ئێمە لە تۆرە کۆمەڵایەتیەکان

جیهان

حوسییەكان بەرپرسیارێتی هێرشەكەی سەر ئارامكۆیان لە ئەستۆ گرت

خەڵك –بەشی هەواڵ

حوسییەكان بەرپرسیارێتی ئەو هێرشانەیان گرتە ئەستۆ كە ڕۆژی شەممە بە فڕۆكەی بێفڕۆكەوان ئەنجامدراوە. ئەو هێرشانە بوون بەهۆی ئاگركەوتنەوە لە دوو دامەزراوەی نەوت كە سەر بە كۆمپانیای ئارامكۆی سعودییەن. لە ماوەی پێنج مانگی ڕابوردوودا ئەمە سێهەمین هێرشە بۆ سەر ئەو دامەزراوانەی كە سەر بەو كۆمپانیایەن.

دەمودەست حوسییەكان بەرپرسیارێتی خۆیان لەهەردوو هێرشەكەی پێشوتر ڕاگەیاندبوو كە لە مانگی ئایار و ئابدا ئەنجامیاندا بوو بۆ سەر دامەزراوەكانی ئارامكۆی لە سعودییە، سعودییە كە سەرۆكایەتی ئەو هاوپەیمانییە لەشكرییە دەكات و هەر لەساڵی 2015 ەوە هێرشی ئاسمانی لەیەمەن ئەنجام دەدات دژی سەرهەڵداوە یاخییە حوسییەكان و پشتیوانی حكومەتەكەی عەبد رەبە مەنسور هادی دەكات كە لەئاستی نێودەوڵەتیدا حكومەتێكی باوەڕپێكراوە.

وتەبێژێكی ئاسایشی كە بە ناوی وەزارەتی ناوخۆی سعودییەوە ڕایگەیاند “لەكاتژمێر 4 ی سەرلەبەیانی ڕۆژی شەممە بە كاتی خۆجێی تیمی ئاسایشی پیشەسازی لە كۆمپانیای ئارامكۆ هەستان بە خامۆشكردنی دوو ئاگركەوتنەوە لەدوو كارگەی سەر بە كۆمپانیاكە لەپارێزگای بەقیق و هەجرە خەرس كە لەڕێی فڕۆكە بێ فڕۆكەوانەكانەوە كرابوونە ئامانج.”

لە ڕاگەیەندراوێكدا كە ئاژانسی هەواڵەكانی سعودییە بڵاویان كردۆتەوە ئاماژە بەوە كراوە هەردوو ئاگرەكە كۆنتڕۆڵ كراون و رێگیراوە لە تەشەنەكردنی، بەڵام ئەو فڕۆكە بێ فرۆكەوانانە دیاری نەكراون كە سەر بە كوێ بوون و باسی ئەوەش نەكراوە ئایا ئەو هێرشانە قوربانی لێكەوتۆتەوە یان نا هاوكات هیچ زانیاریەكیان لەبارەی وردەكاری هێرشەكەوە بڵاونەكردەوە و بەڵام رایانگەیەند كە لێپێچینەوە دەستپێدەكەن.
سەرچاوە/VOA

ریکلام

جیهان

فڕۆكەیەكی ئێرانی بە سەرنشینەكانیەوە ئاگری گرت

خەڵك- بەشی هەواڵ
فڕۆكەیەكی گواستنەوەی هاووڵاتیان لە گەشتێكی ناوخۆیی وڵاتەكەدا ئاگری گرت و بەهۆیەوە ناچاربوو بنیشێتەوە.

بەپێی هەواڵێكی ئاژانسی (rt)ی ڕوسی و (سۆمەریە نیوز)ی عیراقی، كە لە كەناڵێكی تەلەفزیۆنی ئێرانیەوە بڵاویانكردۆتەوە، فڕۆكەیەكی نەفەرهەڵگر لە كاتی فڕینی بە چەند خولەكێك ئاگری گرتووە و ناچار بووە دووبارە بنیشێتەوە.

ڕاشیانگەیاندووە، كە فڕۆكەكە لە گەشتێكی ناوخۆیی نێوان گرگان و تاران بووە و تا ئێستا زیانەكانی فڕۆكەكە نەزانراوە و هیچ ئامارێكیش دەربارەی قوربانیان نییە.

لای خۆشیەوە، ئاژانسی (سكای نیوز عەرەبیە) بە پشت بەستن بە هەواڵی ئاژانسی (مهر)ی نیمچە فەرمی ئێران ئاشكرای كردووە، كە ئەو فڕۆكەیە لە گەشتی نێوان تاران- ئەستەنبوڵ بووە و بەهۆی كێشەی هونەرییەوە ئاگری گرتووە.

دەشڵێت: “فڕۆكەكە ناچار بووە لە فڕۆكەخانەی مهر ئاباد بنیشێتەوە و هیچ زیانێكی گیانی لێ‌ نەكەوتۆتەوە

ئەمە لەكاتێكدایە، كە لە ماوەی ڕابردوودا فڕۆكەیەكی ئێرانی بە مووشەكی ئاڕاستەكراو لە تاران كەوتە خوارەوە و بەهۆیەوە 176 كەس گیانیان لەدەستدا.

بەردەوام بە لە خوێندنەوە

جیهان

تەندروستی چین دۆزینەوەی چارەسەری كۆرۆنای ڕاگەیاند

خەڵك- بەشی هەواڵ

پەیمانگای نیشتیمانی بۆ بەرهەنگاربوونەوەی نەخۆشییە ڤایرۆسییەكان لە چین ڕایگەیاند، چارەسەری پێویستیان بۆ نەخۆشی كۆرۆنا ڕەوانەی نەخۆشخانەكانی تایبەت بە نەخۆشانی ڤایرۆسەكە كردووە.

ئاژانسی هەواڵی”شینخوا”ی چین ئاماژەی بەوەكرد، چارەسەری پێویست دۆزراوەتەوە بۆ نەخۆشییەكە.

لەلایەكی دیكەوە وەزیری تەندروستی چین ئاماژەی بەوەكردووە، ڤایرۆسەكە هێزێكی زیاتری لە پێشوو هەیە و بە خێرای گەشەدەكات و بڵاودەبێتەوە.

بەردەوام بە لە خوێندنەوە

جیهان

زاناكان هۆشداری توند دەدەن لە بڵاوبوونەوەی كۆرۆنا

خەڵك- بەشی هەواڵ

زانایان هۆشداری دەدەن لە بڵابوونەوەی ڤایرۆسی كۆرۆنا، بۆیە داوای ڕێوشوێنی پێویست لە چین و وڵاتانی دیكەیش دەكەن.

زانایانی ناوەندێكی زانستی لە لەندەن ئاماژەیان بەوەكردووە، ڤایرۆسەكە مەترسییدارە و لانیكەم لە كەسێكەوە بۆ كەسێكی دیكە دەگوازرێتەوە.

پێشتر بەرپرسانی چین ئاماژەیان بەوەكردبوو، كە توانیویانە 60% كۆنترۆڵی ڤایرۆسەكە بكەن.

بەپێی دواین ئامارەكان 56 كەس بەهۆی ڤایرۆسەكەوە گیانیان لەدەستداوە.

بەردەوام بە لە خوێندنەوە

کوردستان