ئێمە لە تۆرە کۆمەڵایەتیەکان

کوردستان

بارزانی لەگەڵ شاندێكی ئەنەكەسە كۆدەبێتەوە


خەڵك- بەشی هەواڵ
سەرۆكی پارتی دیموكراتی كوردستان لەگەڵ شاندێكی ئەنجوومەنی نیشتیمانی كورد لە سوریا (ئەنەكەسە) كۆدەبێتەوە و بۆچوونی خۆی لەبارەی ئایندەی گەلی كورد لەو وڵاتە بۆ شاندەكە دەخاتەڕوو.

بەپێی هەواڵێك، كە ماڵپەڕی (مەسعود بارزانی) بڵاویكردۆتەوە، ئەمڕۆ پێنج شەممە 12ی 9ی 2019 لە سەڵاحەدین مەسعود بارزانی پێشوازی لە شاندێكی ئەنجوومەنی نیشتیمانی كورد لە سوریا كرد، كە پێكهاتبوون لە كامیران حاجۆ، بەرپرسی پەیوەندییەكانی ئەنجوومەن و ئیبراهیم برۆ، ئەندامی ئەنجوومەنی نیشتیمانی كورد لە سوریا.

هەر بەپێی هەواڵەكە، لە دیدارەكەدا دوایین پێشهاتە سیاسییەكانی سوریا و هەڵوێستی وڵاتان لەمەڕ قەیرانی سوریا و هاوكێشە مەیدانی و سیاسییە هەنووكەییەكان لەسەر ئاستی سوریا و ناوچەكە تاوتوێ كرا.

هەر لەو كۆبوونەوەیە ڕۆشنایی خرایە سەر هەڵوێستی لایەنە كوردییەكانی سوریا و پەیوەست بە ڕەوشی گشتی سوریا و ئاییندەی گەلی كورد لە وڵاتە بارزانی بۆچوون و ئامۆژگارییەكانی خۆی بۆ شاندی میوان خستەڕوو.

کوردستان

چوار حاڵەتی مردن بە كۆرۆنا لە هەرێم ڕاگەیەنرا


خەڵك- بەشی هەواڵ
ئەمڕۆ سێ‌ شەممە 2ی حوزەیران، 4 حاڵەتی مردن بە ڤایرۆسی كۆرۆنا لە هەرێم تۆماركرا.

د. دلۆڤان محەمەد، بەڕێوەبەری گشتی تەندروستی هەولێر لە كۆنگرەیەكی ڕۆژنامەوانیدا ڕایگەیاند، شەش تووشبووی كۆرۆنا لە هەولێر بە تووندی ڤایرۆسی كۆرۆنایان گرتووە.

ڕاشیگەیاند، كە لەنێو ئەو تووشبووانەدا ئەمڕۆ دوو تووشبوویان گیانیان لەدەستداوە.

پێشتریش وەزارەتی تەندروستی هەرێم بڵاویكردەوە، كە تووشبوویەكی كۆرۆنا، كە ژنێكی تەمەن 63 ساڵ، دانیشتووی دەڤەری گەرمیان لە شارۆچكەی كفری گەڕەكی ئازادی، بەهۆی بوونی نیشانەكانی نەخۆشی بەتوندی و توشبوونی بە ڤایرۆسی كۆڕۆنای نوێ COVD-19 لە 5/30 لە نەخۆشخانە خەوێندرا و دوای مانەوەی چوار ڕۆژ لە نەخۆشخانە گیانی لەدەستدا.

هاوكات بەپێی زانیارییەكان، هەر ئەمڕۆ لە سلێمانی ژنێكی تەمەن 73 ساڵ لە سلێمانی بە كۆرۆنا گیانی لەدەستداوە، بەڵام تا ئێستا وەزارەتی تەندروستی بە فەرمی پشتڕاستی نەكردۆتەوە.

بەو پێیەش ژمارەی مردووان بە كۆرۆنا لە هەرێم دەگاتە 10 كەس.

بەردەوام بە لە خوێندنەوە

کوردستان

كاتی كردنەوەی دوكان و بازاڕ لە هەولێر دیاریكرا
فرسەت سۆفی: ڕێنماییەكان بەتەواوی جێبەجێ‌ دەكەین


خەڵك- ئارام سەردار
پارێزگاری هەولێر ڕایدەگەیەنێت، كە ڕێنماییەكان بەتەواوی جێبەجێ‌ دەكەین و دەشڵێت: “سبەینێ‌ دوكان و بازاڕەكان دەكرێنەوە”.

