ئێمە لە تۆرە کۆمەڵایەتیەکان

ژینگە

لە پێنجوێن چوار هەزار داری سروشتی ئاگری تێبەر دەدرێت


خەڵك- بەشی هەواڵ

زۆربوون و گەشەكردنی داری سرووشتی جگە لەوەی لە چەندین ڕووەوە سودی خۆی هەیە، هەروەها دیمەنێكی جوانیش دەبەخشێت بە سروشت و ژینگە، بەڵام بڕینی داری دارستانەكان كاریگەری ڕاستەوخۆی دەبێت لەسەر ژیانی مرۆڤایەتی بەوەی كە نەبوونی ژمارەی داری پێویست دەبێتە هۆی كەمبوونەوەی فلتەرەكانی پاك ڕاگرتنی ئاوو هەواو هەروەها ڕاماڵینی خاك لە وەرزی زستان و باران باریندا، سەرئەنجام پیسبوونی ئاوو هەواو تێكچوونی ژینگەی لێدەكەوێتەوە.

پۆلیسی دارستان و ژینگەی سلێمانی لە ڕاگەیەندراوێكدا نوسیویەتی”بڕینی داری سرووشتی خەریكە لە حاڵەتەوە دەبێتە دیاردە و هەندێك لە هاووڵاتیان لە پێناو بەرژەوەندی تایبەتی خۆیان دەست دەخەنە سروشت و ژینگەوەو دەیشێوێنن.”

هەر لە ڕاگەیەندراوەكەدا هاتووە”دوای گەیشتنی هەواڵێك كە گوایە لە سنوری گوندەكانی ( بناوە سوتە و سەرنەوان ) ( ٣ ) هاووڵاتی ژمارەیەكی زۆر لە داری سروشتیان بڕیوەتەوە و ئاگریان تێبەرداوە، دەستبەجێ مەفرەزەیەك لە بەشی پۆلیسی دارستانی پێنجوێن گەیشتنە شوێنی ڕووداوەكە و دوای هەوڵ و ماندووبونێكی زۆر توانیان ئاگرەكە بكوژێنەوەو دەست بگرن بەسەر ژمارەیەكی زۆر لە داری بڕاوە كە مەزەندە دەكرێت بە ( ٤٠٠٠ ) داری سروشتی”.

سەبارەت بە ڕێكاری یاسایش نوسراوە”پەڕاوی لێكۆڵینەوە ڕێكخراوەو رادەستی بەڕێز دادوەر كراوە بۆ وەرگرتنی ڕێكاری یاسایی.”

ریکلام

ژینگە

مەسرور بارزانی : حکوومەت ھەموو ھەوڵێک دەدات بۆ پاراستنی ژینگە


خەڵک – بەشی هەواڵ

سەرۆكی حكوومەتی هەرێمی كوردستان پەیامێكی بە بۆنەی ڕۆژی جیهانیی ژینگە بڵاو كردەوەو تیایدا لەگەڵ پێشاندانی چەند دیمەنێكی سرووشتی كوردستاندا، داوای پاراستنی ژینگە دەكات.

ئەمڕۆ هەینی ڕێکەوت لەگەڵ رۆژی جیهانی ژینگە، مەسرور بارزانی مەسرور بارزانی سەرۆکی حکوومەتی هەرێم، لە هەژماری خۆیدا لە تۆڕی كۆمەڵایەتیی (تویتەر) په‌یامێكهى بڵاو كردووەتەوە و نووسیوە ” کوردستان نیشتمانی چەندین ژینگە و بوونەوەری ھەرەجوانە لەسەر ئاستی جیھان.

باسی لەوەشکردووەم ئەم حکوومەتە ھەموو ھەوڵێک دەدات بۆ پاراستنی ئەم ژینگەیە، بەڵام ھەر کام لە ئێمە وەک کوردستانییان، بەرپرسیارین بەرامبەر بەو ئەرکە”.

بەردەوام بە لە خوێندنەوە

ژینگە

سەرۆکی هەرێم؛ پابەندی خۆمان بۆ کوردستانێکی سەوزتر و پاکتر دووپاتدەکەینەوە


خەڵک – بەشی هەواڵ

سەرۆکی هەرێمی کوردستان لە پەیامێکیدا بەبۆنەی رۆژی جیهانی ژینگە رایگەیاند “لە رۆژی جیهانی ژینگەدا پابەندی خۆمان بۆ کوردستانێکی سەوزتر و پاکتر دووپاتدەکەینەوە“.

نێچیرڤان بارزانی، سەرۆکی هەرێمی کوردستان لە تویتێکیدا نووسیویەتی: ”لە رۆژی جیهانی ژینگە، پابەندی خۆمان بۆ کوردستانێکی سەوزتر و پاکتر، هەروەها بۆ هەسارەیەکی لە بارتر دووپاتدەکەینەوە.”

سەرۆکی هەرێمی کوردستان لە تویتەکەیدا ئاماژەی بەوەداوە، پاراستنی سروشت، بەشێکی سەرەکییە لە گژداچوونەوەی ئەو هۆکارانەی زیان بە ژینگە دەگەیێنن، لە نێویاندا پیسبوونی هەوا.

5ی حوزەیران لەلایەن نەتەوەیەکگرتووەکانەوە وەک رۆژی جیهانی ژینگە ناسێنراوە و لەم رۆژەدا چەندین چالاکی ژینگەیی لە سەرانسەری جیهان بەڕێوەدەچن، بەڵام ئەمساڵ بەهۆی بڵابوونەوی ڤایرۆسی کۆرۆنا چالاکییە ژینگییەکان کەمترن بە بەراورد بە ساڵانی رابردوو.

بەردەوام بە لە خوێندنەوە

ژینگە

ئەمشەو مانگ گیرانی سێبەر لە هەرێم ڕوودەدات


خەڵك – بەشی هەواڵ
بە پێی پێشبینیەكانی فەلەكناسان لەكاتژمێر 08:45 خولەكی ئەمشەو مانگ گیرانی سێبەر لە هەرێم ڕوودەات تا ڕۆژی 06/06/2020 لەكاتژمێر 12:04 خولەكی شەو كۆتایی دێت.

مانگ گیرانی سێبەر لە پارێزگاكانی هەولێر و سلێمانی و دهۆك و هەڵەبجە لەكاتژمێر 08:45 خولەكی شەو دەست پێ دەكات لە كاتژمێر 10:20 ناوەڕاستی مانگ گیران دەبێت دەبێت و ڕۆژی 06/06/2020 لەكاتژمێر 12:04 خولەكی شەو كۆتایی دێت.

بە پێی پێشبینی فەلەكناسان ئەم مانگ گیرانە لە هەموو جیهان دەبینرێت بەتایبەتی لە هەرێمی كوردستان ڕەنگی مانگ جیاواز دەردەكەوێت بەوەی ڕەنگی سپی زاڵ دەبێت بە سەر ڕەنگی ڕەش، ڕەنگی ڕەش لە 20% بۆ 30% دەبێت ڕەنگی سپی لە 70% بۆ 80% دەبێت.

هاوكات ڕێبەر رۆستەم، شارەزا لە بواری زانستی “ئاسترۆلۆجی” و ئەندامی یەكێتی فەلەكناسی عەرەبی – ئەفریقی لە هەژماری تایبەتی خۆی ڕایگەیاندووە، ئەمشەو مانگگیرانی سێبەر لە هەرێمی كوردستان ڕوودەدات .

بەردەوام بە لە خوێندنەوە

کوردستان