ئێمە لە تۆرە کۆمەڵایەتیەکان

کوردستان

دوای حەوت ڕۆژ تەرمی گەنجێك دۆزرایەوە

خەڵك-بەشی هەواڵ

وتەبێژی‌ بەڕێوەبەرایەتی پۆلیسی‌ دهۆك ڕایدەگەیەنێت، بەیانی‌ ئەمڕۆ تەرمی‌ ئەو گەنجە دۆزرایەوە كە هەفتەیەك لەمەوبەر ونبوو و بۆ زانینی‌ هۆكاری‌ گیان لەدەستدانەكەی‌ رەوانەی‌ پزیشكی‌ دادی‌ دهۆك كرا.

دوای‌ حەوت رۆژ تەرمی‌ ئەو گەنجەی‌ هەولێر دۆزرایەوە كە بۆ گەشت و سەیران لەگەڵ چوار هاوڕێی سەردانی گەلی شێرانەیان لە دهۆك كردبوو، بەڵام لەوێ‌ لە هاوڕێكانی‌ دابڕا و دیار نەما.

هێمن سلێمان وتەبێژی‌ بەڕێوەبەرایەتی پۆلیسی‌ دهۆك لە ڕاگەیەنراوێكدا ئاماژە بۆ ئەوە دەكات، حەوت رۆژ لەمەوبەر و لە ڕۆژی‌ 6ی‌ ئەیلولی‌ 2019دا عیماد موسا لە گەلی‌ شێرانە دیار نەما و بەیانی‌ ئەمڕۆ تەرمەكەی دۆزرایەوە و بۆ زانینی‌ هۆكاری‌ گیان لەدەستدانەكەی‌ ڕەوانەی‌ پزیشكی‌ دادی‌ دهۆك كرا.

وتیشی”لەلایەن پۆلیسی‌ دێرەلوكەوە پەڕاوی‌ لێكۆڵینەوە بۆ ڕووداوەكە كراوەتەوە و لێكۆڵینەوەكان بەردەوامن”.

ریکلام

کوردستان

بەڕێوەبەرایەتی گشتی پەروەردەی پارێزگای هەڵەبجە: سبەینێ‌ دەوامی فەڕمییە

خەڵك – بەشی هەواڵ

بەڕێوەبەرایەتی گشتی پەرەوەردەی پارێزگای هەڵەبجە لە ئاگادارینامەیەكدا ڕایدەگەیەنێت، سبەینێ‌ شەممە 25/1/2020 لەسەرجەم ناوەندەكانی خوێندن لە سنوری پارێزگاكەیان دەوامی فەڕمییە.

دەقی ئاگادارینامەكە..

سەرجەم بەڕێوەبەر و مامۆستایان وقوتابییان و خوێندكارانی خۆشەویستی سنووری بەڕێوەبەرایەتی گشتی پەروەردەی هەڵەبجەی شەهید ئاگادارئەكەینەوە ، سبەی شەممە 2020/1/25 دەوامی ئاساییە لە ناوەندەكانی خوێندن ، ئەویش بەهۆی جێگیری دۆخی كەش و هەوا لەناوچەكەمان ، لەئەگەری هەرگۆڕانكارییەك لەدۆخی كەش و هەوای ناوچەكەمان لەڕێگەی پەیجەكەمانەوە ئاگاداری نوێ بڵاو ئەكەینەوە.

ك.ج

بەردەوام بە لە خوێندنەوە

کوردستان

وێنە.. بەهۆی بەفر و سەرماوە لە چەند ناوچەیەك پشوو ڕاگەیەنرا

خەڵك – نزار مستەفا

بەهۆی ئەو شەپۆلەی بەفربارینەی كە هەرێمی كورستانی گرتووەتەوە لەچەند ناوچەیەكی ئاستەنگی هاتوچۆ بۆ هاووڵاتیان و شۆفێران درووست بووە، بەوهۆیەوە بەڕێوەبەرایەتی پەروەردەی چۆمان لەسەرجەم ناوەندەكانی خوێندن سێ‌ ڕۆژ پشووی ڕاگەیاند.

بەڕێوەبەرایەتی پەروەردەی شارۆچكەی چۆمان ڕایگەیاند، بەهۆی سەرما و بەفرەوە لە ناوەندەكانی خوێندنی شارۆچكەی چۆمان و شارەدێی حاجی ئۆمەران بۆ ماوەی سێ ڕۆژ پشووە واتە ڕۆژانی (25-26-27/1/2020) پشووە و ڕۆژی 28/1/2020 دەوامی ئاسایی دەستپێدەكاتەوە.

بەهەمانشێوە، لە شارۆچكەی مێرگەسۆریش بەهۆی نالەباری كەش و هەواوە سبەینێ‌ 25/1/2020 پشوو ڕاگەیەنراوە.

ئەمەش دوای ئەو بڕیارەی وەزارەتی پەروەردەی حكومەتی هەرێم دێت كە ڕایگەیاندوبوو، بەڕێوەبەرایەتییە گشتییەكانی پەروەردە سەرپشكن، لە ئەگەری ناجێگیریی باری كەش و هەوادا، دەوامی ڕۆژی شەممە بكەنە پشوو.

بەردەوام بە لە خوێندنەوە

کوردستان

وێنە.. تەرمی 5 قوربانی ڕووداوەكەی دەریای ئایۆن گەڕێنرایەوە سلێمانی

خەڵك – بەشی هەواڵ

دەزگای لوتكە بۆ كاروباری پەنابەران ڕایدەگەیەنێت، تەرمی 5 قوربانی ڕووداوەكەی ڕۆژی 11/1/2020ی دەریای ئایۆنی نێوان یۆنان و ئیتاڵیا گەڕێنرانەوە شاری سلێمانی و ڕادەستی كەسوكارەكانیان كرانەوە.

پێشتر، بەشی ڕاگەیاندن و پەیوەندییەكانی فڕۆكەخانەی نێودەوڵەتی سلێمانی بڵاویكردبووەوە، بڕیارە لە كاتژمێر 8:45 خولەكی ئەمشەو تەرمی پێنج لە قوربانیانی دەریای ئایۆن بگاتە فڕۆكەخانەی نێودەوڵەتی سلێمانی.

جێی ئاماژەیە، ڕۆژی 11/1/2020 بەهۆی ژێرئاوكەوتنی بەلەمێك لە ناو دەریای ئایۆنی نێوان یۆنان و ئیتاڵیا، چەند كۆچبەرێكی كورد بوونە قوربانی.

 

 

بەردەوام بە لە خوێندنەوە

کوردستان