ئێمە لە تۆرە کۆمەڵایەتیەکان

وتار

بژاردەکانی بەردەم حکومەتی هەرێم لەیاسای بوجەدا- نەخشە ڕێگای دانوستان

ئەحمەدی حاجی ڕەشید

 

بەشی یەکەم

کێ لاوازە

لە دونیای سیاسەتدا هەمیشە ئەوە باوە وەک پێناسە کە سیاسەت کردن هونەری ئەوەیە کە دەکرێت،(فن الممکنات).

خۆ ئەگەر لەوە زیاتر و وردتر پێناسەیەکی تازە بکەین بۆ سیاسەت کردن کە پێناسەیەکی وردترو مەنتیقی تر بێت ئەوا دەگەینە ئەو پیناسەیەی کە دەڵێت: سیاسەت کردن بریتیە لە دۆزینەوەی ئەو دەرچەیەی نیوان واقع و مومکندا هەیە.
بەواتای ئەوەی، ئەوەی دەمانەوێت و هەوڵی بۆ دەدەین مەرج نیە واقع ڕێگەمان بدات بەدەستی بهێنین، یان هەندی دەسکەوت بەدەست دەهێنین کە مومکن نەبوە لەو زەمەنە بەدەستی بهێنن لەناکاو واقعێک روی داوەو بوەتە مومکن وەک روخانی رژێمی پێشوو یان شەڕی داعش و ناوچەکانی دەرەوەی ناوچە کوردستانیەکان یان ئەوەی دوای ریفراندۆم و 16 ئۆکتۆبەر ڕوویدا.

لێرەوە دەبێت ئەوە ڕوون بێت بۆ بەرپرسانی هەرێم: چی مومکنە کەهەوڵی بۆ بدرێت لە چوارچێوەی ئەو واقعەی کەهەیە.

سەرەتا با وێنەی واقعی عیراق بخەینە بەردیدی هەمووان لانیکەم ئەوەی کە ئێمە دەیبینین تابزانرێت چ شتێک مومکنە هەوڵی بۆ بدەین لەم کات و سات ، و ئەم واقعەی ئیستا.

عیراق لە ئیستادا 
لەسەر ئاستی دەرەوە : بە ئاڵۆزترین بارودۆخی سیاسیدا گوزەر دەکات و بەرپرسەکانی خۆیان بۆ یەکلایی ناکرێتەوە  چ بەرەیەک یان میحوەرێک هەڵبژێرن، میحوەری ئەمریکی خلیجی یان میحوەر و بەرەی ڕوسی ئێرانی .

لەسەر ئاستی ناوخۆیی :عیراق وەک دەوڵەت لەهەندێ جومگەو بڕگەدا لەقۆناغی (الدولة العمیقة) وە هەنگاوی ناوە بۆ قۆناغی (اللا دولة) و حکومەتیش رفێندراوە (اختطاف ) لە لایەن هێزە چەک بەدەستەوەکانەوە.

رۆژانە سیادەی عیراق پێشێل دەکرێت لە هەموو سنورەکانیەوە، ئیسرائیل بە ئاشکراو بێ پەردە بۆردومانی گەنجێنەکانی حەشدی شەعبی دەکات لە قوڵایی عیراقدا و ناشتوانێت هیچ وڵامێکی بدەنەوە چونکە نە هێزی فڕۆکەوانی عیراق دەتوانێت سنووری وڵاتانی دیکە ببەزێنێت و نە دۆستەکانیشی لە سوریاو لوبنان ئەوەی بۆ دەکەن و کار گەشتوەتە ئەوەی بەهانە دەهێننەوە بۆ ئیسرائیل و عیراق تاوانبار دەکەن کە گوایە ئەو گەنجینانەی کەلێیان دراوە جبەخانەی وڵاتانی دراوسێن ئەم لێدوانانەش لەلایەن هێزە شیعیەکانی ترەوە باس کراون ، بۆیە شتێک نەماوە بەناوی ئاسایشی نیشتمانی ، ڕاستە دەزگای ئاسایشی نیشتیمانیمان هەیە بەڵام هێندەی لە خزمەت تایەفەو گروپ و حزب و کەسایەتیەکاندایە هێندە لەخزمەت بەهای نیشتمانپەروەریدا نیە.

