ئێمە لە تۆرە کۆمەڵایەتیەکان

عێراق

عەبادی باسی ڕووداوەكانی كاتی ڕیفراندۆمی هەرێم دەكات

خەڵك- بەشی هەواڵ
سەرۆكی هاوپەیمانی نەسر و سەرۆك وەزیرانی پێشووی عیراق، ڕەتیدەكاتەوە خواستی لە كێشانەوەی متمانە بێت لە حكومەتی ئێستا بە سەرۆكایەتی عادل عەبدولمەهدی و باس لە ڕیفراندۆمەكەی ساڵی 2017ی هەرێمی كوردستانیش دەكات.

حەیدەر عەبادی، سەرۆكی هاوپەیمانی نەسر و سەرۆك وەزیرانی پێشووی عیراق، لە دیمانەیەكی لەگەڵ ڕۆژنامەی (ڕیاز)ی سعودی ڕایگەیاندووە، “پڕۆسەی سیاسی عیراق كێشەی تێدایە، بەڵام پلەی دیموكراتی و ئازادی تێیدا زۆر فراوانە، حكومەتی ئێستای عیراقی لە ڕەوشێكی زۆر باشتردا وەرگرت بەراورد بە 4 ساڵ لەمەوبەر، چونكە لەدۆسێی ئەمنیدا دەستكەوتێكی گەورە هێنرایەدی، سەقامگیریش بەراورد بە پێشوو زۆر باشترە”.

بە وتەی عەبادی، “عیراقمان گەیاندە ئاستێك، كە كراوە بێت بەڕووی وڵاتانی دراوسێ‌ و پێگەی جیهانی، هەموو لایەنەكانی سەركەوتن بۆ حكومەتی ئێستا فەراهەم بووە، بەڵام بەداخەوە تائێستاش وێڕای تێپەڕینی چەندان مانگ بەسەر حكومەتدا، دەستكەوتێكی وەها نەهێنراوەتەدی، ئاشكراشە مانگەكانی یەكەم لە تەمەنی حكومەتدا زۆر گرنگە”، ڕەتیشیكردەوە خواستی لە كێشانەوەی متمانە لە حكومەتەكەی عەبدولمەهدی هەبێت.

سەرۆكی هاوپەیمانی نەسر دەڵێت: “عیراق ڕۆڵێكی چاودێری باشی پەڕلەمانی هەیە و بە هەمان شێوە ڕۆڵی سیاسی و هاووڵاتیان و ڕای گشتیش ڕۆڵی گرنگ دەبینن، وێڕای بوونی پەیوەندییەكان لەگەڵ پیاوانی دەوڵەت و پیاوانی حكومەت، لەم چوارچێوەیەدا دەكرێت كاریگەر بیت، ئەگەر حكومەت بتوانێت ئەم قۆناغەی ئێستا تیبپەڕێنێت بۆ ئەدایەكی باشتر، دڵخۆشمان دەكات، بەڵام ئەگەر شكستخواردوو بێت، ئەوا ناچار دەبین بەشوێن چارەسەری تردا بگەڕێین”.

سەبارەت بە ڕیفراندۆمەكەی 25ی ئەیلولی 2017ی هەرێمی كوردستانیش، عەبادی بە ڕۆژنامە سعودیەكەی ڕاگەیاندووە، “هەڵەیەكی ستراتیژی بوو، سووربوین لەسەر كۆتایی هێنان بە تەنگژەكە بەبێ‌ ئەوەی یەك تنۆك خوێنی تێدا بڕژێت، لەو دەمەدا ئاگادارمكردنەوە لەوەی كە ئەوان كارێكی هەڵە دەكەن”.

ئابوری

ئێران 50%ی قەرزی كارەبا لە عیراق وەردەگرێتەوە

خەڵك – بەشی هەواڵ

یاریدەدەری وەزیری وزەی ئێران ڕایدەگەیەنێت: ڕێژەی 50%ی ئەو قەرزانەیان وەرگرتووەتەوە كە لە بری كارەبا بۆ عیراقیان هەناردەكردووە.

