ئێمە لە تۆرە کۆمەڵایەتیەکان

ئابوری

گۆڕانكاری لە چەند پڕۆژەیەكی وەبەرهێناندا لە سلێمانی دەكرێت

خەڵك- بەشی هەواڵ

بەبڕیاری ئەنجومەنی وەزیرانی حكومەتی هەرێمی كوردستان چەند پڕۆژەیەكی وەبەرهێنان لە چەند وەبەرهێنەرێك وەردەگیرێتەوە و دەدرێت بە وەبەرهێنی دیكە.

ڕێكەوت زەكی، ئەندامی لیژنەی وەبەرهێنان لە ئەنجومەنی پارێزگای سلێمانی بە (خەڵك)ی ڕاگەیاند، هیچ پڕۆژەیەكی دیكە بۆ وەبەرهێنان لە سلێمانی زیادنەكراوە، بەڵام گۆڕانكاری لە چەند پڕۆژەیەكدا دەكرێت.

وتیشی”ئەو پڕۆژانە پێشتر هەبوون و كاریان تێدا كراوە، بەڵام لە وەبەرهێنەرەكانیان وەردەگیرێنەوە و دەدرێن بە وەبەرهێنەری دیكە”.

ئابوری

عەبدولستار مەجید: لە پشت دەزگا فەرمییەكانی هەرێمەوە تاڵانی دەكرێت

خەڵك- بەشی هەواڵ

عەبدولستار مەجید، سەرۆكی فراكسیۆنی كۆمەڵی ئیسلامی كوردستان ڕایگەیاند، كەسانێكی دەستڕۆیشتوو دەستوەردەدەنە كاروباری گومرگەوە و ئەو كۆنتێنەرانەی دێنە هەرێمەوە بە پارەیەكی كەم گومرگیان دەكەن و دواتر پارەیەكی زیاتر لە كۆمپانیاكان وەردەگرن.

ناوبراو لە وتارێكدا بە ناونیشانی”ئەرێ حكومەت هەیە ؟!” باسی لەوەكردووە، لە ڕۆژانی داهاتوودا بەدواداچوون بۆ ئەو بابەتە دەكەن، چونكە كەسانێك لەسەرو دەزگا ئەمنییەكانەوە تاڵانی دەكەن.

ناوبراو نوسیویەتی”كەسانی دەستڕۆیشتوو دەست وەردەدەنە كاروباری باج و گومرگ و ئەو كۆنتێنەرانەی لە دیوی ئێرانەوە دێتە هەرێمی كوردستان، بە باجێكی ئێجگار كەم لە خاڵە سنورییەكان تێیدەپەڕێنن و دواتر خۆیان لەبەرامبەردا پارەیەكی زۆر لەو كۆمپانیایانە وەردەگرن كە بارەكەیان بە گومرگێكی كەمەوە بۆ ئاودیوی هەرێمی كوردستان كردووە !

ئەی وەزارەتی دارایی لە كویە؟!كێن ئەوانەی لەسەرو حكومەت و لە پشتی دەزگا فەرمییەكانەوە خەریكی ئەم تاڵانییەن ؟!”

بەردەوام بە لە خوێندنەوە

ئابوری

پارتی بڕیاری بارزانی بۆ خانەنشینی فەرمانبەران ئاشكرادەكات

خەڵك- بەشی هەواڵ
ماڵپەڕی فەرمی پارتی دیموكراتی كوردستان بڕیاری سەرۆك وەزیرانی هەرێم دەربارەی خانەنشینی فەرمانبەران و زیادكردنی مووچەكانیان ئاشكرادەكات و ڕایدەگەیەنێت، حكومەت چاوەڕێی هاتنەوەی سەرۆكی هەرێم دەكات.

