ئێمە لە تۆرە کۆمەڵایەتیەکان

کوردستان

د. سەباح: تووشبوون بە شێرپەنجە یەكسان نییە بە مردن
لە سلێمانی كەمپینی هۆشیاری شێرپەنجەی منداڵان ڕاگەیەنرا

خەڵك- بەشی هەواڵ
لە سلێمانی كەمپینی هۆشیاری شێرپەنجەی منداڵان ڕاگەیەنرا، كە بۆ ماوەی مانگێك بەردەوام دەبێت و بەڕێوەبەری گشتی تەندروستی سلێمانی-ش دەڵێت: “ڕێژەی تووشبوون بە شێرپەنجە لەخوار ستانداردی وڵاتانی جیهانەوەیە”.

د. سەباح هەورامی، بەڕێوەبەری گشتی تەندروستی سلێمانی بۆ (خەڵك) ڕایگەیاند، لە هەموو جیهاندا مانگی 9 بە مانگی هۆشیاری منداڵی تووشبو بە شێرپەنجەیە و ئەو چالاكییەی ئێمەش لەگەڵ منداڵپارێزی كوردستان لەو چوارچێوەیەدایە و مەبەست لێی سێ‌ خاڵە.

وتیشی، “ئامانجی یەكەم لە كەمپینەكە بڵاوكردنەوەی هۆشیاری بۆ نیشانە پێشوەختەكانی تووشبوو بە شێرپەنجەیە، چونكە منداڵ توانای دەربڕینی ئەوەی نەبێت باسی حاڵی خۆی بكات، بۆیە بۆ كەسوكارەكەی گرنگە هەندێك نیشانە هەیە بیزانێت و ئیهمالی نەكات، چونكە دەستنیشان كردنی قۆناغی سەرەتایی زۆر گرنگە”.

ڕوونیشی كردەوە، كە خاڵی دووەم بریتیە لە باسكردن لە مافەكانی منداڵێكی تووشبوو بە شێرپەنجە بۆ ئەوەی لەكاتی نەخۆشكەوتنیشیان لە چالاكییەكانی ژیان و خوێندنیان دانەبڕێن و خاڵی سێیەمیش ئەوەیە، پەیامێك بدەین بە هەموو جیهان و هەرێمی كوردستان و سلێمانیش، كە تووشبوون بە شێرپەنجە یەكسان نییە بە مردن، چونكە چەندین كەس هەیە چاكبۆتەوە و ئێستا ژیانی ئاسایی بەڕێدەكات.

سەبارەت بە ئاماری تووشبوان بە شێرپەنجە د. سەباح ئاشكرای كرد، كە لە 6 مانگی ڕابردوودا لە نەخۆشخانەی هیوا 1330 تووشبووی نوێ بە شێرپەنجە هەیە لە هەموو ڕەگەز و نەتەوە و تەمەنەكان و بە سەرجەم جۆرەكانی شێرپەنجەوە، كە بەشێكیان لە شارەكانی تر و ناوەڕاست و باشووری عیراقەوە هاتوون، بەڵام تەنها لە سلێمانی و دەورووبەرەوە 1141 نەخۆش تۆماركراوە.

بەڕێوەبەری گشتی تەندروستی سلێمانی جەختیشی كردەوە، كە هەرچەندە ڕێژەكە بە بەراورد بە ساڵی ڕابردوو كەمێك بەرزبۆتەوە، بەڵام بە بەراورد بە وڵاتانی جیهان و وڵاتە وپێشكەوتووەكان ڕێژەكە لەخوار ستانداردی جیهانییەوەیە.

جیهان

ڕۆژئاوای كوردستان.. ڕوسیا ناوچەی دژە فڕین دروست دەكات

خەڵك – بەشی هەواڵ

لەپاش ڕێككەوتنی هێزەكانی سوریای دیموكرات (هەسەدە) لەگەڵ حكومەتی سوریا بڕیارە ڕوسیا ناوچەی دژە فڕین لە ڕۆژئاوای كوردستان دروست بكات.

بابەك تەڤگایی نوسەر و ڕۆژنامەنووسی كەناڵی “بی بی سی” لە جریوەیەكدا لە تۆڕی كۆمەڵایەتی تویتەر ڕایگەیاندووە: لە سەركردەكانی هەسەدەوە بۆی پشتڕاست كراوەتەوە كە ڕوسیا ڕازی بووە ناوچەی دژە فڕین لە ڕۆژئاوای كوردستان دروستبكات و بەوەش فڕۆكەكانی توركیا چیتر ناتوانن ناوچەكە بۆردوومان بكەن.

