ئێمە لە تۆرە کۆمەڵایەتیەکان

کوردستان

وتەبێژی حكومەتی هەرێم: تاوتوێی دابەشكردنی نەوت كراوە

خەڵك- بەشی هەواڵ
وتەبێژی فەرمی حكومەتی هەرێمی كوردستان ڕایدەگەیەنێت، كە لە كۆبوونەوەی ئەنجوومەنی وەزیران تاوتوێی دابەشكردنی نەوت كراوە و دەشڵێت: “نیەتمانە لەگەڵ حكومەتی عیراق ڕێكبكەوین”.

جوتیار عادل، وتەبێژی حكومەتی هەرێمی كوردستان لەدوای كۆبوونەوەی ئەنجوومەنی وەزیرانی هەرێم لە كۆنفرانسێكی ڕۆژنامەوانیدا ڕایگەیاند، كە نیەتمان ئەوەیە لەگەڵ ححكومەتی عیراق ڕێكبكەوین و بۆ ئەوەش بڕیار درا شاندێكی هەرێم سەردانی بەغدا بكات.

ڕاشیگەیاند، كە لە كۆبوونەوەی ئەنجوومەنی وەزیران تاوتوێی دابەشكردنی نەوتی سپی بەسەر هاووڵاتیاندا كراوە و بڕیارە 259 ملیۆن لیتر نەوت دابەش بكرێت.

ئاشكراشی كرد، حكومەتی عیراق 80 ملیار دۆلار قەرزداری هەرێمی كوردستانە.

وتیشی، “دەبێت دیاری كردنی بودجەی هەرێم لە عیراقدا لەچوارچێوەی ژمارەی دانیشتوواندا بێت و بەپێی ڕێژەی دانیشتووانی هەرێم بێت”.

جەختیشی كردەوە، كە بۆ بابەتی سەرژمێری لیژنە پێكهێنراوە و داوای جێبەجێ‌ كردنی مادەی 140مان كردووە.

کوردستان

فرسەت سۆفی ڕوونکردنەوە لەسەر ٥٠ هەزار دیناری پشکنینی بازگەکان دەدات

خەڵک – بەشی هەواڵ

 

نوسینگەى پارێزگاری هەولێر ڕایگەیاند، لەلایەن هەندێک کەس و میدیا، لێکدانەوەی هەڵەی بەمەست و بێمەبەست بۆ قسەکانی پارێزگاری هەولێر کراوە کە ئەمڕۆ لە کۆنگرەیەکی ڕۆژنامەوانی لەسەر هاتنە ژوورەوەی خەڵکی پارێزگاکانی دیکەی عێراق بۆ پارێزگای هەولێر کردنی.

نوسینگەی پارێزگاری هەولێر لەڕاگەیەندراوێکدا ڕایگەیاند، پارێزگاری هەولێر زۆر بەڕوونی ڕایگەیاند: “لەپێناو کارئاسانی هاتنە ژوورەوەی هاوڵاتییانی شارەکانی دیکەی عێراق جگە لە پارێزگاکانی هەرێمی کوردستان، ژووری ئۆپەراسیۆنی پارێزگای هەولێر بەهەماهەنگی لەگەڵ بەڕێوەبەرایەتی گشتی تەندروستی هەولێر، سەرقاڵی داڕشتنی میکانزمێکن بۆ ئەوەی ئەو خەڵکانە بتوانن بێنە ناو شاری هەولێر بەمەرجی ئەنجامدانی پشکنینی پزیشکی لەسەر ئەرکی خۆیان و بە نرخێکی گونجاو، ئەمەش هەم بۆ کارئاسانی هاوڵاتییان و هەمیش بۆ پەرەپێدانی جموجۆڵی بازرگانی و ڕانەوەستانی کاروکاسبی خەڵک”.

 

ئەوەش خراوەتەڕوو، بۆیە هەرچی دیکەی دەگوترێ بێجگە لەوەی کە باسکراوە دوورە لەڕاستی و مەبەست لێی تەنها بڵاوکردنەوەی چەواشەکاری و بەلاڕێدابردنی ڕاستییەکانە.

