ئێمە لە تۆرە کۆمەڵایەتیەکان

وەرزشەکانی تر

ئیسپانیا بەسەر ئەرجەنتیندا سەرکەوت و دووەم نازناوی مۆندیالیان بەدەستهێنا !

خەڵک سپۆرت

ئەمڕۆ یاریی کۆتایی جامی جیهانی باسکە و یاریی پلەی سێیەم و چوارەم ئەنجامدران و تیایاندا هەڵبژاردەکانی ئیسپانیا و فەرەنسا براوە بوون.

لە یاریی دیاریکردنی پلەی سێیەم و چوارەمدا، هەڵبژاردەی فەرەنسا بە ئەنجامی (٦٧ – ٥٩) سەرکەوتنی بەسەر هەڵبژاردەی ئوسترالیا تۆمار کرد و ئەنجامەکەش چاوەڕوانکراو بوو، بەوپێیەی کەڵەشێرەکانی فەرەنسا لە قۆناغی چارەکی کۆتایی توانیان ئەمریکای ئەفسانەیی لە ململانێکە بکەنە دەرەوە و ئەوەش دەریدەخات کە ئاستیان لەئاستی کەنگارۆکانی ئوسترالیا بەرزترە.

لە یاریی کۆتاییشدا، هەمووان چاوەڕوانبوون ئەرجەنتینیەکان ئاستێکی ناوازە هاوشێوەی قۆناغەکانی چارەک و نیوەی کۆتایی نیشان بدەن، بەڵام ئەوەی ڕوویدا پێچەوانە بوو، بەڵکو ماتادۆرەکانی ئیسپانیا بە سەرکردایەتی مارک گاسۆل توانیان لەچارەکی یەکەمەوە تا چوارەم کۆنترۆڵی وردو درشتی ڕووبەڕوبونەوەکە بکەن.

لە چارەکی یەکەمدا لارۆخا بە ئەنجامی (٢٣ – ١٤) پێشەنگی گرت، لە چارەکی دووەمیشدا پێشەنگیان بە ئەنجامی (٢٠ – ١٧) درێژە پێدا، سەیر لەوەشدا بوو سەماکەرانی تانگۆ هەرگیز ڕوحیەتی ڕووبەروبونەوەکانی پێشوویان نیشان نەدا و لە هاوتاکردنەوەی ئەنجامەکەدا سەرکەوتوو نەبوون، لە چارەکی سێیەمدا مارک گاسۆڵ و هاوەڵانی بە ئەنجامی (٢٣ – ١٦) سەرکەوتنیان بەدەستهێنا و ئەنجامی کۆتاییان تا چارەکی سێیەم گەیاندە (٦٦ – ٤٧) کە مەحاڵ بوو لە چارەکی کۆتاییدا هاوتا بکرێتەوە، چارەکی کۆتاییش بە ئەنجامی (٢٩ – ٢٨) کۆتایی هات و کۆی ئەنجامەکە کردییە (٩٥ – ٧٥) لەبەرژەوەندی ماتادۆرەکان.

لەڕووی مێژووییەوە بۆ دووەمجارە ئیسپانیا نازناوی مۆندیال دەچنێتەوە و بۆ جاری یەکەم لە ساڵی ٢٠٠٦ جامەکەیان بەرزکردۆتەوە.

وەرزشەکانی تر

فێراری فێڵی لەسەرجەم تیمەکانی “فۆرمولا ١” و فیدراسیۆنی نێودەوڵەتی کردووە، بەڵام…

خەڵک سپۆرت

تیمی فێراری ئیتاڵی بەشدار لە ململانێکانی “فۆرمولا ١” لە چۆنیەتی وەبەرهێنانی بزوێنەری ئوتۆمبێلەکانیدا فێڵی لەسەرجەم تیمە ڕکابەرەکانی و فیدراسیۆنی نێودەوڵەتی ئوتۆمبێلە خێراکانیش کردووە، بەڵام فیدراسیۆنەکە هیچ هەنگاوێک بە ئاڕاستەی سزاداکانی ئەو تیمە نانێت.

ماڵپەڕی “ئاوتۆ بێلد”ی ئەڵمانی ئاشکرای کردووە، لەم وەرزەدا ئوتۆمبێلەکانی تیمی فێراری لەچوارچێوەی ململانێکانی “فۆرمولا ١” جیاوازی بەرچاویان پێوەدیار بووە، بە ئاشکرا دەرکەوتووە کە خێراییان لە خێرایی ئوتۆمبێلی تیمەکانی تر زیاترە، بەو هۆیەوەشەوە زۆرینەی تیمەکان سکاڵایان لەسەر ئیتاڵیەکان تۆمار کردووە، بەڵام فیدراسیۆنی نێودەوڵەتی هیچ کاردانەوەی نییە.

سەرچاوەیەک لە تیمێکی ڕکابەرەکەوە کە نەیویستووە ناوی ئاشکرا بکرێت، بە ماڵپەڕەکەی ڕاگەیاندووە :” ئەو بەرەو پێشچوونەی تیمی فێراری لە یەکەی وەبەرهێنانی وزەی بزوێنەرەکانیدا بەدەستیهێناوە یاسایی نییە، شێتانەیە تیمێک بەو خێراییە بتوانێت گۆڕانکاری هێندە گەورە بەرجەستە بکات، بەڵکو ئەوەی ڕوویداوە بەکارخستنی نوێترین تەکنەلۆجیای سەردەمە و بزوێنەرەکانیش گەورەترن لە بزوێنەری تیمەکانی تر”.

