ئێمە لە تۆرە کۆمەڵایەتیەکان

عێراق

پۆمپیۆ بە عەبدولمەهدی ڕاگەیاند
ئەمریكا هەڵوێستی بەرانبەر بە بۆردومانی ئارامكۆ لە عیراقەوە ئاشكرا دەكات

خەڵك- بەشی هەواڵ
سەرۆك وەزیرانی عیراق لەلایەن وەزیری دەرەوەی ئەمریكاوە بە تەلەفۆن پەیوەندی پێوەكرا، لە پەیوەندییەكەشدا وێڕای ئاماژەكردن بە بەكارنەهێنانی خاكی عیراق لە هێرشكردنە سەر سعودیە، باس لە چاوپێكەوتنە چاوەڕوانكراوەكانی نێوان بەرپرسانی هەردوو وڵات كرا.

بەپێی بەیاننامەیەك كە لەلایەن نوسینگەی سەرۆك وەزیرانی عیراقەوە بڵاوكرایەوە”عادل عەبدولمەهدی سەرۆك وەزیران لەلایەن مایك پۆمپیۆ وەزیری دەرەوەی ئەمریكا بە تەلەفۆن پەیوەندی پێوەكراوە و لە پەیوەندییەكادا باس لە بۆردومانەكانی ئەمدواییەی سەر شانشینی عەرەبی سعودیە كرا، لەگەڵ هەڵوێستی هەردوولا بەرانبەر بە ڕووداوەكە، وێڕای ڕێكەوتنیان لەسەر هەماهەنگی بۆ ئاڵۆگۆڕپێكردنی زانیارییەكان”.

سەرۆك وەزیرانی عیراق وەك لە بەیاننامەكەدا ئاماژەی پێكراوە”جەختی لەسەر ئەركی عیراق كردووەتەوە لە پاراستنی ئاسایش و ئارامی ناوچەكە و خۆلادان لە هەموو ئەو هەنگاوانەی دەبنە مایەی زیاتر ئاڵۆزكردنی ڕەوشەكە و ڕێگرتن لە بەكارهێنانی خاكی عیراق دژ بە وڵاتانی دەوروبەر، عیراق بە سیاسەتەكانی هەوڵدەدات ڕۆڵێكی ئەرێنی بگێڕێت بۆ چارەسەری ئەو كێشانەی بەرۆكی ناوچەكەیان گرتووە و كار بۆ دووخستنەوەی تارمایی جەنگ دەكات لە عیراق و ناوچەكە، بەدووریش دەبێت لە سیاسەتی میحوەرەكان”.

لای خۆیەوە مایك پۆمپیۆ وەزیری دەرەوەی ئەمریكا ڕایگەیاندووە”بەپێی ئەو زانیارییانەی دەستییان كەوتووە، لە هێرشەكانی سەر كۆمپانیای ئارامكۆی سعودیە، خاكی عیراق بەكارنەهێنراوە”.

عێراق

فەتح بۆ (خەڵك): پێشێلكردنی سەروەری عیراقە
كشانەوەی هێزەكانی ئەمریكا لە سوریاوە بۆ عیراق ناڕەزایەتی لێدەكەوێتەوە

خەڵك- بەشی هەواڵً
هاوپەیمانی فەتح، كە لەلایەن هادی عامرییەوە سەركردایەتی دەكریت، دژایەتی خۆی بۆ هاتنەناوەوەی هێزەكانی ئەمریكا بۆ نێو خاكی عیراق ڕادەگەیەنێت و دەڵێت: “هاتنی هێزەكانی ئەمریكا لە سوریاوە بۆ عیراق، بەبێ‌ ئاگاداركردنەوەی پەڕلەمان و حكومەتی عیراق بووە”.

سوهام موسەوی، پەڕلەمانتاری هاوپەیمانی فەتح، لە لێدوانێكی تایبەت بە (خەڵك) ڕایگەیاند، “هاتنەناوەوەی هێزەكانی ئەمریكا بەبێ‌ ئاگاری پەڕلەمان و حكومەت، پێشێلكارییە بۆ سەروەری و سەقامگیری عیراق، ئێمە دەزانین، كە بوونی هێزەكانی ئەمریكا لە وڵاتانی ناوچەكە بۆتە مایەی دروستكردنی زۆرێك لە كێشەكان و دەستوەردانی لە وڵاتاندا تەنگژە و ئاشووبی زۆری دروستكردووە”.