 

ڕوونکردنەوەیەک لە نووسینگەی پارێزگاری هەولێر

 

لەلایەن هەندێک کەس و میدیا، لێکدانەوەی هەڵەی بەمەست و بێمەبەست بۆ قسەکانی پارێزگاری هەولێر کراوە کە ئەمڕۆ لە کۆنگرەیەکی ڕۆژنامەوانی لەسەر هاتنە ژوورەوەی خەڵکی پارێزگاکانی دیکەی عێراق بۆ پارێزگای هەولێر کردنی.
پارێزگاری هەولێر زۆر بەڕوونی ڕایگەیاند: “لەپێناو کارئاسانی هاتنە ژوورەوەی هاوڵاتییانی شارەکانی دیکەی عێراق جگە لە پارێزگاکانی هەرێمی کوردستان، ژووری ئۆپەراسیۆنی پارێزگای هەولێر بەهەماهەنگی لەگەڵ بەڕێوەبەرایەتی گشتی تەندروستی هەولێر، سەرقاڵی داڕشتنی میکانزمێکن بۆ ئەوەی ئەو خەڵکانە بتوانن بێنە ناو شاری هەولێر بەمەرجی ئەنجامدانی پشکنینی پزیشکی لەسەر ئەرکی خۆیان و بە نرخێکی گونجاو، ئەمەش هەم بۆ کارئاسانی هاوڵاتییان و هەمیش بۆ پەرەپێدانی جموجۆڵی بازرگانی و ڕانەوەستانی کاروکاسبی خەڵک”، بۆیە هەرچی دیکەی دەگوترێ بێجە لەوەی کە باسکراوە دوورە لەڕاستی و مەبەست لێی تەنها بڵاوکردنەوەی چەواشەکاری و بەلاڕێدابردنی ڕاستییەکانە.

نوسینگەی پارێزگاری هەولێر
2020.7.13

بەردەوام بە لە خوێندنەوە

کوردستان

یەکێتی: ئیدارەی گەرمیان هەر پێداویستییەکی پزیشکی پێویستبێت بۆیان دابیندەکەین

خەڵک – بەشی هەواڵ

یەکێتیی نیشتیمانیی کوردستان لەگەرمیانەوە ڕایگەیاند، ئیدارەی گەرمیان هەر پێداویستییەکی پزیشکی پێویستبێت بۆیان دابیندەکەن.

میران محه‌مه‌د ئه‌ندامی مه‌كته‌بی سیاسی یه‌كێتیی نیشتمانیی كوردستان له‌ كۆنفرانسێكی ڕۆژنامه‌وانیدا لەگەرمیان ڕایگەیاند، ئیدارەى گەرمیان داوای هەر پێداویستییەکی پزیشکی و دەرمان و چارەسێک بکات، ئه‌گه‌ر له‌ ده‌ره‌وه‌ی وڵاتیش بێت وەک یەکێتیی نیشتیمانیی کوردستان بۆیان بەردەستدەخەن.

 

لاهور شێخ جەنگی و شاندێکی هاوبەشی، بەمەبەستى لەنزیکەوە ئاگابوون لەگرفتەکانی قەزاى کەلار و بەگشتی ئیدارەى گەرمیان چووە ئەوێ و مەبەستییەتى چارەسەری بەشێک لەگرفتەکانیان بۆ بکات.

 

ئەمە لەکاتێکدایە ماوەى چەند ڕۆژێکە چالاکوانان و خەمخۆرانی ئەو ناوچەیە هەڵمەتێکی کۆکردنەوەی کۆمەک و هاوکاریی تەندروستییان ڕاگەیاندووە، چونکە پێداویستى پزیشکی لەو قەزایە کەمە و گرفتى تەندروستی بۆ دروستکردوون.

بەردەوام بە لە خوێندنەوە

کوردستان

سبەینێ پشووی فەرمییە

خەڵک – بەشی هەواڵ

 

حکومەتى هەرێمی کوردستان لەڕاگەیەندراوێکدا ڕایگەیاند، سبەینێ ١٤ی تەمووز پشووی فەرمییە لەسەرجەم دامودەزگاکانى حکومەتى هەرێم.

 

لەو ڕاگەیەندراوەى حکومەتى هەرێمدا ئەوە هاتووە، ئەم پشووەی سبەینێ ١٤ی تەمووز تاقیکرنەوە نیشتیمانییەکان ناگرێتەوە، بۆیە بەپێی خشتەى تاقیکردنەوەکان سبەینێ سێ شەممە تاقیکردنەوەکان وەک خۆیان بەردەوامدەبن.

 

بەردەوام بە لە خوێندنەوە

کوردستان