ئێمە لە تۆرە کۆمەڵایەتیەکان

کوردستان

پارێزگاری نوێی هەولێر: خزمەتكاری هەمووان دەبم

خەڵك- بەشی هەواڵ

ئەمڕۆ پێنج شەممە فرسەت سۆفی لەكۆبوونەوەی ئەنجومەنی پارێزگای هەولێردا بەدەنگی 27 ئەندام لەكۆی 28 ئەندامی ئامادەبوو بەپارێزگاری نوێی هەولێر هەڵبژێردرا.

فرسەت سۆفی پارێزگاری نوێی هەولێر لەكۆنگرەیەكی ڕۆژنامەوانیدا ڕایگەیاند، درێژەپێدەری دەستكەوتەكانی پێشوو دەبن و هەوڵدەدەن پێكەوە بەهەمووان خزمەتی ئەم شارە بكەن.

ئاماژەی بەئەوەشدا، هەوڵدەدەن ئەوپەڕی هەماهەنگی و پەیوەندییان لەگەڵ ئەنجومەنی پارێزگا و حزبە سیاسییەكان و لایەنەكاندا هەبێت لەسەر بنەمای یاسا و ڕێنماییەكان.

ئەوەشی خستەڕوو، دەیانەوێت پارێزگاری هەولێر و پارێزگاری موڵك و ماڵی هاوڵاتیان بن.

باسی لەئەوەشكرد، نوێنەری هەموو خەڵكی هەولێر و هەموو ئەندامانی ئەنجومەنن بەو كەسەشەوە، كە دەنگی پێنەداوە.

وتیشی:”دیدگای خۆم لەسەر حكومەتی خۆجێیی هەولێر جارێ ڕاناگەیەنم، بەڵكو چاوەڕێی دەرچوونی فەرمانی سەرۆكایەتی هەرێم دەكەم”.

ریکلام

کوردستان

داوایەكی لە خۆپیشاندەران هەیە
مەسعود بارزانی بۆ یەكەمجار باسی عەللاوی كرد

خەڵك- بەشی هەواڵ
مەسعود بارزانی سەرۆكی پارتی دیموكراتی كوردستان، ئەركی محەمەد تۆفیق عەللاوی سەرۆك وەزیرانی ڕاسپێردراو بە قورس وەسف دەكات و داواش لە خۆپیشاندەران دەكات، ڕێگەنەدەن هەلپەرستان خۆیان بە تەوژمی ناڕەزاییەكاندا هەڵبواستن.

بارزانی لە دیمانەیەكی لەگەڵ (ئیندپندنت عربیە) ڕایگەیاندووە”دەستپێكی كاری هەر حكومەتێك، فەراهەمكردنی ئاسایش و خزمەتگوزارییە بۆ هاووڵاتیان، ناوچە عیراقییەكانیش كە گەل تێیاندا ڕاپەڕيوە، بۆ ماوەیەكی زۆرە ئەو مەرجانەیان تێدا نەڕسكاوە. هەر هاووڵاتییەك لە ماڵەكەی خۆی بچێتە دەرەوە ناگەڕێتەوە، دەڕفێنرێت و دەكوژرێت و كەس نازانێت تەرمەكەی لەكوێ‌ فڕێدەدرێت، گومانیشی تێدا نییە ئەم حاڵەتە ناكرێت بەردەوام بێت”.

بە وتەی مەسعود بارزانی”خۆپیشاندان مافی هاووڵاتیانە تا لێوەی داوای مافەكانیان بكەن، داوای نان و خزمەتگوزاری بكەن. ئێمە پشتيوانی لەو داواكارییانە دەكەین، بەڵام یەك تێبینیمان هەیە كە ئەویش ئەوە ڕێگە بە هەلپەرستان نەدەن، ئەوانەی بەرپرسن لە گەندەڵی، تا سواری تەوژمەكە نەبن”.

سەبارەت سواربوونی تەوژمی ناڕەزایی لەلایەن هەلپەرستانەوە، مەسعود بارزانی ڕایگەیاندووە”لەوبڕوایەدان خۆپیشاندەران تەواو هۆشیارن و ڕێگەیان نەدا، بەپێچەوانەوە هەندێك سواری تووژمەكە دەبوون”.

سەرۆكی پارتی دیموكراتی كوردستان لەبارەی محەمەد تۆفیق عەللاوی سەرۆك وەزیرانی ڕاسپێردراوە دەڵێت”عەللاوی پیاوێكی بەڕێز و لە خانەوادەیەكی چاك و ناسراوی بەغدایە”، بەڵام ئەركەكەی بە قورس لەقەڵەم دەدات.

هەر لەو بارەیەوە بارزانی ڕایگەیاندووە”نە عەللاوی و نە كەسانی تر سەركەوتوونابن، لەسایەی بوونی گروپە چەكدارە دەرچووەكان لە یاسا كە مل بۆ فەرمانەكانی دەوڵەت كەچ ناكەن”.

