ئێمە لە تۆرە کۆمەڵایەتیەکان

ئابوری

وەزارەتی دارایی هەرێم: دەستپێكردنەوەی سەرمووچەی فەرمانبەران پێویستی بە ڕەزامەندی ئەنجومەنی وەزیرانە

خەڵك – بەشی هەواڵ

وتەبێژی وەزارەتی دارایی و ئابوری حكومەتی هەرێمی كوردستان ئامادەیی وەزارەتەكە دەردەبڕێت بۆ ئاشكراكردنی زانیاری و هەماهەنگی لەگەڵ پەرلەمانی كوردستان و دامەزراوەكانی چاودێری دارایی لە هەرێم.

ئەحمەد عەبدولڕەحمان وتەبێژی وەزارەتی دارایی و ئابووری حكومەتی هەرێمی كوردستان لە لێدوانێگی ڕۆژنامەوانیدا ڕایگەیاند، وەكو وەزارەتی دارایی ئامادەی هەموو هاوكارییەكین لەگەڵ پەرلەمانی كوردستان و دامەزراوەكانی چاودێری لە هەرێمی كوردستاندا، ئەوەی پەیوەستە بە ئامادەبوونی وەزارەتی دارایی لە كۆبوونەوەی لیژنەی دارایی و ئابوری پەرلەمانی كوردستان بانگهێشتنامەكە نەگەیشتبووە وەزارەتی دارایی.

وتەبێژی وەزارەتی دارایی و ئابووری حكومەتی هەرێمی كوردستان وتیشی: “ئێمە هەرچەندە لەسەرەتای كابینەكەداین و خەریكی ئامادەكردنی پلانی بودجە و چاكسازیكردن و ئیدارەدانێكی باشتری دۆخی دارایین لە هەرێمی كوردستان، بەڵام لەگەڵ ئەوەش ئامادەن هەموو هەماهەنگییەك بكەن لەگەڵ پەرلەمانی كوردستان و لیژنەی دارایی و ئابووری پەرلەمان”.

سەبارەت بە پرسی بەرزكردنەوەی پلەی فەرمانبەران و دەستپێكردنەوەی سەرمووچە كە پێشتر لەسەر داواكاری كابینەی پێشووی ئەنجومەنی وەزیران ڕاگیرابوو بەهۆی قەیرانی داراییەوە و لەئێستادا دەوترێت لەهەوڵی دەستپێكردنەوەدان، وتەبێژی وەزارەتی دارایی و ئابووری حكومەتی هەرێمی كوردستان ڕایگەیاند:”ئەو پرسە پەیوەندی بە ئەنجومەنی وەزیرانەوە هەیەو لەلایەن ئەنجومەنی وەزیرانەوە وەڵامی دەدرێتەوە”.

ئابوری

جێگری سەرۆكی ئێران: قۆناغە سەختەكەی ئابووریمان تێپەڕاند

خەڵك – بەشی هەواڵ

جێگری سەرۆكی كۆماری ئیسلامی ئێران ڕایدەگەیەنێت، وڵاتەكەی قۆناغە سەختەكەی ئابووری تێپەڕاندووە.

ئیسحاق جیهانگیری جێگری سەرۆكی كۆماری ئیسلامی ئێران ڕایگەیاند:”سەرەڕای پیلانی دوژمنان، ئێران توانی قۆناغە سەختەكەی ئابووری تێپەڕێنێت و بەشێكی زۆری بەربەستەكانی بەردەم پەرەپێدانی وڵاتەكەی تێك بشكێنێت”.

جێگری سەرۆكی ئێران وتیشی:”ئەمریكاییەكان لەو باوەڕەدابوون دەتوانن لە ڕێگەی گەمارۆی ئابوورییەوە گەلانی ئێران بوروژێنن و ئاڵۆزی دروست بكەن، بەڵام گەلانی ئێران بە هەماهەنگی لەگەڵ هەوڵی لێپرسراوانی وڵات ڕێگەیان نەدا بگەنە مەرامەكانی خۆیان”.

