ئێمە لە تۆرە کۆمەڵایەتیەکان

کوردستان

لە دۆسێی تاریقی بەقاڵدا تاوانلێكراو بە بڕی یەك ملیار دینار قەرەبوودەكرێتەوە


خەڵك-بەشی هەواڵ

دادگای تاوانەكانی سلێمانی ئاشكرایدەكاتت، سزای لەسێدارەدان بۆ تاوانبارانی دۆسیەی تاریقی بەقاڵ دەرچوو.

دادگای تاوانەكانی سلێمانی/2 لە ڕاگەیەندراوێكدا ئاماژە بۆ ئەوە دەكات، سەر لەبەیانی ئەمڕۆ پێنج شەممە 12-9-2019 دانیشتنی دووەمی تایبەت بە تۆمەتبارانی دۆسیەی كوشتنی هاوڵاتی تاریق ڕۆستەم حەمە ساڵح ناسراو بە تاریقی بەقاڵ بەڕێوەچوو.

دادگا ئاشكرایكرد، لە دادگاییكردنەكەدا كە هەرسێ تاوانباری دۆسیەكە ئامادەبوون، لەبەر بوونی بەڵگەی تەواو و شاهید و دانپێدانانی تۆمەتباران، دادگا بڕیاریدا بە لەسێدارەدانی هەرسێ تاوانبار بەپێی ماددەی (٤٠٦) بڕگەی (١/ح) لە یاسای سزادانی عیراقی.

دادای سلێمانی ڕوونیشیكردەوە، دادگا بڕیاریدا بەقەرەبووكردنەوەی داواكاری مافی كەسی تاوانلێكراو بە بڕی یەك ملیار دیناری عیراقی.

کوردستان

لە سلێمانی تووشبوویەكی كۆرۆنا گیانی لەدەستدا


خەڵك- بەشی هەواڵ
بەڕێوەبەری گشتی تەندروستی سلێمانی ئاشكرای دەكات، كە ئەمڕۆ تووشبوویەكی كۆرۆنا گیانی لەدەستداوە.

د. سەباح هەورامی، بەڕێوەبەری گشتی تەندروستی سلێمانی لە كۆنگرەیەكی ڕۆژنامەوانیدا ڕایگەیاند، بەداخەوە ئەمڕۆ هاووڵاتیەكی تر لەشاری سلێمانی، كە تووشبووی ڤایرۆسی كۆرۆنا بوو كۆچی دوایی كرد.

ئاشكراشی كرد، دوای ئەوەی نەخۆشەكە كۆچی دوایی كردووە نموونەمان لێوەرگرتووە و دەركەوتووە هەڵگری ڤایرۆسەكەیە.

ئەمە لەكاتێكدایە، كە بەم حاڵەتەوە 3 كەس لەهەرێمی كوردستان كۆچی دواییان كردووە، كە دەركەوتووە هەڵگری ڤایرۆسی كۆرۆنا بوون.

بەردەوام بە لە خوێندنەوە

کوردستان

زیاتر لە 11 چین و توێژ قەدەغەی هاتووچۆ نایانگرێتەوە


خەڵك- بەشی هەواڵ
بەپێی بڕیاری ژووری ئۆپراسیۆنەكانی پارێزگای هەولێر و سلێمانی زیاتر لە 11 چین و توێژ بڕیاری قەدەغەی هاتووچۆ نایانگرێتەوە، بەتایبەتیش هێزە ئەمنییەكان و كارمەندانی تەندروستین.

بەپێی نووسراوێكی ژووری ئۆپراسیۆنەكانی پارێزگای هەولێر و هەروەها سلێمانی، هەریەكە لە كارمەندانی بانكە حكومی و گەنجینەكان و ئەو فەرمانبەرانەی سەرەی وەرگرتنی مووچەیانە قەدەغەی هاتووچۆ نایانگرێتەوە.

هەر بەپێی نووسراوەكان، قەدەغەی هاتووچۆ، تیمەكانی كارەبا و ئاو و شارەوانی و پاككردنەوەی زبڵ و خاشاك و ئەو ئۆتۆمبێلانەی خواردن بۆ كەرەنتینەكراوان دەبەن ناگرێتەوە.

بڕیاریش دراوە، كە قەدەغەی هاتووچۆ ڕاگەیاندنكاران و ئۆتۆمبێلی دیبلۆماتكاران و كونسوڵخانەكان و نەتەوە یەكگرتووەكان ناگرێتەوە.

بەردەوام بە لە خوێندنەوە

کوردستان

هەڵەبجە؛ بەهۆی دەستكاریكردنی تەقەمەنیەوە كەسێك گیانی لە دەستدا یەكێكی دیكەش برینداربوو


خەڵك – بەشی هەواڵ

بەڕێوەبەرایەتی پۆلیسی پارێزگای هەڵەبجە ڕایدەگەیەنێت ، بەهۆی دەستكاریكردنی تەقەمەنیەوە كەسێك گیانی لە دەستدا، كە كارمەندی بەڕێوەبەرایەتی مین-ە دانیشتوی پارێزگای هەڵەبجە گەڕەكی سەرایە ، دەشڵێت ،”هاووڵاتیەكیش بەسەختی برینداربوو”.

بەرزان عوسمان، وتەبێژی بەڕێوەبەرایەتی پۆلیسی پارێزگای هەڵەبجە بە (خەڵك) ی ڕاگەیاند، ئێوارەی ئەمڕۆ شەممە 4-4-2020 لە شاخی شرامی سەر بە شارەدێی بیارە بە هۆی دەستكاریكردنی تەقەمەنییەوە كەسێك گیانی لە دەستدا، ناوی (س .ع .م) پیشە كارمەندی بەڕێوەبەرایەتی هەڵگرتنەوەی مین-ە و دانیشتوی پارێزگای هەڵەبجە گەڕەكی سەرایە .

ڕاشیگەیاند، لە ئێستادا تەرمەكەی ڕەوانە پزیشكی دادی پاریزگاكە كراوە و كەسیكی دیكەش بەناوی (ه س ع) تەمەن 23ساڵ دانیشتوی پارێزگای هەڵەبجە بریندار بووە لە بەر سەختی برینەكەی ڕەوانەی نەخۆشخانەی فریاكەوتنی سلێمانی كراوە.

ئاماژەی بۆ ئەوەشكرد، لە ئێستادا پەڕاوی لێكۆڵینەوە بۆ ڕووداوەكە لە بنكەی پولیسی بیارە ڕێكخراوە.

بەردەوام بە لە خوێندنەوە

کوردستان