ئێمە لە تۆرە کۆمەڵایەتیەکان

کوردستان

پەڕلەمانی كوردستان كۆدەبێتەوە
خەڵك؛ كارنامەی كۆبوونەوەی پەڕلەمان بڵاودەكاتەوە

خەڵك- بەشی هەواڵ
پەڕلەمانی كوردستان كۆبوونەوەكانی دەستپێدەكاتەوە و لە یەكەم كۆبوونەوەشدا خوێندنەوە بۆ چەند پڕۆژە یاسایەك دەكرێت.

بەپێی بانگهێشتانەكەیەك، كە د. ڕێواس فایەق، سەرۆكی پەڕلەمانی كوردستان ئاڕاستەی سەرجەم پەڕلەمانتارانی كردووە، كۆبوونەوەی ژمارە 1ی ئاسایی ساڵی یەكەمی خولی هەڵبژاردنی پێنجەمی پەڕلەمانی كوردستان لەكاتژمێر (11)ی پێشنیوەڕۆی ڕۆژی سێ شەممە 17-9-2019 ئەنجام دەدرێت.

هاوكات بەپێی بەرنامەی كاری یەكەم كۆبوونەوەی پەڕلەمان لە وەرزی پاییزەدا، كە وێنەی دەست (خەڵك) كەوتووە، خوێندنەوە پۆ چەند پڕۆژە یاسایەك دەكرێت لەگەڵ خستنەڕووی بیرۆكەی پەڕلەمانتارێك سەبارەت بە ژمارەی دانیشتووانی هەرێمی كوردستان.

دەقی بانگهێشت و بەرنامەی كاری یەكەم كۆبوونەوەی پەڕلەمان:

کوردستان

كاتی كۆبوونەوەی ئەنجوومەنی سەركردایەتی گشتی یەكێتی دیاریكرا

خەڵك – بەشی هەواڵ
ئەندامێكی ئەنجوومەنی سەركردایەتی گشتی یەكێتی ڕایدەگەیەنێت، بەهۆی تەواو نەبوونی كارەكانی لیژنەی پێداچوونەوە بە پەیڕەوی ناوخۆ كۆبوونەوەكە بۆ ڕۆژی چوار شەممە دواخرا.

سەعدی ئەحمەد پیرە، ئەندامی ئەنجوومەنی سەركردایەتی گشتی یەكێتیی نیشتمانیی كوردستان بە (خەڵك)ی ڕایگەیاند، بەهۆی ئەوەی لیژنەی پێداچوونەوە بە پەیڕەوی ناوخۆ كارەكانی تەواو نەكردووە و هەندێك لە ئەندامان لێرە نەبوون، سەرۆك كۆمار لە دەرەوە بوو، ئەمانە هۆكاربوون بۆ ئەوەی كۆبوونەوە نەكرێت.

ڕاشیگەیاند، بڕیاربوو ڕۆژی دوو شەممە ئەنجوومەنی سەركردایەتی گشتی دووەم كۆبوونەوەی ئەنجام بدات و لیژنە پێداچوونەوە بە پەیڕەوی ناوخۆ كارەكانی تەواو بكات و پەیڕەوێكی نوێ‌ بخاتە بەردەم ئەنجوومەنی سەركردایەتی گشتی.

جەختیشی كردەوە، كە كۆبوونەوەكەی ئەنجوومەنی سەركردایەتی گشتی خراوەتە ڕۆژی چوار شەممە.

بە پێی زانیارییەكانی (خەڵك) لیژنەی پێداچوونەوە بە پەیڕەوی ناوخۆی یەكێتی زۆربەی كارەكانی تەواو كردووە و تەنها پێداچوونەوەی ماوە بە بڕگەكانی پەیڕەوی ناوخۆ و دەیخاتە بەردەم سەركردایەتی گشتی حزبەكەی.

بەردەوام بە لە خوێندنەوە

کوردستان

لە دهۆك؛ گەنجێك لە لای دیوار مزگەوتێك ویستی كۆتایی بەژیانی خۆی بهێنێ

خەڵك – بەشی هەواڵ
بەڕێوەبەرایەتی پۆلیسی پارێزگای دهۆك ڕایدەگەیەنێت، ئێوارەی ئەمڕۆ لەلایەن هێزەكانیانەوە گەنجێكیان ڕزگار كرد، كە ویستبووی لە ڕێگەی چەكەوە كۆتایی بە ژیانی خۆی بهێنێ.