بەهەمان ڕێتم ڕێژەی گەندەڵی و فەساد گەیشتوەتە ئاستە مەترسیدارەکانی ستانداردی جهانی، ناشەفافی حکومەت و پشک پشکێنە شۆر بوەتەوە بۆ جومگە سەرەتاییەکانی بەڕێوەبەراتیەکان، خزمەت گوزاریەکان لە خراپترین ئاستدان .

ئابوری عیراق لە دۆخێکی پڕ مەترسیدایە و بڕی قەرزەکانی لە (۱۲٤) ملیار دۆلارەوە ڕێژەکەی بەرەو هەڵکشان دەڕوات بەهەردوو تەوەرەکەیەوە چ قەرزی دەرەکی بێت کەلەبوجەی ۲٠۱۹ ڕێگریمان لێکردوە چیتر نابێت عیراق قەرزی دەرەکی نوێ بکات ئەگینا زیاتر دەبوو، چ قەرزە ناوخۆیەکان بێت کەدەزگاو دامەزراوەی دارایی و بانکی نەماوە پارەی لێ وەرنەگیرابێت بەقەرز تاکار گەشتوەتە ئەوەی ساڵی ۲٠۱۹ بڕی (۷) ترلیۆن دینار قەرز کراوە لەسندوقی خانەنشین.

کەدێنە سەر گومرگ ئەوا بۆ زانینی دۆخی خراپی گومرگ وتەکەی کاظم العقابی کە لەلێژنەی دارایدا باسی کرد بەسە بۆ ئەوەی بزانین دۆخی گومرگ چۆنە، لەو کۆبونەوەدا بەرپرسی دەروازە سنووریەکانی عیراق وتی لە باکوری بەسرە لەکۆی (۹) دەروازەی سنووری لە(٥) دەروازەدا لەدوای نیوەڕۆ حکومەتیان تیدا نامێنێت و میلیشیا چەکدارەکان بەکەیفی خۆیان کاڵاو کەل و پەل هاوردە دەکەن.

سەبارەت بەداهاتە نەوتیەکان

عیراق لە سەقفی هەناردەکردنی (٤٠٠٠٠٠٠) چوار ملیۆن بەرمیل نەوت نزیک بوەتەوەو هێشتا تەهریب هەر هەیە کەرۆژانە خۆی دەدات لەنزیک (۲٠٠٠٠٠)دوو سەدهەزار بەرمیل نەوت  ئەمەش بە وتەی عدنان الجنابی سەرۆکی لێژنەی نەوت و ووزەی پەرلەمان لە خولی دووەمدا.

ئەگەر باسی دەسەڵاتی نەختینە بکەین (البنک المرکزی) تەنها ئەوەندە بەسە لێژنەی دارایی پەرلەمان هەرچەند دەکات لەو بابەتە تێناگات کەبۆچی ئەم بانکە لەماوەی تەنها (٤) رۆژدا نزیکەی (۱) یەک ملیار دۆلار دراوی قورسی دۆلار دەخاتە بازار لەم کاتەدا کەچالاکی بازرگانی لەعیراقدا لە ئاستێکی لاوازدایە ، بەپێی ئەو شیکاریەی سەرۆکی لێژنەی دارایی دەیکات بۆ مەزادی دراوی دۆلار کە ساڵانە نزیکەی (٤٠_٥٠) ملیار دۆلار لەڕێگەی بانکی مەرکەزیەوە دەخرێتە بازار بەمەبەستی وەبەرهینان و هاوردەکردن خۆ ئەگەر لانی کەمی گومرگ بخەمڵێنین کە٥٪ بێت دەبێت وەزارەتی دارایی نزیکەی (۱٠) ملیار دۆلار گومرگی دەست بکەوێت کەلە راستیدا بری گومرگ لە (۳) تیپەر ناکات ئەی باقی ئەو داهاتە لە کوێیە یان ئەو دراوە دەخرێتە بازارەوە بۆ کوێ حەواڵە دەکرێت!

هەموو ئەمانەی پێشوو کە خستمانەڕوو کە مشتێکە لە خەروارێک پیمان دەڵێن بەزمانی ڕوون ڕاشکاو:

عیراق وەک وڵات و حکومەتەکەی وەک دەسەڵاتی جێبەجێکردن وڵاتێکی لاوازی بێ ئیرادەی سیادە نوقسانی تاسەر ئێسک گەندەڵی ناشەفافی شپرزە.

