ئێمە لە تۆرە کۆمەڵایەتیەکان

کوردستان

هاوپەیمانی نیشتمانی بەشداری هەڵبژاردنەكان لە كەركوك دەكات

خەڵك-بەشی هەواڵ

ئەندامێكی ئەنجومەنی سیاسی هاوپەیمانی نیشتمانی ڕِایدەگەیەنێت، هاوپەیمانی وەك هێزێكی مەدەنی باوەڕی تەواوی بەوەیە تاكە بژاردە‌ بۆكاری سیاسی بەشداری هەڵبژاردنە و بە گرنگییەوە لەو پرۆسەیە دەڕوانین.

گفتوگۆكان لەسەر هەڵبژاردنی پارێزگای كەركوك چڕ بوونەتەوە و لایەنە سیاسییەكانیش كار لەسەر یەك لیستی و پێكەوە چوونە هەڵبژاردن دەكەن كە بڕیارە لە مانگی نیسانی ساڵی داهاتوو بەڕێوەبچێت.

موئمین زەڵمی ئەندامی ئەنجومەنی سیاسی هاوپەیمانی نیشتمانی بە (خەڵك)ی ڕاگەیاند، هاوپەیمانی وەك هێزێكی مەدەنی باوەڕی تەواوی بەوەیە تاكە بژاردە‌ بۆكاری سیاسی بەشداری هەڵبژاردنە و بەگرنگییەوە لەو پڕۆسەیە دەڕوانین، لەوە گرنگتر بەڕێوەچوونی هەڵبژاردنی پاكە، وانە لە ڕابردوو وەربگیردرێت و چیتر سومعەی پڕۆسەكە بە هەڵبژاردنی ساختە لەكەدار نەكرێت.

وتیشی”بە ئاستێكی بەرزی بانگەشەوە بەشداری هەڵبژاردنی پارێزگاكان دەكەین و لە ڕاهێنانی كاندیدەكانمانداین، ئومێدمانە هێز و لایەنەكان بە بەرپرسیارییەتییەوە بڕیار لەسەر هەڵبژاردنەكەی داهاتوو بدەن”.

دەبارەی پێكهێنانی لیستی هاوبەش لە كەركوك، زەڵمی ئاشكرایكرد، هاوپەیمانی بەشداری هەموو كۆبوونەوەكانی كردووە و لەگەڵ هێز و لایەنەكاندا پەیوەندییەكی زۆر باشی هەیە و بووینەتە هەوێنی تەبایی لایەنەكان و پێكەوەژیان بۆ خزمەتی كەركوكییەكان، ئەوەی بەلای ئێمەوە بۆ كەركوك ئەسڵە، خزمەتكردنی كەركوكییەكانە، چی باش بێت بۆیان ئێمە ئەوە دەكەین، ئەمە بۆ پارێزگاكانیتری عێراقیش ڕاستە، ئێمە بە وردی دیراسەی جۆری بەشدارییەكان دەكەین.

کوردستان

“بەشێوەی دەمامكەكە، بۆ بەنزینیش خەڵكیان خستووەتە دڵەڕاوكێیوە”

خەڵك – بەشی هەواڵ

سەرۆكی چاودێری بازرگانی سلێمانی ڕایدەگەیەنێت، نرخی بەنزین بە هیچ شێوەیەك گۆڕانكاریی بەسەردا نایەت و با خەڵكی سلێمانی نەكەونە دڵەڕاوكێوە. هاوكات قائیمقامی سلێمانی دەڵێت: لە ئەگەری ڕاگرتنی جموجوڵە بازرگانییەكان لەگەڵ ئێران شێوازی تر بۆ بەردەوامی دان بەھاوردەكردنی سوتەمەنی لە دەرەوەی ھەرێم دەگرینەبەر.

سۆران غەفور سەرۆكی چاودێری بازرگانی سلێمانی لەبارەی قەرەباڵغی بەنزینخانەكان و دڵەڕاوكێی هاووڵاتیان بۆ نەمانی بەنزین ڕایگەیاند:”هیچ كێشەیەك لە هاتنی بەنزین بۆ سلێمانی نییە و هەندێك كەس وەك چۆن لەبابەتی دەمامكە خۆپارێزییەكان قەیرانیان دروستكرد، بەهەمانشێوە بۆ بەنزینیش خەڵكی تریان خستووەتە دڵەڕاوكێوە”.