بەڕێوەبەرایەتی پۆلیسی پارێزگای دهۆك لە ڕاگەیەنراوێكدا، كە وێنەیەكی دەست (خەڵك) كەوتووە ڕایگەیاندووە، ئێوارەی ئەمڕۆ یەك شەممە 26-1-2020 لە گەڕەكی نزاركای نوێ لە نزیك دویاری مزگەوتی مەلا ناتق گەنجێك خەریك بووە كۆتایی بەژیانی خۆی بهێنێ.

ڕاشیگەیاندووە، دەستبەجێ لە لایەن پۆلیس و هێزەكانی ئاسایشەوە چوونەتە شوێنەكە و دەستیان بەسەر ئەو چەكەدا گرتووە، كە گەنجەكە بەنیاز بووە بۆ خۆكوشتن بەكاری بهێنێت و ڕزگاریان كردووە.

ئەمە لەكاتێكدایە، لەماوەی ئەم مانگە لە پارێزگای دهۆك و شارۆچكەی زاخۆ نزیكەی 10 حاڵەتی كوشتن تۆماركراوە.

بەری دەمەكێ كێم ل تاخێ نزاركا نوی ل بەر دیوارێ مزگەفتا مەلا ناتقی گەنجەكی هەوڵا خوكوشتنێ دا بەلێ هێزێن پولیس و ئاسایشێ ل وێرێ ئامادەبوون و چەك ژێ هاتە وەرگرتن.

بەردەوام بە لە خوێندنەوە

ئابوری

بڕیارێك لە بەرژەوەندی جووتیاران دەركرا

خەڵك-بەشی هەواڵ

قائیمقامی سلێمانی ڕایدەگەیەنێت، لە سلێمانی بەرهەمی سەوزەی ناوخۆ پێداویستی بازاڕ پڕ دەكاتەوە و سێ‌ هێندەی ساڵی ڕابردووش بەرهەم زیادی كردووە.

ئەمڕۆ یەك شەممە 26-1-2020 ئاوات محەمەد، قائیمقامی سلێمانی لەگەڵ لیژنەی دیاریكردنی هاوسەنگی بەروبوونی سەوزە و میوە لە پارێزگای سلێمانی كۆبووەوە و ڕایگەیاند، بە ئامانجی زیادكردنی ئاستی بەروبوومی ناوخۆیی پاڵپشتی زیاتری جووتیاران و پڕۆژە خۆماڵییەكان دەكەین.

وتیشی، “وەك هاوكارییەك بۆ جووتیاران و ساغكردنەوەی بەرهەمەكانیان، جەخت لە بڕیاری وەرنەگرتنی (عمولە) لە جووتیاران لە عەلوەی سلێمانی دەكەینەوە و لەكاتی فرۆشتنی بەرهەمەكانیان هیچ بڕە پارەیەك لە جووتیاران وەرناگیرێت و هەر نووسینگەیەكی كشتوكاڵیش پارە لە جووتیاران وەربگرێت ڕووبەڕووی سزا دەكرێتەوە”.

ئاماژەی بۆ ئەوەشكرد، بڕیارەكە كاریگەری زۆری هەبووە لەسەر دروستبوونی جموجوڵ و زیادكردنی بەرهەمی ناوخۆیی و ساغكردنەوەی بەرهەمەكانی جووتیاران لە عەلوەی سلێمانی.

ڕوونیشیكردەوە، هەر جووتیارێك سەوزە بەئاوی قورس بەرهەم بهێنێت، ڕووبەڕووی سزای یاسایی دەبێتەوە، خۆشبەختانەش سەوزەی بەرهەمهاتوو بەشێوەی تەندروست سێ‌ هێندەی ساڵی ڕابردووە و بۆ پارێزگاكانی تری عیراقیش هەناردە دەكرێت.
س.ع

بەردەوام بە لە خوێندنەوە

کوردستان