ئێمە لە تۆرە کۆمەڵایەتیەکان

کوردستان

خەڵك؛ وردەكاری پێدانی كارتی نیشتمانی بە منداڵان بڵاودەكاتەوە


خەڵك- بەشی هەواڵ
بەپێی یاسای وەزارەتی ناوخۆی عیراق سەرجەم هاووڵاتیان بە هەرێمی كوردستانیشەوە دەبێت ببنە خاوەنی كارتی نیشتمانی و بەڕێوەبەری فەرمانگەی كارتی نیشتمانی سلێمانی-ش دەڵێت: “منداڵی تازە لەدایكبوو كارتی نیشتمانی پێ‌ دەدرێت”.

ڕائید شێركۆ ئەحمەد، بەڕێوەبەری فەرمانگەی كارتی نیشتمانی سلێمانی بۆ (خەڵك) ڕایگەیاند، یاسای ژمارە (3) كە لە ساڵی 2016 لە پەڕلەمانی عیراق دەرچووە ڕێنمایی بەردەوامی لە خزمەتی هاووڵاتیان بۆ دەردەچێت و لە ئێستادا كارتی نیشتمانی بۆ منداڵی تازە لەدایكبوو دەردەكرێت.

ڕاشیگەیاند، منداڵی تازە لەدایكبوو لەبەرئەوەی، كە لەدایك دەبێت هیچ بەڵگەنامەیەكی نییە، بۆیە كارتی نیشتمانی بۆ دەردەكرێت بەبێ‌ پەنجەمۆری ئەلیكترۆنی و تیشكی گلێنەی چاو.

جەختیشی كردەوە، كە بەپێی یاساكە تا تەمەنی 12 ساڵ منداڵ كارتی نیشتمانی بۆ دەردەكرێت.

بەپێی یاسا، كە لە پەڕلەمانی عیراقەوە دەرچووە، كارتی نیشتمانی دەبێتە جێگرەوەی بەڵگەنامە فەرمیەكانی (ڕەگەزنامە و پێناسی باری شارستانی و كارتی زانیاری) و دوای كۆتایی هاتنی پڕۆسەكە كارتی نیشتمانی دەبێتە بەڵگەی فەرمی كارپێكردن و ناسنامەی كەسیی هاووڵاتیان.

 

کوردستان

“دوو حاڵەت باری تەندروستیان ناجێگیرە”
سلێمانی، تۆماركردنی حاڵەتی گیانلەدەستدان بەهۆی كۆرۆناوە ڕەتدەكرێتەوە


خەڵك- بەشی هەواڵ
وتەبێژی بەڕێوەبەرایەتی تەندروستی سلێمانی ڕەتیدەكاتەوە هیچ حاڵەتێكی گیانلەدەستدان بەهۆی ڤایرۆسی كۆرۆنا لەماوەی 24 كاتژمێری ڕابردوو لە سلێمانی تۆماركرابێت، ئاماژە بە بوونی دوو حاڵەتیش دەكات كە “باری تەندروستییان ناجێگیرە”.

یاد نەقشبەندی، وتەبێژی بەڕێوەبەرایەتی تەندروستی سلێمانی بە (خەڵك)ی ڕاگەیاند:”لەماوەی 24 كاتژمێری ڕابردوو، تائێستا هیچ حاڵەتێكی گیانلەدەستدان بەهۆی ڤایرۆسی كۆرۆناوە لە پارێزگەی سلێمانی تۆمارنەكراوە، بەڵام دوو حاڵەت باری تەندروستییان ناجێگیرە و لەژێر چاودێری وردی پزیشكیدان، وێڕای بوونی 40 حاڵەت كە نیشانەی قورسی ڤایرۆسەكەیان هەیە”.

بە وتەی یاد نەقشبەندی:”تا ئەم ساتە هیچ حاڵەتێكی گیانلەدەستدان لە شاری سلێمانی بەهۆی ڤایرۆسی كۆرۆنا تۆمارنەكراوە، لەگەڵ ئەمەشدا چەندان حاڵەت هەن كە لە قاوشەكان داخڵ دەكرێن و ڕەنگە بە مانەوەیان نەخۆشییەكەیان بەرەو خراپبوون بڕوات، بەڵام هەر حاڵەتێك گەر گیانلەدەستبدات و گومانی لەسەر بێت، پشكینی بۆ دەكرێت”.