بەڵام دەبێت بەرپرسانی هەرێم بزانن ئەم لاوازیە بەرانبەر کێیە

ریکلام

وتار

كاولكارى كوردستان !!

شێرزاد شێخانى

محمد ماغوتى نه‌مر ده‌ڵێ : من وه‌كو ئه‌و به‌ندكراوه‌م كه‌ بيست ساڵ ژووره‌كه‌ى خۆى هه‌ڵكۆڵى بۆ ئه‌وه‌ى را بكات ، دوايى بۆى ده‌ركه‌وت كه‌ رێگاكه‌ى ئه‌چێته‌وه‌ سه‌ر زيندانێكى تر ..

سه‌رده‌مانێك :

كاره‌بامان هه‌بوو .

ئاوى خواردنه‌وه‌مان هه‌بوو .

مووچه‌ى مانگانه‌‌مان هه‌بوو .

ئازووقه‌ى بايه‌عمان هه‌بوو .

پاسى هاتۆچۆمان هه‌بوو .

دامه‌زراندن بۆ گه‌نج وپييرانمان هه‌بوو .

ده‌وڵه‌ت و ده‌سه‌ڵات هه‌يبه‌تيان هه‌بوو .

كۆمه‌ڵگه‌ ئه‌خلاقى به‌رزو به‌رێزى هه‌بوو .

كاربه‌ده‌ستى حكومه‌ت ترسى له‌محاسه‌به‌ هه‌بوو .

گه‌نده‌ڵى و دزى و به‌رتيلخواردن نه‌بوو .

بازرگانى به‌ دين وسياسه‌ت نه‌بوو .

تاجيرى قاچاخچى و قۆڵبڕ نه‌بوو .

دكتۆرى شه‌ريكى ده‌رمانخانه‌ نه‌بوو .

مقاولى سه‌ر به‌ده‌سه‌ڵات نه‌بوو .

هه‌موو شتێكمان هه‌بوو ، ته‌نها ئازاديمان نه‌بوو

له‌پێناو ئازاديدا ، راپه‌ڕین .

***

به‌رهه‌مى راپه‌ڕين :

– كوردايه‌تيمان گۆڕى به‌ حزبايه‌تى .

– شه‌ڕى ئاڵامان گۆڕى به‌ شه‌ڕه‌ په‌ڕۆى حزبان .

– سياسيه‌كانمان كرده‌‌ بازرگان .

– دائيره‌ى ئه‌منمان گۆڕى به‌ ده‌زگاى ئاسايش .

– زيندانى ئه‌بو غرێبمان گۆڕى به‌ زيندانى ئاكرێ .

– كاره‌بامان گۆڕى به‌ موه‌ليده‌ى ئه‌هلى .

– مووچه‌ى مانگا‌نه‌مان كرده‌‌ سێ مانگ جارێك‌ .

– خه‌سته‌خانه‌ى حكوميمان گۆڕى به‌ كلينيكى ئه‌هلى .

– ده‌رمانى ئه‌سڵمان گۆڕى به‌ ئێكسپايه‌ر .

– جگه‌ره‌مان گۆڕى به‌ حه‌شيشه‌و تلياكى كريستال .

– عه‌داله‌تمان كرده‌ خوێنمژى .

– ويژدانمان گۆڕى به‌ دينارو دۆلار .

– ئه‌خلاقمان گۆڕى به‌ به‌ به‌ره‌ڵڵايى .

– كوردستانى ئازادمان كرده‌ زيندانێكى تاريكستان .

ئيدى .. بژى ئازادى !

بەردەوام بە لە خوێندنەوە

وتار

سەرۆک تره‌مپ پێشوازی له‌ كێ كرد؟ … چاونووقاندن به‌رامبه‌ر نه‌ته‌وه‌!

