ئێمە لە تۆرە کۆمەڵایەتیەکان

وەرزشەکانی تر

گه‌ڕانه‌وه‌ی شارای ڕوسی به‌ شکستێکی مێژوویی له‌یه‌که‌م قۆناغه‌وه‌ کۆتایی هات !

خه‌ڵک سپۆرت

ماریا شاراپۆڤای ڕوسی ئه‌ستێره‌ی ناوداری بواری تێنسی سه‌رزه‌وی له‌ قۆناغی یه‌که‌می پاڵه‌وانێتی ویمبڵدۆنه‌وه‌ ماڵئاوایی کرد !

له‌دوای که‌یسی به‌کارهێنانی “مادده‌ وزه‌به‌خشه‌کان” ماریا شاراپۆڤای ناودار به‌ناچاریه‌وه‌ وه‌ک یاریزانی ژماره‌ (١٣١) له‌ڕیزبه‌ندی یاریزانه‌ پیشوه‌ره‌کانه‌وه‌ ده‌ستی پێکرده‌وه‌، به‌ڵام گه‌ڕانه‌وه‌که‌ی کاریگه‌ر نه‌بوو.

دوینێ له‌ڕووبه‌ڕوبونه‌وه‌ی ڤیتالیا دیاچینکۆی هاونیشتیمانی به‌ئه‌نجامی دوو کۆمه‌ڵه‌ به‌رامبه‌ر کۆمه‌ڵه‌یه‌ک شکستی هێنا و ماڵئاوایی له‌ “ویمبلدۆن” کرد.

شارای ڕوسی کۆمه‌ڵه‌ی یه‌که‌می به‌ئه‌نجامی (٧ – ٦) له‌به‌رژه‌وه‌ندی خۆی یه‌کلایی کرده‌وه‌، به‌ڵام کۆمه‌ڵه‌کانی دووه‌م و سێیه‌می به‌ئه‌نجامی (٧ – ٦) و (٦ – ٤) دۆڕاند، به‌وشێوه‌یه‌ ناچار بوو له‌قۆناغی یه‌که‌می پاڵه‌وانێتیه‌ گه‌وره‌که‌ی ئینگلته‌راوه‌ ماڵئاوایی بکات که‌ ئه‌وه‌ش یه‌که‌مینجاره‌ له‌ ژیانی وه‌رزشییدا ڕووده‌دات.

شارای شۆخ و شه‌نگی ته‌مه‌ن ٣١ ساڵ یه‌کێک بوو له‌ پاڵه‌وانه‌ دیاره‌کانی بواری تێنسی سه‌رزه‌وی و نازناوی ویمبلدۆنی ٢٠٠٤ و چه‌ندین نازناوی گه‌وره‌ی (گراند سلام)ی به‌ده‌ستهێنا، به‌ڵام له‌ ٢٠١٦ به‌هۆی به‌کارهێنانی مادده‌ی وزه‌به‌خشه‌وه‌ سڕکرا و له‌ئێستاشدا گه‌ڕاوه‌ته‌وه‌، به‌ڵام گه‌ڕانه‌وه‌ی هاوشێوه‌ی یاریزانێکی ئاساییه‌ و له‌هیچ پاڵه‌وانێتیه‌کی گه‌وره‌دا ڕۆڵی کاریگه‌ری نه‌گێراوه‌.

وەرزشەکانی تر

 (ستالۆنی ئێستا و ئه‌وسا) ڕامبۆ یان مشته‌کۆڵه‌ی ئه‌مریکا، (٧٢) ساڵه‌ و گاڵته‌ به‌ ئاسن ده‌کات !

خه‌ڵک سپۆرت

سلڤسته‌ر ستالۆن، ئه‌فسانه‌ی وه‌رزشیی بواری بۆکسێن و ئه‌کته‌ری ناوداری هۆلیود، ئه‌و ئه‌فسانه‌یه‌ی له‌ حه‌فتاکانی سه‌ده‌ی ڕابردو تائێستا به‌هۆی فیلمه‌ نایابه‌ وه‌رزشیه‌کانیه‌وه‌ سه‌رسامکه‌ری ملیۆنان که‌سه‌.

