ئێمە لە تۆرە کۆمەڵایەتیەکان

جیهانی

پێنج خاڵی گرنگ، دووبارە “خامێس” دەگەڕێننەوە نێو پێکهاتەی سەرەکی ڕیاڵ مەدرید !

خەڵک سپۆرت

جەیمس ڕۆدریگێزی کۆڵۆمبی لەهاوینی ٢٠١٩ بەفەرمی لە یانەی بایرن میونشنەوە گەڕایەوە بۆ یانەی ڕیاڵ مەدرید، تەنها لە یەک گەڕی خولی ئیسپانیا بەشداری کردووە و میدیاکانی ئیسپانیا چاوەڕوانی زیاتری لێدەکەن.

ڕۆژنامەی “مارکا” ڕاپۆرتێکی بڵاوکردۆتەوە، تیایدا ئاماژە بە ئاستی ئەستێرەکەی کافیتیرۆس دەکات و نوسیویەتی: خامێس لەم هاوینەدا هەوڵی زۆریداوە تا دووبارە توانا جەستەیی و هونەریەکانی بگەڕێنێتەوە، بەڵام هێشتا ئەوەی کردویەتی پێگەیەکی سەرەکی بۆ مسۆگەر ناکات و نایکاتەوە بە ئەستێرەکەی جاران، بەڵکو زینەدین زێدانی ڕاهێنەری فەرەنسی داواکاری زۆر زیاتری هەیە و دەبێت لەماوەی ئەم وەرزەدا یاریزانەکە سەرجەمیان جێبەجێ بکات، دوابەدوای پێکانی ئامانجە سەرەکیەکان دەکرێت ڕاهێنەرە فەرەنسیەکە دووبارە لەپێکهاتەی سەرەکیدا تێهەڵکێشی بکاتەوە.

ئەو خاڵانەش کە پێویستە خامێس جێبەجێیان بکات، بریتین لە:

  • بەدەستهێنانی متمانە و بەردەوامبوون لەسەر ئاستێکی بەرز: یاریزانەکە دەبێت متمانەی بەتواناکانی خۆی هەبێت و لەهەمان کاتدا متمانەی زینەدین زێدان بەدەست بهێنێتەوە، لەوەش گرنگتر بەردەوامبوونە لەسەر ئاستێکی بەرز.
  • نزیکبوونەوە لە گۆڵ: پێویستە ئەستێرەکەی کافیتیرۆس لە نزیک گۆڵی ڕکابەرانەوە یاریی بکات، چونکە مەترسی یاریزانەکە لەو پێگانەدایە نەک لەناوەندی یاریگا کە زیاتر وەک سەنتەرێک دەردەکەوێت.
  • تۆماری گۆڵ: یەکێک لە خاڵە گرنگەکان بریتیە لە تۆمارکردنی گۆڵ، خامێس دەبێت ئەمکارە بکات بۆ ئەوەی متمانەی زیزۆ بەدەست بهێنێت و زیاتر لەبەردەم گۆڵدا وەک دروستکەرێکی گۆڵ لەپێکهاتەکەدا جێگەی بکرێتەوە.

  • هێزی جەستەیی و دوورکەوتنەوە لەپێکان: سەرەتا جەیمس پێویستە توانا جەستەییەکانی بگەڕێنێتەوە، پاشان خۆی لە پێکان بپارێزێت، بەو شێوەیە دەتوانێت بەردەوام بێت لە یاریکردن و هەوڵدان، لە ڕیزەکانی بایرن بەهۆی دابەزینی ئاستی جەستەیی و پێکانەوە نەیتوانی لەپێکهاتەی سەرەکیدا جێگەی خۆی بکاتەوە.
  • پاڵپشتی هاندەران: هەمیشە مەدریدیەکان پاڵپشتی خامێس بوون، پێویستە یاریزانەکە سود لەم خۆشەویستیە وەربگرێت و بەپێیەکانی لەنێو یاریگادا وەڵامیان بداتەوە، ئەگەر ئەوە ڕووبدات بێگومان فرۆشتنی بەنسبەت ئیدارەی یانەوە مەحاڵ دەبێت.

جیهانی

گنابری بە ئاڵتون ناوی خۆی لە مێژووی ئەڵمانیا نوسییەوە و چووە ڕیزی “بۆمبەرمان”ەوە !