لوقمان غه‌فور
خراپه‌ دیدیمان وابێت ئێمه‌ له‌م هه‌ساره‌یه‌ ناژین. كاتێك سه‌رۆك دۆناڵد تره‌مپ پێشوازی له‌ نێچیرڤان بارزانی سه‌رۆكی هه‌رێمی كوردستان كرد. به‌شێك تره‌مپ-یان به‌ بێ ئاگا له‌ قه‌ڵه‌مدا، به‌شێكیش وایان دانا كه‌ له‌ قسه‌كانیدا گاڵته‌ی به‌ نێچیرڤان بارزانی كردووه‌.
ئه‌م دیدیه‌ زۆر خراپه‌، بۆ من نێچیرڤان بازانی بێت یان هه‌ر كوردێكی تر وه‌ك یه‌كه‌. ته‌نانه‌ت كاتێك له‌گه‌ڵ به‌رهه‌م ساڵح-یش دانیشت من ئه‌ویشم وه‌ك كوردێك هاته‌به‌رچاو نه‌ك سه‌رۆك كۆماری عیراق. پێویسته‌ بە ھەزاران مایل سه‌رووتر تێڕواتنیمان بۆ دنیای سیاسه‌ت هه‌بێت كه‌ ئاڵاكه‌ت له‌ ته‌نیشتی ئاڵای وڵاتێكه‌وه‌ دانراوه‌ كه‌ هه‌موو سه‌روه‌ریی دنیایی له‌ژێر ده‌ستیدایه‌. كه‌واته‌ ئه‌ی ئێمه‌ چیمان له‌ دنیای ده‌ره‌وه‌ی خۆمان ئه‌وێت؟
وێنه‌ گه‌وه‌ره‌كه‌ ئه‌مه‌یه‌! لای كوردی باشور و نه‌یارانی پارتی دیموكراتی كوردستان مادام پێشوازی له‌ نێچیرڤان بارزانی كردووه‌، دیداره‌كه‌ دیدارێكی هیچ نییه‌. له‌ ئه‌مریكا له‌ دۆخی وادا به‌و كه‌سانه‌ ده‌وترێت مێشك به‌ستوو! بۆچی؟ چونكه‌ دنیا ته‌نیا له‌ چوارچێوه‌ی مێشكی خۆیدا ده‌بیننه‌وه‌. له‌كاتێكدا كوردی باشور درك به‌وه‌ ناكات به‌سه‌دان سه‌رۆك هه‌یه‌ به‌ ملیۆنان دۆلار سه‌رفده‌كات بۆ دروستكردنی جالیه‌یه‌ك له‌ئه‌مریكا و ته‌نیا سیناتۆرێك پێشوازی لێبكات. سه‌رۆكی وڵات هه‌یه‌ ته‌مه‌نی دروستبوونی ده‌وڵه‌ته‌کەی 50 ئه‌وه‌نده‌ی ته‌مه‌نی حكومه‌تی هه‌رێمی كوردستانه‌، به‌ڵام ئومێدده‌خوازێت ته‌نیا بچێته‌ ناو كۆشكی سپی-یه‌وه‌.
خاڵێكی تر كه‌ زۆر گرنگه‌ ئۆباڵی ئه‌م وێنه‌ خراپه‌ بۆ ساتێكی ئاوا گه‌وره‌ی مێژوویی، به‌ پله‌ی یه‌كه‌م بۆ پارتی دیموكراتی كوردستان خۆی ده‌گه‌ڕێته‌وه‌ كه‌ له‌ماوه‌ی رابردوودا سه‌رۆكایه‌تی هه‌رێمی وه‌ك سه‌رۆكایه‌تییه‌كی سه‌ربه‌خۆ پیاده‌نه‌كردووه‌، بۆیه‌ بۆ كوردی باشور ئه‌م جۆره‌ ساتانه‌ی بێ به‌هایه‌. له‌به‌رامبه‌ردا كوردی باشور-یش له‌ ساتێكی وادا هێنده‌ په‌رته‌وازه‌ و بێ سوود ده‌بینرێت پێیوایه‌ چۆن له‌ به‌رده‌ركی سه‌را خۆپیشاندان له‌دژی بارزانی ده‌كرا، ئه‌وا ئه‌بوو سه‌رۆك دۆناڵد تره‌مپ-یش سه‌رزه‌نشتی نێچیرڤان بارزانی بكات له‌سه‌ر ئه‌و گه‌نده‌لی و نه‌هامه‌تییه‌ی ژیانی كوردی باشور.
كوردی باشور زۆرجار رووداو و فیگه‌ره‌كان تێكه‌ڵ و پێكه‌ڵ ده‌كات (حزبی دیموكراتی ئه‌مریكی و تره‌مپ) به‌ حزبێكی ئۆپۆزسیۆنی كوردی تێده‌گات. كۆنیشانه‌ی ئه‌مه‌ ئه‌وه‌یه‌ كوردی باشور هه‌میشه‌ بیری له‌ ئاماده‌خۆری كردۆته‌وه‌. له‌كاتێكدا ئه‌وه‌ی ئه‌مریكا و به‌ریتانیا و فه‌ره‌نسا و …. هتد له‌ مێژوودا بۆ كوردیان كردووه‌ به‌شێكی گه‌وره‌ی ئه‌ركی خۆی بووه‌، بۆیه‌ له‌دیدی ئه‌وه‌وه‌ ئه‌م دنیای ده‌ره‌وه‌ به‌خزمه‌تكاری خۆی ئه‌زانێت بێئه‌وه‌ی هیچ پێشكه‌ش بكات. له‌م نێوكۆیه‌دا پرسیارێك بۆ ئێوه‌ جێدێڵم، ئه‌گه‌ر خه‌ڵكی كوردستانی باشور له‌ ئه‌مریكا بوایه‌، به‌و هێزه‌ سه‌ربازی و ئابورییه‌ به‌هێزه‌وه‌ چۆن له‌ جیهانیان ئه‌ڕوانی؟
