ئێمە لە تۆرە کۆمەڵایەتیەکان

جیهانی

بواتینگ پەشیمانە: گەمژە بووم، لە یەک ڕۆژدا سێ ئوتۆمبێلم کڕی بۆ ئەوەی سێ هەفتە بەختەوەر بم !

خەڵک سپۆرت

کیڤن پرینس بواتینگی ئەستێرەی ناوداری غانا پەشیمانی خۆی لەو ژیانە دەردەبڕێت، کە لەسەرەتاکانی وەک یاریزانێکی پرۆفیشناڵ بەڕێیکردووە و چەندین سەرکێشی خۆی لەو کاتەدا ئاشکرا دەکات.

ئەستێرە ئەفریقیەکە کە لەدایکبووی شاری بەرلینە لە ئەڵمانیا، بە ڕۆژنامەی “لا ڕیپوبلیکا”ی ئیتاڵی ڕاگەیاندووە :” ئەگەر بە تەمەندا بڕۆمەوە بێگومان پێتان دەڵێم لەسەرەتاوە وەک کارێک مامەڵەم لەگەڵ تۆپی پێدا نەدەکرد، کەسێکی گەمژە بووم، خاوەنی بەهرە بووم، بەڵام کەمترین ماوە مەشق و ڕاهێنانم دەکرد، کۆتا کەس دەگەیشتمە ناوچەی مەشقەکان و لەپێش هەمووانەوە ماڵئاواییم دەکرد، لەگەڵ هاوڕێکانم بەردەوام لەدەرەوە بووم و پارەم پێبوو، وەک پادشا دەژیام، هەرگیز نەدەچومە هۆڵی مەشقە جەستەییەکان، کە دواتر دەکرا ژیانی وەرزشیم بگۆڕێت”.

هەروەها دەڵێت :” ئەوکاتەی لە یانەی تۆتنهام بووم لە یەک ڕۆژدا سێ ئوتۆمبێلم کڕی، لامبۆرگینی، هامەر و کادیلاک، ئێستا بە گەنجان دەڵێم هەرگیز پارە خۆشبەختیت بۆ ناهێنێت، من بەدەست کێشە خێزانییەکانەوە دەمناڵاند، لەدەرەوەی تیپەکەم دەژیام، لەڕێگەی ماددەوە بەدوای بەختەوەریدا دەگەڕام، ئوتۆمبێلێکی جوان و نوێ بۆ ماوەی هەفتەیەک دڵخۆشت دەکات، منیش سێ ئوتۆمبێلم کڕی بۆ ئەوەی سێ هەفتە دڵخۆش بم”.

ئەستێرە ڕەش ئەسمەرە ٣٢ ساڵەکە لەکۆتاییدا ئاماژە بە ڕەگەزپەرستی نێو یاریگاکانی خولی ئیتاڵیا دەکات و داوا لە حکومەتی وڵاتەکە دەکات، لە داهاتوودا کار لەسەر نەهێشتنی ئەو دیاردەیە بکەن بەشێوەیەک مرۆڤەکان هەست بکەن هەمووان وەک یەک مافیان هەیە.

جیهانی

پۆگبا کەی دەگەڕێتەوە؟ پزیشکەکانی یونایتد وادەی گەڕانەوەی یاریزانەکەیان دیاریکرد

خەڵک سپۆرت

لەکۆتایی ئەم هەفتەیەدا پۆل پۆگبا لەگەڵ ستافی پزیشکی یانەی مانچستەر یونایتد کۆتا کۆبوونەوە ئەنجام دەدات، لەبارەی پێکانەکەیی و وادەی گەڕانەوەیەوە بڕیاری کۆتایی دەدرێت.

پۆگبا لەسەرەتای وەرزەوە نەشتەرگەری لە قولە پێیدا ئەنجامدا، ماوەی دوو مانگە لە سوڕی حەوانەوە و چارەسەردایە و تائێستا نەیتوانیوە بەشداری مەشقە ئاساییەکانی یانەی مانچستەر یونایتد بکات.

