ئێمە لە تۆرە کۆمەڵایەتیەکان

عێراق

وتەبێژی ئۆپەراسیۆنە هاوبەشەكانی عیراق بۆ (خەڵك): ئۆپەراسیۆنەكان سەركەوتوون

خەڵك-بەشی هەواڵ
وتەبێژی ئۆپەراسیۆنە هاوبەشەكانی عیراق، باس لە ڕەوشی ئەمنی پارێزگاكانی ئەنبار و دیالە و جموجۆڵەكانی ڕێكخراوی داعش دەكات لەو ناوچانەدا، ئۆپەراسیۆنە سەربازییەكانی ئەم دواییەش بۆ بنبڕكردنی تیرۆر لەو ناوچانەدا بە سەركەوتوو ناودەبات.

یەحیا ڕەسوڵ، وتەبێژی ئۆپەراسیۆنە هاوبەشەكانی عیراق، لە لێدوانێكی تایبەت بە (خەڵك) ڕایگەیاند، “ڕەوشی ئەمنی لە هەموو ناوچەكاندا لەژێر كۆنتڕۆڵی هێزەكانماندایە، ئۆپەراسیۆنەكان لە زۆربەی ئەو ناوچانەی دەزگاكانی هەواڵگری ئاماژە بە بوونی مەترسی سەرهەڵدانەوەی چەكدارانی داعش دەكەن ئەنجام دەدرێن، لە ناوچەكانی خۆرئاوا و بیابانی ئەنبار، بە هەماهەنگی لەگەڵ هێزەكانی هەواڵگری و ئۆپەراسیۆنەكانی ئەنبار، هەڵمەتی جۆری بۆ لەناوبردنی پاشماوەی چەكدارانی داعش ئەنجامدران”.

لەبارەی سەركەوتوویی ئەو ئۆپەراسیۆنانە و دەستكەوتەكانیشی، عەمید یەحیا ڕەسوڵ وتی، “لەو هەڵمەتانەدا نزیكەی 570 پشتێنی مینڕێژكراو دۆزرانەوە، لەگەڵ دەیان مینی دژە تانك و بڕێكی زۆری تەقەمەنی، لە ئۆپەراسیۆنی (گڵی ڕەش) كە لەلایەن دەزگای بنبڕكردنی تیرۆر و بە هەماهەنگی لەگەڵ هاوپەیمانی نێودەوڵەتی لە ناوچەكانی شەرگات و دەورووبەری ئەنجامدرا، ئەمەش خۆی لەخۆیدا ئۆپەراسیۆنێكی جۆری بوو”.

جەختیشی كردەوە، ئەم ئۆپەراسیۆنانە بەردەوام دەبن بۆ ڕاوەدونان و تێكشكاندنی تەواوەتی پاشماوەكانی ڕێكخراوی تیرۆریستی داعش لە تەواوی ناوچەكانی عیراق.

سەبارەت جموجۆڵەكانی ئەم دواییەی چەكدارانی ڕێكخراوی داعش لە ناوچەكانی پارێزگای دیالە، یەحیا ڕەسوڵ ڕایگەیاند، “هەموو ئەو ناوچانە لەلایەن وەزارەتی بەرگری و ئۆپەراسیۆنە هاوبەشەكانەوە پلانیان بۆ دانراوە، بۆ نبڕكردن و ڕەواندنەوەی مەترسییەكانی پاشماوەكانی داعش لە دیالە و ناوچەكانی تر، ئۆپەراسیۆن بۆ لەناوبردنی پاشماوەكانی ئەو ڕێكخراوە ئەنجام دەدرێن و بەوپەڕی تواناشەوە هەوڵ بۆ سەقامگیركردنی تەواوی ئەو ناوچانە دەخەینەگەڕ”.

لەبارەی ئاستی سەركەوتنی ئۆپەراسیۆنەكانیش، ئەو بەرپرسەی وەزارەتی بەرگری عیراق، وتی، “تەواوی ئەو ئۆپەراسیۆنانە سەركەوتنی باشیان بەدەستهێنا و ئامانجەكانیان هێناوەتەدی و ئەنجامی گەورەیان هەبووە”.

عێراق

“شیعە 11 وەزارەت و سوننە 6 وەزارەت”
پشكی كورد لە حكومەتەكەی عەللاوی دیاریكرا

خەڵك- بەشی هەواڵ
سەرچاوەیەكی سیاسی ئاگادار ڕایدەگەیەنێت، كابینە وەزارییە نوێیەكەی محەمەد تۆفیق عەللاوی، سەرۆك وەزیرانی ڕاسپێردراو، 11 وەزارەت بۆ شیعە و 6 وەزارەت بۆ سوننە و 5 وەزارەت بۆ كورد لەخۆدەگرێت.

شاندێكی سیاسی هەرێمی كوردستان، كە لە نوێنەری (یەكێتی و پارتی و گۆڕان و كۆمەڵ و یەكگرتوو) پێكهاتوون لە ئێستادا لە بەغدان و گفتووگۆ لەسەر ماف و پشكی كورد لە كابینەكەی عەللاوی دەكەن و بڕیارە ئەمشەو كۆبوونەوەیەك لەوبارەیەوە لەگەڵ كوتلە عیراقییەكان ئەنجام بدەن.

