ئێمە لە تۆرە کۆمەڵایەتیەکان

ئابوری

یاسای چاكسازی لە مووچە و دەرماڵە و خانەنشینی دەگەڕێتەوە پەڕلەمان


خەڵك- بەشی هەواڵ
جارێكی دیكە كابینەی نۆیەمی حكومەتی هەرێم پێداچوونەوە بە پڕۆژە یاسای چاكسازی لە مووچە و دەرماڵە و خانەنشینی دەكات و پەڕلەمانتارێكیش دەڵێت: “لەم وەرزی یاسادانانەدا دەگەڕێتەوە پەڕلەمان و پەسەند دەكرێت”.

پڕۆژە یاسای چاكسازی لە مووچە و دەرماڵە و خانەنشینی، كە لە خولی پێشووی پەڕلەماندا پەسەند كرا، بەڵام بەهۆی ناڕەزایی هاووڵاتیان لە زۆری ئیمتیازی پلەباڵاكان ڕەتكرایەوە و جارێكی دیكە لەم كابینەیەی حكومەتدا خراوەتەوە بەرنامەوە و بە وتەی بەرپرسانی حكومەتی هەرێم نزیكەی 100 ملیار دینار بۆ حكومەت دەگەڕێنێتەوە.

ئەبوبەكر هەڵەدنی، ئەندامی پەڕلەمانی كوردستان لە فراكسیۆنی یەكگرتوو بۆ (خەڵك) ئاماژەی بەوەكرد، ئەو پڕۆژە یاسایە حكومەت بەنیازە لەم وەرزی یاسادانانەدا، واتە لە مانگی 9 بۆ 12 بینێرێتەوە بۆ پەڕلەمان بۆ پەسەندكردنی و لە سەرۆكی پەڕلەمانیش لە وتاری دەستپێكی ئەم وەرزەدا ئاماژەی بەوەكرد، كە لە ئەولەویەتی كارەكانی پەڕلەمان دەبێت.

ڕاشیگەیاند، ئەو پڕۆژە یاسایە لەلایەن حكومەتەوە ڕەوانەی پەڕلەمان دەكرێت بەهۆی ئەوەی پاشخانی دارایی هەیە و فراكسیۆنەكان و پەڕلەمانتارانیش دەوڵەمەندی دەكەن و قسەی زیاتری لەسەر دەكرێت، بەڵام ئێستا حكومەت خەریكی گەڵاڵەكردنیەتی.

جەختیشی كردەوە، كە لە ئێستادا وەك پەڕلەمان چاوەڕێی حكومەتن بۆ ڕەوانەكردنی پڕۆژە یاساكە، بەڵام سەربارەت بە ناوەڕۆكەكەی هەڵەدنی وتی، “تا ئێستا هیچ زانیارییەكمان نییە، چونكە نەگەیشتووە بە دەستمان”.

بەپێی زانیارییەكانی (خەڵك) لە كۆبوونەوەی نێوان سەرۆكایەتی پەڕلەمان و حكومەت جەخت لەوەكراوەتەوە، كە ئەولەویەت بدرێت بە پڕۆژە یاساكە و حكومەت بەزوویی ڕەوانەی پەڕلەمانی بكات بۆ پەسەند كردنی.

ئابوری

ئەپڵ، پەیامێك ئاڕاستەی خۆپیشاندەرانی ئەمریكا دەكات


خەڵك-بەشی هەواڵ

كۆمپانیای ئەپڵ پەیامێك ئاڕاستەی خۆپیشاندەرانی ئەمریكا دەكات و ئاشكرایدەكات، ئەو مۆبایلانەی بردووتانە بیگێڕنەوە، ئەگەر نا دەخرێنە ژێر چاودێرییەوە.
ماڵپەری reddit ئەمریكایی بڵاویكردەوە، لەسەر شاشەی مۆبایلە ئایفۆنە درزاوەكان پەیامێك دەركەوت كە داوای لە خۆپیشاندەران كردووە مۆبایلەكان بگێڕنەوە.
ئەپل، لە پەیامێكدا كە بۆسەر شاشەی موبایلەكانی ناردووە نووسیوێتی” داوا لە ئێوە دەكرێت ئەم دەزگایە بگێڕنەوە بۆ فرۆشگاكان، ئەم دەزگایە لەكار خراوە”.
دوای كوشتنی جورج فلوید كە كەسێكی ڕەشپێستی ئەمریكاییە لەلایەن پۆلیسێكەوە، بەشێك لە هاووڵاتیانی ئەمریكا وەك ناڕەزایەتییەك ڕژانەسەر شەقامەكان و زیاتر لە هەفتەیەكە خۆپیشاندانەكان بەردەوامە.

