ئێمە لە تۆرە کۆمەڵایەتیەکان

عێراق

هاوپەیمانیەكەی عامری دژی چەند بڕیارێكی عەبدولمەهدی دەوەستێتەوە


خەڵك- بەشی هەواڵ
ئەندامێكی پەڕلەمانی عیراق لە هاوپەیمانی فەتح، كە لەلایەن هادی عامرییەوە سەرۆكایەتی دەكرێت ڕایدەگەیەنێت، بڕیاری ئەنجوومەنی وەزیران دەربارەی درێژكردنەوەی ماوەی بەڕێوەبردنی پۆستەكان لەلایەن بەرپرسانی پێشووەوە جێگەی قبوڵ نییە و لێی بێدەنگ نابن.

ئینساڕ موسەوی، ئەندامی پەڕلەمانی عیراق لە هاوپەیمانی فەتح لە بەیاننامەیەكدا ئاماژەی بەوەكردووە، بڕیارەكەی ئەننجوومەنی وەزیران، كە سەرۆك وەزیرانی ڕاسپاردووە بە درێژكردنەوەی ماوەی بەڕێوەبردنی پۆستەكان لەلایەن چەند كەسایەتییەكی كۆن و گەندەڵەوە چاوەڕوان نەكراو بوو.

ڕاشیگەیاندووە، “ماوەی بەڕێوەبردنی پۆستە تایبەتیەكانی دەوڵەت كۆتایی هاتووە و دەبێت حكومەت ڕێگابكاتەوە لەبەردەم كادری گەنج لە دەرچوووان و خاوەن بەهرەكان، كە تا ئێستا بێ‌ بەش بوون لە مافەكانیان بەهۆی پشك پشكێنەی حزبی و گەندەڵی بەرپرسانی دەوڵەتەوە”.

ئاماژەی بەوەشكردووە، ئەو بڕیارانە زۆر ستەمكارانە و بەهیچ شێوەیەك لێی بێدەنگ نابین و لەناو پەڕلەمان بەرەوڕووی دەوەستینەوە.

ئەنجوومەنی وەزیرانی عیراق لە كۆبوونەوەی ڕۆژی دوو شەممەی هەفتەی ڕابردوودا بڕیاریدا بە ڕاسپاردنی سەرۆك وەزیران، كە دەسەڵاتی درێكردنەوەی ماوەی خزمەتی ئەو كەسانەی هەبێت، كە پۆستە تایبەتەكان بەڕێوە دەبەن و تەمەنی یاساییان گەیشتۆتە خانەنشین بوون.

عێراق

دەرمانسازێكیش تووشی پەتاكە بوو
عیراق، گەنجێك بە كۆرۆنا گیانی لەدەستدا


خەڵك- بەشی هەواڵ
بەڕێوەبەرایەتی تەندروستی كەرخ، گیانلەدەستدانی لاوێك بە ڤایرۆسی كۆرۆنا ڕادەگەیەنێت.

ئەمڕۆ چوار شەممە، جاسب حەجامی بەرٍێوەبەری تەندروستی كەرخ لە بەیاننامەیەكدا ڕایگەیاند”بەداخەوە كەمێك پێش ئێستا (فورات عەبدولكازم فەتلاوی) تەمەن 44 ساڵ گیانی لەدەستدا كە برای (مەعن عەبدولكازم فەتلاوی) تەمەنی 37 ساڵانە و دوێنی بەهۆی هەمان نەخۆشییەوە گیانی لەدەستدابوو”.

بە وتەی حەجامی”پزیشكەكان هەموو هەوڵێكیان خستەگەڕ، لەوانەش پلازمای خوێنی ئەو نەخۆشانەیان پێدا كە نەخۆشییەكەیان پەڕاندووە و چاكبوونەتەوە، بەڵام هەموو ئەو هەوڵانە شكستخواردوو بوون”، باسی لە گیانلەدەستدانی برایەكی تری  فوراتيش كرد لەماوەی 24 كاتژمێری ڕابردوو كە ئەمەش بە بۆچوونی ئەو “مایەی كارەساتە و لەگەڵ ئەوەشدا خەڵكانێكی نەفام هەن تائێستاش ڕەتیدەكەنەوە نەخۆشییەكە بوونی هەبێت”.