ئەمڕۆ سێ‌ شەممە، سەرچاوەیەكی سیاسی ئاگادار بە ماڵپەڕی (الاخباریە)ی عیراقی ڕاگەیاندووە، “محەمەد تۆفیق عەللاوی، سەرۆك وەزیرانی ڕاسپێردراو، كابینە وەزارییەكەی تەواوكردووە و لە ماوەیەكی داریكراودا، كە ڕەنگە پێنج شەممەی داهاتوو ئەوپەڕی بێت، بۆ پەڕلەمانی ڕەوانە دەكات”.

بە وتەی سەرچاوەكە، “كابینە وەزارییەكە 11 وەزارەت بۆ شیعە و 6 وەزارەت بۆ سوننە و 5 وەزارەت بۆ كورد و وەزارەتێكیش بۆ كەمینەكان لەخۆدەگرێت، هەر لەو چوارچێوەیەدا 5 وەزیر لە كابینەكەدا هەڵگری دوو ڕەگەزنامەن و 5 وەزیری تر ژنن”.

پێشتر سەرچاوەیەكی سیاسی ڕایگەیاندبوو، ڕاگەیاندنی كابینە وەزارییەكە لەماوەی پێنج ڕۆژی داهاتوودا دەبێت.

 

بەردەوام بە لە خوێندنەوە

عێراق

فەتح: ڕازی نابین ناتۆ لەسەر خاكی عیراق بێت

خەڵك- بەشی هەواڵ
هاوپەیمانی فەتح، كە لەلایەن هادی عامرییەوە سەرۆكایەتی دەكرێت ڕایدەگەیەنێت، بڕیارەكەی پەڕلەمان بۆ دەركردنی هێزە بیانییەكان ڕوونە و پێویستی بە شیكردنەوە نییە، ڕەتیشیدەكاتەوە هاوپەیمانی باكووری ئەتڵەسی (ناتۆ)، لە وڵاتدا جێگەی هێزەكانی ئەمریكا بگرێتەوە.

حەسەن سالم، پەڕلەمانتاری هاوپەیمانی فەتح لە بەیاننامەیەكدا ڕایگەیاندووە، “بڕیارەكەی پەڕلەمانی عیراق بۆ دەكردنی هێزە بیانییەكان زۆر ڕوونە و پێویستی بە شیكردنەوە نییە، گواستنەوەی ئەركی ئەمریكاییەكانیش بۆ هاوپەیمانی ناتۆ، سەرپێچی بڕیارەكەی پەڕلەمانە”.

بە وتەی ئەو پەڕلەمانتارەی فەتح، “داواكارییەكانی ئەمریكا لەگەڵ بەدەركردنی بنكەی عەین ئەسەد و بنكەكانی تری هەرێمی كوردستان لە پاشەكشەكردنی هێزەكان، بازهەڵدانە بەسەر بڕیارەكەی پەڕلەمان، كە ئاماژە بە پاشەكشەكردن لە عیراق دەكات بەبێ‌ دابەشبوون یان دابەشكردنێك”.

حەسەن سالم داوای لە حكومەت كردووە،” بوێر و چاونەترس بێت و داواكارییەكەی ئەمریكا بۆ دانانی سیستمی پاتریۆت ڕەتبكاتەوە، كە خۆی لەخۆیدا گرتنەبەری ڕێوشوێنی بەرگرییە لە قەوارەی زایۆنیزم، ئەمەش مایەی نەنگییە عیراق ببێتە سوپەر بۆ بەرگری لە زایۆنیزمەكان”.

بەردەوام بە لە خوێندنەوە

عێراق

ناتۆ: پلانی زۆرمان لە عیراقدا هەیە

خەڵك- بەشی هەواڵ
نێردەی ناتۆ ڕایدەگەیەنێت، هاوپەیمانی باكووری ئەتڵەسی (ناتۆ)، پلانی زۆری هەیە بۆ ماوەكانی داهاتووی كاركردنی لە عیراق.

بەپێی بەیاننامەیەك، كە لەلایەن وەزارەتی بەرگری عیراقەوە بڵاوكراوەتەوە، “فەریقی یەكەمی ڕوكن، عوسمان غانمی، سوپاسالاری عیراق، چاوی بە جەنەڕاڵ جینی كاردینیا، سەرۆكی نێردەی ناتۆ بۆ عیراق كەوتووە و هەردوولا جەختییان لەسەر گرنگی ڕێككەوتنی نێوان حكومەتی عیراق و نێردەی ناتۆ كردۆتەوە، جگە لە ئەركەكانی نێردەكە و فراوانكردنی كارەكانی لە عیراق”.

بە وتەی سوپاسالاری عیراق وەك لە بەیاننامەكەدا ئاماژەی پێكراوە، “چاوپێكەوتن و كۆبوونەوەكانی پێشوویان بەشێوەیەكی زۆر بەڕێوەچوون، ڕاسپاردە و بڕیاری گرنگیش دەركران بۆ بەردەوامبوونی كاری نێردەی ناتۆ لە عیراق و فراوانكردنی كارەكانی بە تایبەتیش لە خوێندنگە سەربازییەكان و مەشق و ڕاهێنانە سەربازییەكان، وێڕای زیاكردنی كورسییەكانی عیراق بۆ چوونە دەرەوەی وڵات و وەرگرتنی ئەزموون و شارەزایی زیاتر و تێكەڵبوون بە سوپا پەرەسەندووەكان”.

لای خۆیەوە، جەنەڕاڵ جینی ڕایگەیاندووە، “نێردەی ناتۆ پلانی زۆری هەیە بۆ ماوەكانی داهاتوو، كە ئامانج لێیان فراوانكردن و پەرەپێدانی كارەكانییەتی لە عیراق”.

بەردەوام بە لە خوێندنەوە

کوردستان