ئێمە لە تۆرە کۆمەڵایەتیەکان

جیهان

لە عەدەن شەڕ دەستیپێكردەوە

خەڵك –بەشی هەواڵ

ئەمڕۆ پێنج لە شاری عەدەنی باشووری یەمەن تێكهەڵچوونی چەكداری دەستیپێكردەوە.

دەزگاكانی ڕاگەیاندنی یەمەن بڵاویانكردەوە، دەنگی تەقینەوە لە ناوچەی خوورمكسر بیستراوە هاوكات لەگەڵ تەقینەوەیەكی دیكە لە ناوچەی دارسعد لە نزیك گەڕەكی بەساتین.

بەپێی سەرچاوەكان، دەنگی تەقینەوەی دووهەم بیستراوە لەگەڵ تێكهەڵچوونی چەكداری بۆ چەند خولەكێك كە چەكی سووك و مامنێوەندی تێدا بەكارهاتووە.

ماوەیەكە لە شاری عەدەنی باشووری یەمەن شەڕ لە نێوان كۆمەڵە چەكدارەكانی سەر بە ئیمارات و حكومەتی یەمەنی پشتیوانیكراو لەلایەن عەڕەبستانی سعودییەوە دەستیپێكردووە.

ریکلام

جیهان

لەم هەفتەیەدا کۆرۆنا گەیشتووەتە ئاستێکی مەترسیدار

خەڵک

ڕێکخراوی تەندروستی جیهانی ئاشکرایدەکات؛ هەفتەی ڕابردوو لەسەرتاسەری جیهاندا زیاتر لە 2,4 ملیۆن کەیسی نوێی توشبوون بە ڤایرۆسی کۆرۆنا تۆمارکراون، کە بەرزترین ئاستی تۆمارکردنی توشبووان بووە.

 

ڕێکخراوی تەندروستی جیهانی لە راپۆرتی هەفتانەیدا کە رۆژی سێشەممە بڵاوکراوەتەوە، رایدەگەیەنێت:” ژمارەی حاڵەتە نوێکانی تووشبوون بە کۆڤید-19 بە خێرایی و بەردەوام لە بەرزبوونەوەدایە، بەڵام ژمارەی گیانلەدەستدان تا ڕادەیەک جێگیرە.”

 

بە پێی راپۆرتەکە، تا 18ی ئۆکتۆبەر، 40118333 حاڵەت لە جیهاندا تۆمارکراوە، و حاڵەتەکانی گیانلەدەستدانیش گەیشتوون بە 1114749 کەس.

 

لە ماوەی هەفتەی ڕابردووشدا 2 ملیۆن و 443 هەزار و 594 حاڵەتی نوێی نەخۆشییەکە تۆمارکراون و 36 هەزار و 547 حاڵەتی گیانلەدەستدانیش هەبوون .

 

رێکخراوی تەندروستی جیهانی ئەوەشی بەرباسخستووە؛ لە 12 بۆ 18 ی ئەم مانگە لەکیشوەری ئەوروپا زۆرترین حاڵەتەکان تۆمارکراون، خودی ڕێکخراوەکەش 927433 توشبووی نوێی پشتڕاست کردووەتەوە، کە بە بەراورد بە ژمارەی هەفتەی پێشوو توشبوون بە ڕێژەی 25 % زیادیکردووە.

بەردەوام بە لە خوێندنەوە

جیهان

بەرشەلۆنە؛ پزیشکان بەجلی ژێرەوە خۆپیشاندیانیان کرد

خەڵک – بەشی هەواڵ

وەک ناڕەزایی دەربڕین سەبارەت بە دۆخی کارکردنیان لە سەردەمی کۆرۆنادا پزیشکانی بەرشەلۆنە، بە جلی ژێرەوە خۆپیشاندانیان سازدا.

لە تۆمارێكی ڤیدیۆیدا، کە ئاژانسی ئەسۆشەیتد پرێس بڵاویکردووەتەوە، پزیشکانی شاری بەرشەلۆنەی ئیسپانی دژ بە ماندووبوونی بەردەوام و کەمی مووچەو نەبوونی کارمەندی سەرپەرشتیار لە سەروەختی هەڵکشانی ڤایرۆسی کۆرۆنا لە وڵاتەکەدا خۆپیشاندانیان ئەنجامدا.

جیاوازی خۆپیشاندانی ئەو پزیشکە ئیسپانیانە لەوەدابوو کە بەجلی ژێرەوە نارەزاییان دەربری و هوتافیان دژ بە پەرپرسانی تەندروستی دەوتەوە تا ئاوڕ لەدۆخی پر ماندووبوونیان بدرێتەوە.

بەردەوام بە لە خوێندنەوە

جیهان

بەوێنە، فڕۆكەیەك لە ئێران كەوتەخوارەوە

خەڵك- بەشی هەواڵ
بەهۆی ئەو شەڕ و پێكدادانەی ناوچەی قەرەباغ لەنێوان ئازەربایجان و ئەرمینیا بەخۆوەی دەبینێت كە نزیكە لە سنورەكانی ئێران، فڕۆكەیەكی بێفڕۆكەوان لەنێو سنورەكانی ئێراندا كەوتەخوارەوە.

ئەمڕۆ سێ‌ شەممە تەلەفیزیۆنی ئێران بڵاویكردەوە”فڕۆكە بێفڕۆكەوانەكە لەنێو زەوییەكی كشتوكاڵی نزیك لە قەرەقوچی سنوری لە پارێزگەی ئازەربایجانی شەرقی لە باكووری خۆرئاوای ئێران كەوتۆتە خوارەوە”.

پێشتر تاران هۆشداریی دابووە لایەنە ناكۆكەكان لە قەرەباغ لە كەوتنەخوارەوەی موشەك و گوللـە تۆپ لەنێو سنورەكانی ئێران، داواشی لە ئازەربایجان و ئەرمینیا كردبوو لە سنورەكانی ووڵاتەكەی دووربكەنەوە.

بەردەوام بە لە خوێندنەوە

کوردستان