ئێمە لە تۆرە کۆمەڵایەتیەکان

جیهان

سوپای پاسداران هەڕەشە لە ئەمریكا دەكات

خەڵك – بەشی هەواڵ
فەرماندەیەكی سوپای پاسدارانی ئێران ڕایدەگەیەنێت، بنكە و كەشتییە فڕۆكە هەڵگرەكانی ئەمریكا لە هەرێمەكەدا لە مەودای موشەكەكانی ئێراندان، دەشڵێت: “ئێران هەمیشە بۆ شەڕێكی هەمەلایەنە ئامادە بووە”.

ئەمیر عەلی حاجی نەژاد، فەرماند لە سوپای پاسداران بە ئاژانسی (تەسنیم)ی ڕاگەیاندووە، هەموو بنكەكان و فڕۆكە هەڵگرەكانی ئەمریكا لە مەودای 2 هەزار كیلۆمەتر لە دەوری ئێرانن و مووشەكەكانی ئێمە دەتوانێت ئەو ئامانجانە بپێكن.

دەشڵێت: “سوپای ئێران هەمیشە بۆ شەڕێكی هەمەلایەنە ئامادە بووە”، بەبێ ئەوەی ئاماژە بە هێرشەكانی ڕۆژی شەممە لە عەرەبستانی سعودی بكات.

دوای ئەوەی ئەمریكا تاوانی هێرشەكانی بۆ سەر دامەزراوەكانی نەوتی سعودیەی خستە سەر ئێران گرژی لە خۆرهەڵاتی ناوەڕاست پەرەی سەند، دۆناڵد ترامپ بە شای سعودی محەمەد بن سەلمان-ی وتووە، “وڵاتەكەی ئامادەیە لەگەڵ سعودی كاربكات بۆ ئەوەی دەستەبەری پاراستنی ئاسایشی وڵاتەكەی بكات”.

جیهان

نزیكەی 325 هەزار كەس لە ئێران تووشی كۆرۆنا بوون

خەڵك-بەشی هەواڵ

 

وتەبێژی وەزارەتی تەندروستی ئێران ڕایدەگەیەنێت، لە 24 كاتژمێری ڕابردوودا 2125 كەس تووشی كۆرۆنا بوون.

سیما سادات لاری وتەبێژی وەزارەتی تەندروستی ئێران لە كۆنفڕانسێكی ڕۆژنامەوانیدا ڕایگەیاند، لە 24 كاتژمێری ڕابردوودا 2125 كەس لە ئێران تووشی ڤایرۆسی كۆرۆنا بوون و 132 كەسیش گیانیان لە دەستداوە.

وتیشی”لە سەرەتای دەركەوتنی ڤایرۆسەكە تاكو ئەمڕۆ 324 هەزار و 692 كەس لە ئێران تووشی كۆرۆنا بوون”.

ئاماژەی بۆ ئەوەش كرد، هەر بەهۆی ڤایرۆسەكەوە تا ئێستا 18 هەزار و 264 كەس لە ئێران گیانیان لە دەستداوە.

بەردەوام بە لە خوێندنەوە

جیهان

بەڤیدیۆ..منداڵێكی هەژار چۆنێتی خواردنی مۆز نازانێت

خەڵك-بەشی هەواڵ

دیمەنی منداڵێكی هەژار تۆڕە كۆمەڵایەتییەكانی تەنیوە.
تۆڕی سپوتنیك بڵاویكردەوە، تۆمارێكی ڤیدیۆیی منداڵێكی هەژار بەناوی عوسمان كە نازانێت مۆز بخوات تۆڕە كۆمەڵایەتییەكانی تەنیوە.
لە تۆمارەكەدا، منداڵە هەژارەكە لە سەرەتادا نازانێت مۆزەكە چۆن بخوات و لە سەرەتادا دەیەوێت پێستەكەی بخوات.
بەكارهێنەرانی تۆڕە كۆمەڵایەتییەكان هەڵوێستی جۆراوجۆریان لەبارەی تۆمارەكەوە بڵاوكردووەتەوە و هەندێكیان ئاماژە بۆ ئەوە دەكەن، ئەوان زۆر كاریگەر بوون بە ڤیدیۆكە و ئەمەش كاریگەری درووستبوونی چینە كۆمەڵایەتییەكانە لە ئێران و خراپ بەكارهێنانی دەسەڵات لەلایەن بەرپرسانی ئێرانەوەیە.
بەشێكی دیكەش پێیان وایە، بڵاوكردنەوەی ئەم جۆرە تۆمارە ڤیدیۆییانە بۆ منداڵێكی هەژار باش نییە و ئەو منداڵەی پێ دەشكێت و بابەتێكی نامرۆڤانەیە.

بەردەوام بە لە خوێندنەوە

جیهان

تووشبوون بەکۆرۆنا نزیک دەبێتەوە لە ٢٠ ملیۆن کەس

خەڵک – بەشی هەواڵ

 

بەپێی نوێترین ئامار، زیاتر لە١٩ ملیۆن و ٥٤٨ هەزار تووشبووی کۆرۆنا لەجیهاندا تۆمارکراون.

 

بەپێی نوێترین ئامار لەسەرەتای بڵاوبوونەوەى ڤایرۆسی کۆرۆنا تاکو ئێستا  زیاتر لە ١٩ ملیۆن و ٥٤٨ هەزار تووشبووی ڤایرۆسی کۆرۆنای نوێ تۆمارکراون.

 

هەر بەپێی ئەو ئامارە، لەوماوەیەدا  زیاتر لە١٢ملیۆن و ٥٤٩ هەزار کەس چاکبوونەتەوە، کە لەبەرامبەردا زیاتر لە ٧٢٤ هەزار کەس گیانیان لەدەستداوە، ئەوانی دیکەش لەژێر چارەسەردان.

 

بەردەوام بە لە خوێندنەوە

کوردستان