ئێمە لە تۆرە کۆمەڵایەتیەکان

کوردستان

ئەمڕۆ هەڵبژاردنی جڤاتی گشتی گۆڕان بەڕێوەدەچێت

خەڵك-بەشی هەواڵ

ئەمڕۆ هەڵبژاردنی جڤاتی بزووتنەوەی گۆڕان بەڕێوە دەچێت و جێگری پێشووی سكرتێری جڤاتەكەش كە چەند رۆژێك لەمەوبەر لەگەڵ ژمارەیەك ئەندامی دیكەی جڤاتی گشتیدا دەستیانلەكاركێشایەوە باس لە كەموكورتییەكانی هەڵبژاردنەكە دەكات.

ساڵح ژاژڵەیی جێگری پێشووی سەرۆكی جڤاتی گشتی بزووتنەوەی گۆڕان بە دەنگی ئەمریكای ڕاگەیاند، جڤاتی نیشتمانی ئەندامەكانی زیاتر لە چوار ساڵە هەڵبژێردراون، دوو بۆ سێ ساڵە ماوەی یاساییان تەواو بووە، ئەو بەرپرسی مەكۆیانەی كە بەدەنگی خەڵك بوونەتە بەرپرسی مەكۆ ئێستا ڕەنگە ئەو خەڵكانە هەر نەمابن، چۆن مەعقولە گەورەترین دەزگای جێبەجێكاری (خانەی ڕاپەڕاندن) هەڵبژێرێت، ئەمە زۆر نایاسایی و نامەعقولە.

وتیشی”داوامان كرد خانەی ڕاپەڕاندن لە بۆشایی یاسایدایە بۆ ئەوەی ئیشوكارەكان نەوەستن ماوەكەیان بۆ درێژ بكەنەوە تا كۆتایی ئەمساڵ كە بڕیارە كۆنفڕانس بگیرێت، ئەوكاتە با هەڵبژاردن لەخوارەوە دەست پێبكەین بۆ سەرەوەو جڤاتی نیشتمانی تازە هەڵبژێرێتەوە كە شەرعیەتی زیاترە و خەڵكی تازەدێتە پێشەوە با ئەوكاتە ئەو خەڵكانە دەنگ بە خانەی ڕاپەڕاندن بدەن ئەمەیان قبوڵ نەكرد”.

ئاماژەی بۆ ئەوەش كرد، ئەم جڤاتی نیشتمانیەی ماوەی یاسایی تەواو بووە دێت دەنگ بەخانەی ڕاپەڕاندن دەدات ئەمەش گومانی تێدایە، چونكە بیست كەس لە جڤاتی نیشتمانی داوای پۆستیان لە حكومەت كردووە، ئەمەش مانای ئەوەیە ئەو بیست كەسە ئەوانەی دەیانەوێت هەڵبژاردن بكەن چۆنیان دەوێت وادەكەن دەكەونە ژێرباری ئەوانەوە، دەڵێت ئەگەر من دەنگی بۆ بدەم بۆ خانەی ڕاپەڕاندن ئەوا دەمكاتە بەرپرس، یان بەڕێوەبەری گشتی و هەر پۆستێك كە داوای كردووە لەبەرئەوە ئەم دوو شتەیان بەیەكەوە بەستووەتەوە كە ئەمە گومانی لەسەرە، بەپێی یاسا جڤاتی نیشتمانی خانەی ڕاپەڕاندن هەڵدەبژێرێت، بەڵام كێشەكە ئەوەیە ماوەی یاسایی جڤاتی نیشتمانی تەواو بووە و شەرعیەتی نەماوە و لەبۆشایی یاسایدایە و بۆی نییە و ناتوانێت خانەی ڕاپەڕاندن هەڵبژێرێت.

