ئێمە لە تۆرە کۆمەڵایەتیەکان

کوردستان

وتەبێژی دەستەی گەشتوگوزاری هەرێم ژمارەی ناوچەی شوێنەوارییەكان ئاشكرا دەكات

خەڵك – بەشی هەواڵ

وتەبێژی دەستەی گەشتوگوزاری هەرێمی كوردستان ئاشكرایدەكات، لە كۆی زیاتر لە سێ هەزار و 500 ناوچەی شوێنەواریی، 40 ناوچەی شیاو هەن، كە گەشتیاران دەتوانن سەردانیان بكەن.

نادر ڕوستایی وتەبێژی دەستەی گەشتوگوزاری هەرێمی كوردستان ڕایگەیاند، لە كۆی زیاتر لە سێ هەزار و 500 ناوچەی شوێنەوار، 40 ناوچەیان شیاون وەك شوێنی گەشتیاریی و گەشتیاران دەتوانن سەردانی بكەن و چەند ناوچەیەكیش لەژێر نۆژەنكردنەوەدان.

لەبارەی پۆلێنكردنی شوێنەوارەكان بەسەر ئایین و نەتەوەكاندا، نادر ڕوستایی ئاشكرایكرد، لە لای ئێمە هەمووی دیارە، پەرستگای زەردەشتییەكان وەك چارستین، پەرستگای خانی زەردەشتی لە دەربەندیخان، ئەشكەوتێكی زەردەشتییەكان لە ئاكرێ، دێرەكانی مەسیحی، دێر هورمز كە یەكێكە لە شوێنە هەرە گرنگەكان لە لای ئەوروپییەكان چونكە پێشڕەویی كەنیسەی ڕۆژهەڵاتی كردووە بۆ 400 ساڵ و شوێنەكە وەك خۆی ماوەتەوە لە ئەلقوش، هەروەها شوێنی ئایینی ئیسلام بە هەمان شێوە وەك مەزارگەكانی بیارە و تەوێڵە و شێخی باڵەكان و چەندین جێگای تریش.

کوردستان

د. هێرش سەید سەلیم: ئەو نرخانەی وەزارەتی تەندروستی ڕایگەیاندووە ئەوپەڕی فەشەلی ئیدارەدانی كەرتی گشتییە

خەڵك – بەشی هەواڵ

جێگری بەڕێوەبەری گشتی تەندروستی سلێمانی ڕایدەگەیەنێت:”ئەو نرخانەی وەزارەتی تەندروستی ڕایگەیاندووە هەڵكردنی ئاڵای سپییە بۆ كەرتی تایبەت و فەشەلی ئیدارەدانی كەرتی گشتییە “.

د. هێرش سەید سەلیم جێگری بەڕێوەبەری گشتی تەندروستی سلێمانی لە هەژماری تایبەتی خۆی لە تۆڕی كۆمەڵایەتی فەیسبوك بڵاویكردەوە:”ئەو جۆرە لە بازرگانی كردنە بە نەخۆشی كۆرۆنا لە نەخۆشخانەی تایبەت هەڵكردنی ئاڵای سپی وەزارەتی تەندروستییە بۆ كەرتی تایبەت و ئەوپەڕی فەشەلی ئیدارەدانی كەرتی گشتییە لە دابین كردن یان كۆنتڕۆڵ كردنی باری تەندروستی و تەشەنەسندنی كۆرۆنا لە هەرێمی كوردستان بە گشتی و تایبەتیش زۆنی زەرد كە هیچ خزمەتێك بە فراوان كردنی خزمەتگوزاری تایبەت بە كۆرۆنا ناكا جگە لە جیاكاری چینایەتی هاووڵاتیان كەوتنە ژێر پێی خەڵكی نەدار جگە لەوەش ئاڕاستەیەكی خراپە بۆ سارد كردنەوەی كارمەندانی كەرتی گشتی بەو پێیەی ئەوان بێ مووچە خزمەت دەكەن و لەولاوە كارمەندانی كەرتی تایبەت بە پاككراوی لێی دەخۆن”.

جێگری بەڕێوەبەری گشتی تەندروستی سلێمانی دەشڵێت:”ئەمجۆرە لە داهێنانە بەس لە قەد و باڵای ئەم جۆرە لە ئیدارە دەوەشێتەوە كە نەتوانێت سادەترین خزمەتگوزاری بۆ كۆی هاووڵاتیانی دابین بكات”.

د. هێرش سەید سەلیم ئاماژەبەوەش دەكات:”من تا ئێرە ڕوو سوورم كە ئەوەی لە توانام دابووبێ لەگەڵ هاوكارەكانمان كردوومانە بەبێ بەرامبەر وە شانازی بە سەرجەم ستافی بەرەنگاربوونەوەی كۆرۆنا لە بەڕێوەبەرایەتی گشتی تەندروستی سلێمانی و دەورووبەری دەكەم كە لە كارگوزارێكەوە تا بەڕێوەبەری گشتی لەماوەی ڕابردوو و ئێستاشدا بەردەوامن لە دابین كردنی خزمەتگوزاری خۆڕایی بۆ تووشبووانی كۆرۆنا لە سەنتەرەكانمان بەڵام لێرە بەدواوە ئۆباڵی بەلاڕێدا بردنی ئەو خزمەتە لە ئەستۆی ئێمە نییە ئەمە گوزارشت لە ڕای خۆم دەكات هەر كەسێكیش هاوڕایە لەگەڵم دەتوانێ شێری ئەم ڕایەم بكا و دەنگ هەڵبڕێ”.

