ئێمە لە تۆرە کۆمەڵایەتیەکان

کوردستان

وتەبێژی دەستەی گەشتوگوزاری هەرێم ژمارەی ناوچەی شوێنەوارییەكان ئاشكرا دەكات

خەڵك – بەشی هەواڵ

وتەبێژی دەستەی گەشتوگوزاری هەرێمی كوردستان ئاشكرایدەكات، لە كۆی زیاتر لە سێ هەزار و 500 ناوچەی شوێنەواریی، 40 ناوچەی شیاو هەن، كە گەشتیاران دەتوانن سەردانیان بكەن.

نادر ڕوستایی وتەبێژی دەستەی گەشتوگوزاری هەرێمی كوردستان ڕایگەیاند، لە كۆی زیاتر لە سێ هەزار و 500 ناوچەی شوێنەوار، 40 ناوچەیان شیاون وەك شوێنی گەشتیاریی و گەشتیاران دەتوانن سەردانی بكەن و چەند ناوچەیەكیش لەژێر نۆژەنكردنەوەدان.

لەبارەی پۆلێنكردنی شوێنەوارەكان بەسەر ئایین و نەتەوەكاندا، نادر ڕوستایی ئاشكرایكرد، لە لای ئێمە هەمووی دیارە، پەرستگای زەردەشتییەكان وەك چارستین، پەرستگای خانی زەردەشتی لە دەربەندیخان، ئەشكەوتێكی زەردەشتییەكان لە ئاكرێ، دێرەكانی مەسیحی، دێر هورمز كە یەكێكە لە شوێنە هەرە گرنگەكان لە لای ئەوروپییەكان چونكە پێشڕەویی كەنیسەی ڕۆژهەڵاتی كردووە بۆ 400 ساڵ و شوێنەكە وەك خۆی ماوەتەوە لە ئەلقوش، هەروەها شوێنی ئایینی ئیسلام بە هەمان شێوە وەك مەزارگەكانی بیارە و تەوێڵە و شێخی باڵەكان و چەندین جێگای تریش.

کوردستان

پارێزگاری هەولێر: پشکنینی کۆرۆنا لەبازگەکان دادەنێین و ٥٠ هەزار دینار بۆ هەر پشکنینێک وەردەگرین

خەڵک-ئارام سەردار

پارێزگاری هەولێر ڕایگەیاند، سەرقاڵی ئەوەین لەهەموو بازگەکان پشکنین دابنێین، ئەو هاوڵاتیەی دێتە هەولێر بەنرخێکی سنوردار کە لە ٥۰ هەزار دینار زیاتر نەبێت پشکنین بکات و ئەگەر نێگەتیڤ بوو بتوانێت بێتە هەولێر.

فرسەت سۆفی، پارێزگاری هەولێر لەکۆنفڕانسێکی ڕۆژنامەوانیدا ڕایگەیاند، لەگەڵ تەندروستی هەولێر سەرقاڵی ئەوەین لەهەموو بازگەکان پشکنین دابنێین، ئەو هاوڵاتیەی دێتە هەولێر بەنرخێکی سنوردار کە لە ٥۰ هەزار دینار زیاتر نەبێت بەتایبەت لەگەڵ پارێزگاکانی عیراق چونکە ڕەنگە میکانزمی کارەکە لەگەڵ پارێزگاکانی هەرێم جیاوازبێت پشکنینی خۆیان بکەن و پێویستیان بەتەنسیق نەبێت بێنە هەولێر بۆ ئەوەی جولەی ئابووری و بازرگانی نەوەستێت، چونکە وەستانی هاتووچۆ لەگەڵ پارێزگاکانی تری عیراق کاریگەری کردوە لەسەر بازاڕ و ئابووری شارەکەمان.

دەشڵێت، ئەگەر بگەینە ئەنجام لەگەڵ تەندروستی هەولێر تاوەکو پێنچ شەممە ڕەنگە سەرەتای هەفتەی داهاتوو ئەو کارە جێبەجێ بکەین، ئەگەر ئەوکەسانەی لەناو ئۆتۆمبێلێک بن لەیەک خێزان بن یەک کەس پشکنینی بۆ دەکرێت و نموونەی لێ وەردەگیرێت.

وتیشی، پێشتر ڕامانگەیاندبوو ئەگەر ژمارەی تووشبووان زیاتر بێت ڕەنگە نەتوانین خزمەتچوزاری تەندروستیان پێشکەش بکەین و هەموو نەخۆشەکان لەنەخۆشخانە نەتوانین جێگایان بکەینەوە، بەداخەوە گەیشتن بەم قۆناغە، ئێستاش دۆخی تەندروستی هەولێر زۆر خراپە و ڤایرۆسەکە بەخێرایی بڵاودەبێتەوە، ئاستی خۆپارێزیش لای هاوڵاتی وەک پێویست نیە، لەبەر ئەوە گەیشتووین بەوەی تاکە چارەسەر تاک پارێزیە و هاوڵاتی دەمامک ببەستێ و لەشوێنی قەرەبڵی دووربکەوێتەوە، چونکە حکومەت ئەرکی خۆی جێبەجێ کرد.