نیگه‌رانم به‌رامبه‌ر كوردی باشور، نه‌ مێژووی میلله‌تان ئه‌خوێنێته‌وه‌ نه‌ په‌ی بەدیوی ناوه‌وه‌ی مێژووی خۆشی ئه‌بات، كوردی باشور خۆشی نازانێت چی ئه‌وێت! زۆر لۆكاڵیی و ماددیانه‌ بیرئه‌كاته‌وه‌، هه‌موو شت ئه‌كات به‌ قوربانی مادده‌، هه‌موو دنیا لای ئه‌و مادده‌یه‌ بۆیه‌ دنیای ده‌ره‌وه‌ی خۆشی وه‌ك ماددی ده‌بینێت، كوردی باشور ده‌رزی ده‌مبووسی پێ دروستناكرێت، به‌ڵام هه‌موو دنیا به‌ شێت و گه‌لحۆ ئه‌زانێت.
پرسیار ئه‌وه‌یه‌ ئایا تره‌مپ ئه‌زانێت نێچیرڤان خه‌ڵكی باشوره‌؟ ئه‌مه‌ پرسیارێكی سه‌یره‌! به‌ڵێ ئه‌زانێت و باشیش ئه‌زانێت، كێشه‌ گه‌وره‌كه‌ ئه‌وه‌یه‌ مه‌نتالیه‌تی كوردی باشور لاوازه‌، بیری چۆته‌وه‌ ماوه‌یه‌ك له‌مه‌وبه‌ر مایك پێنیس جێگری سه‌رۆكی ئه‌مریكا سه‌ردانی هه‌مان كه‌سایه‌تی كرد له‌ هه‌ولێر، به‌ڵام كوردی باشور هه‌قی خۆیه‌تی بیر بكاته‌وه‌ بۆچی له‌قسه‌كانیدا خۆرئاواشی تێكه‌ڵ كرد؟
له‌ماوه‌ی رابردووی ده‌سه‌ڵاتی دۆناڵد تره‌مپ-دا، ئه‌مریكا شتێكی گه‌وره‌ی پێشكه‌ش به‌ كوردستانی باشور نه‌كردووه‌ تا له‌گه‌ڵ نێچیرڤان بارزانی باسی بكات. ئه‌و باسی رۆژئاوا ده‌كات، چونكه‌ ئه‌و وه‌ك كوردی باشور بیر ناكاته‌وه‌، ئه‌و كورد به‌ یه‌ك پاكێج ئه‌بینێت، ئه‌و پێیوانییه‌ كه‌سێك یه‌كێتی بوو لای پارتی ناسنامه‌ی نه‌ته‌وه‌یی لێوه‌ره‌گیرێته‌وه‌ و كه‌سێكش پارتی بوو لای نه‌یاره‌كانی ناسنامه‌ی نه‌ته‌وه‌یی لێده‌سه‌نرێته‌وه‌. تره‌مپ په‌یامێك ئه‌دات به‌ تێكڕای كورد له‌ماوه‌ی چه‌ند مانگی رابردوودا، له‌خۆرئاوا، ئه‌مانه‌مان كردووه‌ ئه‌بێت تۆش وه‌ك سه‌رۆكێكی كورد ئه‌مه‌تان له‌به‌رچاو بێت. له‌ئه‌مریكا هه‌موو شت به‌رنامه‌یه‌، تره‌مپ له‌ئه‌جێندای كاره‌كانیدا ئه‌نوسرێت كه‌ سه‌رۆكێكی كورد ئه‌بینێت، نانوسرێت سه‌رۆكی كوردستانی باشور یان خۆرئاوا، ئه‌گه‌ر به‌ده‌ست هه‌ندێك كه‌س بێت له‌كوردستانی باشور ئه‌وه‌ له‌ ژێر تایتلی دیداره‌كه‌دا ئه‌نووسرا: (پێشوازی سه‌رۆك دۆناڵد تره‌مپ له‌ نێچیرڤان بارزانی سه‌رۆكی هه‌رێم – زۆنی زه‌رد).
رێكه‌وتێكی سه‌یره‌! با به‌م نموونه‌یه‌كۆتایی پێبهێنم و وردتری بكه‌مه‌وه‌: هه‌فته‌ی پێشوو مامۆستا (مارك جۆهه‌نسن) له‌وانه‌ی (به‌راوردكاری حكومه‌ته‌كان- سیستمی سیاسی حكومه‌ته‌كان) له‌نێو قسه‌كانیدا باسی به‌راوردكاری سیستمی سیاسی ده‌وڵه‌تانی كرد كه‌ هه‌ندێك له‌ هه‌ندێك ئه‌چێت، كاتێك باسی ژماره‌ی ده‌وڵه‌تانی دنیای كرد وتی:”هه‌رچه‌نده‌ به‌ ژماره‌ 195 ده‌وڵه‌ته‌، به‌ڵام من به‌ 196 ی داده‌نێم به‌ حكومه‌ته‌ كوردییه‌كه‌وه‌ له‌ باكوری عیراق و خۆرئاوای سوریا!”، كه‌واته‌ ئه‌و وه‌ك ئه‌مریكییه‌ك كورد له‌ دنیادا به‌ یه‌ك ده‌وڵه‌ت و نه‌ته‌وه‌ و یه‌ك ره‌نگ ده‌بینێت، چی له‌ كوردی باشور بكات ئه‌یكات به‌ 10 ره‌نگ و نه‌ته‌وه‌ی جیاوه‌!
بەردەوام بە لە خوێندنەوە