بە وتەی موسەوی، “دەستوەردانی ئەمریكا لە ناوچەی خۆرهەڵاتی ناوەڕاست و بە تایبەت لە وڵاتانی وەك عیراق و لیبیا و سوریا و زۆرێك لە وڵاتانی ناوچەكە، بۆتە مایەی ئەوەی ئەو وڵاتانە ناسەقامگیربن و بۆتە مایەی بڵاوكردنەوەی كلتوری كوشتن و لەبەریەكهەڵوەشاندنەوەی كۆمەڵایەتی، ئەمەش تەنیا لەپێناو گەڕان بەشوێن بەرژەوەندییەكانی ئەمریكا و ئیسڕائیل و دابینكردنی ئاسایش و ئارامی بۆ تەلئەبیب”.

ئەو پەڕلەمانتارەی هاوپەیمانی فەتح، ڕەتیكردەوە زانیاری لەبارەی ژمارەی هێزەكانی ئەمریكا و ئەو شوێنانە هەبێت، كە تێیدا جێگیر بوون، بەڵام ڕایگەیاند، “لەگەڵ ئەو هێزە ئەمریكاییانەی لەئێستادا لە سوریا پاشەكشەیان كردووە و هاتوونەتە عیراق، هێزی سەربازی تری ئەمریكا هەیە لەسەر خاكی عیراق، بە تایبەتی لە بنكەی (عەین ئەسەد) لە ئەنبار و بنكەی گەیارە لە نەینەوا و چەند شوێنێكی تر، ئەمەش بەبێ‌ وەرگرتنی ڕەزامەندی پەڕلەمان و حكومەتە”.

لەم ماوەیەی دواییدا مارك ئەسپر، وەزیری بەرگری ئەمریكا ڕایگەیاندبوو، ئەو هێزە ئەمریكایانەی لە باكووری خۆرهەڵاتی سوریا پاشەكشە دەكەن، كە ژمارەیان هەزار سەربازە، لە عیراقدا جێگیر دەكرێن و پڕۆسەكەش چەند هەفتەیەك دەخایەنێت، ئەمڕۆ ئەو هێزانە لە قامیشلۆوە بەرەو هەرێمی كوردستان كشانەوە.

بەردەوام بە لە خوێندنەوە

عێراق

هێزە ئەمنییەكانی عیراق دەخرێنە ئەوپەڕی حاڵەتی ئامادەباشییەوە

خەڵك- بەشی هەواڵ
وەك خۆ ئامادەكردن بۆ هەر ڕووداویكی نەخوازراو و فەراهەمكردنی ئاسایش لەكاتی خۆپیشاندانەكاندا، كە بڕیارە لە هەینی داهاتوودا سازبكرێت، هێزە ئەمنییەكانی عیراق دەخرێنە ئەوپەڕی حاڵەتی ئامادەباشییەوە.

ئەمڕۆ دوو شەممە، سەرچاوەیەكی ئەمنی بە میدیاكانی عیراقی ڕاگەیاندووە، “لە ڕۆژی پێنج شەممەی داهاتووەوە، هێزە ئەمنییەكان دەخرێنە ئەوپەڕی حاڵەتی ئامادەباشییەوە، ئەمەش وەك خۆئامادەكردن بە هەر ڕووداوێكی نەخوازراو لەكاتی خۆپیشاندانەكان، كە وابڕیارە لە هەینی داهاتوودا لە بەغدا و شارەكانی تری عیراق سازبكرێن”.

بە وتەی سەرچاوە ئەمنییەكە، “ئامادەكاری ئەمنی چڕ و پلانی بڵاوەپێكردنی هێزە ئەمنییەكان هەیە، وەك خۆئامادەكردن بۆ هەینی، كە وابڕیارە خۆپیشاندانی گەورە لە بەغدا و پارێزگاكانی تری عیراق سازبكرێن و تێیدا خۆپیشاندەران داوای چاكسازی حكومی ڕاستەقینە و بەگژداچوونەوەی گەندەڵی و فەراهەمكردنی خزمەتگوزاری دەكەن”.

وابڕیارە لە هەینی داهاتوودا 25ی تشرینی یەكەمی 2019، لە بەغدا و پارێزگاكانی تری عیراق، خۆپیشاندانی فراوان سازبكرێت، ئەمەش وەك تەواوكاری ئەو خۆپیشاندانانەی، كە لە سەرەتای ئەم مانگەدا سازكران و تێیدا خۆپیشاندەران داوای چاكسازی و نەهێشتنی گەندەڵی و باشكردنی ئاستی خزمەتگوزارییەكانیان كرد.