سۆران غەفور جەختی لەوەشكردەوە، داخستنی سنوورەكان هیچ كاریگەرییەكی لەسەر بەنزین لەشاری سلێمانی نابێت و بەنزینخانەكان بە بەردەوامیی كراوە دەبن، هاوكات وتیشی “نرخی بەنزین بە هیچ شێوەیەك گۆڕانكاریی بەسەردا نایەت و با خەڵكی سلێمانی نەكەونە دڵەڕاوكێوە”.

هاوكات قائیمقامی سلێمانی ڕایدەگەیەنێت: ھیچ‎ قەیرانێكی سوتەمەنی لە سلێمانی نییە و هاووڵاتییان دڵنیا دەكەینەوە بڕی بەنزینی پێویست لە خەزانەكانماندا هەیە بۆ ماوەیەكی زۆر و پێویست بە ترس و دڵەڕاوكێ ناكات.

‎ئاوات محەمەد قائیمقامی سلێمانی لەبارەی دەنگۆی كەمی بەنزین لە سلێمانی ڕاگەیاند، “دڵنیایی دەدەینە هاووڵاتیان بڕی پێویستی بەنزین لە خەزانەكانماندا هەیە بۆ ماوەی چەندین ڕۆژ و دەتوانین سوودی لێ ببینین و هیچ پێویست بە ترس و دڵەڕاوكێ ناكات”.

ئاوات محەمەد ئاماژەی بۆ ئەوەشكرد:” ئەو گرفتەی كە ھەیە بۆ ماوەیەكی كاتی كورت خایەنە لەبەر ئەوە پێویست ناكات هاووڵاتیان بترسن لە كەمبوونەوەی سووتەمەنی و ئێمە لە سنووری پارێزگای سلێمانی بڕی پێویست سووتەمەنیمان هەیە و لە ئەگەری ڕاگرتنی جموجوڵە بازرگانییەكان لەگەڵ ئێران شێوازی تر بۆ بەردەوامی دان بەھاوردەكردنی سوتەمەنی لە دەرەوەی ھەرێم دەگرینەبەر”.

ك.ج

بەردەوام بە لە خوێندنەوە

کوردستان

تەندروستی هەرێم هێڵی گەرمی پەیوەندیكردنی 24 كاتژمێری بۆ هاووڵاتیان ڕادەگەیەنێت

خەڵك – بەشی هەواڵ

وەزارەتی تەندروستی حكومەتی هەرێمی كوردستان، هێڵی گەرمی پەیوەندیكردنی 24 كاتژمێری بۆ هاووڵاتیان ڕادەگەیەنێت، لەكاتی هەستكردن بە هەر حاڵەتێكی گوماناوی بەتایبەتی گەشتیارانی گەڕاوە لە دەرەوەی وڵات هاووڵاتیان دەتوانن پەیوەندی بكەن.

وەزارەت
07508169991
07714448100
هەولێر
07503987429
07503987429

سلێمانی
07701923595
07719471030

دهۆك
07514025338
07514342938

هەڵەبجە
07501365007
07731915151
0538852656

گەرمیان
07480207442

ڕاپەڕین
07705694040
07501613933

كۆیە
07501202218
07701414633

بەردەوام بە لە خوێندنەوە

کوردستان

“بەشی 90 ڕۆژ بەنزین لە عەمبارەكاندا هەیە”

خەڵك – بەشی هەواڵ

قائیمقامی هەڵەبجە بەوەكالەت دڵنیایی دەداتە هاووڵاتیان كە قەیرانی بەنزین دروست نابێت و بەنزینی پێویست لە هەرێمدا هەیە.

عوسمان ئەنوەر قائیمقامی هەڵەبجە بە وەكالەت لە ڕوونكردنەوەیەكدا ڕایدەگەیەنێت، بەشی 90 ڕۆژ بەنزین لە عەمبارەكاندا هەیە.

دەقی ڕوونكردنەوەكە:

ئازیزانم سڵاو و ڕێز

ئەم داخستنەی سنوور لەگەڵ ئێران، هیچ كێشەیەك بۆئەزمە و نەبوونی بەنزین دروست ناكات، لە سلێمانی بەشی ٩٠ ڕۆژ بەنزینی خەزن لەخەزانی ساحە ئەھلیەكان ھەیە، ئەم داخستنی سنورەش بۆ دوو ڕۆژە، باخۆمان نەبینە هۆكاری دروست كردنی ئەزمە لەكەل ریزدا…

قائیمقامی هەڵەبجە بەوەكالەت
٢٤/٢/٢٠٢٠

بەردەوام بە لە خوێندنەوە

کوردستان