وتار

مه‌سه‌له‌ی خانه‌نشینی و پڕۆفیسۆرێكی زانكۆ

د. كامەران مەنتك

یه‌كێك له‌ مامۆستا به‌ڕێزه‌كانی زانكۆی سه‌لاحه‌دین، كه‌ ساڵی رابردوو كۆچی دوایی كردو كۆمه‌ڵێك حه‌سره‌تی له‌گه‌ڵ خۆی برده‌ ژێر گڵ. ئاستی زانستی پڕۆفیسۆر بوو، 48 ساڵ خزمه‌تی هه‌بوو، زۆربه‌ی یاساناس و ماف په‌روه‌رو دكتۆرو پارێزه‌ره‌كانی ئه‌گه‌ر نه‌ڵێم هه‌موو كوردستان، هه‌موو هه‌ولێر له‌ ژێر ده‌ستی ئه‌و خوێندیان و قوتابی ئه‌و بوون، به‌ 2.5 دووملوێن و نیو خانه‌شین كرا!. بێگومان به‌ ده‌یان نمونه‌ی تری ئه‌و مامۆستا به‌ڕێزه‌ هه‌یه‌، كه‌چی كابرایه‌ك دێنن و چه‌ندین ساڵ به‌ناوی كوردایه‌تیه‌وه‌ خیانه‌تی له‌و میلله‌ته‌ كردووه‌، ناوی پله‌ باڵای لێده‌نێن و به‌ چه‌ند قاتی ئه‌و پڕۆفیسۆره‌ به‌ڕێزه‌ خانه‌نشینی ده‌كه‌ن!.