بەردەوام بە لە خوێندنەوە

ئابوری

نرخی نەوت بەرز بووەوە


خەڵك-بەشی هەواڵ

 

نرخی‌ نەوت لەبازاڕەكانی‌ جیهان بەراورد بە ڕۆژانی ڕابردوو بەرز بووەوە.

ئاژانسەكانی جیهان بڵاویانكردەوە، نرخی نەوت بۆ ئەمڕۆ سێ شەممە، 2ی‌ حوزەیرانی 2020 دابەزیوە، بەشێوەیەك نرخی‌ نەوتی برێنت بە 38 دۆلار و 62 سەنت لە بازاڕەكانی جیهان مامەڵەی پێوەكراوە و هاوكات نرخی بەرمیلێك نەوتی خاوی ئەمریكیش بە 35 دۆلارو 72 سەنت مامەڵەی پێوەكراوە.

هەڵكشان و داكشانی نرخی نەوت لەكاتێكدایە، ژمارەیەك لەو وڵاتانەی بۆ ڕووبەڕووبوونەوەی ڤایرۆسی كۆرۆنا سەرجەم كەرتە پیشەسازی و بازرگانییەكانیان وەستاندبوو، بەڵام لە ئێستادا و بەهۆی كەمبوونەوەی مەترسییەكانی كۆرۆنا، بەشێك لە چالاكییە ئابوورییەكانیان دەستپێكردووەتەوە، ئەمەش بووەتە هۆی بەرزبوونەوەی نرخی نەوت.

لە سەرەتای ئەم مانگەوە، نرخی نەوت ووردە ووردە بەرز دەبێتەوە، هەرچەندە هەندێك وڵات هۆشداری هاتنەوەی ڤایرۆسی كۆرۆنا بۆ وڵاتەكانیان دەدەن.

بەردەوام بە لە خوێندنەوە

ئابوری

نرخی نەوت لە 38 دۆلار نزیكدەبێتەوە


خەڵك- بەشی هەواڵ
نرخی نەوت لە سایەی كۆبوونەوەی چاوەڕوانكراوەكەی گروپی (ئۆپیك+) كە وابڕیارە لەم هەفتەیەدا سازبكرێت، هەندێك بەرزبۆوونەوەی بەخۆوەبینی.

ئەمڕۆ دوو شەممە، نرخی بەرمیلێك نەوتی برێنت گەیشتە 37.84 دۆلار، لە هەمان كاتدا نرخی بەرمیلێك نەوتی خۆرئاوای تكساس بۆ گرێبەستە دواخراوەكان گەیشتە 35.53 دۆلار.

نرخی نەوت لە مانگی ئایاری ڕابردوودا هەندێك بوژانەوەی بەخۆوەبینی كە بەهۆی كەمبوونەوەی بێپێشینەی بەرهەمی نەوتی (ئۆپیك) و پێشبینییەكانی تایبەت بە بەرزبوونەوەی ئاستی داواكاریی لەسەر نەوت كە بەهۆی هەڵگرتنی ڕێكارەكانی داخستی تایبەت بە كۆرۆنایە لە زۆربەی وڵاتان.

واچاوەڕوان دەكرێت وڵاتانی گروپی (ئۆپیك+) لەم هەفتەیەدا كۆبوونەوەیەك بۆ تاوتوێكردنی بازاڕی نەوت لە جیهان و درێژكردنەوەی كارپێكردن ڕێكەوتنی كەمكردنەوەی بەرهەم، سازبكەن.

بەردەوام بە لە خوێندنەوە

کوردستان