سەرلەئێوارەی ئەمڕۆ لە چەند میدیایەكی عیراقیدا ئاماژە بە تۆماركردنی چەند حاڵەتێكی تووشبوونی نوێ‌ بە ڤایرۆسی كۆرۆنا و تۆماركردنی حاڵەتێكی گیانلەدەستدانیش كرابوو لە پارێزگەی سلێمانی بەهۆی ڤایرۆسەكە.

بەردەوام بە لە خوێندنەوە

کوردستان

12 توشبووی دیكەی ڤایرۆسی كۆرۆنا لە گەرمیان تۆماركرا


خەڵك – بەشی هەواڵ

وەزارەتی تەندروستی حكومەتی هەرێم ڕایدەگەیەنێت ، لە بەردەوامی پشكنینەكان و گەڕان بەدوای گومانلێكراوان، دوانزە تووشبووی دیكەی ڤایرۆسی كۆڕۆنا لە ئیدارەی گەرمیان دەستنیشانكرا.

وەزارەتی تەندروستی حكومەتی هەرێم لە ڕاگەیەنراوێكدا، كە وێنەیەكی دەست (خەڵك) كەوتووە ڕایگەیاندووە، دوانزە تووشبووی دیكەی ڤایرۆسی كۆڕۆنای نوێ COVID-19 لە ئیدارەی گەرمیان دەستنیشانكران ، كە حەوت ژن و چوار پیاو و كچێكی گەنجن، نۆ لە تووشبووان بەركەوتووی تووشبوانی پێشوون.

دەرەنجامی نوێ …
لە بەردەوامی پشكنینەكان و گەڕان بەدوای گومانلێكراوان و تووشبووان، دوازدە تووشبووی دیكەی ڤایرۆسی كۆڕۆنای نوێ COVID-19 لە دەڤەری گەرمیان دەستنیشانكران، حەفت ئافرەت و چوار پیاو و كچێكی گەنج، نۆ لە تووشبووان بەركەوتووی تووشبوانی پێشوون، دوو تووشبوو نیشانەی نەخۆشیەكەیان ھەیە، یەك تووشبوو لە شاری بەغداد گەڕاوەتەوە،
شەش تووشبوو دانیشتووی قەزای كفری.
چوار تووشبوو دانیشتووی قەزای كەلار.
یەك تووشبوو دانیشتووی شاری بەغداد.
یەك تووشبوو دانیشتووی شاری تكریت.
وەزارەتی تەندروستی
١ حوزەیران ٢٠٢٠

بەردەوام بە لە خوێندنەوە

کوردستان

دوو توشبووی دیكەی ڤایرۆسی كۆرۆنا لە دهۆك تۆماركرا


خەڵك – بەشی هەواڵ

وەزارەتی تەندروستی حكومەتی هەرێم ڕایدەگەیەنێت ، لە بەردەوامی پشكنینەكان و گەڕان بەدوای گومانلێكراوان ، دوو تووشبووی دیكەی ڤایرۆسی كۆڕۆنا لە پارێزگای دهۆك دەستنیشانكرا.

وەزارەتی تەندروستی حكومەتی هەرێم لە ڕاگەیەنراوێكدا، كە وێنەیەكی دەست (خەڵك) كەوتووە ڕایگەیاندووە، دوو تووشبووی دیكەی ڤایرۆسی كۆڕۆنای نوێ COVID-19 لە پارێزگای دهۆك دەستنیشانكران، كە یەكێكیان پیاوێكی تەمەن ٥٢ ساڵ، نیشانەی نەخۆشیەكەی ھەبووە و پشكنینی بۆ كراوە و پۆزەتیڤ دەرچووە ، تووشبووێكی كچیش تەمەنی ٢٠ ساڵ بەركەوتووی تووشبووانی پێشووە.

دەرەنجامی نوێ …
لە بەردەوامی پشكنینەكان و گەڕان بەدوای گومانلێكراوان و تووشبووان، دوو تووشبووی دیكەی ڤایرۆسی كۆڕۆنای نوێ COVID-19 لە پارێزگای دھۆك دەستنیشانكران، پیاوێكی تەمەن ٥٢ ساڵ، نیشانەی نەخۆشیەكەی ھەبووە و پشكنینی بۆ كراوە و پۆزەتیڤ دەرچووە، تووشبووێكی كچ تەمەن ٢٠ ساڵ بەركەوتووی تووشبووانی پێشووە، ھەردووكیان دانیشتووی ناو شاری دھۆكن.
وەزارەتی تەندروستی
١ حوزەیران ٢٠٢٠

بەردەوام بە لە خوێندنەوە

کوردستان