هەمایۆن حائری یاریدەدەری وەزیری وزەی ئێران لە لێدوانێكی ڕۆژنامەوانیدا ڕایگەیاند، پڕۆسەی هەناردەكردنی كارەبا بۆ عیراق بەردەوامە و لە دواین سەردانی وەزیری وەزەی ئێرانیش بۆ عیراق گرێبەستی هەناردەكردنی كارەبا بۆ ئەو وڵاتە بۆ 2 ساڵی تر درێژ كراوەتەوە.

یاریدەدەری وەزیری وزەی ئێران ئاماژەی بەوەشكرد، 50% شایستە دارایییەكانی هەناردەكردنی كارەبایان لە عیراق وەرگرتووەتەوە ‌و بڕیارە بە میكانیزمێكی نوێ‌ لە ڕێگەی مامەڵەی بانكییەوە، ئەو بەشەی تری ماوە وەریبگرنەوە.

یاریدەدەری وەزیری وزەی ئێران ئەوەشی خستەڕوو، هەناردەكردنی بڕی كارەبا بۆ وڵاتانی دراوسێ‌ بەردەوام گۆڕانكاری بەسەردا دێت ‌و بەپێی وەرزەكانی هاوین‌ و زستان جیاوازی هەیە.

پێشتریش حكومەتی ئێران ڕایگەیاندبوو، عیراق لە پێشەنگی وڵاتانەدایە كارەبا لە ئێرانەوە هاوردە دەكەن‌ و لە كاتژمێرێكدا 6 ملیار و 652 ملیۆن كیلۆ وات كارەبای ئێرانی بۆ هەناردەكراوە.

بەردەوام بە لە خوێندنەوە

عێراق

كازمی:‌ بەردەوام دەبین لەكاركردن بۆ ڕێگریكردن لە گەندەڵكاران لە دەروازە سنوورییەكاندا

خەڵك – بەشی هەواڵ

سەرۆك وەزیرانی‌ عیراق ڕایدەگەیەنێت: حكومەت بەردەوام دەبێت لەكاركردن بۆ ڕێگریكردن لە گەندەڵكاران لە دەروازە سنوورییەكاندا و دانانی‌ پلانی‌ پێویست بۆ پەرەپێدانیان.

نووسینگەی‌ ڕاگەیاندنی‌ مستەفا كازمی‌ سەرۆك وەزیران و فەرماندەی‌ گشتی‌ هێزە چەكدارەكانی‌ عیراق لە ڕاگەیەنراوێكدا ئاماژەی‌ بەوەدا، ئەمڕۆ ناوبراو سەرۆكایەتی‌ كۆبوونەوەی‌ ئەنجومەنی‌ وەزاری‌ ئاسایشی‌ نیشتمانی‌ كرد و تیایدا تاووتوێی‌ چەند پرسێك كران.

لە ڕاگەیەندراوەكەدا هاتووە، لە كۆبوونەوەكەدا كازمی‌ ئەنجامی‌ سەردانەكەی‌ بۆ دەروازەی‌ سنووریی‌ مەندەلی‌ و ئەو ڕێوشوێنانەی‌ بۆ پەرەپێدانی‌ ئەو دەروازەیە و ڕێگرتن لە گەندەڵی‌ تیایاندا گیراونەتەبەر، خستەڕوو.

لە كۆبوونەوەكەدا كازمی‌ ئەوەیخستووەتەڕوو: “حكومەت بەردەوام دەبێت لەكاركردن بۆ ڕێگریكردن لە گەندەڵكاران تا دەروازە سنوورییەكان بۆ بەرژەوەندی‌ خۆیان بەكارنەهێنن و پلانی‌ پێویست دادەنێت بۆ پەرەپێدانی‌ دەروازەكان”.

