ئێمە لە تۆرە کۆمەڵایەتیەکان

ی.سلایدەر

بڕێك شەكر و برنج و مادەی پاككەرەوەی بەسەرچوو لەناو دەبرێت

خەڵك-بەشی هەواڵ

لیژنە هەوبەشەكانی قائیمقامیەتی سلێمانی ئاشكرایدەكات، لەناوچەی تانجەرۆی شاری سلێمانی بڕێكی زۆر شەكری خراپ بوو لەناو دەبرێت.

لیژنە هەوبەشەكانی قائیمقامیەتی سلێمانی لە تۆمارێكی ڤیدیۆییدا بڵاویكردەوە، بڕێك شەكری خراپ بوو لە ناوچەی تانجەرۆ لەناوبراو، ئەویش دوای ئەوەی لە چەند ڕۆژی ڕابردوو لەلایەن لیژنە هەوبەشەكانەوە دەستی بەسەردا گیرا.

لیژنەكان ئاماژە بۆ ئەوەش دەكەن، لە ناوچەی تانجەرۆ بڕێك برنج كە لە پشكنین دەرنەچووە و بڕێك مەوادی پاككەرەوە كە بەسەرچووە لەناو بران.

عێراق

ئەمینداری گشتی ناتۆ، گەیشتە بەغدا

خەڵك- بەشی هەواڵ
ئەمینداری گشتی هاوپەیمانی ناتۆ گەیشتە بەغدا و وابڕیارە لەگەڵ بەرپرسانی حكوومەتی عیراقدا وتوێژەكانی دەستپێبكات.

بەپێی هەواڵێكی ماڵپەڕی هاوپەیمانی (ناتۆ)، ئەمڕۆ دووشەممە، ینس ستۆلنبێرگ ئەمینداری گشتی هاوپەیمانی باكووری ئەتڵەسی (ناتۆ) بە سەردانێك گەیشتە بەغدای پایتەختی عیراق و لەگەڵ حكومەتی عیراقیدا چەند دۆسێیەك تاوتوێ‌ دەكات، لەو سەردانەشدا جەنەراڵ تود وۆڵتەرز فەرماندەی هێزەكانی هاوپەیمانییەكە لە ئەوروپا، یاوەریی ستۆلنبێرگ دەكات”.

بەگوێرەی هەواڵ”ئەمینداری گشتی ناتۆ لە دەستپێكی گەشتەكەیدا سەردانی فێرگەی پەیوەندییە سەربازییەكانی عیراق و فەرمانگەی بنبڕكردنی تیرۆری كردووە لە تاجی، لەماوەی مانەوەشی لە عیراق، چاوی بە لیوا دانی فۆتین فەرماندەی نێردەی ناتۆ دەكەوێت لە عیراق، لەگەڵ ئۆیاتۆن ئینرینت ریسڵف فەرماندەی فیرقەی كاریی هاوبەش و ژمارەیەك لە بەرپرسانی عیراق و نوێنەرانی كۆمەڵی مەدەنی”.

بەردەوام بە لە خوێندنەوە

کوردستان

دەستەی سەرۆكایەتی پەرلەمان لەگەڵ چوار پارتی توركمان كۆبووەوە

خەڵك – بەشی هەواڵ
دەستەی سەرۆكایەتی پەرلەمانى كوردستان سەردانی چوار پارتی سیاسی پێكهاتەی توركمانیان لە شاری هەولێر كرد و جەخت لەسەر پشتیوانی كردنی سەرجەم لایەنە سیاسیەكان كرا لەسەر مەسەلەی دەستوور و پاراستنی مافی پێكهاتەكان و پڕۆژەی چاكسازی لە هەرێمی كوردستان.

پەرلەمانی كوردستان لە ڕاگەیەنراوێكدا، كە وێنەیەكی بۆ (خەڵك) نێردراوە ڕایگەیاندووە، پاشنیوەڕۆی ئەمڕۆ ١٦/٩/٢٠١٩ د. رێواز فایەق، سەرۆكی پەرلەمانی كوردستان و هێمن هەورامی، جێگری سەرۆكی پەرلەمانی كوردستان و مونا نەبی قەهوەچی، سكرتێری پەرلەمان سەردانی چوار پارتی سیاسی پێكهاتەی توركمانیان لەبارەگای پارتی گەشەپێدانی توركمان لە شاری هەولێر كرد.

ڕاشیگەیاندووە، لە كۆبوونەوەیەكدا جەخت لەسەر پشتیوانی كردنی سەرجەم لایەنە سیاسیەكان كرا، لەسەر مەسەلەی دەستوورو پاراستنی مافی پێكهاتەكان و پرۆژەی چاكسازی لە هەرێمی كوردستان، هاوكات باس لە پەیوەندییەكانی هەرێمی كوردستان و بەغدا كرا و هاوڕابوون لەسەر پاڵپشتی ستراتیژییەتی حكومەتی هەرێمی كوردستان بۆ گفتوگۆ و چارەسەر كردنی كێشەكان لە چوار چێوەی دەستووری عیراقی فیدراڵدا، بە گرنگیشەوە باسیان لە ڕەسەنایەتی نەتەوەی توركمان و سەرجەم پێكهاتەكان لە هەرێمی كوردستان كرد.

