شاندێك لە ئەنقەرە پێشوازیی لێنەكرا
كێشەی ئاو لەنێوان عیراق و توركیادا سەرهەڵدەداتەوە


خەڵك- بەشی هەواڵ
سەرچاوەیەكی بەرپرس ڕایدەگەیەنێت، توركیا پاشەكشەی كردووە لە بەڵێنەكانی پێشووی سەبارەت بە پشكی عیراق لە ئاوی ڕووبارەكان، ئەندامێكی لیژنەی كشتوكاڵ و سامانە ئاوییەكانی پەرلەمانیش باس لە سەردانی شاندێكی عیراقی دەكات بۆ ئەنقەرە لەپێناو تاوتوێكردنی پرسی ئاو، بەڵام پێشوازی لێنەكراوە.

سەرچاوەیەكی بەرپرس بە ماڵپەڕی (سۆمەریە نیوز)ی ڕاگەیاندووە”توركیا پاشەكشەی كردووە لە بەڵێنەكانی پێشووی بۆ واژۆكردنی ڕێكەوتنێك كە پشكی عیراق لە ئاوی دیجلە و فورات ڕێبخات، ئەمەش دوای ئەوەی شاندێكی عیراقی لەم ماوەیەی دواییدا سەردانی توركیای كرد بۆ ڕێكەوتن لەسەر وردەكاریی كۆتایی لەپێناو واژۆكردنی ڕێكەوتنەكە بەشێوەیەكی فەرمی، دوای ئەوەی دانوستانەكان گەیشتنە قۆناغێكی پێشكەوتوو”.

بە وتەی ئەو بەرپرسە عیراقیە”لایەنی توركیا وادەردەكەوێت نەیەوێت ڕێكەوتنێكی لەو جۆرە واژۆ بكات، و داوای بەرانبەر لە عیراق بكات، بەڵام جگە لە دۆسێی پارتی كرێكارانی كوردستان كە لە چیاكانی قەندیلە و ناوبەناو هێرش دەكاتەسەر هێزەكانی توركیا لەنێو وڵاتەكە، عیراق هیچ شتێكی تری نییە”.

لای خۆیەوە، عەلی بدێری، ئەندامی لیژنەی كشتوكاڵ و سامانی ئاو لە پەرلەمانی عیراق، لە لێدوانێكی ڕۆژنامەوانیدا تەئكیدی لەسەر ئەو زانیارییانە كردووەتەوە و ڕایگەیاندووە”شاندەكەی عیراق جگە لە پشكی ئاوی عیراق كە بڕیاری لەسەردرا لە سەردانەكەی ئەم دواییەی ڕەجەب تەیب ئەردۆغان سەرۆكی توركیا بۆ بەغدا، هیچی تری داوا نەكردووە”.

ئەو پەرلەمانتارە دەڵێت”ڕێكەوتنێك هەبوو كە لەو بارەیەوە گەیشتبووە قۆناغی كۆتایی، بەڵام شتێكی لەناكاو بوو كە بەدەنگەوەهاتن لەلایەن توركیاوە بۆ شاندەكەی عیراق نەبوو”، پێشبینیشی كرد “توركیا بیەوێت لەبەرانبەر دۆسێی ئاودا گرێبەستێكی دیاریكراو لەگەڵ عیراقدا بكات”.

عێراق

لە عیراق و هەرێم 306 حاڵەتی توشبوون و 10 حاڵەتی مردن بە كۆرۆنا تۆماركرا


خەڵك- بەشی هەواڵ

ژمارەی تووشبووان بە ڤایرۆسی كۆرۆنا لە عیراق و هەرێمی كوردستان ڕوو لە زیادبوونە و ئەمڕۆش 306 كەس تووشبوون و 66 كەسیش چاكبوونەوە و 10 كەسیش گیانیان لەدەستداوە.

وەزارەتی تەندروستی و ژینگەی عیراق لە بەیاننامەیەكدا ئاماژەی بەوەكردووە، كە ئەمڕۆ شەممە 30ی ئایاری 2020، پشكنین بۆ 5 هەزار و 644 ئەنجامدراوە و 306 كەس ئەنجامی پشكنینەكانیان پۆزەتیف دەرچوون، كە زۆرینەیان لە بەغدا بوون و 6 كەس لە سلێمانی و 5 لە هەولێر و یەك حاڵەت لە دهۆك تۆماركراوە.

ڕاشیگەیاندووە، هەر ئەمڕۆ 66 تووشبووی ڤایرۆسی كۆرۆنا چاكبوونەوە، كە زۆرینەیان لە بەغدا بوون و هاوكات 10 حاڵەتی مردنیش لە بەغدا تۆماركرا.

