ئێمە لە تۆرە کۆمەڵایەتیەکان

کوردستان

بارزانی: داعش لەناونەچووە و خەریكی خۆڕێكخستنەوەیە

خەڵك- بەشی هەواڵ
سەرۆكی‌ پارتی‌ دیموكراتی‌ كوردستان ڕایدەگەیەنێت، ئەگەرچی داعش لەڕووی شەڕی بەرەییەوە شكاوە، بەڵام لەناونەچوون و خەریكی خۆ رێكخستنەوەیە، ئاماژە بە هەڕەشەكانی ڕێكخراوەكەش دەكات بۆ هەموو لایەنەكان.

بەپێی ڕاگەیەنراوێك، كە لەلایەن نووسینگەی ڕۆژنامەوانی مەسعود بارزانی، سەرۆكی پارتی دیموكراتی كوردستانەوە بڵاوكراوەتەوە، ئەمڕۆ چوار شەممە مەسعود بارزانی لە سەڵاحەدین پێشوازی لە برایان مەكفیتێرز، جێگری سەرۆكی نێردەی تازەی ئەمریكا لە عیراق كرد و لە دیدارەكەدا، كە ستیڤ ڤیگن، كونسوڵی ئەمریكا لە هەولێر ئامادەی بوو، ڕایگەیاند، كە هاتوون تێڕوانینی بارزانی لەبارەی كۆی دۆخی ئێستای عیراق و ناوچەكە و پەیوەندییەكانی هەرێم و بەغدا، ببیستن.

هەر لە ڕاگەیەنراوەكەدا هاتووە، “لە دیدارەكەدا بە درێژی باسی گفتوگۆكانی نێوان هەرێم و بەغدا كرا و بارزانی جارێكی تر جەختی لەسەر پشتیوانی خۆی بۆ دیالۆگ لەپێناو چارەسەری كێشەكان لەسەر بنەمای دەستوور كردەوە، هەر لە دیدارەكەدا دۆخی سیاسی ناوچەكە و هەڕەشەكانی داعش خرایە بەر باس”.

بارزانی ڕایگەیاندووە، ئەگەرچی داعش لەڕووی شەڕی بەرەییەوە شكاوە، بەڵام لەناو نەچوون و خەریكی خۆ ڕێكخستنەوەن، ڕێكخراوەكە هەڕەشەیە بۆ سەر هەموولایەك، بۆ هەندێ لا هەڕەشەی نزیك و بۆ هەندێكی تر هەڕەشەكە دوورمەودایە، ئەو هۆكارانەش، كە داعشیان دروست كرد وەك خۆیان ماون و چارەسەر نەكراون.

کوردستان

كورد، دەستكاریكردنی ڕێككەوتنی نێوان هەرێم و بەغدا ڕەتدەكاتەوە

خەڵك-بەشی هەواڵ

ئەندامێكی لیژنەی دارایی لە پەڕلەمانی عیراق ڕایدەگەیەنێت، ئەگەر كابینەی داهاتوو دەستكاری ڕێككەوتنی نێوان هەرێم و بەغدا بكات، كورد قبوڵی ناكات.

دوای دەیان كۆبوونەوەی نێوان هەێم و بەغدا، دواجار گەیشتنە ڕێككەوتنێك، بەڵام بەهۆی دەستلەكاركێشانەوەی عادل عەبدولمەهدی لە پۆستی سەرۆك وەزیران ڕێككەوتنەكە، كە لەنێو پڕۆژە یاسای بودجەی 2020ی عیراقدا جێیكراوەتەوە ڕەوانەی پەڕلەمان نەكراوە و بەپێی زانیارییەكانیش، لە ئێستادا چاوەڕێی پێكهێنانی حكومەتی نوێی عیراق دەكرێت.

شیروان میرزا، ئەندامی لیژنەی دارایی لە پەڕلەمانی عیراق بە (خەڵك)ی ڕاگەیاند، هیچ بابەتێكم سەبارەت بە ڕەتكردنەوەی ڕێككەوتنی نێوان هەرێم و بەغدا لەلایەن عەللاوییەوە نەبیستووە.

وتیشی، “ئەگەر شتێكی وا هەبێت كورد بە دڵنیاییەوە ڕەتیدەكاتەوە، چونكە كورد دەیەوێت ئەو ڕێككەوتنە وەك خۆی بڕوات”.

ئاشكراشیكرد، ڕێككەوتنەكەی هەرێم و بەغدا بەشێكە لە پڕۆژە یاسای بودجە و هەركات پڕۆژەكە هاتە پەڕلەمان ئەویش بەشێكە لەو، ئەگەر ئەو پڕۆژەیەش نەیەت ئەویش نایەت.