ناوی ده‌نێت چی ناوی بنێ، ڕامبۆ یان ڕۆکی، یاخود مشته‌کۆڵه‌ی ڕوخێنه‌ری زه‌به‌لاحی ڕوسی، گرنگ ئه‌وه‌یه‌ بزانیت که‌ ناوبراو له‌ئێستادا ته‌مه‌نی گه‌یشتۆته‌ (٧٢ ساڵ)، له‌گه‌ڵ ئه‌وه‌شدا خاوه‌نی جه‌سته‌یه‌کی ڕێک و به‌هێزه‌و ته‌نها ساتێکیش له‌ وه‌رزشکردن نه‌وه‌ستاوه‌، بگره‌ به‌و ته‌مه‌نه‌شه‌وه‌ چه‌ندین فیلمی نوێی ده‌رکردووه‌ له‌ نمونه‌ی کۆتا به‌شی ڕامبۆ و ئینکریده‌بڵس که‌ تیایدا ده‌رده‌که‌وێت هێشتا تواناکانی له‌ده‌ست نه‌داوه‌.

ته‌مه‌ن ده‌ره‌قه‌تی نایه‌ت

شاره‌زایانی بواری وه‌رزش و هونه‌ر پێیان وایه‌ ستالۆن تاکه‌ وه‌رزشکار و هونه‌رمه‌نده‌ که‌ له‌بواره‌کانی خۆیدا به‌ دڵسۆزی و به‌بێ خه‌ڵه‌تاندن کاری کردووه‌، جه‌سته‌شی به‌ نمونه‌یه‌کی زیندو ده‌هێننه‌وه‌ که‌ تائێستا به‌و ڕێکو جوانیه‌ی سه‌رده‌می ڕابردو ماوه‌، به‌ڵکو چه‌ندین گرته‌ی ڤیدیۆیی بڵاوده‌بێته‌وه‌ تیایدا سه‌رقاڵی مه‌شق و ڕاهێنانی ئێسک شکێنه‌.

کاره‌کانی ستالۆن

له‌ساڵی ١٩٧٠وه‌ تا ٢٠١٨ ستالۆنی ناودار له‌ (٦٠) فیلمی به‌رهه‌مهێنراوی هۆلیود دا به‌شداری کردووه‌، ناودارترینیان ڕۆکی بالبوای بۆکسێنه‌ری ئیتاڵی که‌ له‌ چه‌ند به‌شێک پێکهاتووه‌، هه‌روه‌ها زنجیره‌کانی ڕامبۆ و کۆبرا و ئینکریده‌بڵس، هه‌روه‌ها ئیسکه‌یپ پلان و کرید و چه‌ندان فیلمی تر که‌ زۆرینه‌یان وه‌رزشیی بوون.

له‌ جیهانی وه‌رزشدا وه‌ک ئه‌ستێره‌ی هۆڵی ناودارانی هۆلیودو ئه‌ستێره‌ی ناودارانی هۆڵی بۆکسێنی ئینته‌رناشناڵ ده‌ستنیشان کراوه‌ و خه‌ڵاتی گۆڵدن گڵۆبی به‌ده‌ست هێناوه‌.

Getting ready for Rambo

Getting ready for RamboSylvester Stallone

Posted by Muscle Madness on Wednesday, December 5, 2018

پڕۆفایل

ناو: میکائیل سلڤسته‌ر گاردینزۆ ستالۆن

ته‌مه‌ن: له‌دایکبوی ٦/٧/١٩٤٦ واتا ته‌مه‌نی (٧٢ ساله‌)

پیشه‌: ئه‌کته‌ر، بۆکسێنه‌ری دێرین، ده‌رهێنه‌ر، وه‌به‌رهێنه‌ری فیلم

ڕه‌گه‌ز: ئیتاڵی – ئه‌مریکی

ساڵی ده‌رکه‌وتن: ١٩٦٩

بۆچونی سیاسی: کۆماری-یه‌

سه‌روه‌ت و سامان: ٤٠٠ ملیۆن دۆلار

خێزان: پێنج منداڵ

BRAY_20130903_EXP3_7700.dng

بەردەوام بە لە خوێندنەوە

وەرزشەکانی تر

(به‌وێنه‌) ئاڕنۆڵد “بکوژی دێوه‌ ئاسمانیه‌کان” ده‌ره‌قه‌تی پیری نه‌هات و پاش ٧١ ساڵ به‌م شێوه‌یه‌ جه‌سته‌ی پوکاوه‌ته‌وه‌ !

