ئێمە لە تۆرە کۆمەڵایەتیەکان

جیهان

پۆمپیۆ: مادۆرۆ هەڕەشەیە لەسەر ئاسایش و ئاشتی وڵاتانی دراوسێی ڤەنزوێلا


خەڵك – بەشی هەواڵ

ئەمریكا ڕێوشوێن لەدژی ڕەفتارەكانی نیكۆلاس مادۆرۆ سەرۆكی ڤەنزوێلا دەگرێتەبەر و ڕێككەوتنێكی هەرێمایەتی چالاك كرد بۆ هاریكاری سەربازیی لەگەڵ 10 وڵاتی كیشوەری ئەمریكا و ئۆپۆزسیۆنی ڤەنزوێلا وەك وەڵامێك بۆ ڕەفتار و جموجوڵەكانی ڕژێمەكەی نیكۆلاس مادۆرۆ.

لەوبارەیەوە مایك پۆمپیۆ وەزیری دەرەوەی ئەمریكا ئەوەیخستەڕوو، چالاككردنی ئەو ڕێككەوتنامەیە بەهۆی زیادبوونی كاریگەری ڕژێمەكەی نیكۆلاس مادۆرۆ بووە لەسەر سەقامگیری وڵاتەكەیی و ناوچەكە.

وەزیری دەرەوەی ئەمریكا ئاماژەی بەوەشكرد، جموجوڵەكانی ئەم دواییەی سوپای ڤەنزوێلا بۆ بڵاوبوونەوە بەدرێژایی سنوورەكان لەگەڵ كۆڵۆمبیا، هەروەها بوونی گرووپی چەكداری ناشەرعی و ڕێكخراوی تیرۆریستی لەسەر خاكی ڤەنزوێلا دەریدەخات نیكۆلاس مادۆرۆ تەنیا هەڕەشە نییە بۆ سەر گەلی ڤەنزوێلا، بەڵكو ڕەفتارەكانی هەڕەشە لەئاسایش و ئاشتی وڵاتانی دراوسێی دەكات.

جیهان

بەوێنە؛ لە عیراق و چەند وڵاتێك خواست لەسەر بەرماڵ زیاد دەكات


خەڵك- بەشی هەواڵ
ڕۆژانە خواستی هاووڵاتیان و نوێژخوێنان لەسەر بەرماڵی سەفەری، كە یەك جار بەكاردەهێنرێت ڕوو لە زیادبوون دەكات ئەوەش بەهۆی بڵاوبووونەوەی ڤایرۆسی كۆرۆناوە.

لە ئێستادا توركیا دەستی كردووە بە دروست كردن و بەرهەمهێنانی “بەرماڵی سەفەری” كە تەنها بۆ یەك جار بەكاردەهێنرێت دوای هەڵپڕینی لە كیسی تایبەتی و پێچراوەدا و هاوكات هەناردەی وڵاتەكانی وەك (سعودیە و ئیمارات و قەتەر و عیراق) دەكرێت.

جەلال ئارتان، بەرپرسی بەشی فرۆشتن و بەرهەمهێنان لە كۆمپانیای (پراتیكسار)ی توركی ئاماژەی بەوەكردووە، بەم دواییانە لەناوخۆ و دەرەوەی وڵات داواكارییەكی زۆریان بۆ دێت لەسەر بەرماڵی نوێژكردنی تایبەتی، كە بۆ یەك جار بەكاردەهێنرێت.

وتوشیەتی، “ئەو بەرماڵە درێژییەكەی 110 سانتیمەترە و پانییەكەی 60 سانتیمەترە و بەشێوەیەكی زۆر باش پێچراوەتەوە و ئاسانە بۆ هەڵگرتن و بەكارهێنان و نەك بۆ كاتی پەتای كۆرۆنا، بەڵكو بۆ كاتی گەشت و سەیران-یش بەكاردەهێنرێت”.

هاوكات بەپێی ڕاپۆرتێكی ئاژانسی (ئەنادۆڵ) لە ئێستادا ئەو بەرماڵە تایبەتییە ڕەوانەی چەندین وڵات دەكرێت و خواستی هاووڵاتیان لەسەری ڕووی لەزیادبوون كردووە ئەوەش بەهۆی مەترسییەكانی بڵاوبوونەوەی ڤایرۆسی كۆرۆناوە.

بەردەوام بە لە خوێندنەوە

جیهان

گەشتی ئاسمانی و هاتووچۆی وشكانی لە ئەڵمانیا دەستپێدەكاتەوە


خەڵك- بەشی هەواڵ
بەپێی هەواڵی میدیاكانی ئەو وڵاتە، حكومەتی ئەڵمانیا دەیەوێت قەدەغەی گەشتی ئاسمانی و وشكانی بۆ 31 وڵاتی ئەوروپی هەڵبگرێت.

بەگوێرەی هەواڵێكی ئاژانسی (ڕۆیتەرز) كە لە زاری چەند سەرچاوەیەكی ئاگادارەوە بڵاویكردوەتەوە، ئەڵمانیا خوازیارە لە 15ی حوزەیرانەوە قەدەغەی هاتووچۆ بۆ 31 وڵاتی ئەوروپی هەڵبگرێت و بۆ ئەوەش بەنیازە بەشێوەی قۆناغ گەشتی ئاسمانی و وشكانی لەگەڵ ئەو وڵاتانە دەستپێبكاتەوە.

سەرچاوە ئاگادارەكان ئاماژەیان بەوەداوە، ئەگەر دۆخی قەیرانی كۆرۆنا لە ئەڵمانیا و ئەو 31 وڵاتە بەرەو قوڵبونەوەی زیاتر نەروات، ئەوا حكومەتی ئەڵمانیا بەشێوەی قۆناغ گەشتی ئاسمانی و وشكانی لەگەڵ ئەو وڵاتانە دەستپێدەكاتەوە.

