ئێمە لە تۆرە کۆمەڵایەتیەکان

عێراق

“دەروازە سنوورییەكانی عیراق دوای نیوەڕوان دەكەوێتە دەست ملیشیا چەكدارەكان”

 

خەڵك – بەشی هەواڵ

پەڕلەمانتارێكی لێژنەی دارایی لە ئەنجومەنی نوێنەرانی عیراق، دەڵێت، عیراق وەك وڵات و حكومەتەكەی، وەك دەسەڵاتی جێبەجێكردن وڵاتێكی لاوازی بێ ئیرادەی سیادە نوقسانی تاسەر ئێسك گەندەڵی ناشەفافی شپرزە.

ئەحمەدی حاجی ڕەشید، پەڕلەمانتاری كورد و ئەندامی لێژنەی دارایی لە ئەنجومەنی نوێنەرانی عیراق، لە نوسینێكدا كە لەبەشی وتاری تۆڕی میدیایی (خەڵك) بڵاو بووەتەوە دەڵێت: عیراق وڵاتێكی لاوازی بێ ئیرادەی سیادە نوقسانی تاسەر ئێسك گەندەڵی ناشەفافی شپرزە، بەڵام دەبێت بەرپرسانی هەرێم بزانن ئەم لاوازیە بەرانبەر كێیە.

ئەو پەڕلەمانتارە كوردە، ئەوەشی نوسیوە، بە وتەی “كازم عقابى” بەرپرسی دەروازەسنوریەكانی عیراق كە لەلێژنەی دارایدا باسی كردووە، لە باكوری بەسرە لەكۆی (9) دەروازەی سنوری لە(5) دەروازەدا لەدوای نیوەڕۆ حكومەتیان تیدا نامێنێت و میلیشیا چەكدارەكان بەكەیفی خۆیان كاڵاو كەلوپەل هاوردە دەكەن.

سەبارەت بەداهاتە نەوتیەكانیش دەڵێت، عیراق لە سەقفی هەناردەكردنی (4000000) چوار ملیۆن بەرمیل نەوت نزیك بووەتەوە و هێشتا تەهریب هەر هەیە كەڕۆژانە خۆی دەدات لەنزیك (200000)دوو سەدهەزار بەرمیل نەوت ئەمەش بە وتەی “عدنان الجنابی” سەرۆكی لێژنەی نەوت و ووزەی پەرلەمان لە خولی دووەمدا.

سەبارەت بە سیاسەتەكانی عیراق لەسەر ئاستی دەرەوە، بە وتەی ئەحمەدی حاجی ڕەشید،” عیراق بە ئاڵۆزترین بارودۆخی سیاسیدا گوزەر دەكات و بەرپرسەكانی خۆیان بۆ یەكلایی ناكرێتەوە لە چ برەیەك یان میحوەرێك هەڵبژێرن، میحوەری ئەمریكی خلیجی یان میحوەر و بەرەی روسی ئێرانی .

لەسەر ئاستی ناوخۆیی عیراق وەك دەوڵەت لەهەندێ جومگەو بڕگەدا لەقۆناغی (الدولە العمیقە) وە هەنگاوی ناوە بۆ قۆناغی (اللا دولە) و حكومەتیش ڕفێندراوە (اختطاف ) لە لایەن هێزە چەك بەدەستەوەكانەوە.

عێراق

ئەمڕۆ پەڕلەمانی عیراق كۆدەبێتەوە

خەڵك-بەشی هەواڵ

دەستەی سەرۆكایەتی پەڕلەمانی عیراق ئاشكرایدەكات، ئەمڕۆ یەك شەممە پەڕلەمان كۆدەبێتەوە و بەپێی بەرنامەی كاری كۆبوونەوەكەش بێت، هیچ بڕگەیەك بۆ دەنگدان لەسەر بازنەكانی هەڵبژاردن نییە.

