ئێمە لە تۆرە کۆمەڵایەتیەکان

عێراق

مەترسیدارترین ژنی ناو داعش لە عیراق ئاشكرا دەكرێت

خەڵك- بەشی هەواڵ
سەرۆكی شانەی هەڵۆكانی هەواڵگری و بەڕێوەبەری هەواڵگری و بنبڕكردنی تیرۆر لە وەزارەتی ناوخۆی عیراق، وردەكاریەكانی تایبەت بە “مەترسیدارترین ژنی ڕێكخراوی داعش” ئاشكرادەكات.

ئەبو عەلی بەسری، سەرۆكی شانەی هەڵۆكانی هەواڵگری و بەڕێوەبەری هەواڵگری و بنبڕكردنی تیرۆر لە وەزارەتی ناوخۆی عیراق بە ڕۆژنامەی (الصباح)ی عیراقی ڕاگەیاندووە، “تۆمەتبار ئەبرار كوبەیسی، كە سزای زیندانی تاهەتایی بەسەردا سەپێنرا لەم ماوەیەی دواییدا، لە دەركەوتووترین توێژەرە بایۆلۆجییەكان بووە، كە بەشداری لە بەرنامەكانی داعشدا كردووە بۆ مەشقپێكردنی ئەندامانی ڕێكخراوەكە لە دەستەی پەرەپێدانی پیشەسازی داعش، ئەمەش لەپێناو ئامادەكردن و بەرهەمهێنان و بەكارهێنانی چەكی كیمیایی لە عیراق و لە دەرەوەی وڵات”.

بە وتەی بەسری، “داعش بەشێوەیەكی تەواوەتی ڕێگەی دابوو بە فراوانكردنی بنكەی پشتبەستن بە ژنان بۆ جێبەجێكردنی پەلامارەكانی، وەك چۆن لەم ماوەیەی دواییدا لە سوریا و تونس و لە موسڵ لەكاتی ئۆپەراسیۆنەكان بۆ پاككردنەوەی شارەكە ڕوویدا، ئەو ئایدۆلۆجیایە لە ژنانی سەر بە ڕێكخراوەكە نابێتەوە”.

ئەو بەرپرسەی دەزگای هەواڵگری عیراق دەڵێت: “دانپێدانانەكانی ئەبرار كوبەیسی تۆماركراون، كە چۆن لەڕێی تۆڕە كۆمەڵایەتییەكانەوە بۆ چوونە نێو ڕیزەكانی ڕێكخراوە تیرۆریستییەكە فریودراوە، لەگەڵ جموجۆڵەكانی لە ناوخۆ و دەرەوەی وڵات، وێڕای بەكارهێنانی مەوادی كیمیایی لە چەند پەلامارێكدا لە بەغدا”.

سەرۆكی شانەی هەڵۆكانی هەواڵگری و بەڕێوەبەری هەواڵگری و بنبڕكردنی تیرۆر لە وەزارەتی ناوخۆی عیراق پێیوایە، “مەترسییەكانی ژنانی داعش بەردەوامدەبن و مایەی هەڕەشەن لەڕووی ئەنجامدانی پەلاماری خۆكوژی و خۆتەقاندنەوە لەنێو گردبوونەوەكانی دانیشتووان”.

عێراق

دوای 15 ساڵ شەقامێكی سەرەكی بەغدا كرایەوە

خەڵك- بەشی هەواڵ

ئەمڕۆ ئەمیندارێتی و ئۆپەراسیۆنەكانی بەغدا شەقامێكی سەرەكی ناوچەی شەعبیان لە بەغدا كردەوە، كە ماوەی 15 ساڵە داخراوە.

میدیاكانی عیراق بڵاویانكردەوە، ئەمیندارێتی بەغدا و هێزە ئەمنییەكان ڕەزامەندیان دەبڕیووە لەسەر كردنەوەی ئەو ڕێگا سەرەكییە.

لە ساڵی 2005ەوە و بەهۆی دروستبوونی شەڕی مەزهەبییەوە بەشێكی زۆری ناوچەكانی بەغدا بە دیواری كۆنكریتی داخران و پاشان بەشێكیان كرانەوە.

