ئێمە لە تۆرە کۆمەڵایەتیەکان

کوردستان

ئەنجوومەنی وەزیرانی هەرێم چەند بڕیارێكی دەركرد

خەڵك- بەشی هەواڵ
كۆبووونەوەی ئەنجوومەنی وەزیرانی هەرێم بە دەركردنی چەند بڕیارێك كۆتایی هات و جەختیشكراوەتەوە، كە لیژنەیەكی تایبەت پێكبهێرێت بۆ هەلسەنگاندنی پڕۆژەی سەرژمێری بەڕەچاوكردنی بەرژەوەندی كوردستانییان بە هەموو پێكهاتە نەتەوەیی و ئاینییەكانەوە.

حكومەتی هەرێمی كوردستان لە ڕاگەیەنراوێكدا، كە ماڵپەڕی فەرمی حكومەت بڵاویكردۆتەوە، ئاماژە بەوەكراوە، كە لە كۆبوونەوەی ئەنجوومەنی وەزیران چەند بڕیارێك دەركراوە و ئاماژە بەوەدراوە، هەفتەی داهاتوو شاندێكی حكومەتی هەرێمی كوردستان سەردانی بەغدا بكات بە مەبەستی گفتوگۆ و ئاڵوگۆڕكردنی زانیاری سەبارەت بە پرسی بودجە و بەشداری هەرێمی كوردستان لە قۆناغی سەرەتای ئامادەكردنی ڕەشنووسی بودجەی 2020 لەلایەن وەزارەتی دارایی فیدڕاڵەوە.

دەقی ڕاگەیەنراوەكە:

ئەمڕۆ چوارشەممە 2019/9/11 ئەنجومەنی وەزیرانی هەرێمی كوردستان بە سەرۆكایەتی مەسرور بارزانی سەرۆكی حكومەتی هەرێمی كوردستان كۆبووەوە .
لە سەرەتای كۆبوونەوەكەدا سەرۆكی ئەنجومەنی وەزیران دەرئەنجامی كۆبوونەوەی هاوبەشی حكومەتی هەرێمی كوردستان و فراكسیۆنە كوردستانییەكانی لە ئەنجومەنی نوێنەرانی فیدراڵ و ئەندامانی لیژنەی دارایی لە فراكسیۆنە كوردستانییەكان كە رۆژی 8 ی ئەیلول لە هەولێر بەسترا خستەڕوو . لە كۆبوونەوەكەدا بڕیار درا ، هەفتەی داهاتوو شاندێكی حكومەتی هەرێمی كوردستان سەردانی بەغدا بكات بە مەبەستی گفتوگۆ و ئالوگۆڕكردنی زانیاری سەبارەت بە پرسی بودجە و بەشداری هەرێمی كوردستان لە قۆناخی سەرەتای ئامادەكردنی رەشنووسی بودجەی 2020 لەلایەن وەزارەتی دارایی فیدراڵ . هەروەها بانگهێشتی لیژنەكانی ( دارایی، نەوت وگاز ، یاسایی ) لە ئەنجومەنی نوێنەرانی عێراقیش بۆ هەرێمی كوردستان بكرێت.
رۆژی پێنجشەممە 2019/9/12 شاندێكی حكومەتی هەرێم لەگەڵ پەرلەمانی كوردستان كۆدەبێتەوە بۆ خستنەڕووی داتا و زانیاریی پێویست لە بارەی گفتوگۆی نێوان حكومەتی هەرێمی كوردستان و حكومەتی فیدراڵ.

لە بڕگەی دووەمی كۆبوونەوەكەدا ، وەزیری پلاندانان راپۆرتێكی سەبارەت بە پڕۆژەی سەرژمێری لە عێراق پێشكەش كرد كە بڕیارە ساڵی 2020 ئەنجام بدرێت. وەزیری پلاندانان تیشكی خستە سەر لایەنەكانی ئەم پڕۆژەیە و ئامادەكارییەكانی هەرێمی كوردستان. لەمبارەیەوە بڕیاردرا لیژنەیەكی تایبەت پێكبهێرێت بۆ هەلسەنگاندنی پڕۆژەی سەرژمێرییەكە بەرەچاوكردنی بەرژەوەندی كوردستانییان بە هەموو پێكهاتە نەتەوەیی و ئاینییەكانەوە .