خه‌ڵک سپۆرت

ئاڕنۆڵد شوارزنیگه‌ر، ئه‌فسانه‌ی بواری له‌ش جوانی و حه‌وت جار به‌ده‌ست هێنه‌ری خه‌ڵاتی “مسته‌ر ئۆڵۆمپیا”، ئێستا ته‌مه‌نی هه‌ڵکشاوه‌ و گه‌یشتۆته‌ (٧١ ساڵ).

ئاڕنۆڵدی ئه‌فسانه‌ وه‌رزشکارێکی به‌توانا و ناوازه‌ بوو، جیهانی به‌ یاریی له‌ش جوانی (به‌دی بوڵدین) ئاشنا کرد و جگه‌ له‌ نازناوه‌ وه‌رزشیه‌کانی له‌ سه‌دان فیلمی بیانی “هۆلیود”دا به‌شداری کرد، له‌ ته‌مه‌نی لاوێتیدا پاڵه‌وانی گه‌نجان و نه‌وه‌کانی ڕابردوو بوو، له‌ئێستاشدا نه‌وه‌ی نوێ شانازی به‌ ده‌ستکه‌وته‌کانیه‌وه‌ ده‌که‌ن و وه‌ک مامۆستا و ئیلهامبه‌خشێک لێی ده‌ڕوانن.

ناودارترین نازناوه‌کان

حه‌وت جار خه‌ڵاتی “مسته‌ر ئۆڵۆمپیا”

چوار جار خه‌ڵاتی “مسته‌ر یونیڤێرس”

١٩٦٩ پاڵه‌وانی “ئه‌ماته‌ر بۆدی بوڵدین”

١٩٧٧ خه‌ڵاتی “گۆڵدن گلۆپ”

ئه‌ستێره‌ی شه‌قامی ناودارانی هۆلیود

٢٠١٢ پاڵه‌وانی جیهانی هۆڵی ناودارانی بواری به‌دی بوڵدینگ

٢٠١٥ پاڵه‌وانی جیهانی زۆرانبازی سه‌ربه‌ستی ئه‌مریکا

ته‌مه‌نێک بۆ سیاسه‌ت

ئاڕنۆڵدی ناسراو به‌ “بکوژی دێوه‌ ئاسمانیه‌کان – پریده‌یته‌ر” له‌ژیانیدا وه‌ک که‌سێکی وه‌رزشی و هونه‌ری ده‌رکه‌وتووه‌، به‌ڵام له‌ژیانی ئاسایی خۆیدا که‌سێکی سیاسی بووه‌ و ئه‌ندامێکی کارای حیزبی کۆماریه‌کان بووه‌.

له‌ساڵی ٢٠٠٣ بۆ ٢٠١١ وه‌ک حاکمی ویلایه‌تی کالیفۆرنیا ده‌ستنیشان کرا و له‌نێو خه‌ڵکه‌که‌یدا که‌سێکی خۆشه‌ویست بوو، ته‌نانه‌ت دیموکراتیه‌کانیش پشتیوانیان ده‌کرد، به‌ڵام دواتر به‌هۆی کۆتایی هاتنی واده‌ی کاره‌کانیه‌وه‌ وازیهێنا و له‌و بواره‌ش دوورکه‌وته‌وه‌.