لەم بارەیەوە ڕۆژنامەی “زە سەن”ی بەریتانی ئاشکرای کردووە، پاڵپشت بەشێوازی مەشق و ڕاهێنانی یاریزانە ڕەش ئەسمەرەکەی فەرەنسا و ئەو وزەیەی لەمەشقە ئامادەکارییەکان نیشانیداوە، پزیشکانی ڕێد دێڤڵز پێیان وایە ناوبراو لەکۆتایی ئەم مانگەدا دەگەڕێتەوە سەر مەشقە ئاساییەکان و لە نۆی مانگی داهاتوو بەشداری یەکەمین ڕووبەڕوبونەوەی فەرمی خولی ناوخۆی ئینگلتەرا دەکات.

بەپێی زانیارییەکانی زە سەن، پۆگبا لە یاریی مانچستەر سیتی بەشداری دەکات و بڕیاری کۆتایی لەبەردەستی ئۆلی سۆڵشایەری ڕاهێنەری یانەدا دەبێت بۆ بەشداری پێکردنی یاخود بەپێچەوانەوە.

یاریزانە ٢٦ ساڵەکەی فەرەنسا لەم وەرزەدا تەنها لە پێنج یارییدا بەشداری کردووە، لە مانگی سپتێمبەری ٢٠١٩ بەرامبەر یانەی ئارسیناڵ دووچای پێکان هات، بەشێوەیەکی کاتیی لە جێگەی فرێد و نیمانیا ماتیچ بەکارخران، بەڵام لەدوای گەڕانەوەی پێدەچێت پێگە سەرەکییەکەی بەدەست بهێنێتەوە.

پۆگبا جگە لە کێشە تەندروستییەکان، کێشەی کارگێڕی لەگەڵ بەرپرسانی مان یونایتددا هەیە و بەهۆی لێدوانی بەردەوامی لێپرسراوی کارەکانیەوە ئەگەر زۆرە لە هاوینی ٢٠٢٠ پەیوەندی بە یەکێک لە یانەکانی ڕیاڵ مەدرید، یاخود یوڤانتۆسەوە بکات.

بەردەوام بە لە خوێندنەوە

جیهانی

لاوتارۆ و ئینتەرمیلان ڕێکناکەون و بەرشلۆنە لە کاتی سفردا جوڵەی یەکلاکەرەوە دەکات

خەڵک سپۆرت

لاوتارۆ مارتینێزی هێرشبەری ئەرجەنتینی یانەی ئینتەرمیلان، ئامادەنەبووە بۆندەکەی لەگەڵ ئیدارەی ئینتەر نوێبکاتەوە و ئەوەش دەرگای بۆ یانەی بەرشلۆنە کردۆتەوە و هەوڵ بۆ گواستنەوەی بدەن.

ماڵپەڕی کۆرێرا دێلا سێرای ئیتاڵی لەزاری سەرچاوە ناوخۆییەکانی یانەی ئینتەرمیلانەوە ئاشکرای کردووە، گرێبەستی نێوان هێرشبەرەکەی ئالبی سیلیستی و ئیدارەی نێراتزۆری لە هاوینی ٢٠٢٣ کۆتایی دێت، سەرباری ئەوەی بۆندەکە ماوەیەکی زۆری ماوە کۆتایی بێت، بەڵام نرخی شکاندنی بە ١١١ ملیۆن یورۆ خەمڵێنراوە و ئەوەش ئەو نرخەیە کە یانە داواکارەکانی ئامادەن لە میریکاتۆی هاوینەی ٢٠٢٠ پێشکەشی بکەن.

جوسێپی ماروتای بەڕێوەبەری وەرزشیی ئینتەر لەچەند ڕۆژی ڕبردوودا بۆندێکی نوێیان بەهەمان موچەی بۆندی پێشوو خستۆتە بەردەم یاریزانە ئەرجەنتینیەکە، بەڵام لێپرسراوی کاروباری یاریزانەکە بۆندەکەی ڕەتکردۆتەوە و ئامادەنەبووە بە کەمتر لە موچەی ساڵانەی پێنج ملیۆن یورۆ بۆندی نوێ ئیمزا بکات.