لە كۆتاییدا ، كۆبوونەوەكە گفتوگۆی لە بارەی میكانیزمی نوێ بۆ رێكخستنەوەی باج كرد بە شێوەیەك لە بەرژەوەندی گشتیدا بێت. لەمبارەیەوە ئەنجومەنی وەزیران پرۆژەی پەیڕەوی تایبەت بە تیانووسی بازرگانی ( الدفاتر التجاریە)ی پەسەند كرد كە میكانیزمی نوێ لە خۆدەگرێت بۆ رێكخستنەوەی باج.

کوردستان

هونەرمەند سابیر كوردستانی بە ڤایرۆسی كۆرۆنا كۆچی دوایی كرد

خەڵك – بەشی هەواڵ

دوای ماوەیەك لە تووشبوونی بە ڤایرۆسی كۆرۆنا و تێكچوونی باری تەندروستی كەمێك لەمەوبەر هونەرمەند سابیر كوردستانی لە نەخۆشخانە لە تەمەنی 65 ساڵیدا گیانی سپارد.

هونەرمەند سابیر كوردستانی گۆرانیبێژ ساڵانێكە لە بواری گۆرانی و ئاواز و تێكست خزمەت بە هونەری كوردی دەكات، خاوەنی چەندین ئەلبوومی، گۆرانییە.

 

بەردەوام بە لە خوێندنەوە

کوردستان

سەركۆ ئازاد گەڵاڵی: دەركەوت نەمانی ئۆكسجین لەسەر داوای بازرگانە سیاسییەكانی دەرمان و نەخۆشخانە ئەهلییەكان بوو

خەڵك – بەشی هەواڵ

كاردانەوەكان لەبەرامبەر دیاریكردنی نرخی چارەسەری تووشبووانی كۆرۆنا لەكەرتی تایبەت زیاتر دەبن و پەرلەمانتارێكی یەكێتی لەوبارەیەوە دەڵێت:” دوای بڕینی مووچە، تاڵانیكردن بە تووشبووانی كۆرۆناوە بە فەرمانی وەزارتی تەندروستی چووە بواری جێبەجیكردنەوە”.

سەركۆ ئازاد گەڵاڵی ئەندامی فڕاكسیۆنی یەكێتی لە پەڕلەمانی كوردستان لە تۆڕی كۆمەڵایەتی فەیسبوك بڵاویكردەوە:”دەسەڵاتدارانی بواری تەندروستی دەزانن هاووڵاتیان لە پێناو پاراستنی گیانی ئازیزانی ئامادەن سەروەت و سامانی خۆیان بفرۆشن بۆ دەست خستنی چارەسەری پزیشكی ئامادەن دەرزیەكی جۆری Tocilizumab 600mgبە (2800 دۆلار) ٢٨وەرقە بكڕن!!! دەستەیەك حەبی هاوكار بۆ چارەسەری كۆرۆنا بە ٤٥٠ هەزار دینار بكڕن.. دوای ئەوەی ڕوون بووەوە نەمانی ئۆكسجین لە نەخۆشخانە حكومییەكان لە سەر داوای بازرگانە سیاسییەكانی دەرمان و نەخۆشخانە ئەهلییەكان بوو، بۆئەوەی فشاری دەروونی دروست بكەن هاووڵاتیان لە ترسی لە دەستدانی ئازیزانیان نەنێرن بۆ نەخۆشخانەی حكومی، خەڵكی مووچە بڕاوی نەدراو ڕووبكەنە نەخۆشخانە ئەهلییەكانیان هاتوون بە پارەیەكی خەیاڵی نرخیان بە پێی گیرفانی خۆیان و قازانجی خۆیان زیاد كرد، بۆیە بیدەنگ بوون لە ئاست ئەم تاڵانی و ئیستغلال كردنی بارودۆخی نەخۆشە تاوانە”.

