ئێمە لە تۆرە کۆمەڵایەتیەکان

جیهانی

پێرێز لە کۆبونەوەی ئەنجومەنی گشتی ڕیاڵ مەدرید توڕە بوو: باسی ڕامۆس نەکەن، منیش لە تۆپی پێ دەزانم !

خەڵک سپۆرت

دوێنێ لە شاری مەدرید کۆبونەوەی ساڵانەی ئەنجومەنی گشتی یانەی ڕیاڵ مەدرید ئەنجامدرا و فلۆرنتینۆ پێرێزی سەرۆکی یانە بە توندی وەڵامی هەندێک لە ئەندامانی یانەکەی دایەوە.

سەرۆکە ناوازەکەی یانەی شاهانە لە وتارێکدا ڕایگەیاند :” هەمووان وا دەزانن من تەنها شارەزایەکی داراییم و لەڕووی وەرزشییەوە هیچ نازانم، بەڵام بێگومان چەندین ساڵ ئەزمونکردن لەگەڵ چەندین یاریزان و ڕاهێنەر و سەدان نازناو دەبمە کەسێک بە تەواوی لە بوارە هونەریەکانی تۆپی پێش بزانێت، لەئێستادا یانەکەمان توانیویەتی باڵانس لەنێوان لایەنە هونەری و وەرزشی و داراییەکاندا ڕابگرێت، ئەوەش بە هەوڵ و ماندوبوونی ئیدارەیەکی هاوسەنگ بووە”.

دوابەدوای وتارەکەی پێرێز یەکێک لە ئەندامانی ئەنجومەن کە ژمارەی (١٧٦٦) بووە، ڕایگەیاندووە :” پێویستە یاریزانان لە تۆڕی کۆمەڵایەتی ئینستاگرام داببڕێنرێن، یاریزانێکی وەک سێرجیۆ ڕامۆس هاوشێوەی گەشتیارێکی ئوسترالی خۆی نیشان دەدات و لەڕاستیدا نازانم زیاتر گرنگی بە تۆڕە کۆمەڵایەتیەکان دەدات، یاخود بەرژەوەندیەکانی ڕیاڵ مەدرید”.

لێرەدا پێرێز دووبارە دەگەڕێتەوە سەر ستەیج و بە توندی بەو ئەندامە ڕادەگەیەنێت :” بوەستە لە وتەکانت، لێرەدا ڕابوەستە، هەرگیز ڕێگەت پێنادەم بەردەوامبیت لە ڕەخنەکانت سەبارەت بە ڕامۆس، تۆ باسی کاپتن و سەرکردەی یانەکەمان دەکەیت، باس لە سەری گەورەی پێکهاتەی مەدرید دەکەیت”.

سەرچاوەکانی وەک مارکا و ئاس جەختیان کردۆتەوە، پێرێز بە ڕوونکردنەوە توندەکانی تەواوی نەیارانی بێدەنگ کردووە و تەنانەت سەبارەت بە دامەزراندنی تیپی کچان و چەندین بابەتی پەیوەندیدار ڕوونکردنەوەی پێویستی داوە، ڕێگەشی نەداوە هیچ کەسێک ڕەخنە لە زێدان و پێکهاتەکەی بگرێت.

پێرێز لەکۆتایی وتەکانیدا وتویەتی :” لەڕاستیدا من گرنگی بە هیچ یانە و دەستکەوتی کەسان و یانەی تر نادەم، ئەوەی دەیزانم یانەکەمان خاوەنی باشترین ڕاهێنەر و باشترین ٢٥ یاریزانی جیهانە، تەنها ئەوەندەمان لەسەرە بگەڕێینەوە سەر ڕێڕەوی چنینەوەی نازناوەکان، لەوەش زیاتر داواکارم هیچ یەکێکتان بیر لە لێدان و زیانگەیاندن بە پێکهاتەکەمان نەکەنەوە، دوای بەدەستهێنانی نازناوی چامپیۆزنی ١٣ هەموو جیهان دەزانێت کە ئێمە گەورەترینی مێژووین”.