خەڵک سپۆرت

سێرج گنابری ئەستێرەی لاوی هەڵبژاردەی ئەڵمانیا و یانەی بایرن میونشن، بە تۆمارکردنی ڕێژەیەکی بەرچاوی گۆڵ ناوی خۆی خستۆتە ڕیزی ئەفسانەکانەوە.

ئەستێرە لاوە ڕەش ئەسمەرەکەی ئەڵمانیا لە ڕووبەڕوبونەوەی هەڵبژاردەی ئێرلەندای باکور لە تایمی یەکەمدا و پاش ١٩ خولەک گۆڵی یەکسانبوونەوەی ئەنجامی تۆمار کرد، لە تایمی دووەمیشدا دوو گۆڵی تری خستە سەر هەژمارەکە و یارییەکەی بەرەو بردنەوە بە ئەنجامی شەش گۆڵ بەرامبەر بە یەک برد.

بەپێی ئەو داتایانەی لە تۆڕی “ئۆپتا”ی تایبەت بە ژمارە و ئامارەکانەوە بڵاوکراونەتەوە، گنابری تاکە یاریزانی ئەڵمانیە دژی یانەی ئێرلەندای باکور هاتریک تۆمار دەکات، بۆ یەکەم جار کریستیانۆ هەمان ڕیکۆردی لە ساڵی ٢٠١٣ تۆمار کردووە.

بەپێی داتاکان، ڕەش ئەسمەرەکە ١٣ گۆڵی لە سەرەتا ١٣ یاریی بەدرێسی “ناسیوناڵ مانشافت”ەوە تۆمار کردووە، بەوەش دەبێتە تاکە یاریزانی ئەڵمانی لە سەرەتا (١٣) یارییدا دەگاتە ئەو ڕێژە بەرزە لەدوای گێرد مولەری ئەفسانەوە (١٩٦٩ بۆمبەرمان).

بەپێی داتاکانی تۆڕی “سکواوکا” کە بەهەمان شێوە تایبەتە بە ئامارەکان، گنابری بە تۆمارکردنی گۆڵی هەشتەم بەرامبەر ئێرلەندیەکانی باکور دەبێتە گۆڵکاری مێژوویی ئەڵمانیا لە پاڵاوتنەکانی جامی نەتەوەکانی ئەوروپای ٢٠٢٠.

کۆی داتا و ژمارەکان دەریدەخەن، گنابری لەکۆی شەش ڕووبەڕوبونەوەی کۆتایی هەڵبژاردەی ئەڵمانیا هەشت گۆڵی تۆمار کردووە، هەروەها ١٢ گۆڵی لە کۆی ١٣ یاریی بەدرێسی بایرن و ئەڵمانیاوە تۆمار کردووە، هەموو ئەمانەش بەخێرایی و لەماوەیەکی کورتدا دەیخەنە لیستی یاریزانە مێژووییەکانی ناسیوناڵ مانشافتەوە.

بەردەوام بە لە خوێندنەوە

جیهانی

(٢٠) هەڵبژاردە گەیشتونەتە (یورۆ ٢٠٢٠) و (١٦) هەڵبژاردەش پاڵاوتنی دووەم ئەنجام دەدەن

خەڵک سپۆرت

شەوی ڕابردوو کۆتا جەولەی پاڵاوتنەکانی جامی نەتەوەکانی ئەوروپا ٢٠٢٠ ئەنجامدران و (٢٠) هەڵبژاردە بەفەرمی گەیشتنیان بە قۆناغی کۆمەڵەکانی پاڵەوانێتی یورۆ مسۆگەر کرد.

هۆکاری سەرکەوتنی (٢٠) هەڵبژاردەکە بۆ ئەوە دەگەڕێتەوە، کە لە گروپەکانی خۆیاندا پلەی یەکەم و دووەمیان بەدەست هێناوە، لەلایەن یەکێتی تۆپی پێی ئەوروپاشەوە بەسەر چوار ئاستی یەک لەدوای یەکدا دابەش دەکرێن، ئاستەکانیش بریتین لە:

ئاستی یەکەم: ئەڵمانیا، ئیتاڵیا، بەلجیکا، ئینگلتەرا، ئۆکرانیا، ئیسپانیا

ئاستی دووەم: فەرەنسا، پۆڵەندا، سویسرا، کرواتیا، هۆڵەندا، ڕوسیا

ئاستی سێیەم: پورتوگال، تورکیا، دانیمارک، نەمسا، سوید، چیک

ئاستی چوارەم: وێڵز، فنلەندا، (چوار هەڵبژاردەی تر کە لەڕێگەی پاڵاوتنی دووەمەوە سەردەکەون)

