ئێمە لە تۆرە کۆمەڵایەتیەکان

کوردستان

قوباد تاڵەبانی: حوكمڕانی باش ڕێگر دەبێت لە پەلكێشانی تیرۆر

خەڵك – بەشی هەواڵ

قوباد تاڵەبانی لە دیداری زانكۆی ئەمریكی لە بەیروتی پایتەختی لوبنان ڕایگەیاند، حوكمڕانی باش و ڕەشید ڕێگر دەبێت لەپەلكێشان و تەشەنەكردنی تیرۆر.

لەو دیدارەدا قوباد تاڵەبانی ئێوارەی ئەمڕۆ چوار شەممە 11/9/2019، دۆخی ئێستای ناوچەكەی بۆ بەشدارانی دیداری زانكۆی ئەمریكی لە بەیروتی پایتەختی لوبنان ڕوونكردەوە و باسی لەوەكرد بەشی زۆری یاخیبوون و توندڕەوی عیراق و ناوچەكە سەرچاوەكەی هەست بە پەراوێزخستن و نەبوونی خزمەتگوزارییە بنەڕەتییەكانی ژیانە و بەحومكڕانی تەندروست و ڕەشید دەكرێت پێشی پێ بگیڕێت.

ھەروەھا تاڵەبانی ئەوەی ڕوونكردەوە، كە ئەوان پشتیوانی هەوڵەكانی سەرۆك وەزیرانی عیراق عادل عەبدولمەهدی دەكەن بۆ چارەسەركردنی كێشە هەڵپەسێردراوەكانی عیراق و ڕاستكردنەوەی پەیوەندییەكانی هەولێر و بەغدا لەسەر بنەمای دەستوری هەمیشەیی بەركار لە عیراق.

پێشتر سەمیر هەورامی وتەبێژی جێگری سەرۆك وەزیران ڕایگەیاند: بەمەبەستی بەشداریكردن لە دیداری زانكۆی ئەمریكی لە بەیروت، ئەمڕۆ 11/9/2019، قوباد تاڵەبانی سەردانی لوبنانی كردووە، جگە لەوەش سەردانەكە هەندێك دیداری سیاسی و چالاكیتر لەخۆدەگرێت.

کوردستان

دهۆك.. ئاگر لە بازاڕی ئۆرزدی كەوتەوە

خەڵك – بەشی هەواڵ

وتەبێژی بەرگری شارستانی دهۆك ڕایدەگەیەنێت، ئاگرێكی گەورە لە بازاڕی قوماشی دهۆك لەنزیك سینەما نەورۆز كەوتووەتەوە.

بێوار عەبدولعەزیز وتەبێژی بەرگری شارستانی دھۆك ڕایگەیاند، ئاگرەكە لە بازاڕی قوماش كە بە ئۆرزدی دهۆك ناسراوە كەوتووەتەوە و بەهۆیەوە چەند دوكانێك سووتاون.

بێوار عەبدولعەزیز ئاماژەی بەوەشدا، تیمەكانی چوار بنكەی ئاگركوژێنەوە سەرقاڵی كۆنتڕۆڵكردنی ئاگرەكەن، بەڵام هێشتا كۆنتڕۆڵنەكراوە.

ك.ج

بەردەوام بە لە خوێندنەوە

عێراق

داڤۆس.. ترەمپ بەجیا لەگەڵ بەرهەم ساڵح و نێچیرڤان بارزانی كۆدەبێتەوە

خەڵك – بەشی هەواڵ

كۆشكی سپی بەرنامەی كۆبوونەوەكانی سەرۆكی ویلایەتە یەكگرتووەكانی ئەمریكای لە داڤۆس بڵاوكردەوە و بەپێی بەرنامەكە لەگەڵ ژمارەیەك سەرۆك كۆدەبێتەوە لەوانە: سەرۆك كۆماری عیراق و سەرۆكی هەرێمی كوردستان.

ئاژانسی ڕۆیتەرز بڵاویكردەوە، كۆشكی سپی بەرنامەی سەردانەكەی دۆناڵد ترەمپ سەرۆكی ویلایەتە یەكگرتووەكانی ئەمریكای بڵاوكردووەتەوە كە بەجیا لەگەڵ بەرهەم ساڵح سەرۆك كۆماری عیراق، نێچیرڤان بارزانی سەرۆكی هەرێمی كوردستان، سیمۆنێتا سۆماروگا سەرۆكی سویسرا و عیمران خان سەرۆك وەزیرانی پاكستان كۆدەبێتەوە.

پێشتر سەرۆكایەتیی هەرێمی كوردستان ڕاگەیەنراوێكی بڵاوكردەوە و ڕایگەیاند، نێچیرڤان بارزانی سەرۆكی هەرێمی كوردستان بە بانگهێشتێكی فەڕمی بەشداری لە كۆڕبەندی ئابووریی جیهانیی (داڤۆس) دەكات و لەگەڵ دۆناڵد ترەمپ سەرۆكی ئەمریكا و ئەنتۆنیۆ گۆتێرێز، سكرتێری گشتیی نەتەوە یەكگرتووەكان كۆدەبێتەوە.

هاوكات بەپێی بەرنامەی كۆڕبەندەكە، بەرهەم ساڵح سەرۆك كۆماری عیراق ڕۆژی چوارشەممە 22/1/2020 لە كاتژمێر 18:00 وتاری دەبێت و دواتر لەلایەن فەرید زەكەریا، پێشكەشكاری (سی ئێن ئێن) چاوپێكەوتنی تەلەفزیۆنی لەگەڵ سازدەكرێت.

سبەینێ‌ سێشەممە 21/1/2020، كۆڕبەندی ساڵانەی ئابووریی (داڤۆس) لە شارۆچكەی داڤۆس لە ڕۆژهەڵاتی سویسرا دەستپێبكات، لە كۆڕبەندەكە دەیان سەركردە، گەورە بازرگان و چالاكوان بەشداریدەكەن، لەنێویاندا دۆناڵد ترەمپ، سەرۆكی ئەمریكا.

ك.ج

بەردەوام بە لە خوێندنەوە

کوردستان

“كۆریای باشوور بە بڕی 300 هەزار دۆلار هاوكاری ئاوارەكانی هەرێم دەكات”

خەڵك – بەشی هەواڵ

وەزیری ناوخۆی حكومەتی هەرێم ئاشكرایدەكات:”كۆریای باشوور بەبڕی 300 هەزار دۆلار هاوكاریی پێشكەشی ئاوارەكانی هەرێم دەكات”.

ڕێبەر ئەحمەد وەزیری ناوخۆی حكومەتی هەرێمی كوردستان لە جریوەیەكدا لە تۆڕی كۆمەڵایەتی تویتەر بڵاویكردەوە:” لەگەڵ (چۆی كوانگ جین) كونسوڵی كۆریای باشوور لە هەرێمی كوردستان پڕۆتۆكۆلێكی تایبەت بەو هاوكارییەیان واژۆ كرد”.

وەزیری ناوخۆی هەرێم ئەوەشی خستووەتەڕوو:” كۆریای باشوور لە ڕێگەی نوێنەرایەتییەكەیانەوە لە هەولێر، بە بڕی 300 هەزار دۆلار هاوكاری مرۆیی پێشكەش بە ئاوارە و پەنابەران دەكات و بەشێك لەو هاوكارییە مرۆییانەی سیئۆل، كەلوپەلی زستانە دەبن”.

ك.ج

بەردەوام بە لە خوێندنەوە

کوردستان