ئێمە لە تۆرە کۆمەڵایەتیەکان

کوردستان

لە هەڵەبجە كەسێك هاوكارەكەی بە چەقۆ كوشت

خەڵك –بەشی هەواڵ

وتەبێژی بەڕێوەبەرایەتی پۆلیسی پارێزگای هەڵەبجە ڕایگەیاند ئەمڕۆ كارمەندێكی پاككەرەوە هاوڕێكەی كوشت.

بەرزان عوسمان لە كۆنفڕاسێكی ڕۆژنامەنووسیدا رایگەیاند: كاتژمێر 11.20 خولەكی پێشنیوەڕۆی ئەمڕۆ چوارشەممە، لەئەنجامی دروستبوونی دەمەقاڵێ لەنێوان دوو كارمەندی كۆمپانیای پاكەوانی گارێكس، لەناو بازاڕی هەڵەبجە نزیك مزگەوتی دارالاحسان، یەكێك لەو كارمەندانە بەچەقۆ هێرشی كردۆتە سەر ئەوی تریان و بەخەستی برینداری كردووە.

ڕاشیگەیاند دوای ڕەوانەكردنی بۆ نەخۆشخانەی فریاكەوتنی هەڵەبجە ، بەڵام بەهۆی سەختی برینەكەیەوە لەنەخۆشخانە گیانی لەدەستداوە.

ئاشكراشیكرد “ئەو كەسەی گیانی لەدەستداوە تەمەنی ۳۲ ساڵە و پیشەی پاكەوانی كۆمپانیای گارێكسە و دانیشتووی هەڵەبجەیە و بكوژەكەش ناوی (ش. ع. ع.) و لەدایكبووی ساڵی ۱۹۹٥ ە و پیشەی پاكەوانە لە كۆمپانیای گارێكس و دانیشتووی هەڵەبجەیە”.

ریکلام

کوردستان

بەڕێوەبەرایەتی گشتی كەشناسی و بوومەلەرزەزانی هەرێمی كوردستان هۆشداریدەدات

خەڵك – بەشی هەواڵ

بەڕێوەبەرایەتی گشتی كەشناسی و بوومەلەرزەزانی هەرێمی كوردستان هۆشداریدەدات لە كەوتنی شەختە لە كاتەكانی بەرەبەیانی زووی سبەینێ‌ یەكشەممە و ڕۆژی دووشەممە، لە ناوچە شاخاوییەكان و گوند و شار و شارۆچكەكان و سەنتەری پارێزگاكان.

دەقی هۆشدارییەكە..

هۆشداریی كەوتنی شەختە!

ئاگاداریی هاوڵاتیانی ئازیز دەكەینەوە لە كەوتنی شەختە لە كاتەكانی بەرەبەیانی زووی سبەی (یەكشەممە) و رۆژی (دووشەمە) بە تایبەتی لە ناوچە شاخاوییەكان و قەزاو ناحیەو گوندەكانی نێویان لەگەڵ سەنتەری پارێزگاكان.

شوفێری ئازیز: زۆر وریابە لەكاتی لێخوڕین بەتایبەتی لە كاتەكانی بەرەبەیانی ناوچە شاخاوییەكان و بەرزو نزمەكان.

دایك و باوكی بەڕێز: ئامۆژگاری جگەرگۆشەكانتان بكەن كەوا زۆر ئاگاداری خۆیان بن لەكاتی رۆیشتنیان بۆ قوتابخانەكان و دووربكەونەوە لەو رووبەرانەی كە بە شەختە داپۆشراون و تا بكرێت یارمەتیان بدەن بۆ گەیشتن بۆ شوێنی مەبەست تا دووربن لە مەترسییەكانی خلیسك و خوانەخواستە بەربوونەوەیان.

خوای گەورەو میهرەبان هەموو لایەك بپارێزێ

بەشی راگەیاندنی بەڕێوەبەرایەتی گشتی كەشناسی و بوومەلەرزەزانی هەرێمی كوردستان

بەردەوام بە لە خوێندنەوە

کوردستان

خولی ئەفسەرانی پێشمەرگە بۆ دەرچووانی زانكۆ و پەیمانگا و ئامادەیی دەكرێتەوە

خەڵك – بەشی هەواڵ
جێگری سەرۆك ئەركانی هێزەكانی پێشمەرگە بۆ مەشق و ئۆپراسیۆنەكان ڕایدەگەیەنێت، ناوی دەرچووانی زانكۆ و پەیمانگاكان و ئامادەییەكانی پێشمەرگە لە تاقیكردنەوەی وەرگرتنی كۆلێژی سەربازی گەڕاوەتەوە، دەشڵێت: “لە قۆناغی هەڵبژاردنی ناوەكانیانین و پێم وایە مانگی شوبات-ی ئەمساڵ دەست بە خولەكەیان دەكرێت”.