دەستەی سەرۆكایەتیی پەڕلەمانی عیراق لە ڕاگەیەنراوێكدا ئاماژە بۆ ئەوە دەكات، دانیشتنی ئەمڕۆ یەك شەممە كاتژمێر 12ی نیوەڕۆ دەست پێدەكات و دانیشتنەكە لە شەش بڕگە پێكهاتووە كە تیایدا دەنگ لەسەر چەند پڕۆژەیاسایەك دەدرێت و خوێندنەوەی دووەم و دەنگدانیش بۆ ژمارەیەكی دیكە دەكرێت.

بەپێی كارنامەكەش بێت، هیچ بڕگەیەكی تێدا نییە كە تایبەت بێت بە دەنگدان لەسەر یاسای هەڵبژاردنی نوێ و بازنەكانی هەڵبژاردن كە مشتومڕێكی زۆری لەنێوان لایەنە سیاسیەكانی عیراقدا ناوەتەوە.

بەردەوام بە لە خوێندنەوە

عێراق

“مالیكی و عامری بیانەوێت حكومەتەكەی كازمی بڕوخێنن پێویستیان بە كودەتا نییە”

خەڵك – بەشی هەواڵ

حزبی دەعوە ڕەتیدەكاتەوە كە هەریەك لە نوری مالیكی و هادی عامری بەنیازی كودەتای سەربازی بن بۆ ڕووخانی حكومەتەكەی مستەفا كازمی.

ڕۆژنامەی ئەلعەرەبی لەندەنی لەژمارەی ئەمڕۆیدا بڵاویكردبووەوە، لەلایەن هەریەك لە نوری مالیكی سەرۆكی هاوپەیمانی دەوڵەتی یاسا و هادی عامری سەرۆكی هاوپەیمانی فەتحەوە جموجۆلێكی سەربازی هەیە بۆ كۆتایی هێنان بە ‌حكومەتەكەی مستەفا كازمی.

لای خۆیەوە، عەدنان ئەسەدی سەركردە لە حزبی دەعوە لە جریوەیەكدا لە تۆڕی كۆمەڵایەتی تویتەر ئەو تۆمەتانەی ڕۆژنامەكە ڕەتدەكاتەوە و ڕایدەگەیەنێت:”ئەگەر ئەو دوو كەسە بیانەوێت كۆتایی بەهەر حكومەتێك بهێنن كە خزمەت بە گەلی عیراق نەكات ئەوا پێویستان بە كودەتای سەربازی نییە، بەڵكو ئەنجومەنی نوێنەران و ڕێوشوێنە دەستورییەكان هەیە”.

ئەسەدی ئاماژە بەوەشكردووە، هەموو ئەو دەنگۆیانەی باس لە كودەتا دەكەن دوورن‌ لە ڕاستییەوە.

بەردەوام بە لە خوێندنەوە

عێراق

پەرلەمانی عێراق لە دەنگدان لەسەر یاسای هەڵبژاردنەكان شكستی هێنا

خەڵك- بەشی هەواڵ
پەرلەمانی عێراق لە كۆبونەوەی خۆیدا شكستی هێنا لە دەنگدان لەسەر یاسای هەڵبژاردنەكان.

محەمەد حەلبووسی سەرۆكی پەرلەمان وتی: داوامانكردووە بڕگەی تایبەت بە بازنەی هەڵبژاردنەكان لە یاسای هەڵبژاردنەكان دوابخرێت بۆ دوای پشووی پەرلەمان.

ئەوەش دوای ئەوەی هات ژمارەیەك فڕاكسیۆنی گەورە لە ناویاندا دەوڵەتی یاسا و فەتح لە دانیشتنەكە كشانەوە و رێژەی یاساییان شكاند.

هاوكات لەنێو پەرلەماندا گرژی و ئاڵۆزی لەنێوان پەرلەمانتاراندا دروستبووە، ئەمە لەكاتێكدا پێش كۆبوونەوەی پەرلەمان كۆبونەوەیەك لەنێوان فراكسیۆنەكاندا كراوە بۆ گەیشتن بە رێككەوتن، بەڵام رێكنەكەوتوون.

ژمارەی بازنەی هەڵبژاردنەكان لە عێراقدا خاڵی ناكۆكی لەسەرە، فراكسیۆنەكان دابەشبوون بەسەر چەند ئاراستەیەكدا.

بەردەوام بە لە خوێندنەوە

کوردستان