ئەو هەڵبژاردانەی خوارەوەش کە ژمارەیان (١٦) هەڵبژاردەیە، دەبێت پاڵاوتنی دووەم ئەنجام بدەن و تەنها چوار هەڵبژاردەیان دەگەن بە قۆناغی کۆمەڵەکانی یورۆی ٢٠٢٠:

(ئایسلەندا، بۆسنە، سلۆڤاکیا، کۆماری ئێرلەندا، ئێرلەندای باکور، سکۆتلەندا، نەرویج، سڕبیا، بولگاریا، هەنگاریا، ڕۆمانیا، جیۆرجیا، مەقدۆنیا، کۆسۆڤۆ، بیلاڕوسیا، ئیسرائیل).

بەردەوام بە لە خوێندنەوە

جیهانی

گاریس بەیل دووبارە سوکایەتی بە ڕیاڵ مەدرید کرد و شارەزایان پێیان وایە زێدان قبوڵی ناکات !

خەڵک سپۆرت

گاریس بەیلی وێڵزی کەوتۆتە بارودۆخێکی خراپەوە و پەیوەندییەکانی لەگەڵ یانەی ڕیاڵ مەدرید بەشێوەیەک تێکداوە ڕاستکردنەوەی لە دوای گەڕانەوەی بۆ مەدرید نزیکی مەحاڵە.

“شەمەندۆفێرە وێڵزیەکە” لەماوەی ڕابردوودا بەدرێسی هەڵبژاردەی وڵاتەکەیەوە دووچاری پێکان هات و بەوهۆیەوە چەندین ڕووبەڕوبونەوەی یانەی شاهانەی مەدریدی لەدەستدا، لەکاتێکدا لەناوچەی مەشقەکانی “ڤاڵدیباس” وەک ئەستێرەیەکی پێکراو مامەڵەی دەکرد و تەواوی ڕاهێنانەکانی بەشێوەی تاکە کەسی ئەنجام دەەدا، لە ناکاو گەڕایەوە و پەیوەندی بە پێکهاتەکەی ڕاین گیگزەوە کردەوە، لەوەش قورستر وەک یاریزانێک بەبێ پێکان هەژمارکرا و لە هەردوو ڕووبەروبونەوە فەرمیەکانی وێڵز بەشدار بوو.

لەم بارەیەوە پریدراگ میاتۆڤیچ ئەفسانەی ڕیاڵ بەمیدیاکانی ڕاگەیاند :” بە نسبەت گاریس بەیلەوە ئەولەویەت بۆ وێلزە، پاشان یاریی گۆڵف، دواتر مەدرید”.

لەوەڵامی ئەم لێدوانەشدا یاریزانەکە نکوڵی نەکرد و ڕایگەیاند :” لە وێڵز زیاتر هەست بە ئارامی و بەختەوەری دەکەم”.

شەوی ڕابردوو پاش سەرکەوتنی فەرمی هەڵبژاردەی وێڵز بۆ یورۆی ٢٠٢٠، بەیل لەگەڵ هاوڕێکانی ئاهەنگی سەرکەوتنی گێڕا و بە گرتەی ڤیدیۆیی و چەندین وێنە بڵاوبووەوە کە ئاڵایەکی وڵاتەکەی بەدەستەوەیە و بە پێکەنینەوە لێی دەڕووانێت، لەسەر ئاڵاکەش نوسراوە (وێڵز، گۆڵف، مەدرید)، کە دووپاتکەرەوەی هەمان بۆچونەکانی میاتۆڤیچە.

هەموو ئەمانەش لەکاتێکدان کە زینەەدین زێدان لەڕابردوودا بە ئاشکرا ڕایگەیاندووە، پێویستی بەتواناکانی ئەم یاریزانە ئینگلیزییە نییە و بەم هۆیەشەوە جەنگی لێدواندان لەنێوانی و لێپرسراوی کارەکانی دروست بووە، میدیاکان پرسیار دەکەن: ئاخۆ زێدان ئەمجارە لە بەیل خۆش دەبێت؟ زۆرینەشیان بۆچونیان (نەخێر)ە.

بەردەوام بە لە خوێندنەوە

کوردستان