پڕۆفایل

ناو: ئاڕنۆڵد ئه‌لۆیس شوارزنیگه‌ر

ته‌مه‌ن:٣٠/٧/١٩٤٧ (٧١ ساڵ)

ئاین: کریستیان

خێزان: خێزاندار و خاوه‌نی پێنج منداڵه‌

ڕه‌گه‌ز: نه‌مساو – ئه‌مریکا

به‌رزی باڵا: ١.٨٨م

کێش: ١٠٧ بۆ ١١٨ کگم

به‌رواری وازهێنان له‌ وه‌رزش: ١٩٨٠

وێنه‌کانی ئاڕنۆڵد له‌سه‌رده‌می زێڕین و لاوێتیه‌وه‌ بۆ پیربون و بوکانه‌وه‌:

 

بەردەوام بە لە خوێندنەوە

وەرزشەکانی تر

لویس هامیڵتۆن بە ڕیکۆردێکی مێژووییەوە کۆتایی بەم وەرزەی “فۆرمولا ١” هێنا

خەڵک سپۆرت

لویس هامیڵتۆنی بەریتانی شۆفێری تیمی مێرسیدس کۆتایی بە ململانێکانی ئەم وەرزەی “فۆرمولا ١” هێنا و نازناوەکەشی مسۆگەر کرد.

ئەمڕۆ پێشبڕکێی کۆتایی ئەبوزەبی لە حەلەبەی “یاس ئارینا” ئەنجامدرا و لویس هامیڵتۆن توانی پلەی یەکەم بەدەست بهێنێت، پلەی دووەمیش بۆ سباستیان ڤیتێلی ئەڵمانی شۆفێری تیمی فێراری و پلەی سێیەم بۆ ماکس ڤێرستابنی شۆفێری تیمی ڕێدبول بوون.

سەرکەوتنی شۆفێرە ناودارەکەی بەریتانیا تەنها سەرکەوتنێک نەبوو، بەڵکو لە ڕیزبەندی شۆفێراندا توانی (٤٠٨) خاڵ کۆبکاتەوە لەکاتێکدا بەدرێژایی مێژووی “فۆرمولا ١” هیچ شۆفێرێک نەیتوانیوە سنوری (٤٠٠ خاڵ) تێپەڕ بکات، بەدەستهێنانی نازناوەکەش پێشتر ئاشکرابوو بەوپێیەی پێشتر شۆفێرە ئەسمەرەکە پێشبڕکێی مەکسیک و بەرازیلی یەکلایی کردەوە.

نازناوی ئەم وەرزە (٢٠١٨) بۆ هامیڵتۆن دەکاتە پێنجەمین نازناوی جیهانی لە پێشبڕکێکانی “فۆرمولا ١”دا کە بەدەستی دەهێنێت.

ڕیزبەندی کۆتایی شۆفێران لەپاڵەوانێتی جیهان بەم شێوەیە بوو:

  • لویس هامیڵتۆن ٤٠٨ خاڵ
  • سباستیان ڤیتێڵ ٣٢٠ خاڵ
  • کیمی ڕایکۆنین ٢٥١ خاڵ
  • ماکس ڤێرستابن ٢٤٩ خاڵ
  • ڤاڵتێری بوتاس ٢٤٧ خاڵ

ڕیزبەندی کۆتایی تیمەکان لە پاڵەوانێتی جیهان بەم شێوەیە بوو:

  • تیمی مێرسیدس ٦٥٥ خاڵ
  • تیمی فێراری ٥٧١ خاڵ
  • تیمی ڕێدبول ٤١٩ خاڵ
  • تیمی ڕینۆ ١٢٢ خاڵ
  • تیمی هاس ٩٣ خاڵ
بەردەوام بە لە خوێندنەوە
کام لەم وەزارەتانەی کابینەی ٨ لە ئاست خزمەتکردن بە هاولاتیان جێدەستی دیار بووە؟
  • وه‌زارەتی كشتوكاڵ و سەرچاوەکانی ئاو 86%, 31 دەنگ دان
    31 دەنگ دان 86%
    31 دەنگ دان - 86% هەموو دەنگەکان
  • وه‌زارەتی دارایی و ئابووری 8%, 3
    3 8%
    3 - 8% هەموو دەنگەکان
  • وه‌زارەتی بازرگانی و پیشه‌سازی 6%, 2
    2 6%
    2 - 6% هەموو دەنگەکان

کوردستان

دوایین