هەر بەپێی سەرچاوەكانی هەواڵ، ڕوسیا فڕۆكەی جۆری Su-35S خستووەتە حاڵەتی ئامادەباشیەوە بۆ ڕوبەڕووبوونەوەی فڕۆكەی F-16C/Ds و F-4Es توركی.

ئەمەش پاش ئەوە دێت كە ئەمڕۆ بە نێوەندگیری ڕوسیا، هێزەكانی سوریای دیموكرات (هەسەدە) لەگەڵ حكومەتی سوریا ڕێككەوتن بۆ گەڕانەوەی سوپای سوریا بۆ ناوچە سنورییەكان و بەرپەرچدانەوەی هێرشەكانی توركیا.

بەردەوام بە لە خوێندنەوە

کوردستان

“بڕیارە لەم هەفتەیەدا شاندی هەرێم سەردانی بەغدا بكات”

خەڵك – بەشی هەواڵ

لێپرسراوی نوێنەرایەتیی حكومەتی هەرێمی كوردستان لە بەغدا ڕایدەگەیەنێت، چاوەڕواندەكرێت سەردانی شاندی هەرێم بۆ بەغدا لەم هەفتەیەدا ئەنجامبدرێت.

فارس عیسا لێپرسراوی نوێنەرایەتیی حكومەتی هەرێمی كوردستان لە بەغدا لەلێدوانێكی ڕۆژنامەوانیدا ڕایگەیاند، هەرچەندە پێشتر بڕیاردرابوو شاندێكی وزاری حكومەتی هەرێمی كوردستان سەردانی بەغدا بكات ڕۆژی سێ شەممەی هەفتەی ڕابردووش بۆ سەردانەكە دیاریكرابوو، بەڵام بەهۆی ئەو خۆپیشاندانانەی لە بەغدا دروستبوو سەرقاڵی لێپرسراوانی حكومەتی عیراق بەودۆخەوە سەردانی شاندەكەی هەرێم دواخرا بۆ ئەم هەفتەیە.

فارس عیسا وتیشی: “چاوەڕواندەكرێت لەم هەفتەیەدا شاندەكەی هەرێم سەردانی بەغدا بكات ئەویش دوای ئامادەیی بەرپرسانی حكومەتی عیراقی و گەڕانەوەی وەزیری دارایی حكومەتی عیراق كە ناوبراو لەئێستادا لە دەرەوەی وڵاتە و چاوەڕواندەكرێت لەدوو ڕۆژی داهاتوو بگەڕێتەوە و پێویستە شاندەكەی هەرێم لەگەڵ ئەویش گفتوگۆ بكەن”.

لێپرسراوی نوێنەرایەتیی حكومەتی هەرێمی كوردستان لە بەغدا ئاشكراشیكرد، “حكومەتی هەرێمی كوردستان ڕاپۆرتی بودجەی خەمڵێنراوی بۆ ساڵی 2020 بۆ ئێمە ڕەوانە كردووە وەكو نوێنەرایەتی حكومەتی هەرێم لە بەغدا تا ئێمەش بیدەینە حكومەتی عیراق و بەرچاو ڕوونی هەبێت بۆ گفتوگۆكان لەسەر بودجەی ساڵی داهاتوو ئەو داهاتەی هەرێمی كوردستان پێویستیەتی”.

بەردەوام بە لە خوێندنەوە

کوردستان

تەڤدەم هەوڵەكانی سەرۆك كۆماری عیراق بەرز دەنرخێنێت

خەڵك – بەشی هەواڵ

لە پەیوەندیيەكی تەلەفۆنیدا غەریب حەسۆ هاوسەرۆكی تەڤدەم لەگەڵ سالار مەحمود ڕاوێژكاری سەرۆك كۆماری عیراق د بەرهەم ساڵح، دۆخی مەترسیداری ڕۆژئاوای كوردستانى لەسەر خەڵكی سڤیل و ئەگەری كارەساتێكی گەورەتر ڕوونكردەوە.

هاوكات هاوسەرۆكی تەڤدەم، ڕۆڵی د. بەرهەم ساڵح سەرۆك كۆماری عیراقی لەمەڕ گرێدانی كۆبوونەوەی كۆمكاری وڵاتانی عەرەبی و پەیوەندییەكانی و هەڵوێستییان بۆ راگرتنی شەڕەكە بەرز نرخاند.

غەریب حەسۆ هاوسەرۆكی تەڤدەم هەروەها، داوای لە سەرۆك كۆماری عیراق كردووە كۆششی زیاتر بكات لە ئاستی نێودەوڵەتی تا ڕای گشتی دونیا بتوانن ئەو شەڕە نەخوازراوە و هێرشی توركیا ڕابگیرێت.

بەردەوام بە لە خوێندنەوە

کوردستان