ئێمە لە تۆرە کۆمەڵایەتیەکان

کوردستان

لەنێوان كەرتی تایبەت و حكومەتدایە
پرسی هاوردەكردنی دەرمان لە هەرێمی كوردستان یەكلایی نەكراوەتەوە

خەڵك-بەشی هەواڵ
سەرۆكی لیژنەی تەندروستی لە پەرلەمانی كوردستان ڕیدەگەیەنێت، هێشتا پرسی هاوردەكردنی دەرمان لەنێوان كەرتی تایبەت و حكومەتدا یەكلایی نەكراوەتەوە، بەپێویستیشی دەزانێت هاووڵاتی لەبەرانبەر پارەدا دەرمانێكی باش وەربگرێت.

سەباح زێباری، سەرۆكی لیژنەی تەندروستی لە پەرلەمانی كوردستان لە لە لێدوانێكیدا بۆ (خەڵك) ڕایگەیاند:”تائێستا پرسی هاوردەكردنی دەرمان لە هەرێمی كوردستان یەكلایی نەكراوەتەوە و ئەو پرسە لەنێوان كەرتی تایبەت حكومەتدایە، دەكرێت لەلایەن كەرتی تایبەت و حكومەت بە هاوبەشی بێت، يان حكومەت بۆخۆی دەرمان بهێنێت و بەسەر كۆمپانیاكاندا دابەشی بكات”، بەپێویستیشی زانی لەبەرانبەر پێدانی پارەدا هاووڵاتی دەرمانێكی باش بە كوالێتییەكی باش وەربگرێت”.

ئەو پەرلەمانتارە دەڵێت:”دەرمانێكی زۆر هاتووە بێ‌ كوالێتییە، ئەمەش چەند هۆكارێكی هەیە، لەوانە بوونی مەرزێكی فراوان كە لە عیراق و ئێران و توركیاوە دێت”، ڕەتیشكردەو تا كاتی ڕاگەیاندنی كارنامەی وەزارەتەكان، بەرنامەیەكی تەواوییان بۆ چاكسازیی لە كەرتی تەندروستیدا گەڵاڵە كردبێت.

پرسی هاوردەكردنی دەرمان و دانانی كوالێتی و كۆنترۆڵ بۆ ئەو كەرتە و دیاریكردنی نرخێكی شیاو بۆ دەرمان لە هەرێمی كوردستان، لەماوەی چەند ساڵی ڕابردوو پرسێكی گەرم بووە و وەك كێشەیەكيش ناوزەنكراوە، بەڵام تائێستا ئەو پرسە یەكلایی نەكراوەتەوە و چاوەڕوان دەكرێت كابینەی نوێی حكومەتی هەرێمی كوردستان لەو بوارەدا كاریی جددی بكات و كێشەكانی ئەو سێكتەرە چارەسەربكات.

جیهان

پۆمپیۆ: ترەمپ ئامادەیە هێزی سەربازی دژی توركیا بەكاربهێنێت

خەڵك – بەشی هەواڵ

وەزیری دەرەوەی ئەمریكا ڕایدەگەیەنێت، دۆناڵد ترەمپ سەرۆكی ئەمریكا ئامادەیە لەكاتی پێویستدا هێزی سەربازی دژی توركیا بەكاربهێنێت.

مایك پۆمپیۆ وەزیری دەرەوەی ئەمریكا ڕایگەیاند، دۆناڵد ترامپ ئامادەیە ڕێگەچارەی سەربازیی دژی توركیا بگرێتەبەر ئەگەر پێویست بكات.

ئەمەش لەكاتێكدایە، لەگەڵ دەستپێكی هێرشەكانی توركیا بۆ سەر ڕۆژئاوای كوردستان (باكووری ڕۆژهەڵاتی سوریا) ئەمریكا بڕیاریدا سەرجەم هێزە سەربازییەكانی لە ناوچەكە بكێشێتەوە.

بەردەوام بە لە خوێندنەوە

ئابوری

نوام چۆمسكی: بایكۆت ئابووری توركیا دادەڕمێنێت

خەڵك – بەشی هەواڵ

فەیلەسوفێكی ئەمریكایی ڕایدەگەیەنێت، بایكۆتكردنی كاڵای توركیایی ئابووری ئەو وڵاتە دادەڕمێنێت.

نوام چۆمسكی نووسەری بەناوبانگ و فەیلەسوفی ئەمریكایی لە پەیامێكدا سەبارەت بە بایكۆتی كاڵای توركیایی بەهۆی هێرشەكانی بۆ سەر ڕۆژئاوای كوردستان و باكووری سوریا ڕایگەیاند، پێویستە هونەرمەندان و نووسەران و ڕۆشنبیرانی جیهان ، بایكۆتی كاڵای توركيايی بكەن و مامەڵەی پێوەنەكەن.

نوام چۆمسكی ئاماژەی بەوەشكرد، ئەگەر بایكۆتی كاڵای توركی بكرێت و بازاڕەكان بەبێ بەرهەمی توركیایی بمێنێتەوە، توركیا تووشی داڕمانی ئابووریی دەبێت، هەروەها بۆ ڕاوەستانی هێرشەكان داوا دەكات توركیا بخرێتە ژێر گوشاری نێودەوڵەتییەوە.

بەردەوام بە لە خوێندنەوە

کوردستان

وەزیری پێشمەرگە: دۆخی ئێستای ناوچەكە پێویستی بەلێكتێگەیشتنی هەمووانە

خەڵك – بەشی هەواڵ

ئەمڕۆ 21 ی ئۆكتۆبەری 2019، شۆڕش ئیسماعیل، وەزیری پێشمەرگەی حكومەتی هەرێمی كوردستان، لەگەڵ ژەنەڕاڵ ئەیۆت، فەرماندەی هەماهەنگی هاوپەیمانی وەزاری لە عیراق كۆبووەوە.

لەو كۆبوونەوەیەدا، كە ژمارەیەك لەنوێنەرانی تیمی هاوپەیمانی وەزاری لە هەرێمی كوردستان ئامادەی بوون، بارودۆخی عیراق و هەرێم تاووتوێكرا، هەردوولا هاوڕابوون لەسەر یەكڕیزیی و هاوبەشی هێزەكان لەڕووبەڕووبوونەوەی تیرۆر و تیرۆرستان لەناوچەكەدا، بۆ ئەمەش وەزیری پێشمەرگە ڕایگەیاند: لەئێستادا هاوكاری و هەماهەنگی هاوپەیمان پێویستییەكی حەتمییەو جێگەی پێزانینی زۆری ئێمەیە.

فەرماندەی هەماهەنگی هاوپەیمانی وەزاری، جەختی لەسەر بەردەوامی پاڵپشتیی و پشتگیری هێزی پێشمەرگە كردەوە و ڕاشیگەیاند: خەبات و قوربانیدانی پێشمەرگە جێی شانازی هەمووانە.

هاوكات، پرسی هەنگاوەكانی چاكسازی لەوەزارەتی پێشمەرگە و پڕۆسەی خۆڕێكخستنەوەی هێزەكان و میكانیزمی مەشق و ڕاهێنانەكان لەسەر بەرنامەی داهاتووی تیمی هەماهەنگی هاوپەیمانان لە عیراق و هەرێم گفتوگۆی كۆتایی كۆبوونەوەكە بوو.

بەردەوام بە لە خوێندنەوە

کوردستان