هەروەها دەڵێت :” فیدراسیۆنی نێودەوڵەتی ئەم ڕاستیانە دەزانێت، بەڵام نایانەوێت هیچ لەبارەیەوە بڵێن و پشکنین بۆ بزوێنەرەکانیان بکەن، دڵنیام ئەگەر ئەوە ڕووبدات ئابڕوچونێکی مێژوویی ئاشکرا دەبێت”.

لەم وەرزەدا و سەرباری ئەو تۆمەتانەی ئاڕاستەی فێراری دەکرێت، بەڵام تیمی مێرسیدسی ئەڵمانی لەسەر ئاستی تیم و شۆفێرانیش لوتکەی بوارەکەی گرتووە و چەند وەرزێکیشە کۆنترۆڵی سەرجەم پێشبڕکێکانیان کردووە.

بەردەوام بە لە خوێندنەوە

وەرزشەکانی تر

مورای دوای دوو ساڵ گەڕایەوە و نازناوی ئانتوێربی بەلجیکی بەدەست هێنا

خەڵک سپۆرت

ئاندی مورای ئەستێرەی تێنسی سەرزەوی بەریتانی گەڕایەوە سەر ڕێڕەوی سەرکەوتنەکان و نازناوی پاڵەوانێتی ئانتوێربی بەلجیکی بەدەست هێنا.

لە وەرزی ٢٠١٧وە و بەتایبەت لە پاڵەوانێتی کراوەی دوبەیەوە ئاندی مورای بەهۆی پێکانەوە هیچ هەنگاوێکی گەورەی لەبواری تێنسی سەرزەویدا نەناوە، بەڵکو لە یەکەمی ڕیزبەندی یاریزانانەوە بۆ پلەی ٢٤٣ دابەزی و بەشداریکردنیشی لە زۆرینەی پاڵەوانێتیەکاندا تەنها لە پێناو گەڕانەوە و دووبارە بەردەوامیدان بوو بە یاریکردن.

ئەمڕۆ لە فاینەڵی پاڵەوانێتی ئانتوێرب کە براوە تیایدا ٢٥٠ خاڵ بەدەست دەهێنێت، ئەستێرە ئینگلیزیەکە بە ئەنجامی دوو کۆمەڵە بەرامبەر کۆمەڵەیەک (٣ – ٦)، (٦ – ٤)، (٦ – ٤) سەرکەوتنی بەدەستهێنا، ئەم دەستکەوتەش یەکەمین دەستکەوتە لە هاوینی ٢٠١٧وە دەیچنێتەوە.

بردنەوەی نازناوی ئانتوێرب لەلایەن مورای ناودارەوە خۆی لە خۆیدا وەک ڕیکۆردێک تۆمارکرا، چونکە لەدوای پابلۆ ئاندوخاری یاریزانی پێشوی بوارەکە تاکە یاریزانە لە پلەی ٢٤٣وە نازناوێکی گەورەی بواری تێنس بەدەست دەهێنێت.

بەردەوام بە لە خوێندنەوە

وەرزشەکانی تر

مارکێزی پاڵەوان لە بردنەوەکانی ناوەستێت و پێشبڕکێی ژاپۆنیشی بردەوە !

خەڵک سپۆرت

مارک مارکێزی شۆفێری ئیسپانی بەردەوامە لەسەرکەوتنەکانی و سەرباری چنینەوەی نازناوی پاڵەوانێتی جیهان، لە کۆتا پێشبڕکێدا ڕێگەی بە ڕکابەرانی نەدا تامی سەرکەوتن بکەن.

ئەمڕۆ پێشبڕکێی ژاپۆن بۆ مۆتۆڕە خێراکانی جۆری “مۆتۆ جی پی” ئەنجامدرا، مارک مارکێزی شۆفێری تیمی هۆندا پلەی یەکەمی بەدەستهێنا و ڕیکۆردی مێژوویی مایک دوهانی ئەفسانەی هاوتا کردەوە (٥٤ بردنەوەی ئاستی نایاب).

بردنەوەی پێشبڕکێی ژاپۆن کە شانزەهەمین پێشبڕکێی وەرزە بۆ مارکێز لەڕووی ڕیزبەندیەوە هیچ کاریگەری نەبوو، بەوپێیەی لە جەولەکانی ڕابردودا توانی نازناوی پاڵەوانی جیهان یەکلایی بکاتەوە، لەڕووی داتا و ئامارەوە دەیکردە دەیەم بردنەوەی ئەم وەرزە و بردنەوەی ژمارە ٥٤ لە ئاستی نایاب.

پلەکانی تری پێشبڕکێی ژاپۆنی گەورە بەم شێوەیە بوون: فابیۆ کوارتاراو (ئاماها) پلەی دووەم، ئەندریا دۆفیزیۆزۆ (دوکاتی) پلەی سێیەم، مافریک فیناڵس پلەی چوارەم، کال کراچلۆ پلەی پێنجەم، فرانکۆ مۆرپیدۆلی پلەی شەشەم، ئالێکس ڕینز پلەی حەوتەم، جوان میر پلەی هەشتەم، دانێلۆ پیترۆشی پلەی نۆیەم، جاک میڵەر پلەی دەیەم.

بەردەوام بە لە خوێندنەوە

کوردستان