بەردەوام بە لە خوێندنەوە

عێراق

هاوپەیمانی فەتح لە (خەڵك)ەوە هەڵوێستی بەرانبەر خۆپیشاندانەكان ڕادەگەیەنێت

خەڵك- بەشی هەواڵ
هاوپەیمانی فەتح، كە لەلایەن هادی عامرییەوە سەركردایەتی دەكرێت، هەڵوێستی خۆی بەرانبەر خۆپیشاندانەكەی هەینی داهاتوو، كە چاوەڕوان دەكرێت لە بەغدا و پارێزگاكانی تری عیراق سازبكرێت ڕادەگەیەنێت و دەڵێت: “خۆپیشاندان مافێكی زامنكراوە بۆ هاووڵاتیان تا لێوەی داوای باشتركردنی ژیان و گوزەرانی خۆیان بكەن”.

سوهام موسەوی، پەڕلەمانتاری هاوپەیمانی فەتح لە لێدوانێكیدا بۆ (خەڵك) ڕایگەیاند، “خۆپیشاندان مافی هاووڵاتیانە و لە دەستوردا زامنكراوە، ئەوان پشتیوانی لە داواكاری خۆپیشاندەران دەكەن، چونكە لاوان پێویستییان بە هەلی كار و سەرچاوەی ژیانە، زۆرێك لە خێزانە هەژارەكان هەن، كە دەوڵەت هیچ بایەخێكی پێنەداون و ئاوڕی لێنەداونەتەوە”.

بە وتەی موسەوی، “ئەوان پشتیوانی لە خۆپیشاندانی ئاشتیانە دەكەن، بەبێ‌ ئەوەی زیان بە دامەزراوەكانی دەوڵەت بگات و دەستدرێژی بكرێتە سەر هێزە ئەمنییەكان، چونكە هێزە ئەمنییەكان هاووڵاتیان برایانن و ئاسایش و سەلامەتییان بۆ دابین دەكەن، بۆیە ئێمە پشتیوانی لە هەر خۆپیشاندانێكی ئاشتیانە دەكەین و پشتیوانی لەو خۆپیشاندانانە دەكەین، كە داوای مافەكان دەكەن، ئەمەش حاڵەتێكی دیموكراتییە و لە هەموو وڵاتانی جیهان بوونی هەیە، لە هەمان كاتدا هۆشداری دەدەین لەو لایەنانەی، كە خۆیان دەخزێننە نێو ڕیزی خۆپیشاندەران و دەیانەوێت خۆپیشاندانەكان بەلاڕێدا ببەن، وەك چۆن لە خۆپیشاندانەكانی پشوودا ڕوویاندا و بوونە مایەی ڕشتنی خوێنی خۆپیشاندەران و هێزە ئەمنییەكان”.

ئەو پەڕلەمانتارەی هاوپەیمانی فەتح پێیوایە، “ئەوانەی خۆیان خزاندبووە نێو ڕیزی خۆپیشاندەران، ئاژاوەیەكی گەورەیان نایەوە و وێڕای كەوتنەوەی قوربانییەكان، چەندان دامەزراوەی دەوڵەت سووتێنران لەكاتێكدا ئەو دامەزراوانە دامەزراوەی خودی خۆپیشاندەرانە، حكومەتی ئێستاش حكومەتی عیراقییەكانە و ئەركی سەرشانییەتی خزمەت بە هاووڵاتیان بكات”.

سوهام موسەوی ڕەتیكردەوە هاوپەیمانی فەتح هاوشێوەی سائیرون لە 25ی ئەم مانگەدا خۆپیشاندان بكات، بەڵام بە وتەی ئەو”پشتیوانی لە داواكارییەكانی خۆپیشاندەران دەكەن و دژ بە دەستدرێژكردنە سەر هێزە ئەمنییەكان و پەلاماردانی دامەزراوەكانی دەوڵەتن”.

لەم ماوەیەی دواییدا خۆپیشاندانی فراوان لە بەغدای پایتەخت و شارەكانی تری ناوەڕاست و باشووری عیراق سازكرا، خۆپیشاندەران لە خۆپیشاندانەكاندا داوای باشكردنی ئاستی خزمەتگوزارییەكان و بنبڕكردنی گەندەڵی و دۆزینەوەی هەلی كاریان كرد، بەڵام بەهۆی دروستبوونی ڕووبەڕووبوونەوە لەنێوان خۆپیشاندەران و هێزە ئەمنییەكان، زیاتر لە 100 كەس كوژران و هەزاران كەسی تر برینداربوون.

بەردەوام بە لە خوێندنەوە

کوردستان