په‌رله‌مانتارێك، كادیرێكی حزبی كه‌ پێشتر تا توانای هه‌بوو خزمه‌تی به‌عسی كرد، دواتر خۆی منداڵه‌كانی بوونه‌ پارتی یاخود یه‌كێتی و هه‌ر هه‌موویان به‌ پله‌ باڵا خانه‌نشین كران، یاخود ده‌كرێن، كه‌ ره‌نگ بێت جگه‌ له‌ زیان هیچی تریان بۆ وڵات و نیشتیمان نه‌بوو بێت، ئایا ئه‌و لینگه‌قووچ كردنه‌وه‌ی پێگه‌كانی كۆمه‌ڵگاو بینینی شته‌كان به‌ پێچه‌وانه‌وه‌، ره‌نگدانه‌وه‌ی ئاستی بیر كردنه‌وه‌ی ده‌سه‌ڵاتی سیاسی نیه‌ له‌ هه‌رێمی كوردستان؟ یاخود سووككردنی مرۆڤه‌ پایه‌به‌رزه‌كانی نێوكۆمه‌ڵگا نیه‌ له‌ لایه‌ن ئه‌و پایه‌ نزمانه‌ی جلی به‌رپرس و سیاسه‌تمه‌دارو سه‌ركرده‌یان له‌به‌ر كردووه‌!؟. یاخود له‌ كۆتایدا جێبه‌جێكردنی ئه‌جێندایه‌كی ده‌ره‌كیه‌ بۆ تێكشكاندن و چرووك كردنی هه‌موو به‌هاكانی ئه‌و ئه‌و كۆمه‌ڵگایه‌!.

تێبینی1: مه‌سه‌له‌ی خانه‌نشینه‌كه‌م وه‌ك نمونه‌ هێنایه‌وه‌ له‌به‌ر ئه‌وه‌ی ئێستا قسه‌ له‌سه‌ر ئه‌و بابه‌ته‌ زۆر ده‌كرێت، ئه‌گینا ئه‌و بێڕێزی و بێبایه‌خكردنه‌ هه‌موو كایه‌كانی ژیانی كۆمه‌ڵگای كوردی گرتۆته‌وه‌و زۆر زانایانه‌ كاری له‌سه‌ر ده‌كرێت!.

تێبینی2: بۆ ئه‌وه‌ی بگه‌یته‌ پله‌ی پڕۆفیسۆری ده‌بێت دوای وه‌رگرتنی دكتۆرا 4 ساڵ خزمه‌تت هه‌بێت و به‌لایه‌نی كه‌م 3 توێژینه‌وه‌ت له‌ زانكۆیه‌كی ئه‌كادیمی بڵاوكرابێته‌وه‌، ئینجا ده‌ینێرنه‌ لیژنه‌ی پسپۆڕو له‌م وڵاته‌ یه‌ك دوو ساڵی ده‌وێت، ئه‌گه‌ر توێژینه‌وه‌كانت به‌ زۆرباشه‌ و باشه‌ هاته‌وه‌ ده‌بیه‌ پڕۆفیسۆری یاریده‌در. دوای ئه‌وه‌ ده‌بێت له‌و به‌رواره‌وه‌ 6 ساڵی تر خزمه‌ت بكه‌یت و به‌ لایه‌نی كه‌م 6 توێژینه‌وه‌ی ئه‌كادیمیی پێشكه‌ش بكه‌یت، كه‌ له‌ گۆڤاره‌ ئه‌كادیمیه‌كان بڵاوكرابێته‌وه‌ یاخود فه‌رمانی بڵاوكردنه‌وه‌ی وه‌رگیرابێت و لێژنه‌و بینه‌و به‌رده‌، ده‌بێت به‌ لایه‌نی كه‌م 3 توێژینه‌وه‌ له‌و شه‌ش توێژینه‌وه‌یه‌ ره‌سه‌ن بێت، ئینجا ده‌بێته‌ پڕۆفیسۆر، ئه‌مه‌ سه‌رباری 16 ساڵ خوێندنی سه‌ره‌تایی و ئاماده‌یی و زانكۆ، ئه‌گه‌ر هیچ ساڵێكیش نه‌مێنێه‌وه‌ هه‌موو ساڵێك به‌سه‌ركه‌وتوویی ده‌رچوو بێت. واته‌ 26 ساڵی رێك له‌ خوێندن و كاركردنی به‌رده‌وام، ئه‌گه‌ر هیچ دوانه‌كه‌وتبێت!. بێگومان ئێستا له‌ هه‌رێم ئه‌و حزبه‌كان ئه‌و پله‌ زانستیانه‌شیان وه‌كو هه‌موو شته‌كانی تر سووك كردووه‌!.

بەردەوام بە لە خوێندنەوە

کوردستان