داخوازیەكەی حكومەتی ئەڵمانیا وەك پرۆژەی پێشنیازكراو بۆ پەسەندكردنی كۆتایی پێشكەشی ئەنجومەنی وەزیران كراوە، كە تیایدا داوای دەستپێكردنەوەی گەشت بۆ 26 وڵاتی یەكێتی ئەوروپا بە(بەریتانیا)شەوە و ژمارەیەك وڵاتی سنوری شنگن كراوە.

هەفتەی رابردو هایكۆ ماس، وەزیری دەرەوەی ئەڵمانیا لە میانی دووەمین دیالۆگی وڵاتانی دراوسێ لە ئەوروپا ڕایگەیاند، ” لەدوای قەیرانی كۆرۆنا ئەڵمانیا ئامادەیە بۆ دەستپێكردنەوەی گەشتە نێودەوڵەتیەكانی و وەرگرتنی گەشتیارانی پشووی هاوین، بەڵام پێش هەموو شتێك دەبێت ڕەچاوی چەند خاڵێك بكرێت”.

بەردەوام بە لە خوێندنەوە

جیهان

ڕووەكی حەشیشە چارەسەری كۆرۆنا دەكات


لوقمان غەفوور

بەم دواییە توێژەرەوانی زانكۆی لیسبریدج لە هەرێمی ئەلبرتا-ی كەنەدا ئەنجامی توێژینەوەیەكیان خستۆتەڕوو كە سوودەكانی رووەكی كانەبس- حەشیش، كاریگەری باشی هەیە بۆ رێگریكردن لەچوونی پرۆتینی خانەی كۆرۆنا ڤایرۆس بۆ ناو خانەی سییەكانی كەسی تووشبوو.

بەپێی بەیاننامەیەكی چەند رۆژێك لەمەوبەری كۆمپانیای توێژینەوەی دەرمانسازیRX Pathway، ئەم توێژینەوەیە لەكۆتایی مانگی نیسان لە گۆڤاری Preprints بڵاوكرایەوە. ئەنجامی لێكۆلێنەوەكە كە هێشتا پێداچوونەوەی بۆ نەكراوە لەژێر ناوی: “توێژینەوەیەكی ستراتیژەكانی خۆپاراستن: چیرۆكی دژە – هەوكردنەكانی رەبۆ -ی روەكی ئاست باڵای كانەبیس لە كۆڤید -19 رزگارمان دەكات”.

توێژینەوەكە گوزارشتێكی هاوبەشە لە نێوان زانكۆ و Pathway، كە كاردەكات بۆ گەشەپێدانی رووەكی حەشیش لە چارەسەری نەخۆشیی دیاریكراو.

هەروەها رۆژنامەی ستار ئاند سترەیپ نوسیویەتی، توێژەرەوەكان لە هەرێمی ئەلبرتا-ی خۆرئاوای كەنەدا لێكۆڵینەوەكەیان بە بەكارهێنانی 3 دووری ئەنجامداوە، شانبەشانی سمپلێكی دیاریكراوە لە گیای حەشیش-ی ئاستبەرزی پوختەكراو كە ئەتوانێت گوڕان لە جینی ئەنزیمی ئاڵوگۆڕكردنی ئەنجیوكنسین-2 (ACE2) و ئاستەكانی پرۆتینی ACE2، بكات.

ئەنجامەكان دەریخستووە كە پوختەی جۆرێكی گیای (حەشیش) هاوكاری لە رێگری پرۆتینی ڤایرۆسەكە ئەكات بچێتە ژورەوە كاتێك لەلایەن خانەی سیییەكانی مرۆڤەوە پێشوازی لێدەكرێت.

د. ئیگۆر كۆڤالچۆك پرۆفیسۆری زانستی بایۆلۆژی لە زانكۆی لیسبریدج و بەرێوەبەری جێبەجێكاری كۆمپانیای Pathway، دەڵێت: “شارەزایانی زانست ئەوەیان پەسەند كردووە كە ئەنزیمی (ACE2) بخرێتە ناو خانەی كۆرۆنا ڤایرۆس ئەوا رێگری لە ئەنزیمی پرۆتینی ڤایرۆسەكە ئەكات لە لەلایەن خانەی سییەكانی مرۆڤەوە پێشوازی لێنەكرێت”. وتیشی: “ئەنجامە سەرەتاییەكانمان نزیكن لەوەی بەرهەمی رەوەكی حەشیش چارەسەرێكی سەلامەتە بۆ كۆڤید-19 “.

دەشڵێت،” لە هەزار جۆری رووەكی كانەبیس- حەشیش كە پشكنینی بۆ كراوە تەنیا ژمارەیەكی كەم دەرچوون و تایبەتمەندی پزیشكی تێدایە”.

هەروەها د. كۆڤالچۆك بۆ پێگەی هەواڵی ULeth ی زانستی دەڵێت: “لەكاتێكدا زۆربەی سەرئەنحامەكان زیاتر لە سەركەوتن نزیكە تا بگەین بە شیكردنەوەی زیاتر بەڵام لێكۆڵینەوەكانمان بۆ ئایندە گرنگە دەربارەی كاریگەری حەشیشەی پزیشكی لەسەر كۆڤید-19″ وتیشی:”لەنێو هەموو حەشیشەكاندا حەشیشەی هندی لەهەموویان باشترە و تایبەتمەندی پزیشكی زیاترە”.

بەردەوام بە لە خوێندنەوە

کوردستان