سەبارەت بەوەی كە ئەوان پشتیوانی دەكەن یان لە دژی ڕادەوەستن، مەسعود بارزانی دەڵێت”ئەوە پەیوەندی بە ڕۆڵ و هەڵوێست و كاركردن و تێگەیشتنییەوە دەبێت بۆ ڕەوشی هەرێم. لەئێستادا نازانیین، ئێمە ڕێزی لێدەگرین. شاندێك لە بەغدایە و دانوستانی لەگەڵدا دەكات سەبارەت بە پرسی پێكهێنانی حكومەتی نوێ‌، ئەمەش دەكەوێتە سەر هەڵوێستی خۆی”.

بەردەوام بە لە خوێندنەوە

کوردستان

بەوێنە؛ لیژنە هاوبەشەكانی سلێمانی كێشەی غازی ماڵان بونی نیە

خەڵك – بەشی هەواڵ

لیژنەی غازی سەربە لیژنە هاوبەشەكانی سلێمانی ڕایدەگەیەنێت ، سەردانی كارگەكانی بەرهەمهێنان و سەرپەرشتی دابەشكردنی غازی ماڵانی لە گەڕەكەكانی شاری سلێمانی كردوە و دڵنیایی تەواو دەدەنە هاووڵاتیان، كە كێشەی غازی ماڵان بوونی نیە.

لیژنەی غازی سەربە لیژنە هاوبەشەكانی قائیمقامیەتی سلێمانی لە ڕاگەیەنراوێكدا، كە وێنەیەكی بۆ (خەڵك) هاتووە ڕایگەیاندووە، ئەمڕۆ 21-2-2020 سەردانی كارگەكانی بەرهەمهێنان و سەرپەرشتی دابەشكردنی غازی ماڵانی لەگەڕەكەكانی شاری سلێمانی-مان كرد.

ڕاشیگەیاندووە، وەك لیژنەكە دڵنیایی تەواو دەدەینە هاووڵاتیان لە شاری سلێمانی كێشەی غازی ماڵان بونی نیە.

لە ڕاگەیەنراوەكەدا، داوا لە هاووڵاتیان دەكەن لە كاتی بوونی شاردنەوە و گرانفرۆشی لەلایەن بریكارەكانەوە لەڕێی ژمارە (07708677777) یان (قائیمقامیەتی سلێمانی) لە تۆڕی كۆمەڵایەتی فەیسبوك پەیوەندی بە لیژنە هاوبەشەكانەوە بكەن.

وێنەی ‏‎Qaemqameati Slemani‎‏.

وێنەی ‏‎Qaemqameati Slemani‎‏.

 

وێنەی ‏‎Qaemqameati Slemani‎‏.

بەردەوام بە لە خوێندنەوە

کوردستان

حاجیاوا؛ هاووڵاتیەك فیشەكێكی لە جەستەی خۆی داوە لەژێر چاودێری پزیشكیدایە

خەڵك – بەشی هەواڵ

بەڕێوەبەرایەتی پۆلیسی ڕاپەڕین ڕایدەگەیەنێت ، هاووڵاییەك لە ڕێگەی دەمانچەوە فیشەكی بە جەستەی خۆیەوە ناوە لە نەخۆشخانە لەژێر چاودێری پزیشك دایە.

بەڕێوەبەرایەتی پۆلیسی ڕاپەڕین لە ڕاگەیەنراوێكدا، كە وێنەیەكی بۆ (خەڵك) هاتووە ڕایگەیاندووە، شەوی ڕابردوو لە كاتژمێر 11 بریندارێكیان ڕەوانەی نەخۆشخانەی حاجیاوا كراوە، كە شوێنەواری یەك فیشەك بە جەستەییەوە هەبوو.

دەشڵێت ،”بریندارەكە ناوی ( ه٫ ح٫ م ) لە دایكبووی 1982 پیشە كاسب، دوای گەیشتنی هێزەكانمان لە بنكەی پۆلیسی ماكۆك بۆ شوێنی ڕوداوەكە و دەستپێكردنی لێكۆڵینەوە لە ڕوداوەكە دەركەوت، كە ناوبراو بە چەكی جۆری دەمانچە فیشەكی لەخۆی داوە”.

ڕاشیگەیاندووە، لەلایەن هێزەكانمانەوە دۆسیەی لێكۆڵینەوە بۆ ڕوداوەكە كرایەوە و دەست بەسەر دەمانچەكەشدا گیرا، ناوبراو لە نەخۆشخانە لەژێر چاودێری پزیشك دایە، لێكۆڵینەوە لە ڕوداوەكە بەردەوامە.

بەردەوام بە لە خوێندنەوە

کوردستان