لە ڕاگەیەنراوەكەداهاتووە، سەرجەم پارتە توركمانییەكان پشتگیرییان بۆ ئەم هەنگاوەی پەرلەمان دەربڕیوە بۆ وەرگرتنی بۆ چوونی توركمانەكان لەسەر پرسە چارەنووسسازەكانی هەرێمی كوردستان و پاڵپشتی خۆشیان بۆ پەرلەمانی كوردستان و ستراتیژییەتی حكوومەتی هەرێمی كوردستان دووپاتكردەوە بۆ نووسینەوەی دەستووری هەرێمی كوردستان و هەنگاوەكانی چاكسازی و گفتوگۆكانیان لەگەڵ بەغدا.

بەردەوام بە لە خوێندنەوە

عێراق

پەیوەندی بە خێزانەوە هەیە
سەرۆكایەتی كۆمار پرۆژە یاسایەك ڕەوانەی پەرلەمان دەكات

خەڵك- بەشی هەواڵ
سەرۆكایەتی كۆمار پرۆژەی یاسای بەكژاچوونەوەی توندوتیژی خێزانی ڕەوانەی پەرلەمان دەكات بۆ مەبەستی پەسەندكردن، ئامانج لەو پرۆژە یاسایەش كە ڕەوانەی پەرلەمان كرا،پاراستنی خێزان و بە تایبەت ژنان و كچان و بەدوورگرتنیانە لە هەر جۆرە توندوتیژییەك بە بیانووی بەها كۆمەڵایەتییەكان.

بەپێی ڕاگەیەندراوێك كە لەلایەن نوسینگەی سەرۆكایەتی كۆماری عیراقەوە بڵاوكرایەوە و كۆپییەكی بۆ (خەڵك) نێردراوە” پرۆژەكە بریتییە لە پێكهێنانی لیژنەیەكی باڵا لە لایەن ئەنجومەنی وەزیران بە ناونیشانی لیژنەی باڵا بۆ بەكژاچوونەوەی توندوتیژی خێزانی كە وەزیری كارو كاروباری كۆمەڵایەتی سەرۆكایەتی دەكات هاوكات پێكهێنانی بەڕێوەبەرایەتییەك لە خۆ دەگرێت بە ناونیشانی بەڕێوەبەرایەتی پاراستنی خێزان لە وەزارەتی ناوخۆ كە چۆنێتی بەڕێوەبردنی ئەركەكانی لە دەقی پڕۆژە یاساكەدا هاتووە بەجۆرێك فەرمانبەرێك بە پلەی بەڕێوەبەری گشتی پسپۆڕی لە بواری كاروباری خێزانی هەبێت سەرۆكایەتی دەكات و ماوەی لێپرسراوێتییەكەی لە پێنج ساڵ كەمتر نابێت”.

هەر لە ڕاگەیەندراوەكەدا هاتووە” دادگایەكی تایبەت لە لایەن ئەنجومەنی دادوەری باڵاوە پێكدەهێنرێت یاخود لە چەند شوێنێكی تریش لێكۆڵینەوە لە دۆسییەكانی توندوتیژی خێزان دەكرێت، هاوكات پرۆژە بڕیارەكە وەزارەتی كارو كاروباری كۆمەڵایەتی پەیوەست دەكات بە كردنەوەی ناوەندەكانی داڵدەدان بە قوربانیانی توندوتیژی خێزانی لە بەغدا و تەواوی پارێزگەكانی تر لە پێناو پارێزگاریكردن لێیان و گەڕانەوەیان بۆ ناوخێزان، لەگەڵ دابینكردنی پێداویستی تایبەت بۆ خاوەن پێداویستییەكان، رێكخراوە ناحكومییەكانی تایبەت بەو بوارەش مافی كردنەوەو بەڕێوەبردنی سەنتەرەكانی داڵدەدانیان دەبێت بە ئاگاداری و ڕەزامەندی هەردوو وەزارەتی كاروكاروباری كۆمەڵایەتی و وەزارەتی ناوخۆ، ڕێگەش بە دادگاكان دەدرێت كە بڕیاری پارێزگاریكردن دەر بكەن بۆ كەیسێكی لە ناكاو”.

لە بەشێكی تری پرۆژە ياساكەدا، ئاماژە بە نێوەندگیری و ئاشتبوونەوە كراوە لە نێوان قوربانییەكەو سكاڵا لەسەر كراو لە ڕێگەی ڕاگرتنی ڕێكارە یاساییەكان، دژ بەو لایەنەی كە توندوتیژییەكەی كردووە.

توندوتیژی خێزانی، بەتایبەت دەرهەق بە ژنان و كچان لەنێو كۆمەڵگەی عیراقی، یەكێكە لەو كێشە كۆمەڵایەتییانەی تائێستاش بەردەوامە و چارەسەرێكی ڕەیشەیی بۆ بنبڕكردنی دانەنراوە، ئەم جۆرە پرۆژە یاسایانەش، فاكتەرێكی یاریدەر دەبن بۆ كەمكردنەوەی ئەو جۆرە كێشانەوە و هەوڵدان بۆ نەهێشتن و بنبڕكردنیان لەنێو كۆمەڵگەدا.

بەردەوام بە لە خوێندنەوە

کوردستان