ئێمە لە تۆرە کۆمەڵایەتیەکان

عێراق

وادەی سەردانەكەی لاڤرۆڤ بۆ بەغدا و هەرێم ئاشكراكرا

خەڵك- بەشی هەواڵ
وتەبێژی وەزارەتی دەرەوەی ڕوسیا، وادەی سەردانە چاوەڕوانكراوەكەی سێرگی لاڤرۆڤ، وەزیری دەرەوەی ڕوسیا بۆ عیراق ئاشكرا دەكات.

ماریا زاخارۆڤا، وتەبێژی وەزارەتی دەرەوەی ڕوسیا لە كۆنفرانسێكی ڕۆژنامەوانیدا ڕاگەیاند، “لە میانی سەردانەكەدا كە دوو ڕۆژ دەخایەنێت (7و 8ی تشرینی یەكەمی داهاتوو)، لاڤرۆڤ لەگەڵ سەركردەكانی عیراق لە بەغدا و لەگەڵ سەركردایەتی لە هەرێمی كوردستان لە هەولێر كۆدەبێتەوە”.

بە وتەی زاخارۆڤا، “هەرددوولا لە كۆبوونەوەكاندا ڕاوبۆچوونەكان لەبارەی ئەجێنداكانی خۆرهەڵاتی ناوەڕاست تاوتوێ‌ دەكەن، لەگەڵ تیشك خستنە سەر ڕەوشی عیراق و سوریا و ناوچەی كەنداو، بە هەمان شێوە قسەوباس لەسەر ڕەوشی تایبەت بە ئێران و پەرەسەندنەكان لە فەلەستین دەكرێت”.

وتەبێژی وەزارەتی دەرەوەی ڕوسیا دەڵێت: “لە سەردانەكەی سێرگی لاڤرۆڤ، وەزیری دەرەوەی ڕوسیا بۆ عیراق، بایەخێكی تایبەت بە پەرەپێدانی هەماهەنگی لە بواری بنبڕكردنی تیرۆر و ڕێگرتن لە تەشەنەكردنی توندڕەوی ئاینی دەدرێت، ئەولەویەتیش دەدرێت بە ئاسۆكانی پتەوكردنی پەیوەندی دۆستانەی نێوان ڕوسیا و عیراق و پەرەپیدانی لە هەموو بوارەكان، بەتایبەتیش لە بواری هەماهەنگی لە كەرتەكانی سوتەمەنی و وزە و بواری مرۆیی”.

جیهان

عیراق و فەڕەنسا جەخت لەسەر ڕاگرتنی هێرشەكانی توركیا بۆ سەر سوریا دەكەنەوە

خەڵك – بەشی هەواڵ

د. بەرهەم ساڵح سەرۆك كۆماری عیراق ئەمڕۆ دوو شەممە 14/10/2019 لە پەیوەندییەكی تەلەفۆنیدا لەگەڵ ئیمانوێل ماكرۆن سەرۆكی فەڕەنسا جەختی لە سەر ڕاگرتنی لەشكركێشی توركیا بۆ سەر سوریا كردەوە.

لەو پەیوەندییە تەلەفۆنییەدا پەیوەندی دوو قۆڵی نێوان هەردوو وڵات و چۆنیەتی پتەوكردنی ئەو پەیوەندییانە لە هەموو بوارەكاندا گفتوگۆی لەبارەوە كرا، ھاوكات جەختكرایەوە لە پێویستی پاراستنی ئاسایش و ئارامی عیراق و پەرەپێدانی ئەزموونی دیموكراسی، بە جۆریك كە داواكاری گەلی عیراق بەدی بێنێت.

سەبارەت بە دۆخی ناوچەكە هەردوو سەرۆك جەختیانكردەوە لە سەر ڕاگرتنی لەشكركێشی توركیا بۆ سەر سوریا و دەستپێكردنی دیالۆگی بنیادنەرانە بۆ یەكلاكردنەوەی ئاڕاستەی سیاسی گشتگیر.

هەردوو سەرۆك نیگەرانی خۆیان نیشاندا لە بەرامبەر پێشهاتەكانی ناوچەكە و دۆخی مرۆیی و ناكۆكییەكانی سوریا، ھەروەھا جەختكرایەوە لە گرنگی ڕێگەنەدان بە گروپە تیرۆریستییەكان بۆ دەست پێكردنەوەی تاوانكاری دژ بە هاووڵاتیان لە عیراق و سوریادا.

بەردەوام بە لە خوێندنەوە

عێراق

ژاپۆن بەشداری ئاوەدانكردنەوەی عیراق دەكات

خەڵك – بەشی هەواڵ

د. بەرھەم ساڵح سەرۆك كۆماری عیراق ئەمڕۆ دووشەممە ٢٠١٩/١٠/١٤ لە كۆشكی سەلام لە بەغدا پێشوازیكرد لە ناوفۆمی ھاشیمۆتۆ باڵیۆزی ژاپۆن لە عیراق.

لە دیدارەكەدا سەرۆك كۆمار جەختی لە گرنگی ڕۆڵی ژاپۆن كردەوە لە دووبارە ئاوەدانكردنەوە و بەشداری لە باشتركردنی دۆخی ئابووری و سەقامگیری لە عیراقدا.

ھەر لە دیدارەكەدا گفتوگۆكرا لە بارەی چۆنیەتی بەرزكردنەوەی ئاستی پەیوەندییەكانی نێوان عیراق و ژاپۆن، بەجۆرێك كە خزمەت بە بەرژەوەندییە ھاوبەشەكانی نێوان ھەردوو گەلی دۆست بكات.

بەردەوام بە لە خوێندنەوە

عێراق

بەرهەم ساڵح و پۆمپیۆ پەیوەندییەكی تەلەفۆنیان ئەنجامدا

خەڵك – بەشی هەواڵ
وەزیری دەرەوەی ئەمریكا بە تەلەفۆن پەیوەندی بە سەرۆك كۆماری عیراقەوە دەكات و گفتوگۆ لەسەر داگیركاری توركیا لە ڕۆژئاوای كوردستان دەكەن.

مایك پۆمپیۆ، وەزیری دەرەوەی ئەمریكا لە پەیوەندییەكی تەلەفۆنیدا، لەگەڵ بەرهەم ساڵح، سەرۆك كۆماری عیراق، تاوتوێی پەیوەندییەكانی هەردوو وڵات و سەقامگیری عیراق و كاركردن لەسەر ئەو تەحەدیاتانەی عیراقی پێدا تێدەپەڕێت و مافی هاونیشتیمانیان و گەشەسەندنی ئەزموونی دیموكراسی عیراق كرد.

لە پەیوەندییە تەلەفۆنیەكەدا هەردوولا داوای وەستاندنی ئۆپەراسیۆنەكەیان كرد، كە ماوەی چەند ڕۆژێكە لە لایەن سوپای توركیاوە كراوەتەسەر ڕۆژئاوای كوردستان و بەوهۆیە بەدەیان هەزار خێزان ئاوارەبوون.

بەردەوام بە لە خوێندنەوە

کوردستان