فرسەت سۆفی، پارێزگاری هەولێر لە كۆنفڕانسێكی ڕۆژنامەوانیدا ڕایگەیاند، كە لە كاتژمێر شەشی سبەی ئێوارەوە سەرجەم بازاڕ و شوێنە گشتییەكان بە پابەندبوونی تەواوی ڕێنمایی تەندروستییەوە دەكرێنەوە.

ڕاشیگەیاند، كە كار و كاسبی و تەندروستی خەڵكیان بەلاوە گرنگە، بۆیە بڕیاری كردنەوەی بازاڕ و دووكان و شوێنە گشتییەكان داوە ئەویش بە پابەندبوونی تەواوی رێنماییەكانی خۆپارێزی لە كۆرۆنا.

ئاشكراشی كرد، بە هەمان شێوەی بازاڕ و شوێنە گشتییەكان لە كاتژمێر شەشی سبەینێوە نۆرینگە و نەخۆشخانەكانیش دەكرێنەوە و دەبێت پابەندبوونی تەواو بە ڕێنماییە تەندروستییەكان هەبێت.

ڕوونیشكردەوە، كە قایمقامییەت و لیژنە تایبەتمەندەكانی پارێزگای هەولێر چاودێری تەواوی سەرجەم شوێنەكان دەكەن و ڕێوشوێنی یاسایی لەبەرانبەر هەر كەسێك دەگیرێتە بەر، كە پابەندی ڕێنماییەكان نەبێت.

ڕاستەوخۆلەبارەی قەدەغەی هاتووچۆکۆنفڕانسی ڕۆژنامەوانی فرسەت سۆفی پارێزگاری هەولێر

Posted by Xelk Media Network on Tuesday, June 2, 2020

بەردەوام بە لە خوێندنەوە

کوردستان

خۆپیشاندانەكەی سلێمانی گرژی تێكەوت و تەقە دەكرێت


خەڵك- بەشی هەواڵ
خۆپیشاندانەكەی كاسبكارانی سلێمانی دژی قەدەغەی هاتووچۆ فراوان بووە و گرژی تێكەوتووە و لەلایەن هێزە ئەمنییەكانەوە تەقە لە خۆپیشاندەران دەكرێت.

دوانیوەڕۆی ئەمڕۆ ژمارەیەكی زۆری هاووڵاتیان لە بەردەم قائیمقامیەتی سلێمانی و شەقامی مەولەوی گردبوونەوە و داوای لابردنی قەدەغەی هاتووچۆ و كردنەوەی دوكان و بازاڕەكانیان دەكرد.

بەپێی زانیارییەكانی (خەڵك) لە خۆپیشاندانەكەی ئەمڕۆدا گرژی كەوتە نێوان خۆپیشاندەران و هێزە ئەمنییەكان و خۆپیشاندەران بەرد و دەبەی ئاویان گرتۆتە هێزە ئەمنییەكان و جامی ئۆتۆمبێلی هێزە ئەمنییەكانیان شكاندووە و ئەوانیش تەقەیان بەسەر خۆپیشاندەراندا كردووە.

هەر بەپێی زانیارییەكان، لە ئێستادا خۆپیشاندان كۆتایی پێ‌ هێنراوە و و دەنگۆی برینداربوونی چەند خۆپیشاندەرێك هەیە.

بۆ وەرگرتنی زانیاری زیاتر (خەڵك) پەیوەندی كرد بە سەركەوت ئەحمەد، وتەبێژی پۆلیسی سلێمانی، بەڵام پەیوەندییەكەی بەردەست نەبوو.

ئەمە لەكاتێكدایە، كە ئەمڕۆ لە كۆبوونەوەی نێوان وەزیری ناوخۆ و تەندروستی لەگەڵ پارێزگارەكان بڕیاردرا بە كارئاسانی كردن لە قەدەغەی هاتووچۆ و كردنەوەی دوكان و بازاڕەكان بە ڕێكاری نوێوە.

پێشتریش سەرۆكایەتیی یەكێتی ڕایگەیاندبوو، پێویستە حكومەت بە بڕیارەكانی قەدەغەی هاتووچۆدا بچێتەوە و كەرامەت و بژێوی و تەندروستی خەڵك بپارێزێت و جەختیشی كردەوە، “بچوكترین بێڕێزی بەرامبەر خۆپیشاندەران قبوڵكراو نیە”.

Image may contain: one or more people, people standing, crowd and outdoor

بەردەوام بە لە خوێندنەوە

کوردستان