ئاشكراشی كردووە، كۆی گشتی تووشبووان بە كۆرۆنا گەیشتۆتە 6 هەزار و 179 كەس و چاكبوونەوەش 3 هەزار و 110 كەس و مردنیش 195 كەس.

تەندروسستی عیراق دەشڵێت: “هێشتا 2هەزار و 874 كەس لەژێر چاودێری پزیشكیدان لە نەخۆشخانەكان، كە 37 كەسیان لە چاودێری چڕدان”.

بەردەوام بە لە خوێندنەوە

عێراق

لە تەواوی عیراق هەفتەیەك قەدەغەی هاتووچۆ ڕاگەیەنرا


خەڵك- بەشی هەواڵ
لیژنەی باڵای تەندروستی و سەلامەتی نیشتمانی لە عیراق بڕیاریدا بۆ ماوەی هەفتەیەك لە سەرتاسەری عیراق قەدەغەی تەواوەتی هاتووچۆ پەیڕەو بكرێت.

لیژنەی باڵای تەندروستی و سەلامەتی نیشتمانی لە ئەنجوومەنی وەزیرانی عیراق لە ڕاگەیەنراوێكدا ئاماژەی بەوەكردووە، كە ئەمڕۆ لیژنەكە بەسەرۆكایەتی مستەفا كازمی، سەرۆك وەزیران لەگەڵ شانەی قەیرانەكانی پەڕلەمان كۆبۆتەوە و چەند بڕیارێكی دەركردووە.

ڕاشیگەیاندووە، كە بڕیار دراوە لە سبەینێوە یەك شەممە 31ی ئایار بۆ ماوەی هەفتەیەك قەدەغەی تەواوەتی هاتووچۆ لە سەرتاسەری عیراق پەیڕەو بكرێت، هەرچەندە پێشنیار كرابوو قەدەغەكە بۆ دوو هەفتە (14) ڕۆژبێت و تاوەكو 13ی حوزەیران بەردەوام بێت بە مەبەستی ڕێگری لە بڵاوبوونەوەی زیاتری ڤایرۆسی كۆرۆنا.

هەر بەپێی بڕیارەكە، لایەنە ئەمنییەكان دەستبەكار دەبن بۆ پەیڕەوكردنی قەدەغەی تەواوەتی هاتووچۆی هاووڵاتیان لە گەڕەك و كۆڵانەكان و جەختیش لە بەكارهێنانی دەمامك و دەستكێش كراوەتەوە.

وەك لە بڕیارەكەدا هاتووە، “سەرجەم فەرمانگەكان جگە لە تەندروستی و هێزە ئەمنییەكان دادەخرێن و ماركێت و دوكانی سەوزە و میوە ڕێگەیان پێ‌ دەدرێت بە كردنەوە بەمەرجی بەكارهێنانی ڕێكاری خۆپارێزی و نابێت لە 5 كەس زیاتر كاریان تێدا بكات و دەرمانخانەكانیش بە مەرجی خۆپارێزی دەكرێنەوە و خواردنگەكان تەنها بە دیلیڤەری كاردەكەن و ڕێگە بەكاركردنی تەكسی و پاس نادرێت”.

دەقی پێشنیارەكان:

me_ga.php?id=1399

me_ga.php?id=1400

بەردەوام بە لە خوێندنەوە

عێراق

چەندین حاڵەتی دیكەی كۆرۆنا لە عیراق تۆمار كران


خەڵك-بەشی هەواڵ

 

فەرمانگەی تەندروستیی بابل ئاشكرایكرد، 11 حاڵەتی دیكەی تووشبوون بە ڤایرۆسی كۆرۆنای نوێ تۆماركران.

ئاژانسی فەڕمی عیراق بڵاویكردەوە، فەرمانگەی تەندروستیی بابل لە ڕاگەیەنراوێكدا ئاماژەبۆ ئەوە دەكات، 11 كەس كە لە ڕوسیاوە گەڕاونەتەوە و پشكنینییان بۆ كراوە و دەركەوتووە هەڵگری ڤایرۆسی كۆرۆنان.

ئەمەش لەكاتێكدایە، بەپێی دوایین ئامارەكانی وەزارەتی تەندروستیی عیراق، تا ئێستا پێنج هەزار و 873 كەس تووشی ڤایرۆسی كۆرۆنا بوون كە سێ هەزار و 44یان چاكبوونەتەوە و 185ی دیكەیشیان گیانیان لەدەستداوە.

بەردەوام بە لە خوێندنەوە

کوردستان