سەبارەت بەهۆكاری دەستلەكاركێشانەوەیان، ناوبراو ڕایگەیاند، ڕۆژی 2ی مانگ جڤاتی گشتی كۆبوونەوەی كرد داوامان لێكردن لەپێناوی یەكڕیزیدا ئەم هەڵبژاردنە مەكەن و درێژی بكەنەوە بۆ كۆتایی ساڵ، بەڵام ڕۆژی دواتر جڤات بڕیارەكەیان خستە بواری جێبەجێكردنەوە كە ئەمڕۆ جڤاتی گشتی هەڵبژاردن دەكەن و 14ی مانگیش جڤاتی نیشتمانی، كەواتە كە بەقسەمان ناكەن و هیچ بۆچونێكمان وەرناگرن واتای وایە ئێمە هیچ نین.

وتیشی”زۆرجار داوای دیكەمان هەبووە، بەڵام بەقسەیان نەكردووین، لەجڤاتی نیشتمانی زۆرینەمان یان هیچ نەبێت نیوەمان پێمان باش نەبوو گۆڕان بچێتە ئەم حوكمەتەوە، بەڵام ئەم بزوتنەوەیە بانگەشەی چاكسازی دەكات ناتوانرێت بە ویستی خۆی بەرنامەی خۆی جێبەجێ بكات، وتمان نەچن باشترە، بەڵام بوو بە ئەمری واقیع و چوونە حكومەت ئیتر خۆ ئێمە ساحێب بڕیار نین”.

ئاشكراشیكرد، ئەوكات بڕیارێكی ترماندا، وتمان هیچ كەسێك لەخانەی ڕاپەڕاندن خۆی هەڵنەبژێرێت بۆ هیچ پۆستێك، و هەركەس چووە وەفدی دانوستان نابێت خۆی هەڵبژێرێت، هەروەها هیچ كەس لەوانەی پۆستی پەڕلەمانتاری یان حكومەتیان هەبووە كاندید نەكرێن، بەڵام ئەوانەش هیچیان بەقسە نەكردین.

کوردستان

راوێژكاری ئاسایشی نەتەوەیی عێراق گەیشتە هەولێر

خەڵك- بەشی هەواڵ

راوێژكاری ئاسایشی نەتەوەیی عێراق قاسم ئەعرەجی گەیشتە هەولێر بە سەرۆكایەتی شاندێكی ئەمنی.

سەرچاوەیەك بۆ الاخباریە وتی: ئەعرەجی لەگەڵ شاندێكی ئەمنی گەیشتووەتە هەولێر.

ناوبراو لەگەڵ بەرپرسە ئەمنییەكانی هەرێمی كوردستاندا كۆدەبێتەوە.

زانیاری زیاتر لەبارەی سەردانەكە بڵاونەكراوەتەوە، بەڵام هاوكاتە لەگەڵ هەڕەشە و هۆشدارییەكانی ئەمریكا بۆ عێراق لەسەر هێرشكردنەسەر بەرژەوەندییەكانی ئەمریكا لەلایەن ملیشیا چەكدارەكانەوە.

هاوكات نێچیرڤان بارزانی سەرۆكی هەرێمی كوردستان ئامادەیی هاوكاری و پشتیوانی بۆ دابینكردنی سەقامگیری و ئاسایش لە عێراق نیشانداوە.

بەردەوام بە لە خوێندنەوە

کوردستان

بەڕێوەبەری گشتی پەروەردەی سلێمانی پشتیوانی لە خۆپیشاندانی مامۆستایان دەكات

خەڵك-بەشی هەواڵ

 

بەڕێوەبەری گشتی پەروەردەی سلێمانی ڕایدەگەیەنێت، لەگەڵ كردنەوەی دەرگای خوێندنگەكان لە سنووری پارێزگای سلێمانی، هەوڵدەدەن خۆیان لەگەڵ ڤایرۆسی كۆرۆنا ڕابهێنن و بیكەنە بەشێك لە ژیانیان.

ئەمڕۆ یەك شەممە 27-9-2020 دڵشاد عومەر بەڕێوەبەری گشتی پەروەردەی سلێمانی، لە كۆنگرەیەكی ڕۆژنامەوانی و لە یەكێك لە خوێندنگەكانی سلێمانی دەستپێكردنی پڕۆسەی خوێندنی ساڵی 2020- 2021ی بۆ خوێندكارانی پۆلی 12ی ئامادەیی و قۆناغەكانی یەك و دووی بنەڕەتی ڕاگەیاند.