لیوا قارەمان شێخ كەمال، جێگری سەرۆك ئەركانی هێزەكانی پێشمەرگە بۆ مەشق و ئۆپراسیۆنەكان بە (خەڵك)ی ڕاگەیاند، لەماوەی ڕابردوودا ژمارەیەكی زۆر لە دەرچووانی زانكۆ و پەیمانگا و ئامادەییەكان لەنێو ڕیزەكانی هێزی پێشمەرگە بە مەبەستی بەشداریكردن لە خولی بنەڕەتی بۆ تاقیكردنەوە چوونە كۆلێژی سەربازی و ئێستا ناوەكانیان گەڕاوەتەوە وەزارەت.

وتیشی، ” ئێمە بۆ خولەكە تەنها 350 خوێندكار بۆ كۆلێژی سەربازی قەڵاچوالان و 350 بۆ كۆلێژی سەربازی زاخۆ دەنێرین، بەڵام ناوی گەڕاوەی دەرچوو لە تاقیكردنەوەكانی وەرگرتن لە كۆلێژی سەربازی زۆر لەوە زیاترە، بۆیە سەرقاڵی هەڵبژاردنی ناوەكانین بۆ ئەو مەبەستە”.

ڕاشیگەیاند، خولەكە بەڕەتی دەبێت و بۆ ماوەی دوو ساڵ بەردەوام دەبێت و خوێندكار بڕوانامەی بكالۆریۆسی سەربازی وەردەگرێت و دەبێتە ملازم لە نێو ڕیزەكانی هێزی پێشمەرگەی كوردستان.

لیوا قارەمان ئاشكراشیكرد، لە ئێستادا ناوەكان گەڕاوەتەوە و ناوەكان جیا دەكرێنەوە لە وەزارەت، من لەو باوەڕەدام مانگی شوباتی ئەمساڵ خولەكەیان دەست پێ بكات.

بەردەوام بە لە خوێندنەوە

کوردستان

بۆچی كاكە حەمە ڕیشی هێشتۆتەوە؟

سلێمانی ـ نزار جەزا
كاكە حەمە كەسایەتییەكی سیاسی و پێشمەرگەی كۆنی كوردە، بەردەوام لەچالاكییە جۆراوجۆرەكاندا جامانەیەكی توند لەسەری دەئاڵێنێت و جلێكی كوردی نیلی دەپۆشێت و سەرو سیماشی دیارە، كە جوان ڕیشی تاشیوە، بەڵام ئەمڕۆ لەچالاكییەكی هونەریدا بەڕیشێكی كەمێك درێژەوە بینرا، ئەمەش بووە جێ سەرنج و باسی ڕۆژنامەنووسان.

لەپاش گفتوگۆیەكی چڕی ڕۆژنامەوانی چەند ڕۆژنامەنووسێكی سلێمانی لەگەڵ كاكە حەمە لەبارەی كۆبوونەوەی شاندی كورد لەگەڵ سەرۆكی ئەمریكا. لەوەڵامی پرسیارێكی (خەڵك)دا ناوبراو باسی لەنهێنی هێشتنەوەی ڕیشی خۆی كرد، كە ماوەیەكی درێژە بەو جۆرە نەبینراوە.

كاكە حەمە بەپێكەنینەوە وتی، “شتێكی ئاساییە، كە ڕیشم هێشتۆتەوە، تەنها حەزم كردووە ڕیش بهێڵمەوە، بەڵام ڕەنگە ڕیشی ئێوەی گەنج جوانتربێت لە ڕیشی من، ڕیشی من سپی بووە و تەمەنم هەیە، بەڵام ئێوە لێتان جوانترە”.

ئەوەشی باسكرد، هیچ هۆكارێكی پرسە یان ناخۆشی و خەم لەپشت ئەم ڕیش هێشتنەوەیەوە نییە.

ناوبراو باسی لەبیرەوەرییەكانی و سەردەمی گەنجێتی خۆی كرد، كە ئەو كاتەی گەنج بووە و لە شاخ پێشمەرگە بووە، زۆر درەنگ ڕیشی ئەتاشی.

هەروەك ناوبراو وتی، ” لەبیرەوەرییەكانمدا نووسیومەتەوە، كە ئەو كاتەی لەشاخ پێشمەرگە بووم، دوو ساڵ جارێك ڕیشم ئەتاشی، بۆیە زۆرینەی جار بە ڕیشێكی پڕ و درێژ و ڕەشەوە دەبینرام”.

محەمەد حاجی مەحمود، لەگەڵ ئەوەی پێشمەرگەیەكی دێرین و سەركردەیەكی كوردە، كەسایەتییەكی سیاسی و كۆمەڵایەتیشی هەیە و سكرتێری گشتی حزبی سۆسیالیست دیموكراتی كوردستانە، كە زۆرجار لەچالاكییە جۆراوجۆرەكاندا بەجلوبەرگێكی كوردییەوە دەبینرێت و جوان سەرو ڕیشی چاك دەكات و جامانەیەكی توند لەسەری دەئاڵێنێت.

 

بەردەوام بە لە خوێندنەوە

کوردستان