ئیسحاق جیهانگیری ئەوەشیخستەڕوو:”سیاسەتی دروستكردنی ئاژاوە لە لایەن ئەمریكاییەكانەوە تەمەنی كورت دەبێت و دووپاتیشیكردەوە، گەلانی ئێران لەبەردەم داهاتوویەكی ڕووناك و ڕۆژانێكی پڕ لە بەختەوەریدان”.

بەردەوام بە لە خوێندنەوە

ئابوری

ترەمپ: چین لەڕووی ئابوورییەوە فێڵی لێكردووین

خەڵك – بەشی هەواڵ

سەرۆكی ئەمریكا ڕایدەگەیەنێت، چەندین ساڵە چین لە ڕووی ئابوورییەوە فێڵی لە ئەمریكا كردووە.

دۆناڵد ترەمپ سەرۆكی ئەمریكا لە یانەی ئابووری نیویۆرك لە لێدوانێكیدا بۆ ڕۆژنامەوانان ئاماژەی بەوەدا، چەندین ساڵە چین لەڕووی ئابوورییەوە فێڵی لە ئەمریكا كردووە.

ترەمپ وتیشی، سەرەڕای هەموو ئەو كێشانەی لە نێوانیاندایە، بەڵام ئەمریكا و چین زۆر نزیكن لە ئەنجامدانی ڕێككەوتنی بازرگانی.

سەرۆكی ئەمریكا دووپاتیشیكردەوە، ئیدارەی واشنتۆن هیچ جۆرە ڕێككەوتنێك واژۆ ناكات ئەگەر بە ڕێژەی 100% لە بەرژەوەندی ئەمریكا نەبێت.

بەردەوام بە لە خوێندنەوە

ئابوری

یاسای خانەنشینی دەستكاری دەكرێتەوە

خەڵك- بەشی هەواڵ

دوای هەمواركردنەوەی یاسای خانەنشینی عیراق، بڕیارە لە هەرێمی كوردستانیش یاساكە دەستكاری بكرێتەوە و گۆڕانكاری تێدا بكرێت.

لوقمان وەردی، ئەندامی فراكسیۆنی یەكێتی لە پەرلەمانی كوردستان بە (خەڵك)ی ڕاگەیاند، بڕیارە لە چوارچێوەی پڕۆژەیاسای چاكسازییدا دەستكاری خانەنشینی بكرێتەوە.

دەشڵێت”ئەوەی بەلای ئێمەوە گرنگبووە دەستكاریكردنی خانەنشینی هێزەكانی ناوخۆ و ئاسایشە، چونكە مووچەكانیان زۆر كەمە و ستەمیان لێدەكرێت”.

دەستكاریكردنی مووچەی خانەنشینی لەكاتێكدایە لە عیراقدا دەستكاری یاساكە دەكرێت و تەمەنی خانەنشینی لە 63 ساڵەوە كەمدەكرێتەوە بۆ 60 ساڵ، بۆ ئەوەی ژمارەیەكی زۆر لە فەرمانبەران خانەنشین ببن و بتوانرێت كەسانی گەنج وەك فەرمانبەران دابمەزرێن.

مووچەی خانەنشینی هێزەكانی ناوخۆ و ئاسایش شەش ساڵ پێش ئێستا خوێندنەوەی یەكەمی بۆ كرا، بەڵام بەهۆی ڕازینەبوونی حكومەتەوە دواخرا.

بەپێی پڕۆژەیاساكە هەر كارمەندێكی پۆلیس و ئاسایش دوای 15 ساڵ خزمەت دەتوانێت داوای خانەنشینی بكات و ئەگەر خزمەتەكەشی گەیشتە 25 ساڵ دەتوانێت بە 80%ی تەواوی مووچەوە خانەنشین ببێت.

بەردەوام بە لە خوێندنەوە

کوردستان