بەپێی ڕاگەیەندراوەكە، “لە كۆبوونەوەكەدا ئەنجومەنی‌ وەزاری‌ ئاسایشی‌ نیشتمانی‌ تاووتوێی‌ پێشێلكارییەكانی‌ توركیای‌ بۆسەر خاك و ئاسمانی‌ عیراق كرد و جەختی‌ لە بەردەوامبوونی‌ وتووێژی‌ دیپلۆماتی‌ لەگەڵ‌ توركیا كردەوە بۆ ڕاگرتنی‌ پێشێلكارییەكان كە دەستدرێژییە بۆسەر سەروەری‌ عیراق و بۆ پەیوەندییەكانی‌ نێوان هەردوو وڵات خراپە، سەرەڕای‌ زیانگەیاندن بە هاووڵاتیان و موڵك و ماڵیان”.

لە بەشێكی‌ تری‌ كۆبوونەوەكەدا ئەنجومەنەكە گفتوگۆی‌ لەبارەی‌ خۆپیشاندانەكان و پێویستی‌ مانەوەی‌ بە ئاشتییانە كرد بەجۆرێك پارێزگاری‌ لە ئازادی‌ دەربڕین و سەروەری‌ یاسا و هەیبەتی‌ دەوڵەت بكات.

هاوكات ئەنجومەنی‌ وەزاری‌ ئاسایشی‌ نیشتمانی‌ دۆسێی‌ تیرۆركردنی‌ كەسایەتییەكانی‌ تاووتوێ كرد و جەختی‌ كردەوە لەوەی‌ لایەنە پەیوەندیدارەكان ئەركەكانیان ئەنجام بدەن و پەلە بكەن لە ئاشكراكردنی‌ ئەنجامی‌ لێكۆڵینەوەكان و ئاشكراكردنی‌ ناسنامەی‌ تاوانكاران و بەسزا گەیاندنیان.

بەردەوام بە لە خوێندنەوە

عێراق

پەروەردەى عيراق بڕیاری دەرچوونی گشتی بۆ خوێندكارانی ئامادەیی دەركرد

خەڵك- بەشی هەواڵ
وەزارەتی پەروەردەی حكومەتی عیراق بڕیاریدا خوێندنی ئەمساڵ بە دەرچوونی گشتی ئارەزوومەندانە هەژمار بكات بۆ خوێندكارانی سەرجەم بەشەكانی ئامادەیی.

وەزارەتی پەروەردەی عیراق لە بەیاننامەیەكدا ئاماژەی بەوەكردووە، كە بڕیاریانداوە ئەمساڵی خوێندنی (2019- 2020 بە ساڵی دەرچوونی گشتی ئارەزوومەندانە بۆ ئەو خوێندكارانەی ئامادەیی هەژمار بكات، كە ئارەزوویان لە ئەنجامدانی تاقیكردنەوەی خوولی یەكەم و دووەم نییە.

ڕاشیگەیاندووە، ئەو ڕێكارە لەچوارچێوەی ڕاسپاردەی عەلی حەمید، وەزیری پەروەردەیە بۆ سەلامەتی خوێندكاران لەو دۆخە تەندروستییەی وڵاتی تێكەوتووە.

ئاماژەی بەوەشكردووە، لیژنەی هەمیشەیی تاقیكردنەوە گشتییەكان ڕێنماییان داوە بە بەڕێوەبەرایەتییە گشتییەكانی پەروەردە لە پارێزگاكان بە وەرگرتنی داواكاری ئەو خوێندكارانەی نایانەوێت تاقیكردنەوە لە تاقیكردنەوەكانی كۆتایی لە خوولی یەكەم و دووەم بكەن.

جەختیشی كردۆتەوە، كە دەبێت داواكاری خوێندكارەكە واژۆی بەخێوكەرەكەی پێوەبێت و دواین كات بۆ ناردنی داواكارییەكان 26ی تەمموزە.

بەردەوام بە لە خوێندنەوە

کوردستان