سەركۆ ئازاد گەڵاڵی دەشڵێت:”داوا لە هەموو ئەو ئەندام پەرلەمانە بەڕێزانەی دایم دەنگیان لە گەڵ خەمی خەڵكە هەموو پێكەوە فشار دروست بكەین بۆ هەڵوەشاندنەوی ئەم بڕیارە نادادپەروەرە، هەر لێرەوە داوا لە بەڕێزان سەرۆكی حكومەت و جێگری سەرۆكی حكومەت دەكەم ویژدانیان ببێت بە حەكەم و ئەم بڕیارەی وەزارەتی تەندروستی هەڵوەشێننەوە، خەڵكی خێر لە خۆ نەدیوی كوردستان زیاتر توڕە نەكەن”.

 

دەقی نووسینەكە:

 

دوای بڕینی مووچە تاڵانكردنی بە توشبوانی كۆرۆناوە بە فەرمانی وەزارتی تەندروستی چووە بواری جێبەجیكردنەوە….

دەسەڵاتدارانی بواری تەندروستی دەزانن هاوڵاتیان لە پێناو پاراستنی گیانی ئازیزانی ئامادەن سەروەت و سامانی خۆیان بفرۆشن بۆ دەست خستنی چارەسەری پزیشكی ئامادەن دەرزیەكی جۆری Tocilizumab 600mgبە ٢٨وەرقە بكڕن!!!

دەستەیەك حەبی هاوكار بۆ چارەسەری كۆرۆنا بە ٤٥٠ هەزار دینار بكڕن..

دوایی ئەوەیی ڕوون بوەوە نەمانی ئۆكسجین لە نەخۆشخانە حكومیەكان لە سەر داوای بازرگانە سیاسیەكانی دەرمان و نەخۆشخانە ئەهلیەكان بوو، بۆئەوەی فشاری دەرونی دروست بكەن هاوڵاتیان لە ترسی لە دەستدانی ئازیزانیان نەنێرن بۆ نەخۆشخانەی حكومی، خەڵكی مووچە براوی نەدراو ڕووبكەنە نەخۆشخانە ئەهلیەكانیان هاتوون بە پارەیەكی خەیاڵی نرخیان بە پێ گیرفانی خۆیان و قازانجی خۆیان زیاد كرد، بۆیە بیدەنگ بوون لە ئاست ئەم تاڵانی و ئیستغلال كردنی بارودۆخی نەخۆشە تاوانە.
داوا لە هەموو ئەو ئەندام پەرلەمانە بەڕیزانەی دایم دەنگیان لە گەڵ خەمی خەڵكە هەموو پیكەوە فشار دروست بكەین بۆ هەڵوەشاندنەوی ئەم بریارە نادادپەروەرە.

هەر لێرەوە داوای لە بەڕیزان سەرۆكی حكومەت و جیگری سەرۆكی حكومەت دەكەم ویژدانیان ببێت بە حەكەم و ئەم بریارەی وەزارتی تەندروستی هەڵوشێنەوە، خەڵكی خێر لە خۆ نەدیوی كوردستان زیاتر توڕەنەكەن.

سەركۆ ئازاد گەڵاڵی
ئەندام پەڕلەمانی كوردستان

بەردەوام بە لە خوێندنەوە

کوردستان

پێشەوا هەورامانی: هەناسە كەوتە دەستی پارەدارەكان

خەڵك – بەشی هەواڵ

بەپێی نووسراوێكی فەڕمی وەزارەتی تەندروستی كە بۆ دیاریكردنی نرخی چارەسەری تووشبووانی كۆرۆنا لەكەرتی تایبەت دەریكردووە، هەر تووشبوویەكی كۆرۆنا كە لەژێر هەناسەی دەستكردا بێت و ئەگەری مانەوەی ژیانی زۆر كەمە بڕی ملیۆنێك و 500 هەزار دیناری دیاریكرد و نووسراوەكەی ناڕەزایی گەورەی لێكەوتووەتەوە.