هەر لەو چوارچێوەیەدا، لەمیا حەسناوی بەڕێوەبەری تەندروستی دیوانیە، تۆماركردنی دەرمانسازێكی دانیشتووی نەجەفی بە ڤایرۆسی كۆرۆنا ڕاگەیاند.

حەساوی لە بەیاننامەیەكدا ئاماژەی بە توشبوونی دەرمانسازێكی خەڵكی نەجەف كرد بە ڤایرۆسی كۆرۆنا كە لە نەخۆشخانەی شامیەی قەزای شامیە كار دەكات.

بە وتەی بەڕێوەبەری تەندروستی دیوانیە”توشبووەكە لە بەڕێوەبەرایەتی تەندروستی نەجەف تۆماركراوە”.

 

بەردەوام بە لە خوێندنەوە

عێراق

ژمارەیەك نەخۆش چاكبوونەوە
پارێزگایەكی عیراق بەرەو تێپەڕاندنی كۆرۆنا دەڕوات


خەڵك- بەشی هەواڵ
بەڕێوەبەرایەتی تەندروستی نەجەف ئاشكرای دەكات، كە 6 نەخۆشی تووشبوو بە ڤایرۆسی كۆرۆنا چاكبوونەتەوە و بەوپێیەش تەنها 6 نەخۆش لەژێر چاودێری پزیشكی ماون.

بەڕێوەبەرایەتی تەندروستی نەجەف لە ڕاگەیەنراوێكدا ئاماژەی بەوەكردووە، 6 نەخۆشی تووشبوو بە ڤایرۆسی كۆرۆنا، كە لەژێر چاودێری تەندروستی بوون لە نەخۆشخانەی گشتی حەكیم لە نەجەف، چاكبوونەتەوە و نەخۆشخانەیان بەجێهێشتووە.

ڕاشیگەیاندووە، ئەو 6 نەخۆشە، هی دوو خێزان بوون، كە لە هەر خێزانێك 3 كەس تووشبوو بوون، بەڵام ئێستا دوای پشكنینەكان دەركەوتووە ڤایرۆسەكە لە جەستەیاندا نەماوە.

جەختیشی كردۆتەوە، كە ئەو نەخۆشانە ڕەوانەی ماڵەوە كراونەتەوە و كۆی گشتی چاكبوونەوەش لە پەتاكە گەیشتۆتە 307 كەس لەكۆی 325 كەسی تووشبوو، هەروەها 6 حاڵەتی مردن هەیە و 12 نەخۆشیش لەژێر چاودێری پزیشكی ماونەتەوە.

بەردەوام بە لە خوێندنەوە

عێراق

ڕێكخراوی تەندروستی جیهانی ڕایگرتووە
لە عیراق چارەرێك بۆ پەتای كۆرۆنا بەكاردێت


خەڵك- بەشی هەواڵ
ئەندامێكی كۆمسیۆنی مافی مرۆڤ ڕەخنە لە بەكارهێنانی چارەسەرێك دەگرێت بۆ تووشبوانی ڤایرۆسی كۆرۆنا لە عیراق كە لەلایەن ڕێكخراوی تەندروستی جیهانییەوە بەكارهێنانی ڕاگیراوە.

عەلی بەیاتی ئەندامی كۆمسیۆنی مافی مرۆڤ لە عیراق، لە تویتێكیدا لەسەر تۆڕی كۆمەڵایەتی (تویتەر) نوسیویەتی:”لە 22ی ئایاردا گۆڤاری ڵانستی زانستی، یەكەم و گەورەترین توێژینەوەی لەبارەی بەكارهێنانی دژە مەلاریا وەك چارەسەر بۆ تووشبوانی نەخۆشی ڤایرۆسی كۆرۆنا بڵاوكردەوە و داوای كرد بەكارهێنانی ئەو چارەسەرە ڕابگیرێت”.

بە وتەی عەلی بەیاتی:”ڕێكخراوی تەندروستی جیهانی لە 25ی ئایار و لەڕێی ئەو ڕاسپاردنەوە، بەكارهێنانی چارەسەرەكەی ڕاگرت، بەڵام عیراق تا ئەمڕۆش ئەو چارەسەرە بەكاردەهێنێت”.

بەپێی دوایین ئاماری وەزارەتی تەندروستی عیراق، تائێستا ژمارەی تووشبوان بە ڤایرۆسی كۆرۆنا لە عیراق گەیشتۆتە 4848 كەس.

بەردەوام بە لە خوێندنەوە

کوردستان