جیهانی

(ڤیدیۆ) لیڤانتی سێ خاڵی ڕیاڵ مەدرید داتاشی و بەرشلۆنەی گەڕاندەوە لوتکە

خەڵک سپۆرت

لەمیانی رووبەڕوبونەوەکانی هەفتەی (٢٥)ی خولی ئیسپانیا، یانەی لیڤانتی لە سیوتات ڤالێنسیا میواندرای ڕیاڵ مەدریدی کرد و بە گۆڵێکی بێوەڵام یارییەکەیان بردەوە.

لەتایمی یەکەمدا یاریزانانی ڕیاڵ بەهێزتر دەرکەوتن و فشاریان خستە سەر گۆڵی لیڤانتی، بەڵام هازارد و بنزیمە و هاوەڵانیان لە هێڵی هێرشبەر سەرکەوتوو نەبوون لە تۆمار کردنی گۆڵ و ئەو تایمە بەبێ گۆڵ کۆتایی هات.

لە تایمی دووەمدا زێدان توانی لەڕووی تاکتیکیەوە کۆنتڕۆڵی وردەکارییەکانی یارییەکە بکات، هەرچی یاریزانانی لیڤانتییە بە هێرشی هەڵگەڕاوە هەلی گۆڵکردنیان دروست دەکرد و چەندین هەلی مەترسیداریان کردە سەر گۆڵەکەی تیبۆ کۆرتوا.

لە هێرشێکی هەڵگەڕاوەدا لە خولەکی ٨٠ خوسێ مۆرالیسی گۆڵکاریمێژوویی لیڤانتی گۆڵێکی کوشندەی بۆ یانەی خاوەن هاندەر و یاریگا تۆمار کرد.

لەدوای ئەم گۆڵە پێکهاتەی ڕیاڵ هیچیان لەبەردەمدا نەمایەوە تەنها هێرشبردن نەبێت و چوونە نێو نیوە یاریگای یانەی ڕکابەرەوە، بەڵام سەرکەوتوو نەبوون لە تۆمارکردنی گۆڵی یەکسانکردنەوە و یارییەکە بە گۆڵێکی بێوەڵام لەبەرژەوەندی یانەی خاوەن یاریگا و هاندەر کۆتایی هات.

یانەی شاهانەی مەدرید سێ خاڵی گرنگی لەدەستدا و للە (٥٣) خاڵدا وەستانەوە، ئەوەش یانەی بەرشلۆنەی بە (٥٥) خاڵەوە گەڕاندەوە لوتکەی ڕیزبەندی و بڕیارە کلاسیکۆی گەڕانەوە لە سانتیاگۆ بێرنابیۆ یەکلاکەرەوە بێت.

بەردەوام بە لە خوێندنەوە

جیهانی

(ڤیدیۆ) یوڤانتۆس بردنەوەی بەرامبەر سپال تۆمار کرد و لەلوتکەدا مایەوە

خەڵک سپۆرت

ئەمشەو لەمیانی ڕووبەروبونەوەکانی هەفتەی (٢٥)ی خولی ئیتاڵیا، یانەی یوڤانتۆس لەدەرەوەی یاریگای خۆی بەئەنجامی دوو گۆڵ بەرامبەر گۆڵێک سەرکەوتنێکی گرنگی بەرامبەر سپال تۆمار کرد.

لەتایمی یەکەمدا پێکهاتەکەی ماوریزیۆ ساری باشتر دەرکەوتن و چەندین هێرشی مەترسیداریان کردە سەر گۆڵی یانەی خاوەن یاریگا، بەڵام لەگەڵ ئەوەشدا کریستیانۆ و هاوەڵانی سەرکەوتوو نەبوون لە هەژاندنی تۆڕی گۆڵ.

لە خولەکی ٣٩ کریستیانۆ ڕۆناڵدۆی ئەفسانەی پورتوگالی دەرگای تۆماری گۆڵی کردەوە و گۆڵی پێشکەوتنی تۆمار کرد، لەدوای ئەم گۆڵەش چەند دەرفەتێکی تریان خوڵقاند و سەرکەوتوو نەبوون لەفراوانکردنی ئەنجامەکە، ئەو تایمەش بە ئەنجامی گۆڵێکی بێوەڵام کۆتایی هات.