سەرچاوەیەك لە بەڕێوەبەرایەتیی خانەنشینی سەر بە وەزارەتی دارایی حكوومەتی هەرێمی كوردستان بۆ ماڵپەڕی فەرمی پارتی ڕایگەیاندووە، هەر كاتێك سەرۆكی هەرێمی كوردستان لە داڤۆس بگەڕێتەوە، بڕیارە پڕۆژە یاسای چاكسازی پەسەند بكات، كە پەسەندیشی كرد و لە ڕۆژنامەی فەرمی بڵاوكرایەوە، لە ماوەی 90 ڕۆژدا جێبەجێ دەكرێت.

سەرچاوەكە باسی لەوەشكرد، هەر كاتێك یاساكە بۆ حكومەت گەڕایەوە، ئەو كات بۆ حكومەت ڕوون دەبێتەوە بە هۆی ئەو یاسایەوە چەند پارەی بۆ دەگەڕێتەوە، ئەو كاتیش حكومەت لەسەر ئەو بنەمایە مووچەی خانەنشینی دیاری دەكات.

دەشڵێت: “سەرۆكی حكومەتی هەرێمی كوردستان لەگەڵ ئەوەدایە، كە هاوشێوەی بەغدا كەمترین مووچەی خانەنشینی 400 هەزار دینار بێت، بەڵام تا بەرچاومان ڕوون نەبێت بزانین چەند پارەمان بۆ دەگەڕێتەوە ناتوانرێت بڕیاری كۆتایی لەسەر بدرێت”.

سەرچاوەكە ئەوەشی ئاشكرا كرد، ڕایەك لەناو پەڕلەمان هەبوو، كە مووچەی خانەنشینی كەمترینی بكرێتە 300 هەزار دینار، بەڵام حكومەت بەوە ڕازی نەبوو و نیازی وایە بیكات بە 400 هەزار دینار و ئەگەر توانا هەبێت، زیاتریش دەكرێت.

بەردەوام بە لە خوێندنەوە

ئابوری

سبەینێ‌ گەڕەكێكی سلێمانی كارەبای نیشتمانی و مۆلیدەیان نابێت

خەڵك- بەشی هەواڵ
لیژنەی سەرپەرشتیاری پرۆژەی تۆڕی زیرەك لە سلێمانی ئاشكرای دەكات، كە سبەینێ‌ بەستنی جۆزەی زیرەك لە گەڕەكی (كانی كوردە) دەستپێدەكات و جەختیشدەكاتەوە، كە كارەبای نیشتمانی و مۆلیدە نابێت.

لیژنەی سەرپەرشتیاری پرۆژەی تۆڕی زیرەك لە سلێمانی لە ئاگادارییەكدا، كە وێنەی دەست (خەڵك) كەوتووە، ئاماژەی بەوەكردووە، “ئاگاداری دانیشتووانی گەڕەكی (كانی كوردە) ئەو ماڵانەی دەكەونە سەر فیدەری (۱٤٥) دەكەینەوە، كە سبەینێ یەك شە‌ممە (۲٦/۱/۲٠۲٠ ) پێوەری زیرەكی كارەبایان بۆ دەبەسترێت”.

ڕاشیگەیاندووە، لە كاتژمێر ( 8 ی بەیانی بۆ 4 ئێوارە) كارەبای نیشتمانی و مۆلیدەیان نابێت، واتە مۆلیدەی ئەهلی سەر ئەو فیدەرە نابێت كار بكەن‌، ئەوەش لە پێناو سەلامەتی گیانی تیمەكانی كارەبا و هاووڵاتیان خۆیان.

ئاماژەی بەوەشكردووە، لە پێناو پاراستنی ئامێرە كارەباییەكان، ئێوارە پێش لێدانەوەی كارەبا بۆ یەكەمجار، هەموو ئامێرە كارەباییەكانیان بكوژێننەوە و دواتر لەدوای یەك هەڵیان بكەنەوە .

لیژنەی سەرپەرشتیاری پرۆژەی تۆڕی زیرەك داوا لە هاووڵاتیان دەكات، هاوكاری تیمەكانی بەستنی پێوەرەكە بكەن بۆ ئەوەی كارەكان بە باشی بەڕێوەبچێت.

بەردەوام بە لە خوێندنەوە

کوردستان