 

دەقی نووسینەكەی جێگری بەڕێوەبەری گشتی تەندروستی سلێمانی:

ئەو جۆرە لە بازرگانی كردنە بە نەخۆشی كۆرۆنا لە نەخۆشخانەی تایبەت هەڵكردنی ئاڵای سپی وەزارەتی تەندروستییە بۆ كەرتی تایبەت و ئەوپەڕی فەشەلی ئیدارەدانی كەرتی گشتییە لە دابین كردن یان كۆنتڕۆڵ كردنی باری تەندروستی و تەشەنەسندنی كۆرۆنا لە هەرێمی كوردستان بە گشتی و تایبەتیش زۆنی زەرد كە هیچ خزمەتێك بە فراوان كردنی خزمەتگوزاری تایبەت بە كۆرۆنا ناكا جگە لە جیاكاری چینایەتی هاووڵاتیان كەوتنە ژێر پێی خەڵكی نەدار جگە لەوەش ئاڕاستەیەكی خراپە بۆ سارد كردنەوەی كارمەندانی كەرتی گشتی بەو پێیەی ئەوان بێ مووچە خزمەت دەكەن و لەولاوە كارمەندانی كەرتی تایبەت بە پاككراوی لێی دەخۆن.

ئەمجۆرە لە داهێنانە بەس لە قەد و باڵای ئەم جۆرە لە ئیدارە دەوەشێتەوە كە نەتوانێت سادەترین خزمەتگوزاری بۆ كۆی هاووڵاتیانی دابین بكات.

من تا ئێرە ڕوو سوورم كە ئەوەی لە توانام دابووبێ لەگەڵ هاوكارەكانمان كردوومانە بەبێ بەرامبەر وە شانازی بە سەرجەم ستافی بەرەنگاربوونەوەی كۆرۆنا لە بەڕێوەبەرایەتی گشتی تەندروستی سلێمانی و دەورووبەری دەكەم كە لە كارگوزارێكەوە تا بەڕێوەبەری گشتی لەماوەی ڕابردوو و ئێستاشدا بەردەوامن لە دابین كردنی خزمەتگوزاری خۆڕایی بۆ تووشبووانی كۆرۆنا لە سەنتەرەكانمان بەڵام لێرە بەدواوە ئۆباڵی بەلاڕێدا بردنی ئەو خزمەتە لە ئەستۆی ئێمە نییە ئەمە گوزارشت لە ڕای خۆم دەكات هەر كەسێكیش هاوڕایە لەگەڵم دەتوانێ شێری ئەم ڕایەم بكا و دەنگ هەڵبڕێ …..

د. هێرش سەید سەلیم
١٠/٠٨/٢٠٢٠

بەردەوام بە لە خوێندنەوە

کوردستان

داوای مووچەكانیان دەكەن
تەندروستکارانی دوو شارۆچکە بایکۆتی دەوام دەكەن

 

خەڵك – یەحیا حبیب

بەهۆی دواکەوتنی موچە و پێنەدانی لە کاتی خۆیدا،  تەندروستکارانی شارۆچکەی شارەزوور و سەیدسادق بایکۆتی دەوامی فەرمیان کرد.

کەمال ئەحمەد، لێپرسراوی ڕاگەیاندنی نەخۆشخانەی گشتی شەهید ڕەئوف بەگ بە (خەڵك)ی ڕاگەیاند، “پاش نیوەڕۆی ئەمڕۆ پزیشکانی بەشی فریاکەوتن و کارمەندانی نەخۆشخانەکە بە هۆی دواکەوتنی مووچە، بایکۆتی دەوامیان کردووە و داوای دابەشکردنی موچە لە کاتی خۆیدا دەکەن “.

هەر بە پێی زانیارییەکان تەندروستکارانی نەخۆشخانەی گشتی شەهید شەوکەتی حاجی موشیر لە شارۆچکەی سەیدسادق ، هاوشێوەی شارەزوور بایکۆتی دەوامیان کردووە.

تۆڕی میدیایی (خەڵك) پەیوەندی بە ئیدارەی نەخۆشخانەی گشتی شەهید شەوکەتی حاجی موشیر لە شارۆچکەی سەیدسادقەوە كرد بەڵام پەیوەندییەکە بەردەست نەبوو.

بەردەوام بە لە خوێندنەوە

کوردستان

بەڤیدیۆ؛ لە چالاكییەكی گەریلاكانی هەپەگە 9سەربازی سوپا كوژران

خەڵك – بەشی هەواڵ
هێزەكانی پاراستنی گەل ڕایدەگەیەنێت ، لە چالاكییەكی هێزەكانی یەژاستار لە دژی سوپای توركیا لە هەفتانین هەرێمەكانی پاراستنی مەدیا ٩ سەربازی سوپا كوژران و ٦ سەربازی دیكە برینداربوون، گەریلا تیڤی-ش ڤیدیۆی چالاكییەكەی بڵاوكردەوە.

ناوەندی ڕاگەیاندن و چاپەمەنی هێزەكانی پاراستنی گەل (هەپەگە) لە ڕاگەیەنراوێكدا بڵاویكردەوە لە چوارچێوەی هەڵمەتی شۆڕشگێڕیی جەنگی هەفتانین دا ، كە لە ٥ ی ئابدا ئەنجام درا ٩ سەربازی سوپای توركیا كوژران و ٦ سەربازی دیكەش بریندار بوون.

ڕاشیگەیاندووە، ئەو چالاكییە لە كاتژمێر 7:45 لە نێوان شاخی دوپشك و شاخی شەهید بێریڤان دا بەڕێوەچوو.

لینكی ڤیدیۆكە :

بەردەوام بە لە خوێندنەوە

کوردستان