ئێمە لە تۆرە کۆمەڵایەتیەکان

جیهان

ئێران سێ هاووڵاتی ڕۆژئاوایی دەستگیركرد

خەڵك –بەشی هەواڵ

حكومەتی ئوستڕاڵیا ئاماژەی بەوەدا سێ هاوڵاتی ئوستڕاڵیایی لە ئێران دەستگیركراون و یارمەتی خێزانەكانیان دەدەن، بەڵام هیچ وردەكارییەكی دیكەی نەدا.

بەپێی هەواڵی مێدیایی فەڕمی ئەمریكایی، بەیاننامە كورتەكەی وەزارەتی كاروباری دەرەوە و بازرگانی ئوستڕاڵیا دوای ئەوە هات ڕۆژنامەی تایمزی بەڕیتانیا هەواڵێكی بڵاوكردەوە تێیدا ئاماژەی بەوە دەدا دوو ئافرەت كە ڕەگەزنامەی بەڕیتانیایی و ئوستڕاڵیاییان هەیە لەگەڵ هاوڕێیەكیاندا لە ئێران دەستگیركراون.

وتەبێژی وەزارەتی دەرەوەی ئوستڕاڵیا لە لێدوانێكدا دەڵێت ” وەزارەتی كاروباری دەرەو و بازرگانی یارمەتی پێشكەشی خێزانی ئەو سێ ئوستڕاڵیاییە دەدات كە لە ئێران دەستگیركراون. بەهۆی هۆكاری تایبەتییەوە هیچ وردەكارییەكی دیكە نادەین.”

ئەمەش لەنێوەندی گرژییەكانی نێوان ڕۆژئاوا و ئێراندا دێت دوای ئەوەی ساڵی ڕابردوو ئەمەریكا لە ڕێككەوتنە ناوەكییەكەی ساڵی 2015 كشایەوە و دووبارە سزاكانی سەپاندەوە بەسەر تاراندا و هەناردەی نەوتی ئێرانی ڕاگرت.

ئابوری

جێگری سەرۆكی ئێران: قۆناغە سەختەكەی ئابووریمان تێپەڕاند

خەڵك – بەشی هەواڵ

جێگری سەرۆكی كۆماری ئیسلامی ئێران ڕایدەگەیەنێت، وڵاتەكەی قۆناغە سەختەكەی ئابووری تێپەڕاندووە.

ئیسحاق جیهانگیری جێگری سەرۆكی كۆماری ئیسلامی ئێران ڕایگەیاند:”سەرەڕای پیلانی دوژمنان، ئێران توانی قۆناغە سەختەكەی ئابووری تێپەڕێنێت و بەشێكی زۆری بەربەستەكانی بەردەم پەرەپێدانی وڵاتەكەی تێك بشكێنێت”.

جێگری سەرۆكی ئێران وتیشی:”ئەمریكاییەكان لەو باوەڕەدابوون دەتوانن لە ڕێگەی گەمارۆی ئابوورییەوە گەلانی ئێران بوروژێنن و ئاڵۆزی دروست بكەن، بەڵام گەلانی ئێران بە هەماهەنگی لەگەڵ هەوڵی لێپرسراوانی وڵات ڕێگەیان نەدا بگەنە مەرامەكانی خۆیان”.

ئیسحاق جیهانگیری ئەوەشیخستەڕوو:”سیاسەتی دروستكردنی ئاژاوە لە لایەن ئەمریكاییەكانەوە تەمەنی كورت دەبێت و دووپاتیشیكردەوە، گەلانی ئێران لەبەردەم داهاتوویەكی ڕووناك و ڕۆژانێكی پڕ لە بەختەوەریدان”.

بەردەوام بە لە خوێندنەوە

جیهان

ژنێك پۆستی سەرۆكی پۆلیڤیای وەرگرت

خەڵك – بەشی هەواڵ

دوای هەڵهاتنی سەرۆكی پۆلیڤیا بۆ مەكسیك، ژنێك لەجێگەی سەرۆكی ئەنجومەنی پیرانی ئەو وڵاتە پۆستی سەرۆكی ئەو وڵاتەی وەرگرت.

دوای ئەوەی بەهۆی خۆپیشاندان و ناڕەزایەتیەكانی وڵاتەكەی ئیڤۆ مۆرالیس سەرۆكی پۆلیڤیا دەستبەرداری پۆستەكەی بوو و بەرەو مەكسیك هەڵهات، هەر چەندە بەپێی دەستووری ئەو وڵاتە دەبوو سەرۆكی ئەنجومەنی پیرانی جێگەی بگرێتەوە، بەڵام بەهۆی ئەوەی ناوبراویش دەستەبەرداری پۆستەكەی بووبوو، ژنێك بەناوی جيانین ئانیز ئەندامی ئەنجومەنی پیران بەسەرۆكی وڵات دیاری كرا و سوێندی یاسایی خوارد.

بەپێی دەستوور دوای سوێندخواردنەكەی، جيانین ئانیز ماوەی 90 ڕۆژی لەبەردەم دەبێت بۆ بەڕێوەبردنی كاروباری وڵات و ئەنجامدانی هەڵبژاردنی پێشوەخت.

بەردەوام بە لە خوێندنەوە

جیهان

سەرۆك وەزیرانی كوەیت دەستی لەكاركێشایەوە

خەڵك – بەشی هەواڵ

وتەبێژی حكومەتی كوەیت ئاشكرایكرد، سەرۆك وەزیرانی كوەیت داوای دەستلەكاركێشانەوەی پێشكەشی میری ئەو وڵاتە كردووە.

تاریق مزرم وتەبێژی حكومەتی كوەیت لە ڕاگەیەنراوێكدا ڕایگەیاند، شێخ جابر موبارەك سەرۆك وەزیرانی كوەیت داوای دەستلەكاركێشانەوەی پێشكەشی میری ئەو وڵاتە كردووە.

سەبارەت بە هۆكاری دەستلەكاركێشانەوەكەی سەرۆك وەزیرانی كوەیت، تارق مزرم ئەوەی خستەڕوو، مەبەست لە دەستلەكاركێشانەوەكە بۆ پێكهێنانی كابینەیەكی نوێ حكومەتی كوەیتە.

ئەمەش لە كاتێكدایە، لە ڕۆژی 6ی ئەم مانگەوە خۆپیشاندان و ناڕەزایی لە كوەیتی پایتەخت و بەشێك لە شارەكانی ئەو وڵاتە بەڕێوەدەچێت و خۆپیشاندەران داوای چاكسازی سیاسی دەكەن و دواتریش داوایان لە میری وڵاتەكەیان كرد پەرلەمان و حكومەت هەڵبوەشێنێتەوە.

بەردەوام بە لە خوێندنەوە

کوردستان