لە تایمی دووەمدا و لە خولی ٦٠ ئارۆن ڕامسی ئەنجامەکەی بۆ دوو گۆڵی بێوەڵام فراوان کرد، لەدوای ئەم گۆڵە یاریزانانی سپالی خاوەن یاریگا فشاریان دروستکردن بۆ هاوتاکردنەوەی ئەنجامەکە.

لە خولەکی ٦٩ ئەندریا پیتانیا بە لێدانی سزا گۆڵی یەکەمی بۆ سپال تۆمار کرد، لەدوای ئەو گۆڵەش ڕووبەڕوبونەوەکە لەڕووی ئەنجامەوە هیچ گۆڕانکارییەکی بەسەردا نەهات و (١ – ٢) کۆتایی هات.

بردنەوەی پێکهاتەی خانمە پیرەکە بە دوو گۆڵ بەرامبەر گۆڵێک ڕێژەی خاڵەکانی ئەم وەرزەی بۆ (٦٠ خاڵ) بەرزکردەوە، بە جیاوازی چوار خاڵەوە پێشەنگی خولەکەیان گرت.

بەردەوام بە لە خوێندنەوە

جیهانی

(ڤیدیۆ) دۆرتمۆند و هالاند بەردەوامن لە بردنەوە و تۆمارکردنی ڕیکۆرد

خەڵک سپۆرت

ئەمشەو لەمیانی ڕووبەڕوبونەوەکانی هەفتەی (٢٣)ی خولی ئەڵمانیا، یانەی دۆرتمۆند بەسەرکەوتنی بەسەر یانەی ڤێردەربریمەن بەشێوەکی کاتیی بۆپلەی دووەم هەڵکشا.

لەتایمی یەکەمدا یانەی ڤێردەربریمەن باشتر دەرکەوتن و چەندین هەلی گۆڵکردنیان ڕەخساند، بەڵام سەرکەوتن یاوەری هێرشبەرانی ڤێردەربریمەن نەبوو و ئەو تایمە بەبێ گۆڵ کۆتایی هات.

لەتایمی دووەمدا سیناریۆکان پێچەوانەبوونەوە، ئەستێرەکانی ڤیستیڤالین ڕوخساری پاڵەوانیان نیشاندا و لەڕووی تاکتیکیەوە کۆنتڕۆڵی ڕووبەڕوبونەوەکەیان کرد، لەو تایمەدا جیاواز دەرکەوتن و چەندین هەلی گۆڵکردنیان لەبەردەم گۆڵەکەی جێری پاڤلێنکا دروستکرد.

لە خولەکی ٥٢ دان ئەکسل زاگادۆی لاوی هەڵکشاوی فەرەنسی یەکەم گۆڵی یانەی میوانی تۆمار کرد، لەدوای ئەم گۆڵە لێشاوی هێرشەکانی دۆرتمۆند نەوەستایەوە و لەخولەکی ٦٦ ئێرلینگ هالاندی هێرشبەری (١٩) ساڵی نەرویجی گۆڵی دووەم و فراوانکەری ئەنجامەکەی تۆمارکرد.

لەسەر ئاستی تاکە کەسی، ئێرلینگ هالاند بە تۆمارکردنی نۆ گۆڵ لە شەش ڕووبەڕوبونەوەدا بووە تاکە یاریزان لەمێژووی خولی ئەڵمانیا لە شەش رووبەڕوبونەوە نۆ گۆڵ تۆمار دەکات.

بەپێی ئەنجامە تۆمارکراوەکانی ئەمشەو، بەشێوەیەکی کاتی یانەی دۆرتمۆند بەکۆکردنەوەی (٤٥) خاڵ بۆ پلەی دووەم هەڵکشا، بەڵام ئەم ئەنجامە لەدوای ڕووبەروبونەوەی نێوان یانەکانی شالکە ولایپزیگ گۆڕانکاری بەسەردا دێت.

بەردەوام بە لە خوێندنەوە

کوردستان