ئێمە لە تۆرە کۆمەڵایەتیەکان

عێراق

“سەربەخۆیی كوردستان باشترە”
پەڕلەمانتارێكی عیراقی: حكومەتی هەرێم چاوشاركێ‌ لەگەڵ عیراق دەكات

خەڵك- بەشی هەواڵ
ئەندامێكی لیژنەی دارایی لە پەڕلەمانی عیراق ڕایدەگەیەنێت، بودجەی گشتی ساڵی 2020 یەكلایی كەرەوە دەبیِت لەگەڵ هەرێمی كوردستان، هەنگاونانی هەرێمی بەلاوە باشترە، لەو زیانانەی، كە بە وتەی ئەو “لەلایەن هەرێمەوە بە پارێزگا بەرهەمهێنەرەكانی نەوت دەگەیەنرێن”.

عەبولهادی سەعداوی، ئەندامی لیژنەی دارایی پەڕلەمانی عیراق، لە لێدوانێكی ڕۆژنامەوانیدا ڕایگەیاندووە، “حكومەتی ئێستای هەرێمی كوردستان جیاوازی نییە لەگەڵ حكومەتی پێشوو، هەمان چاوشاركێ‌ لەگەڵ حكومەتی فیدڕاڵدا دەكات و هەوڵدەدات بە هەمان شێوەی بودجەی 2019 و بەشێوازێكی نەشیاو، بودجەی ساڵی داهاتوو تێبپەڕێنێت”.

بە وتەی سەعداوی، “بودجەی ساڵی 2020 بەشێوەیەكی ڕیشەیی جیاواز دەبێت لەگەڵ بودجەی 2019، سنوری جیاكەرەوەش دەبێت لەگەڵ هەرێم، بۆیە هیچ بڕە پارەیەك نادرێت بە هەرێم ئەگەر پابەندی ڕادەستكردنی نەوت نەبێت بە حكومەتی فیدڕاڵ، ئەمەش خواستی ئەندامانی پەڕلەمانە”.

ئەو ئەندامەی لیژنەی دارایی پەڕلەمانی عیراق دەڵێت: “ناوچەكانی باشوور قوربانی دەدەن و بەردەوامیش دۆڕاون، هیوادارین هەموو پارێزگاكان یەكسان بن لە ماف و ئەركدا”، هەنگاونانی هەرێمی كوردستانیشی بەرەو سەربەخۆیی بە باشتر زانی لەو زیانانەی، كە بە وتەی ئەو، بە پارێزگا بەرهەمهێنەكانی نەوت دەگەیەنرێن.

سەعداوی پێیوایە، “فوئاد حسێن، وەزیری دارایی ئێستا، نوێنەرایەتی حكومەتی هەرێم دەكات نەك حكومەتی فیدڕاڵ و یاری بە ماددەی (ج)ی بودجەی 2019 كردووە”.

عێراق

فڕۆكەخانەی كەركوك زۆربەی كارەكانی تەواو بووە

خەڵك- بەشی هەواڵ

كۆمپانیای جێبەجێكاری دروستكردنی فڕۆكەخانەی نێودەوڵەتی كەركوك ڕایگەیاند، زۆربەی كارەكانی تەواوكردنی فڕۆكەخانەی كەركوك تەواوبوون و لە ئایندەیەكی نزیكدا دەكرێتەوە.

كۆمپانیای “قمم ازمر” لە ڕاگەیەندراوێكدا ئاماژەی بەوەكردووە، دروستكردنی فڕۆكەخانەكە بە سەرپەرشتی وەزارەتی گواستنەوە و ئاگاداری پارێزگاری كەركوك كاروبارەكانی بەڕێوەدەچێت و كردنەوەشی ڕۆڵی بەرچاوی دەبێت بۆ پێشخستنی پارێزگاكە.

هەر لە ڕاگەیەندراوەكەدا هاتووە، فڕۆكەخانەكە ئاسانكاری دەكات بۆ هاتووچۆی گەشتیاری و بازرگانی و چەندین هەلی دامەزراندنیش بۆ دەرچووانی بەشە جیاوازەكانی پارێزگاكە دەستبەكاردەكات و چەندین پارێزگای دیكەش دەتوانن سوودمەندبن لێی و هاووڵاتیانیان هاتووچۆی لێوەبكەن.

