ئێمە لە تۆرە کۆمەڵایەتیەکان

ئابوری

هێلكەی توركی لە بەغدا هەرادەنێتەوە

خەڵك- بەشی هەواڵ
دەیان هاووڵاتی لەبەردەم وەزارەتی كشتوكاڵی عیراقی خۆپیشاندان دەكەن، لە دژی دەستوەردانی فاتح یەڵدز، باڵیۆزی توركیا لە بەغدا، لە كاروباری ئابوری عیراق.

بەپێی (سكای نیوز عربیە)، ئەمڕۆ پێنج شەممە، عیراقییەكان دروشمی پشتیوانیان لە بەرهەمی ناوخۆ بەرزكردەوە دوای ئەوەی باڵیۆزی توركیا گەشتێكی بەنێو گەورە بازرگانانی بەغدادا كردبوو و داوای لێكردبوون، گوێ‌ بە بڕیارەكەی وەزارەتی كشتوكاڵی عیراقی نەدەن بۆ ڕاگرتنی هەناردەی بەرهەمی پەلەوەری توركی، لەبەرانبەر ئاسانكاری گومرگی فراوان بۆ هەر بازرگانێك، كە پابەند نەبێت بە بڕیارەكەی وەزارەتی كشتوكاڵەوە.

وەك پاڵپشتییەك بۆ خاوەن كێڵگەكانی پەلەوەری لە عیراق، كە بەهۆی بەروبوومەكانی توركیاوە زیانیان پێگەیشتبوو، لە مانگی ڕابردوودا، وەزارەتی كشتوكاڵی عیراقی، هاوردەكردنی بەروبوومی پەلەوەری لە توركیاوە ڕاگرت.

بڕیاری حكومەتی عیراق بۆ ڕاگرتنی هاوردەكردنی هێلكەش لە توركیاوە، كاریگەری نەرێنی لەسەر ئەنقەرە دروستكرد، بەپێی ڕاپۆرتێكیش، كە لە میدیاكانی توركیادا بڵاوكرابووەوە، بەرهەمهێنەرانی هێلكە لە وڵاتەكەدا، بەهۆی ڕاگرتنی هاوردەكردنی هێلكەی توركی لەلایەن عیراقەوە، ناچاربوون نزیكەی 17 ملیۆن هێلكە لەناوببەن.

ئابوری

مووچەی هەشت وەزارەت و ژمارەیەك دەستە دابەش دەكرێت

خەڵك – بەشی هەواڵ
ئەمڕۆ و سبەی مووچەی هەشت وەزارەت و ژمارەیەك دەستە و ئەنجومەن دابەش دەكرێت.

بە پێی لیستی مووچەی وەزارەتی دارایی، ئەمڕۆ و سبەی مووچەی ئەم شوێنانە دابەش دەكرێن:
وه‌زاره‌تی كارو كاروباری كۆمه‌ڵایه‌تی، وه‌زاره‌تی داد، وه‌زاره‌تی خوێندنی باڵا و توێژینه‌وه‌ی زانستی، وه‌زاره‌تی سامانه‌ سروشتیه‌كان، ئه‌وقاف و كاروباری ئایینی، وەزارەتی پلاندانان، وەزارەتی گواستنه‌وه‌ و گه‌یاندن لەگەڵ وەزارەتی پیشه‌سازی و بازرگانی.

كه‌م ئه‌ندامان، ئه‌نجومه‌نی دادوه‌ری، دیوانی چاودێری دارایی، ده‌سته‌ی مافی مرۆڤ، ده‌سته‌ی ده‌ستپاكی،
ده‌سته‌ی ژینگه‌، ده‌سته‌ی وه‌به‌رهێنان، ناوچه‌كانی ده‌ره‌وه‌ی ئیداره‌ی هه‌رێم، ده‌زگای مین و كۆمیسۆنی هه‌ڵبژاردن.