ناوبراو ئاشكرایكرد، ئەمڕۆ دەستدەكرێتەوە بە پڕۆسەی نوێی خوێندن بۆ خوێندكارانی پۆلی 12ی ئامادەیی و یەك و دوو بنەڕەتی و 10ی 10ش قۆناغەكانی تر دەستپێدەكەنەوە كە ماوەی 14 ڕۆژ بەردەستە، ئەگەر سەركەوتوو بن دەتوانن قۆناغەكانی تریش بهێننەوە بۆ ناو خوێندنگەكان.

ئاماژەی بۆ ئەوەش كرد، دەبێت ڤایرۆسی كۆرۆنا بكەین بە بەشێك لە ژیانمان و ژیان ئاسایی بكەینەوە، كارو كەسابەت باش بێت، ڕەوشی ئابووری وڵات باش بێت ئاشتەوایی بەدوادادێت.

بەڕوەبەری پەروەردە پشتیوانی خۆشی بۆ ئەو مامۆستایانە دەربڕی كە ئەمرشۆ خۆپیشاندان دەكەن و وتیشی”هەوڵ دەدەین هەموو مافەكانتان بۆ جێبەجێ بكرێت و ئێمەش بەشێكین لە ئێوە، چونكە پاشەكەوت و لێبڕین ئێمەشی گرتووەتەوە”..

بەردەوام بە لە خوێندنەوە

کوردستان

لە دەشتی هەولێر زەنگی خوێندنی ئەمساڵ لێدرا

خەڵك-ئارام سەردار

 

ئەمڕۆ یەكشەممە ٢٧ی ئەیلولی ٢٠٢٠ لەژێر چاودێری قایمقامی دەشتی هەولێر و بەڕێوەبەری پەروەردەی دەشتی هەولێر و چالاكی قوتابخانەكانی دەشتی هەولێر زەنگی نوێی ساڵی خوێندنی ٢٠٢٠-٢٠٢١ لێدرا و بەفەڕمی پۆلی ١٢ی ئامادەیی چوونە پۆلەكانی خوێندن.
مامۆستا عومەر وەلی، بەڕێوەبەری پەروەردەی دەشتی هەولێر بەوەكالەت لەبارەی كردنەوەی دەرگای قوتابخانەكان ڕایگەیاند، ساڵی ڕابردوو ساڵێكی پڕناخۆشی بوو بەهۆی كۆڕۆناوە، بەڵام سەڕەڕای ئەو پەتایە وەك پەروەرد كۆڵمان نەدا تاوەكو خوێندن بەردەوام بێت و پیرۆزبایی دەستپێكی ساڵی نوێش لە خوێندكاران و مامۆستایان دەكەن.

دەشڵێت، ساڵانە ژمارەیەكی باشی خوێندكاران بەنمرەی باش دەردەچن بۆ خزمەتی وڵات، مامۆستایانیش سەڕەڕای نەبوونی كۆڵیان نەداوە و بەردەوام بوون، مێژووش ئەوەی سەلماندوە كە خزمەتی نیشتیمانیان كردوە، سوپاسی بەردەوامی مامۆستایان دەكەین.

ئەوەشی خستەڕوو، قەیرانی دارایی كاریگەری لەسەر هەموو جیهان كردووە، بەڵام مامۆستایان بەردەوام بوون لەخزمەت بۆ دابینكردنی دواڕۆژێكی گەش بۆ نەوەی داهاتوو و چارەسەركردنی كێشە و گرفتەكان داواشی لەخوێندكاران كرد پێویستە ڕێنماییەكانی وەزارەتی پەروەردە و تەندروستی جێبەجێ بكەن و بەدەمامك و دەستكێش دەوام بكەن، لەبەرنامەشدایە بتوانین هەموو قۆناغەكان دەست بەخوێندن بكەنەوە.

بەردەوام بە لە خوێندنەوە

کوردستان