كردنەوەی ئەو ڕێگا سەرەكییانە دوای ئەوەدێت كە تاڕادەیەك ئاسایشی و ئارامی گەڕاوەتەوە بۆ شاری بەغدا و ناوچەكانی دەوروبەری.

بەردەوام بە لە خوێندنەوە

عێراق

دژە تیرۆری عیراق، ئۆپەراسیۆنەكانی دژی داعش دەستپێدەكات

خەڵك-بەشی هەواڵ

 

دەزگای دژە تیرۆری عیراق ئاشكرایكرد، داتا و زانیاری سەبارەت بە پاشماوەكانی ڕێكخراوی داعشی لەبەردەستە.

سەباح نوعمان وتەبێژی دەزگای دژە تیرۆری عیراق لە ڕاگەیەنراوێكدا ئاماژە بۆ ئەوە دەكات، ستراتیژییەت و دیدی دەزگای دژە تیرۆر بۆ ڕاوەدوونانی پاشماوەكانی ڕێكخراوی تیرۆریستیی داعش، خۆی لە چۆنیەتی سوود وەرگرتن لە هەوڵی وەزارەتەكان و دەزگاكانی دیكەدا دەبینێتەوە لە بڵاوكردنەوەی ڕۆشنبیری و هۆشیاری بۆ خۆپاراستن لە تاوانی تیرۆر.

وتیشی”دەزگای دژە تیرۆر داتا و زانیاری سەبارەت بەو تیرۆریستانەی لە عیراق بوونیان هەیە لایە و ئەو داتا و زانیارییانەش بوونەتە سەرچاوەیەك كە هێزە ئەمنییە هەرێمی و نێودەوڵەتییەكان سوودی لێ دەبینن”.

ئاشكراشیكرد، لە ڕۆژانی داهاتوودا، ئۆپەراسیۆن بۆسەر حەشارگەكانی تیرۆریستان لە ناوچە جیاجیاكانی عیراق ئەنجام دەدرێت.

بەردەوام بە لە خوێندنەوە

عێراق

وتەبێژی هێزە چەكدارەكانی عیراق: بەنیازنین كۆتایی بە خۆپیشاندان بهێنین

خەڵك- بەشی هەواڵ
وتەبێژی فەرماندەی گشتی هێزە چەكدارەكانی عیراق، ڕەتیدەكاتەوە بەنبازبن كۆتایی بە خۆپیشاندانەكان بهێنن لە وڵاتدا.

ئەمڕۆ دوو شەممە، ئاژانسی دەنگوباسی عیراقی (واع) لە زاری لیوا ڕوكن عەبدولكەریم خەڵەف، وتەبێژی فەرماندەی گشتی هێزە چەكدارەكانی عیراقەوە بڵاویكردەوە، “بەنیازنین كۆتایی بە خۆپیشاندانەكان بهێنین، چونكە خۆپیشاندان مافێكە لەلایەن دەستوور و یاساوە زامن كراوە”.

بە وتەی لیوا ڕوكن عەبدولكەریم خەڵەف، “هێزە ئەمنییەكان نیازیان نییە لە دوای دەنگدانی پەڕلەمان لەسەر كابینەكەی محەمەد تۆفیق عەللاوی كۆتایی بە خۆپیشاندانەكان بهێنن”.

لە سەرەتای مانگی تشرینی یەكەمی 2019وە خۆپیشاندانی فراوان بەغدا و شارەكانی تری ناوەڕاست و باشووری عیراقی گرتۆتەوە و تێیدا خۆپیشاندەران داوای چاكسازی و بنبڕكردنی گەندەڵی و باشكردنی خزمەتگوزارییەكان و دۆزینەوەی هەلی كار بۆ لاوان دەكەن، لە سەرەتای مانگی كانوونی یەكەمی 2019 عادل عەبدولمەهدی لەژێر گوشاری خۆپیشاندەراندا دەستیلەكاركێشایەوە و لە سەرەتای ئەم مانگەشدا محەمەد تۆفیق عەللاوی لەلایەن سەرۆكایەتی كۆمارەوە بۆ پێكهێنانی حكومەتی ڕاگوزەر ڕاسپێردرا، كە زەمینەسازی بۆ هەڵبژاردنی پێشوەخت دەكات لە وڵاتدا.

بەردەوام بە لە خوێندنەوە

کوردستان