بەپێی نووسراوەكەی وەزارەتی تەندروستی، مانەوەی شەوێكی تووشبووی كۆرۆنا لەقاوشی نەخۆشخانەی تایبەت بێ ئۆكسجین 500 هەزار دینارە، لەقاوش بەئۆكسجین 700 هەزار دینار و لەبەشی چاودێری چڕ بەئامێری CPAP ملیۆنێك و 200 هەزارو لەچاودێری چڕ بەئامێری BIPAP ملیۆنێك و 300 هەزار دینار، هەروەها لەچاودێری چڕی هەناسە بەئامێری Ventilator بڕی ملیۆنێك و 500 هەزار دینار وەردەگرێت.

لەوبارەیەوە، پێشەوا هەورامانی ئەندامی فڕاكسیۆنی پارتی لە پەرلەمانی كوردستان لە هەژماری تایبەتی خۆی لە تۆڕی كۆمەڵایەتی فەیسبوك بڵاویكردەوە:” ئەوەی ئەم نرخەی داناوە هیچ حسابی بۆ گیرفانی خەڵكی فەقیرو هەژار نەكردووە و لە گیرفانی خۆیەوە هەڵی سەنگاندووە، بزانن هەناسە كەوتە دەستی پارەدارەكان لەخەڵكی قەتع دەكەن، پێشمەرگەیەك مووچەی مانگێكی تەنها بەشی شەوێك دەكات لە قاوش بەبێ ئۆكسجین، ئەی ئەگەر ئۆكسجینی ویست؟ ئەی ئەگەر چاودێری چڕی ویست، مووچەی سێ مانگی لێ وەردەگرن؟!!!.”.

پێشەوا هەورامانی ئاماژەی بەوەشداوە:” ئەسڵەن دەبوو بەبێ حكوومەت خەستەخانەكان بڵێن ئێمە چەندین ساڵە خەڵك ڕووت دەكەینەوە لەژێر ناوی نەخۆشخانەی ئەهلی، با ویژدان و بەزەیمان هەبێت لەم دۆخە سەختەدا خێرەكە نەختێك كەمتر وەربگرین و تا ئەم قەیران و بەڵایە دەڕوات لەگەڵ خەڵكی خۆمانبین”.

 

دەقی نووسینەكە:

 

لە غیابی ویژداندا

ئەوەی ئەم نرخەی داناوە هیچ حسابی بۆ گیرفانی خەڵكی فەقیرو هەژار نەكردووە و لە گیرفانی خۆیەوە هەڵی سەنگاندووە، بزانن هەناسە كەوتە دەستی پارەدارەكان لەخەڵكی قەتع دەكەن، پێشمەرگەیەك مووچەی مانگێكی تەنها بەشی شەوێك دەكات لە قاوش بەبێ ئۆكسجین، ئەی ئەگەر ئۆكسجینی ویست؟ ئەی ئەگەر چاودێری چڕی ویست، مووچەی سێ مانگی لێ وەردەگرن؟!!!.

ئەسڵەن دەبوو بەبێ حكوومەت خەستەخانەكان بڵێن ئێمە چەندین ساڵە خەڵك ڕووت دەكەینەوە لەژێر ناوی نەخۆشخانەی ئەهلی، با ویژدان و بەزەیمان هەبێت لەم دۆخە سەختەدا خێرەكە نەختێك كەمتر وەربگرین و تا ئەم قەیران و بەڵایە دەڕوات لەگەڵ خەڵكی خۆمانبین .

داوام لە جەنابی سەرۆكی حكوومەت هەیە فەرمانی هەڵوەشاندنەوەی ئەم بڕیارەی لێژنەی وەزارەت بدات و وەك چۆن بڕیارەكانی پێشووی بۆ بەرژەوەندی خەڵك بوون داوا بكات بە زووترین كات ئەم نرخانە بخرێنەوە خزمەتی خەڵك.

هیوادارم وەزارەتیش بڵێن ئەمە بەمجۆرە نییەو كەمترە بەجۆرێك لەگەڵ گیرفانی خەڵك گونجاوبێت.

پێشەوا هەورامانی
ئەندامی پەرلەمانی كوردستان

بەردەوام بە لە خوێندنەوە

کوردستان