ئێمە لە تۆرە کۆمەڵایەتیەکان

جیهان

فەڕەنسا سزای زیندانی بەسەر كچێكی پادشای سعودیەدا دەسەپێنێت

 

خەڵك- بەشی هەواڵ

دادگایەكی فەڕەنسا، حسە بن سەلمان، كچی پادشای سعودیە بە كارئاسانیكردن بۆ توندوتیژی لەڕێی هەڕەشەكردن بە چەك و تێوەگلان لە ڕفاندن، تۆمەتبار دەكات.

ئەمڕۆ پێنج شەممە، میدیا عەرەبییەكان بڵاویانكردەوە، “دادگایەكی فەڕەنسا، سزای 10 مانگ زیندانی لەگەڵ ڕاگرتنی جێبەجێكردنی، بۆ حسە بن سەلمان، كچی پادشای سعودیە دەركرد، لەگەڵ سزایەكی دارایی، كە بڕەكەی 10 هەزار یورۆیە، ئەمەش بە تۆمەتی كارئاسانی بۆ كاری توندوتیژی لەڕێی هەڕەشەكردن بە چەك و تێوەگرن لە ڕفاندن”.

لەسەر سكاڵای هاووڵاتییەكی بە ڕەچەڵەك میسری، كە كاری ڕێكخستنی ماڵان دەكات، لە دژی كچە شازادەكەی سعودیە و پاسەوانە تایبەتییەكەی، كە لە مانگی ئەیلولی 2016 بۆ دادوەری بەرزكردبووەوە، دادگایی كردنی شازادە حسە لە 9ی تەمموزی ڕابردووەوە دەستیپێكردووە لە پاریسی پایتەختی فەڕەنسا.

وێڕای دەرچوونی یاداشتی ڕاگرتن لەدژی لە 24ی تشرینی دووەمی 2017، كچە شازادە سعودیەكە نەچۆتە بەردەم دادگا و ئیمانوێل مۆینی پارێزەریشی ڕایگەیاندووە، فەرمانەكانی دەستگیركردن بۆ بریكارەكەی لەلایەن دەسەڵاتدارانی فەڕەنسا، ڕێگرن بۆ شازادە تا ئامادەی بەردەم دادگا ببێت.

بەپێی لیستی تۆمەتەكان، ئەشرەف عید (56 ساڵ) كە بەڕەچەڵەك میسرییە، سكاڵای لەسەر پاسەوانی تایبەتی شازادە سعودیەكە تۆماركردووە، بەو پێیەی دەستی بەستۆتەوە و لێیداوە و ناچاری كردووە دەستی شازادە ماچ بكات، دوای ئەوەی تۆمەتباریان كردووە، كە بە مۆبایلەكەی وێنەی گرتوون.

جیهان

ئێران، هەڵویستی خۆی لەسەر ڕێكەوتنی ئیمارات و ئیسرائیل ڕاگەیاند

خەڵك-بەشی هەواڵ

سەرۆك كۆماری ئێران ڕایدەگەیەنێت، ڕاگرتنی 4 كەشتی ئێرانی لە لایەن ئەمریكاوە درۆیەكی گەورەیە.

حەسەن ڕۆحانی سەرۆك كۆماری ئێران لە كۆبوونەوەیەكیدا لەگەڵ لیژنەی بەرەنگار بوونەوەی كۆرۆنا ڕایگەیاند، ڕاگرتنی 4 كەشتی ئێرانی لە لایەن ئەمریكاوە درۆیەكی گەورەیە.
وتیشی”ئەمریكا بۆ پەردەپۆشكردنی شكستەكەی لە ئەنجومەنی ئاسایش ئەو بابەتە دەوروژێنێت”.

ئاشكراشیكرد، شكستی ئەمریكا لە ئەنجومەنی ئاسایش سەركەوتنی سیاسی ئێران بووە، تەنانەت ڕێككەوتنی ئەتۆمیش دەتوانێ ئەمریكا زەلیل بكات.

سەبارەت بە ڕێككەوتنی ئیسرائیل و ئیمارات ناوبراو ڕایگەیاند، هیوادارین وڵاتانی ناوچەكە وانە فێر ببن لە زەلیل بوونی ئەمریكا و نزیكی ئەو ڕژێمە داگیركەر و ستەمكارە نەكەون كە ساڵانێكە خەریكی ستەم كردنە.

بەردەوام بە لە خوێندنەوە

جیهان

ڕوسیا دەستی بە بەرهەمهێنانی ڤاكسینی دژ بە كۆرۆنا كرد

خەڵك-بەشی هەواڵ

 

وەزارەتی تەندروستی ڕوسیا ڕایدەگەیەنێت، دەستمان كردووە بە بەرهەمهێنانی ڤاكسینی دژە كۆرۆنا.

وەزارەتی تەندروستی ڕوسیا ئاشكرایكرد، ئەمڕۆ شەمە ١٥-٨-٢٠٢٠ دەستمانكردووە بە بەرهەمهێنانی ڤاكسینی دژە ڤایرۆسی كۆرۆنا بۆ ئەوەی بە زووترین كات هاووڵاتیان بەكاریبهێنن و چارەسەر بكرێن.

جەختی لەوەش كردەوە، ئەم ڤاكسینە لەلایەن ناوەندی بایۆلۆجی (غامالیا)ەوە پەرەی پێدراوە و بەرهەم دەهێنرێت.

ئەمەش لەكاتێكدایە 20 وڵات داوایان لە حكومەتی ڕوسیا كردووە و ئامادەییان بۆ كڕینی ڤاكسینەكە دەربڕیوە و سەرۆكی ڕوسیاش ڕایگەیاندوە كە ڤاكسینەكەیان لەسەر مرۆڤ تاقی كردوەتەوە و ئەنجامی باشی هەبووە.

بەردەوام بە لە خوێندنەوە

جیهان

نوێترین زانیاری لەسەر تووشبووانی ڤایرۆسی كۆرۆنا لە جیهان

خەڵك-بەشی هەواڵ

بە گوێرەی دواین ئامار، تووشبووانی ڤایرۆسی كۆرۆنا لە جیهاندا گەیشتە 21 ملیۆن و 372 هەزار و 792 حاڵەت.

بە گوێرەی ئامارە جیهانییەكان، تاكو كاتژمێر 11ی ئەمڕۆ شەممە ژمارەی تووشبووانی كۆرۆنا لە جیهاندا گەیشتە 21 ملیۆن و 372 هەزار و 792 حاڵەت، لەو ژمارەیەش حەوت سەد و 63 هەزار و 730 حاڵەتی گیانلەدەستدانیش هەبووە.

لەسەر ئاستی وڵاتانی جیهان، ئەمریكا زۆرترین ڕێژەی تووشبوون بە پەتاكەی تێدا تۆماركراوە و گەیشتووەتە پێنج ملیۆن و 476 هەزار و 266 كەس و 171 هەزار و 535 كەسیش گیانیان لەدەستداوە.

ڤایرۆسی كۆرۆنا نەخۆشییەكی كوشندەیە و مانگی 12ی ساڵی ڕابردوو لەشاری وۆهانی وڵاتی چین سەریهەڵداو لەئێستاشدا لە زیاتر لە 210 وڵات و ناوچەی جیهان بڵاوبووەتەوە.

بەردەوام بە لە خوێندنەوە

کوردستان