ڕوونیشیكردەوە، چاوەڕێ دەبین، چونكە بابەتەكە دەوەستێتەسەر ئەوەی ئایا حكومەتی داهاتوو دەستكاری ئەم پڕۆژەیە دەكات یان وەكو خۆی دەینیرێت.

بەردەوام بە لە خوێندنەوە

کوردستان

پلەبەرزكردنەوە لە وەزارەتی پێشمەرگە دەستی پێكردەوە

خەڵك- بەشی هەواڵ
دوای ڕاگرتنی بۆ ماوەی 3 ساڵ، پلەبەرزكردنەوەی ئەفسەران و پلەداران و هێزەكانی پێشمەرگە دەستی پێكردەوە و لە دوو فەرماندا پلەی زیاتر لە 8 هەزار پێشمەرگە و ئەفسەری سەر بە وەزارەتی پێشمەرگە بەرزدەكرێتەوە.

بەپێی دوو نووسراوی وەزارەتی پێشمەرگەی هەرێم، كە وێنەیان دەست (خەڵك) كەوتووە و لە 20 و 21ی ئەم مانگە دەرچوون، بڕیار دراوە بە بەرزكردنەوەی پلەی پلەدار و هێزەكانی پێشمەرگە لە خشتەی (نەورۆزی 2019)، كە لە فەرمانی یەكەمدا ناوی 1439 كەس و لە فەرمانی دووەمدا ناوی 6571 كەس هاتووە.

بەپێی خشتەی پلەبەرزركردنەوەی ئەفسەرانی وەزارەتی پێشمەرگە ساڵانە دوو جار لە مانگی (ئازار و ئەیلول) پلەی ئەفسەران بەرزدەكرێتەوە واتە بۆ هەر ساڵێك دوو خشتە، بەڵام تا ئێستا پلەبەرزكردنەوە بۆ ساڵەكانی (2017 -2018-2019) پلەبەرزكردنەوەی هێزی پێشمەرگە ڕاگیرابوو، هاوكات لەمساڵیشدا خشتەی مانگی ئازار زیاد دەكات.

لیوا قارەمان كەمال، جێگری سەرۆكی ئەركان بۆ مەشق و ئۆپراسیۆنەكان لەوەزارەتی پێشمەرگە پێشتر بە (خەڵك)ی ڕاگەیاندبوو، لەماوەی ڕابردوودا لیژنەیەكی باڵا لە ئەنجوومەنی وەزیران سەردانی وەزارەتی پێشمەرگەی كرد، قسەوباس لەسەر خشتەی پلەبەرزركدنەوەی ئەفسەرانی وەزارەتی پێشمەرگە كرا.

ڕاشیگەیاند، لە ئێستادا خشتەی پلەبەرزكردنەوەی ساڵی 2017 بە خشتەی ئازار و ئەیلول لە ئەنجوومەنی وەزیرانە بۆ واژۆكردن، ئێمە چاوەڕێی ئەوەین، بەرزبكرێتەوە بۆ سەرۆكایەتی هەرێم.

ئەمە لەكاتێكدایە، كە تا ئێستا پلەبەرزكردنەوەی هێزەكانی ناوخۆ نەوەستاوە، بەڵام ماوەی زیاتر لە 4 ساڵە پلەبەرزكردنەوەی فەرمانبەرانی مەدەنی ڕاگیراوە و تا ئێستا حكومەت هیچ بڕیارێكی بۆ ئەو مافە یاساییەی فەرمانبەران دەرنەكردووە.

بەردەوام بە لە خوێندنەوە

کوردستان

لە مەرزێكی هەرێم دەست بەسەر یەك تۆن خۆراكی بەسەرچوودا گیرا

خەڵك-بەشی هەواڵ

بەڕێوەبەری شارۆچكەی بیارە ڕایدەگەیەنێت، لە خاڵی سنووری شوشمێ دەست بەسەر بڕێك خۆراكی خراپبوودا گیراوە.

حەمید بارام، بەڕێوەبەری شارۆچكەی بیارە بە (خەڵك)ی ڕاگەیاند، ئەمڕۆ یەك شەممە ٢٣-٢-٢٠٢٠ لە خاڵی سنووری تەوێڵە-شۆشمێ لە سنووری شارۆچكەی بیارە هۆبەی كەرەنتینەی كشتوكاڵی دەستیان گرت بەسەر بڕی (یەك تۆن) تووی وشكی خراپدا.

وتیشی، “تووەكە خراپ بووە و شیاو نەبووە بۆ خواردن و ویستراوە لە بازاڕەكانی هەرێم ساغ بكرێتەوە”.

بەردەوام بە لە خوێندنەوە

کوردستان