سەرچاوەکە دووپاتیکردۆتەوە، ئیدارەی یانەی بەرشلۆنە ئامادەکارییان کردووە لە گواستنەوەکانی هاوینەی ٢٠٢٠ بۆندێکی هەژێنەری بە موچەی ساڵانەی حەوت ملیۆن یورۆ پێشکەشی لاوتارۆ بکەن، هەروەها بڕی ١١١ ملیۆنی نرخی شکاندنی بۆندەکەشی بەشێوەیەکی یاسایی بدەن.

بەو شێوەیە یانەی ئینتەرمیلان دەسەڵاتیان بەسەر یاریزانەکەیاندا نامێنێت و ئیدارەی جوسێپ ماریا بارتومیۆ دەتوانن لە دابینکردنی شوێنگرەوەیەک بۆ لویس سوارێز سەرکەوتووبن.

لەم وەرزەدا لاوتارۆ مارتینێز ٢٩ ڕووبەڕوبونەوەی لەگەڵ یانە ئیتاڵیەکەی ئەنجامداوە، تۆمارکەری ١٦ گۆڵ و چوار ئەسیست بووە.

بەردەوام بە لە خوێندنەوە

جیهانی

ئاتالانتا ڤالێنسیای ڕاماڵی و لایپزیگ لە لەندەن تۆتنهامی کوتا بەزەویدا

خەڵک سپۆرت

ئەمشەو دوو ڕووبەروبونەوەی تری قۆناغی (١٦)ی خولی یانە پاڵەوانەکانی ئەوروپا ئەنجامدران و یانەکانی ئاتالانتا و لایپزیگ سەرکەوتنیان بەرامبەر ڤالێنسیا و تۆتنهام تۆمارکرد.

لەڕووبەڕوبونەوەی یەکەمدا یانەی تۆتنهام لە تۆتنهام ستادیۆم میوانداری لایپزیگی ئەڵمانی کرد.

ئەستێرەکانی جولیان نایگڵسمان لەهەموو ڕووەکانەوە باشتر لە یانەی خاوەن یاریگا دەرکەوتن و لەگەڵ دەستپێکدا فشاری توندیان خستەسەر بەرگرییە بونیادنراوەکەی مۆرینیۆ.

تایمی یەکەم سەرباری هێرشی بەردەوامی ئەڵمانییەکان، بەبێ گۆڵ کۆتایی هات.

لەتایمی دووەمدا ڕاهێنەری لایپزیگ تاکتیکەکانی گۆڕی و هەمان سینارۆکانی تایمی یەکەمی دووبارە کردەوە.

لە خولەکی (٥٨) بە لێدانی سزا تیمۆ ڤێرنەری گۆڵکار گۆڵی یەکەم و پێشەنگی تۆمار کرد، لەدوای ئەم گۆڵە مۆرینیۆ چەند ئاڵوگۆرێکی ئەنجامدا و هاوسەنگی بەدەستهێنایەوە، بەڵام سەرکەوتوو نەبوون لە تۆمارکردنی گۆڵی یەکسانکەرەوە و یارییەکە بە گۆڵێکی بێوەڵام لەبەرژەوەندی لایپزیگ کۆتایی هات.

لەڕووبەروبونەوەی دووەمدا یانەی ئاتالانتا بێرگامۆی ئیتاڵی لە یاریگای سان سیرۆ یانەی ڤالێنسیای ئیسپانی بە چوار گۆڵ بەرامبەر گۆڵێک پەکخست.

ئەستێرەکانی بێرگامۆ بەسەرکردایەتی گاسپرینی بەردەوامبوون لە سوپرایزەکانی ئەم وەرزە، لە خولەکەکانی (١٦، ٤٢، ٥٧، ٦٣) چوار گۆڵ بەپێیەکانی هانز هاتیبۆر (دوو گۆڵ)، جۆسیپ ئیلیچیچ، ڕیمۆ فریولەر تۆمار کرد.

یانەی ڤالێنسیا بۆ هاوتاکردنەوەی ئەنجامەکە نەیتوانی کاردانەوەی بەهێزی هەبێت و تەنهاگۆلێکیان لە خولەکی (٦٦) لەلایەن دینیش چێرشیڤی ڕوسییەوە تۆمارکرد و یاەییەکە (٤- ١) لە بەرژەوەندی ئاتالانتا کۆتایی هات.

بەردەوام بە لە خوێندنەوە

کوردستان