ئەوەشی خستەڕوو، ژمارەی تووشبووان لەزیادبووندایە، ئێمەش کێشەمان لەئامێری هەناسەدانی دەستکرد نیە و ئامێرمان دەست کەوتووە، بەڵام کێشەمان لە پزیشکی موخەدیر و ستافی تەندروستی و ئەوکەسانەی کار بەئامێرەکە دەکەن یان چاودێری نەخۆشەکان بکات، ئەوەشی ڕوودەدات شتێکی نوێ نیە بۆ خەڵک چونکە وتبوومان ژێرخانی تەندروستیمان خراپە، ڕەتیشی کردەوە باس لەبابەتی کارکردنەوەی هێڵی تەکسی و پاس لەنێوان پارێزگاکان نەکراوە.

بەردەوام بە لە خوێندنەوە

کوردستان

بەرپرسێكی هێزەكانی پێشمەرگە هۆشداری دەداتە سوپای عیراق

خەڵك-بەشی هەواڵ

 

بەرپرسی میحوەری گەرمەسێری هێزەكانی پێشمەرگە هۆشداری دەستپێكردنی شەڕ دەداتە هێزە عیراقییەكان.

دوای هاتنی سوپای توركیا بۆ نێو خاكی هەرێمی كوردستان و هاوكات جوڵەی چەكدارانی داعش لە ناوچە كێشە لەسەرەكان، سوپای عیراق جوڵەی بە هێزەكانی كردووە بۆ نێو خاكی هەرێم و هاتنی ئەو هێزانەش ناڕەزایەتی لێكەوتووەتەوە.

محمود سەنگاوی بەرپرسی میحوەری گەرمەسێری هێزەكانی پێشمەرگە هەڕەشە لەهێزە عیراقییەكان دەكات و ڕایدەگەیەنێت، با ئەو هێزانە بگەڕێنەوە جێگای خۆیان، ئەگەرنا شەڕ دەست پێدەكات.

ئەمەش لەكاتێكدایە، ئەمڕۆ دوو شەممە هێزە عیراقییەكان جوڵەیان بەرەو سنووری پێشمەرگە كردبوو لە سنووری كوڵەجۆ.

بەردەوام بە لە خوێندنەوە

کوردستان

نەخۆشخانەیەكی 40 قەرەوێڵەیی چاودێریی چڕ لە هەولێر دروست دەكرێت

خەڵك-ئارام سەردار

 

بەبڕی سێ ملیۆن دۆلار، لەشاری هەولێر نەخۆشخانەیەكی 40 قەرەوێڵەیی چاودێریی چڕ لەلایەن خێرخوازێكەوە دروست دەكرێت.

نەخۆشخانەكە بەناوی لالاڤ دەبێت كەتایبەتە بە چاودێریی چڕ و لە دوو قاوشی گەورە پێكدێت و هەر قاوشێكیش 20 قەرەوێڵەی لێ دەبێت لەلایەن بازرگان، حاجی چۆلی دروستدەكرێت.

فرسەت سۆفی، پارێزگاری هەولێر لەكۆنفڕانسێكی ڕۆژنامەوانیدا ڕایگەیاند، نەخۆشخانەكە تایبەتە بە چاودێریی چڕی لالاڤ و لە دوو قاوشی گەورە پێكدێت ٤۰ قەرەوێڵەی لەخۆدەگرێت بەبڕی سێ ملیۆن دۆلار، دروستكردنی نەخۆشخانەیەكی لەم شێوەیەش زۆر گرنگ بوو، چونكە نەخۆشخانەی تایبەت بەچاودێری چڕمان نەبووە زۆركات بەهۆی ڕووداوە جیاوازەكان شوێنمان نەدەما، بۆیە ئەم نەخۆشخانەیە ئەو بۆشاییەمان بۆ پڕدەكاتەوە، ئەركی تەندروستی سوكتر دەكات، پێزانینمان هەیە بۆ كارەكانی ئەو،خێرخوازە.

لای خۆشیەوە د.دلۆڤان محەممەد بەڕێوەبەری تەندروستیی هەولێر ڕایگەیاند، پڕۆژەیەكی زۆر گرنگە چونكە ژمارەی قەروێلەكانی چاودێری چڕ لەهەولێر زۆرسنوردارە، بۆیە نەخۆشخانەی چاودێریی چڕی لالاڤ لە هەولێر كە لە 40 قەرەوێڵەیە پێكدێت كە لەلایەن كۆمپانیای لالاڤ دروستدەكرێت هاوكارێكی باش دەكات، چونكە زۆر كات بەهۆی پڕبوونی بەشەكانی چاودێری چڕ وایلێدەهات نەخۆش ڕوو لە نەخۆشخانەی ئەهلی بكەن كە تێچووی زۆرە و ئەركی نەخۆشی قورس دەكرد.

وتیشی”هەر قاوشێك چوار شوێنی جیاكەرەوەی نەخۆشی تێدایە لەگەڵ سەرجەم پێویستیەكانی بەشەكە لەسەر كوالێتی جیهانی لەخۆدەگرێت”.

بەردەوام بە لە خوێندنەوە

کوردستان