بەردەوام بە لە خوێندنەوە

ئابوری

“ناتوانرێت سفرەكانی سەر دراوی عیراقی لاببرێت”

خەڵك – بەشی هەواڵ

ئەندامێكی لیژنەی دارایی لە ئەنجومەنی نوێنەرانی عیراق ڕایدەگەیەنێت، حكومەتی عیراق ناتوانێت بودجەی پێویست بۆ لابردنی سفرەكانی سەر دراو تەرخان بكات.

شیروان میرزا ئەندامی لیژنەی دارایی لە ئەنجومەنی نوێنەرانى عيراق ڕایگەیاند، گفتوگۆ لەسەر لابردنی سفرەكانی سەر دراوی عیراق كراوە، بەڵام لە ئێستادا هەنگاوێكی پراكتیكی نییە، چونكە لابردنی سفرەكان بودجەیەكی زۆی پێویستە و حكومەتی عیراق ناتوانێت ئەو بودجەیە دابین بكات و سفرەكانی سەر دراو لاببات.

سەبارەت بە تێچووی لابردنی سفرەكانی سەر دراو و گرنگی ئەو پرسەش، شیروان میرزا ئاماژەی بۆ ئەوەكردووە، تێچووی چاپكردنی هەر پارەیەكی نەقدی عیراقی بڕی 4 بۆ 6 سەنتی تێدەچێت، لابردنی سفرەكانیش بەهێزیی پارەكە پیشان دەدات.

بەردەوام بە لە خوێندنەوە

عێراق

“هەرێم و ناوەند دان بە زانكۆكانی یەكتردا دەنێن”

خەڵك – بەشی هەواڵ

بە مەبەستی چارەكردنی كێشەی دانپێدانانی زانكۆكان لە نێوان هەرێم و بەغدا، بڕیارە لیژنەیەكی حكومەتی ناوەند سەردانی هەرێمی كوردستان بكات.

محەمەد شاكر پەرلەمانتاری پارتی و ئەندامی لیژنەی خوێندنی باڵا لە ئەنجومەنی نوێنەرانی عیراق، بە ماڵپەڕی فەڕمیی حزبەكەی ڕاگەیاندووە: “دوای چەندین هەوڵی لیژنەی پەروەردە و خوێندنی باڵا لە ئەنجومەنی نوێنەران، توانیویانە كێشەی دانپێدانانی زانكۆكان لە نێوان هەرێم و بەغدا چارەسەر بكەن، حكومەتی عیراق بڕیاریداوە دان بە 9 زانكۆی هەرێمی كوردستاندا بنێت، هەر لەو چوارچێوەیەشدا سێ لیژنە پێكهاتوون و بڕیارە سەردانی هەرێمی كوردستان بكەن بۆ ئەوەی لە نزیكەوە ئاگاداری كوالێتی خوێندن و ئاستی زانستیی ئەو زانكۆیانەی حكومەتی هەرێمی كوردستان بن، هەر كاتێك مەرجی یاسایی لەو زانكۆیانەدا هەبێت، وەزارەتی خوێندنی باڵای عیراق دانیان پێدا دەنێت”.

ئەو ئەندامەی لیژنەی خوێندنی باڵا لە ئەنحومەنی نوێنەرانی عیراق ئەوەشیخستووەتەڕوو: “لە بەرامبەر دانپێدانیان، حكومەتی هەرێمی كوردستانیش بڕیاریداوە دان بە چوار زانكۆی ئەهلی لە كەركوك و موسڵ بنێت، چونكە بە هۆی كەمیی دەوام و نەبوونی مەرجی پێویستەوە حكومەتی هەرێمی كوردستان دانی بەو چوار زانكۆیەدا نەدەنا، بەڵام كێشەكە چارەسەركراوە”.

محەمەد شاكر ڕوونیشی كردووەتەوە، “چارەسەركردنی كێشەی دانپێدانانی زانكۆكان سوودی بۆ هەردوولا دەبێت، چونكە لەلایەك دان بە زانكۆكانی هەرێمی كوردستاندا دەنرێت و لەلایەكی تریشەوە چارەسەركردنی كێشەی ئەو چوار زانكۆیەی لە كەركوك و موسڵ هەن، لە بەرژەوەندیی قوتابیانی هەرێمی كوردستاندایە، لەبەر ئەوەی زۆرێك لە دەرچووان و قوتابییەكانی ئەو چوار زانكۆیە، خەڵكی هەرێمی كوردستانن”.

بەردەوام بە لە خوێندنەوە

کوردستان