بڕیارە ڕۆژی دوو شەممەش دابەشكردنی مووچەی مانگی دووی ئەمساڵ كۆتایی دێت.

بەردەوام بە لە خوێندنەوە

ئابوری

سەنتەری زانیاری و لێكۆڵینەوەی ستراتیجی هەندێک زانیاری لەسەر یاسای چاکسازی ئاشکرادەکات

خەڵک – بەشی هەواڵ

 

سەرۆكی سەنتەری زانیاری و لێكۆڵینەوەی ستراتیجیی كوردستان ڕایگەیاند، بەشی یەکەمی یاساى چاکسازییەکان بریتیدەبێت لە بڕینى مووچە و دەرماڵە و شایستە داراییەکانى فەرمانبەران.

 

ئاراس خۆشناو ئاماژەى بەئەوەشدا، نابێت ڕێژەی مووچەی کارمەندەکانی لە 25%ـی هەموو داهاتەکە زیاتر بێت.

 

باسی لەئەوەشکرد، بەشی یەکەمی یاساى چاکسازییەکان بریتى دەبێت لە بڕینى مووچە و دەرماڵە و شایستە داراییەکانى فەرمانبەران.

 

ئەوەشی خستەڕوو، حکومەت تەنیا مووچە نییە و دەبێت ئاگاداری بژێویی ژیانی خەڵکی دیکە، خزمەتگوزارییەکان و رەخساندنی هەلی کار بۆ گەنجان و چەندین کاری دیکە بێت.

بەردەوام بە لە خوێندنەوە

ئابوری

بۆ پشتیوانی جوتیاران ژووری بازرگانی سلێمانی ١٢٥ تۆن پەتاتە دەکڕێت

خەڵک – بەشی هەواڵ

 

بۆزیاتر پشتیوانیکردنی بەرھەمە ناوخۆییەکانی جوتیاران و ساغكردنەوەیان ژووری بازرگانی و پیشەسازی سلێمانی داوای کڕینەوەی بەرھەمە کشتوکاڵیکان دەکات لەلایەن بازرگانانەوە وەک ھاوکاریەک و پاڵپشتیەک بۆ جوتیاران.

 

سیروان محەمەد، سەۆکی ژووری بازرگانی و پیشەسازی سلێمانی لەلێدوانێکی نوسراودا بە(خەڵک)ی ڕایگەیاند” لەکۆبونەوەماندا لەگەڵ پارێزگاری سلێمانی و لیژنەی باڵای وەرزیی کشتوکاڵی پارێزگای سلێمانی بڕیارماندا وەک پشتیوانییەک لەبەرھەمی ناوخۆی جوتیاران ژووری بازرگانی و پیشەسازی سلێمانی هەڵدەستێت بەکڕینەوەی ١٢٥ تۆن بەرھەمی پەتاتە”.

 

راشیگەیاند”داوا لەتەواوی بازرگانان و سەرمایەداران و کەسانی خەمخۆری شاری سلێمانی دەکەین ھەرکەسەو لای خۆیەوە ھەستێت بەکڕینەوەی جۆرێکی بەرھەمی کشتوکاڵی ناوخۆی”.

 

ئاماژەی بەوەشدا کڕینەوەی ئەو بەرھەمانە دوو ئامانجی ھەیە یەکەمیان پشتیوانیەکی گەورەی جوتیارانە دووەم ھاوڵاتیانی کەم دەرامەت سودی لێوەردەگرن و دابەش دەکرێتەوە بەسەر ئەو خێزانانەی توانای کڕینی ئەو بەروبومانەیان نییە.

 

ئەم پێشنیارەی ژووری بازرگانی و پیشەسازی سلێمانی پاش ئەوەدێت کە جوتیاران نیگەرانی خۆیان پیشاندا بەساغ نەبونەوەی بەرھەمەکانیان و نەبونی پشتیوانی پێویست لە بەرو بومەکانیان.

بەردەوام بە لە خوێندنەوە

کوردستان